Udupi

ಪರಪ್ಪಾಡಿ ನಲ್ಲೂರು ಸರಕಾರಿ ಶಾಲೆಗ್ ತುಲು ಬರವು ಪುದರ್ ಪಲವೆ

ನಲ್ಲೂರು : ಸರಕಾರಿ ಕಿರಿಯ ಪ್ರಾಥಮಿಕ ಶಾಲೆ ಪರಪ್ಪಾಡಿ ನಲ್ಲೂರುಡು ತುಲುನಾಡ್‌ ಪರತಿರಿಟ್ ರಡ್ಡನೇ ಸರ್ತಿ ಶಾಲೆಗ್ ತುಲುಲಿಪಿ ಪುದರ್‌ಪಲವೆನ್ ಜೈ ತುಲುನಾಡ್ (ರಿ) ಸಂಘಟನೆದ ಸಹಕಾರೊಡು ಪಾಡಿಯೆರ್.

ಪುದರ್‌ಪಲವೆದ ಉದಿಪನೊನು ಶಾಲಾ ಮುಖ್ಯೋಪಾಧ್ಯಾಯೆರಾಯಿನ ಶ್ರೀಮತಿ ಪೂರ್ಣಿಮಾ ಶೆಣೈ ನೆರವೇರಾಯೆರ್. ಈ ಪೊರ್ತುಡು ನಲ್ಲೂರು ಗ್ರಾಮ ಪಂಚಾಯಿತಿ ಗುರ್ಕಾರೆರಾಯಿನ ಶ್ರೀಮತಿ ಕವಿತಾ, ಯುವಚೇತನ ಯುವಕಸಂಘದ ಗುರ್ಕಾರ‌ ಪ್ರಮೋದ್ ಶೆಟ್ಟಿ, ಜೈ ತುಲುನಾಡ್ (ರಿ) ಸಂಘಟನೆದ ಕೇಂದ್ರ ಸಂಘಟನಾ ಕಾರ್ಯಂತೆರಾಯಿನ ಶ್ರೀ ರವಿಚಂದ್ರ ಆಚಾರ್ಯ ದುರ್ಗಾನಗರ, ತುಳುನಾಡ್ ಒಕ್ಕೂಟ (ರಿ) ಸಂಘಟನೆದ ಗುರ್ಕಾಲ್ರಾಯಿನ ವಿನಯ್ ಈದು ಬಟ್ಟೇಣಿ, ಜೈ ತುಲುನಾಡ್ ಕಾರ್ಲಯುನಿಟ್ ಪ್ರಮುಖರಾಯಿನ ವಿಶು ಶ್ರೀಕೇರ ಶೇಖರ್ ಶ್ರೀಗಂಗೆ, ದಿನೇಶ್ ಶೆಟ್ಟಿ ಮುಂಡ್ಲಿ, ತುಲುಲಿಪಿ ಕಲ್ಪಾದಿ ಕು.ಸೌಮ್ಯ, ಬೊಕ್ಕ ಪದುಕರ್ ಬೊಕ್ಕ ತುಲುಚಿತ್ರ ನಟ ಪ್ರಸಾದ್ ಈದು ಬಟ್ಟೆಣಿ, ಒತ್