ಬೊಲ್ತೆರ್ : ವಿಜಯಕುಮಾರ್ ಜೈನ್ ಮೆರೆನ ಆಮಂತ್ರಣ ಪರಿವಾರದ ಸಾರಥ್ಯೋಡು ರಾಜ್ಯ ಮಟ್ಟೋದ ಆದರ್ಶ ದಂಪತಿಲು ಪಂಥ ನಡತ್oಡ್.
ಈ ಪಂಥಡ್ ಸುರುತ ಇನಾಮುನು ಒಡಿಪುದ ದಿವ್ಯ ಭರತ್ ದಂಪತಿಲು, ರಡ್ಡನೇ ಇನಾಮುನು ಆಳದಂಗಡಿದ ರಾಜೇಶ್ವರಿ ಅರುಣ್ ಜೈನ್, ಬೊಕ್ಕ ಸ್ವಾತಿ ಆದಿತ್ಯ, ಮೂಜನೆ ಇನಾಮುನು ನಾವರದ ಉಷಾ ರಂಜಿತ್, ನಾಲನೆ ಇನಾಮುನು ಬೆದ್ರದ ಪ್ರತಿಭಾ ಪ್ರಸನ್ನ ಶೆಣೈ, ಐನೇ ಇನಾಮುನು ನಿಷಾ ಸಂತೋಷ್, ಶ್ವೇತಾ ನಾಯಕ್ ಶ್ರೀನಿವಾಸ್ ಅಂಚನೆ ಶ್ವೇತಾ ಚಂದ್ರಶೇಖರ್ ಪಡೆತೆರ್.
ಬಂಟ್ವಾಳ : ಪರಮಪೂಜ್ಯ ಡಾ| ಡಿ. ವೀರೇಂದ್ರ ಹೆಗ್ಡೆರ್ನ , ಧರ್ಮಾಧಿಕಾರಿಲೆನ ಶುಭಾಶೀರ್ವಾದಡ್,ಪರಮಪೂಜ್ಯ ಯೋಗೀಕೌಸ್ತುಭ, ಕರ್ಮಯೋಗಿ, ಸತ್ಕರ್ಮ ತಪಸ್ವಿ ಶ್ರೀ ಶ್ರೀ ಮೋಹನದಾಸ ಪರಮಹಂಸ ಸ್ವಾಮೀಜಿ, ಶ್ರೀಧಾಮ ಮಾಣಿಲ ಮೆರೆನ ಮಾರ್ಗದರ್ಶನ, ಮಾ.27 ಕ್ಕ್ ಕಾಂಡೆ 11-24 ನೇ ಮಿಥುನ ಲಗ್ನ ಸುಮುಹೂರ್ತಡ್ ಬಾಚಕೆರೆ ಶ್ರೀ ದುರ್ಗಾಪರಮೇಶ್ವರಿ ಅಮ್ಮನ ಪುನರ್ಪ್ರತಿಷ್ಠಾ ಅಷ್ಟಬಂಧ ಬ್ರಹ್ಮಕಲಶ ಉಚ್ಚಯ ಬೊಕ್ಕ, ಜಾತ್ರೋತ್ಸವ ನಡಪರೆ ಉಂಡು.
ಈ ನೆಲೆಟ್ಟ್ ಮಾ.20 ತಾರಿಕ್ ಗ್ ದೇವಲ್ಯೊಗೂ ಬೇತೆ ಬೇತೆ ಕಡೆರ್ದ್ ಪುದೆ ಕಾಣಿಕೆ ಮೆರವಣಿಗೆ ಬರಿಯೆರೆ ಉಂಡು.ಶ್ರೀ ಕ್ಷೇತ್ರ ಬಾಕರೆಗ್ ಐತಿಹಾಸಿಕ ಪುದೆಕಾಣಿಕೆ ಮೆರವಣಿಗೆ 21-03-2012ನೇ ಐತಾರ ನಡಪರೆ ಉಂಡು .
ಕಾಂಡೆ 10 ಗಂಟೆಗ್ ವೈಭವದ ಪುದೆಕಾಣಿಕೆ , ಬಾಚಕೆರೆ ಶ್ರೀ ದುರ್ಗಾಪರಮೇಶ್ವರೀ ಅಮ್ಮನ ಪ್ರಧಾನ ಕಲಶ ಮುಗುಳಿ , ಪಾಣಿಪೀಠ ದ ಬೊಳ್ಳಿದ ಮುಚ್ಚಳ, ಉತ್ಸವಮೂರ್ತಿ ಬೊಕ್ಕ ಪಲ್ಲೆoಕಿ ದ ಮೆರವಣಿಗೆ ಕಟೀಲು ಶ್ರೀ ದುರ್ಗಾಪರಮೇಶ್ವರೀ ದೇವಲ್ಯೋರ್ದು ಪಿದಾಡ್ದ್ ಕೈಕಂಬ, ಪೊಳಲಿ ಮಾರ್ಗವಾದ್ ಬಿ. ರೋಡ್ ಶ್ರೀ ರಕ್ತೇಶ್ವರಿ ದೇವಲ್ಯೊಡು ಸಂಪನ್ನ ಆದ್ ಅಲ್ಪರ್ದ್ ಮಧ್ಯಾಹ್ನ 1 ಗಂಟೆಗ್ ವಾದ್ಯಘೋಷದ ಒಟ್ಟುಗು ವೈಭವದ ಮೆರವಣಿಗೆ ಬಾಚಕೆರೆ ದೇವಲ್ಯೊಗೂ ಪೋಯೇರೆ ಉಂಡು.
ಉಳ್ಳಾಲ : ಬ್ರಹ್ಮಶ್ರೀ ಮುಗೇರ ಮಹಾಕಾಳಿ ದೈವಸ್ಥಾನ (ರಿ .) ಕಾಪಿಕಾಡ್ ಡ್, ಮಾ 10 ರ್ದ್ 14 ಮುಟ ಶ್ರೀ ಸೋಮನಾಥ ದೇವಸ್ಥಾನ, ಸೋಮೇಶ್ವರ ನೆತ್ತ ಪ್ರಧಾನ ಅರ್ಚಕೆರಾಯಿನ ಶ್ರೀ ಶಂಕರನಾರಾಯಣ ಹೊಹೊಳ್ಳ ಮೆರೆನ ಮುತಾಲಿಕೆಡ್ ಬ್ರಹ್ಮಶ್ರೀ ಮುಗೇರ ಮಹಾಂಕಾಳಿ ದೈವಸ್ಥಾನಡ್ ಪುನಃ ಪ್ರತಿಷ್ಠಾ ಕಲಶಾಭಿಷೇಕ ಬೊಕ್ಕ ವರ್ಷಾದಿದ ನೇಮೋಚ್ಚಯ ನಡಪರೆ ಉಂಡು.
ಮಾ.10 ಕ್ಕ್ ಬಯ್ಯ 5 ಗಂಟೆಗ್ ಸಾಮೂಹಿಕ ಪ್ರಾರ್ಥನೆ ಪ್ರಸಾದ ಪರಿಗ್ರಹ, ಪುಣ್ಯಾಹ, ವಾಸ್ತು ರಕ್ಷೋಘ್ನ ಪೂಜೆ, ವಾಸ್ತುಬಲಿ, ಕಲಶ ಪ್ರತಿಷ್ಠೆ.
ಮಾ.11 ಕ್ಕ್ ಕಾಂಡೆ 8 ಗಂಟೆಗ್ ಗಣಹೋಮ, ಪ್ರಧಾನ ಹೋಮ, ಕಲಶಾಭಿಷೇಕ, ಪ್ರಸನ್ನ ಪೂಜೆ, ಮಹಾಪೂಜೆ,
ಪ್ರಸಾದ ವಿತರಣೆ, ಮಂತ್ರಾಕ್ಷತೆ
ಮಧ್ಯಾಹ್ನ 1 ಗಂಟೆಗ್ ಮಹಾ ಅನ್ನಸಂತರ್ಪಣೆ ನಡಪರೆ ಉಂಡು.
ಮಾ.12 ಕ್ಕ್ ಕಾಂಡೆ 8:51 ಕ್ಕ್
ಕೊಡಿ ಮುಹೂರ್ತ – ಭಂಡಾರ ಏರೆರೆ , ಬಯ್ಯ 5 ಗಂಟೆಗ್, ರಾತ್ರಿ 8 ಗಂಟೆರ್ದ್ ಶ್ರೀ ಉಲ್ಲಾಯ ದೈವದ ನೇಮೂಚ್ಚಯ,ರಾತ್ರಿ 12 ಗಂಟೆರ್ದ್
ಶ್ರೀ ಮಹಾಂಕಾಳಿ ದೇವಿ ನೇಮೋಚ್ಚಯ ನಡಪರೆ ಉಂಡು. ಮಾ.15 ಕ್ಕ್ ಬಯ್ಯ 5 ಗಂಟೆಗ್ ಶ್ರೀ ಪಿಲಿ ಚಾಮುಂಡಿ ದೈವದ ನೇಮೋಚ್ಚಯ ಬಯ್ಯ 6 ಗಂಟೆರ್ದ್ : ಶ್ರೀ ಗುಳಿಗ ಪಂಜುರ್ಲಿ ದೈವದ ನೇಮೋಚ್ಚಯ , ರಾತ್ರಿ 9 ಗಂಟೆರ್ದ್ ಶ್ರೀ ಮುಗೇರ ದೈವದ ಬೊಕ್ಕ ತಂಗಡಿ ದೈವದ ನೇಮೋಚ್ಚಯ ನಡಪರೆ ಉಂಡು,ಮಾ.14 ಕ್ಕ್
ಕಾಂಡೆ 8 ಗಂಟೆಗ್ ಶ್ರೀ ಕೊರಗ ತನಿಯಜ್ಜ ನೇಮೋಚ್ಚಯ ನಡಪರೆ ಉಂಡು.
ಬೊಲ್ತೆರ್ : ಉಕ್ರೇನ್ದ ಕಾರ್ಕಿವ್ ಡ್ ಅಂಗಾರೆ ರಷ್ಯಾ ದಾಳಿಗ್ ಹಾವೇರಿ ಜಿಲ್ಲೆದ ರಾಣೆಬೆನ್ನೂರು ನಿವಾಸಿ, ವೈದ್ಯ ವಿದ್ಯಾರ್ಥಿ ನವೀನ್ ತೀರ್ ಪೋಯಿನ ಜಾಗೆರ್ದ್ ಕೇವಲ 100 ಮೀಟರ್ ಅಂತರೊಡು ಉಜಿರೆದಾ ವೈದ್ಯ ವಿದ್ಯಾರ್ಥಿನಿ ಹೀನಾ ಫಾತಿಮಾಲಾ ಬಂಕರ್ ಡ್ ದೆಂಗ್ದ್ ಕುಲ್ದೆರ್ ಅಪಾಯದ ಸ್ಥಿತಿಟ್ ಉಲ್ಲೆರ್ .
ಉಜಿರೆದ ಟಿ.ಬಿ ಕ್ರಾಸ್ ನಿವಾಸಿ ದಿ. ಯಾಸೀನ್ ಬೊಕ್ಕ ಶಹನಾ ದಂಪತಿ ಪುತ್ರಿ ಹೀನಾ ಫಾತಿಮಾ ಮೇರ್ ಯುದ್ಧಗ್ರಸ್ಥ ಉಕ್ರೇನ್ ನಾಡ್ ಡ್ ಪ್ರಾಣಾಪಾಯ ಎದುರಿಸಾವೊಂದು ಉಪ್ಪುನ ವಿದ್ಯಾರ್ಥಿನಿ.ರಡ್ಡನೇ ವರ್ಷದ ಎಂಬಿಬಿಎಸ್ ವಿದ್ಯಾರ್ಥಿನಿಯಾಯಿನ ಹೀನಾ ಮೇರ್ ತೀರ್ ಪೋಯಿನಮೃತಪಟ್ಟ
ನವೀನ್ ನ ಬ್ಯಾಚ್ ಡೇ ಕಲ್ತೊಂದು ಉಲ್ಲೆರ್ ಪಂದ್ ಆರ್ನ ಮಾವ, ಉದ್ಯಮಿ ಆಬಿದ್ ಅಲಿ ಮಾಹಿತಿ ಕೊರ್ತೆರ್ .
ಒಡಿಪು : “ಸಾರ್ವಜನಿಕ ಉಗ್ಗೆಲ್ ಕಟ್ಟುನು , ಸಾಲು ಮರ ನಡ್ಪಿನಿ , ವಿಶ್ರಾಂತಿ ಅನುಕೂಲ ಕೊರ್ಪಿನವು ಬಾರಿ ಪಿರಾಕ್ ದ ಕಾಲೊರ್ದು ನಡತೊಂದು ಬತ್ತಿನ ಕಟ್ಟ್ ನೆತ್ತ ದುಂಬರಿನ ಭಾಗವಾದ್ ಕೋಡೆ ಶ್ರೀ ಕೃಷ್ಣನ ಆರಾಧನೆ ಮಲ್ಪರೆ ಭಾವೀ ಸಮೀರ ವಾದಿರಾಜ ತೀರ್ಥೆರ್ , ಪುರಂದರ ದಾಸೆರ್,ಕನಕದಾಸೆರ್ ನಡತಿನoಚಿನ ಪವಿತ್ರವಾಯಿನ ಒಡಿಪುದ ರಾಜ ಮಾರ್ಗಡ್ ಸಾರ್ವಜನಿಕೆರ್ನ ಉಪಯೋಗಗಾದ್ ಇನ್ನರ್ ವೀಲ್ ಸಂಸ್ಥೆದಕುಲು ಸಿಮೆಂಟ್ ಬೆಂಚು ಪಾಡ್ದ್ ಶ್ರೀ ಕೃಷ್ಣನ ಆರಾಧನೆ ಮಲ್ದೆರ್ . ಉಂದು ಶ್ರೀ ಕೃಷ್ಣಗ್ ಪ್ರಿಯವಾಯಿನ ಸೇವೆ.
ಮಲ್ಲ ಬಿನ್ನೆರ್ ಆದ್ ಇನ್ನರ್ ವೀಲ್ ಜಿಲ್ಲೆ ೩೧೮ರ ಚೇರ್ಮನ್ ಶ್ರೀಮತಿ ಪುಷ್ಪಾ ಗುರುರಾಜ್ ಇನ್ನರ್ ವೀಲ್ ಸಂಘಟನೆದ ಸೇವ ಪರಂಪರೆನ್ ವಿವರಿಸಾದ್ ಎಡ್ಡೆಪ್ಪುದ ನುಡಿ ಪಂಡೆರ್
ಬೆಳಗಾವಿ: ಕರ್ನಾಟಕ ಮೂಲದ 14 ಜನಕ್ಲೆನ ಕೂಟ ಖಾರ್ಕಿವ್ ವಿಶ್ವವಿದ್ಯಾಲಯರ್ದ್ ಅಂಗರೆರ್ದ್ ಪ್ರಯಾಣ ಸುರು ಮಲ್ತ್ ಬುಧವಾರ ಬೈಯ್ಯಗ್ ಪೋಲೆಂಡ್ ದೇಶದ ಗಡಿಕ್ ಬತ್ತ್ ದ್ ಮುಟ್ಟುದೆರ್ , ಒಂಜಿ ಕಿ.ಮೀ. ನಡತೊಂದೆ ಚೆಕ್ ಪಾಯಿಂಟ್ಗ್ ಬತ್ತಿನ ಬಗ್ಗೆ ಮಗಲ್ ಅಮೋಘಾ ಮಾಹಿತಿ ಕೊರ್ತೆರ್ ಪಂದ್ ಅಮೋಘಾ ನ ಅಮ್ಮೆರ್ ಧನಂಜಯ ಚೌಗಲಾ ಪಂಡೆರ್ .
ಸುದ್ದಿಗೋಷ್ಠಿಡ್ ಬುಧಾರ ಪಾತೆರಿನ ಆರ್ , ಬೇತೆ ಬೇತೆ ಕೂಟ ಮಲ್ತೊಂದು ಜೋಕುಲು ಬರೊಂದು ಉಲ್ಲೆರ್ . 8 ಆಣುಲು ಬೊಕ್ಕ 6 ಜನ ಪೊಣ್ಣುಲು ಉಲ್ಲೆರ್ . ಬಾಂಬ್ ಬೊಕ್ಕ ಶೆಲ್ ದಾಳಿದ ಸೊರ ಕೇಂದ್ ಬರೊಂದು ಉಂಡು . ರಿಸ್ಕ್ ದೆತದು ನಾಲ್ ಜನ ರೈಲ್ವೆ ನಿಲ್ದಾನೋಗು ಬೈದೆರ್ ಐಟ್ ಒಟ್ಟು 14 ಜನಕ್ಲೆನ ಕೂಟ ಉಂಡು , ಭಾರತೀಯ ರಾಯಭಾರಿ ಕಚೇರಿದಕ್ಲೆನೊಟ್ಟುಗೆ ಮಾತೆರ್ಲ ಸಂಪರ್ಕಡ್ ಉಲ್ಲೆರ್ ಪಂದ್ ಪಂಡೆರ್.
ನವದೆಹಲಿ: ಪ್ರಧಾನಿ ನರೇಂದ್ರ ಮೋದಿ(PM Modi) ಇನಿ ‘ಮೇಕ್ ಇನ್ ಇಂಡಿಯಾ ಫಾರ್ ದಿ ವರ್ಲ್ಡ್(Make in India for the World)’ ಬಗ್ಗೆ ಬಜೆಟ್ರ್ದ್ ಬೊಕ್ಕದ ವೆಬ್ನಾರ್ ದ ಬಗ್ಗೆ ಪಾತೆರೆರೆ ಉಲ್ಲೆರ್ ಪಂದ್ ವಾಣಿಜ್ಯ ಬೊಕ್ಕ ಕೈಗಾರಿಕಾ ಸಚಿವಾಲಯ ಬುಧವಾರ ತೆರಿಪಾದುಂಡು .
ಉತ್ಪಾದನೆಗ್ ಭಾರತನ್ ಜಾಗತಿಕ ಕೇಂದ್ರ ಆದ್ ಮಲ್ಪುನ ಪ್ರಧಾನಿ ಮೋದಿಯನ ದೃಷ್ಟಿಗ್ ಅನುಸಾರ ಆದ್ ಉದ್ಯಮ ಬೊಕ್ಕ ಆಂತರಿಕ ವ್ಯಾಪಾರದ ಉತ್ತೇಜನ ಇಲಾಖೆ (DPIIT), ವಾಣಿಜ್ಯ ಬೊಕ್ಕ ಕೈಗಾರಿಕಾ ಸಚಿವಾಲಯ ಇನಿ ‘ಮೇಕ್ ಇನ್ ಇಂಡಿಯಾ ಫಾರ್ ದಿ ವರ್ಲ್ಡ್’ ಬಗ್ಗೆ ಬಜೆಟ್ರ್ದ್ ಬೊಕ್ಕದ ವೆಬ್ನಾರ್ನ್ ಅಟ್ಟನೆ ಮಲ್ತೊಂದು ಉಲ್ಲೆರ್ ಪಂದ್ ಸಚಿವಾಲಯ ಪಂತ್oಡ್.
ನವದೆಹಲಿ: ರಷ್ಯಾ ಬೊಕ್ಕ ಉಕ್ರೇನ್ ನಡುತ ಲಡಾಯಿ ಜಾಸ್ತಿ ಆವೊಂದು ಉಪ್ಪುನ ನೆಲೆಟ್ಟ್ , ಟೆಕ್ ಬೆಹೆಮೊತ್ ಗೂಗಲ್ ( Google ) ಉಕ್ರೇನ್ ಗ್ 15 ಮಿಲಿಯನ್ ಡಾಲರ್ ಪಣವುದ ಸಾಕಾರ ಕೊರ್ತುಂಡು .
ಗೂಗಲ್ ದ ಕೊಡುಗೆ ಉದ್ಯೋಗಿಲೆನ ಹೊಂದಾಣಿಕೆ ಅಭಿಯಾನರ್ದ್ $5 ಮಿಲಿಯನ್ ಬೊಕ್ಕ ಸೀದಾ ಅನುದಾನಡ್ $5 ಮಿಲಿಯನ್ ಕೊರ್ತುಂಡು.
ಕುಡ್ಲ : ಶ್ರೀ ಧರ್ಮಸ್ಥಳ ಮಂಜುನಾಥೇಶ್ವರ ತುಳು ಪೀಠ ತುಳು ಸ್ನಾತಕೋತ್ತರ ಅಧ್ಯಯನ ವಿಭಾಗ ವಿಶ್ವವಿದ್ಯಾನಿಲಯದ ಒಟ್ಟು ಸೇರಿಗೆಡ್ ಬೂಮ್ಯಪ್ಪೆನ್’ ಬಾಮ್ಯುನ ಪೊರ್ತುದ ಪೊಲಬು
“ಕೆಡ್ಡಸ ಮಿನದನ” ತುಳುವೆರೆ ಬೆನ್ನಿಸಾಗೊಲಿ ಆಚರಣೆಲೆ ಮಿತ್ತೊಂಜಿ ಮೆನ್ಕನದ ಬೊಲ್ಪು ಬೂಕುಲೆನ ಬುಡುಗಡೆ (ತುಳುವ ಪಾರಂಪರಿಕ ಜ್ಞಾನ – ಬೊಳ್ಳಿ ಸಂಬ್ರಮೊ), ತುಳು ಎಂ.ಎ.ದ ಪೊಸ ಜೋಕ್ಲೆಗ್ ಪೆರಿಯ ವಿದ್ಯಾರ್ಥಿಲು ಪೂ ಪನ್ನೀರ್ ತಲಿತ್ದ್ ಎದುಕೊನುನ ಸಬಿಗಲಿಗೆ ತಾರಿಕ್ ಮಾ. 3 ಗುರುವಾರ ಬಯ್ಯಗ್ 5 ಗಂಟೆಗ್ ರವೀಂದ್ರ ಕಲಾಭವನ, ವಿಶ್ವವಿದ್ಯಾನಿಲಯ ಕಾಲೇಜು, ಹಂಪನಕಟ್ಟೆ, ಡ್ ನಡಪರೆ ಉಂಡು.
ಡಾ . ಪಿ. ಸುಬ್ರಹ್ಮಣ್ಯ ಯಡಪಡಿತ್ತಾಯ ಗೌರವಾನ್ವಿತ ಕುಲಪತಿಕುಲು, ಕುಡ್ಲ ವಿಶ್ವವಿದ್ಯಾನಿಲಯ ಲೇಸ್ ಉದಿಪನ ಮಲ್ಪರೆ ಉಲ್ಲೆರ್.
ಮುಲ್ಕಿ : ಮುಲ್ಕಿ ಪರಿಸರದ ಜನೊಕ್ಲೆನ “ಫ್ಯಾಮಿಲಿ ಡಾಕ್ಟರ್” ಪಂದೇ ಪುಗರ್ತೆ ಪಡೆಯಿನ ಹಿರಿಯ ವೈದ್ಯೆರ್ , ಡಾ.ಅಚ್ಯುತ ಆರ್. ಕುಡ್ವ (74) ಮೇರ್ ಗುರುವಾರ ಕಾಂಡೆ ಅಸೌಖ್ಯೊಡು ದೇವೆರ್ನ ಪಾದ ಸೇರಿಯೆರ್.
ಮುಲ್ಕಿಡ್ ಮುಲ್ಕಿ ನರ್ಸಿಂಗ್ ಹೋಮ್ ಬೊಕ್ಕ ಕುಡ್ಲಡ್ ಮಂಗಳೂರು ಹೆಲ್ತ್ ಕೇರ್ ಸೆಂಟರ್ ಸ್ಥಾಪನೆ ಮಲ್ತ್ ದ್ ಆರೋಗ್ಯ ಸೇವೆ ಮಲ್ತೊಂದಿತ್ತೆರ್.
ಆರ್ ಬುಡೆದಿ, ರಡ್ಡ್ ಆಣ್ ಜೋಕುಲು ಅಂಚೆನೆ ಮಸ್ತ್ ಅಭಿಮಾನಿಲೆನ್ ಬುಡ್ದು ಪೋಯೆರ್.
ಶಿಕ್ಷಣ ,ಸಾಹಿತ್ಯ, ಸಮಾಜ ಸೇವೆಡ್ ದುಂಬು ಇತ್ತಿನ ಆರ್ ವಿಜಯಕಾಲೇಜಿದ ಟ್ರಸ್ಟಿ ಆದ್ ಸರಕಾರಿ ಜೂನಿಯರ್ ಕಾಲೇಜಿದ ಕಾರ್ಯದರ್ಶಿಯಾದಿತ್ತೆರ್.
ಅರೆನ ಅಂತಿಮ ದರ್ಶನೊಗಾದ್ ಶುಕ್ರಾರ ಕಾಂಡೆ 10 ಗಂಟೆಗ್ ಮುಲ್ಕಿ ನರ್ಸಿಂಗ್ ಹೋಮ್ ದ ಆವರಣೊಡು ಅವಕಾಶ ಉಂಡು. ಅಯಿರ್ದ್ ಬೊಕ್ಕ ಮುಲ್ಕಿದ ಜಿಎಸ್ ಬಿ ರುದ್ರಭೂಮಿಡ್ ಅಂತ್ಯಕ್ರಿಯೆ ನಡಪರೆ ಉಂಡು ಪಂದ್ ಅರೆನ ಕುಟುಂಬದಕುಲು ತೆರಿಪಾದೆರ್.
Mulki’ renowned ” Family Doctor” Dr Achaut Kuduva no more.
Mulki’: The well loved ” Family Doctor” of Mulki Dr Achaut Kuduva ( 74) expired on Thursday due to some illness.
He was the founder of Mulki Nursing home in Mulki and Mangalore health care center in Mangalore.
He is survived by his wife and two sons.
His medical services had earned him a lot of fans and we’ll wishers.
He was also an educationist, social worker an admirer of culture and rendered service as a trustee of Vijaya college Mulki and Secretary of Government junior college.His mortal remains will be kept at Mulki Nursing home on Friday at 10 a.m for people to pay their last respects ; said sources from his family.
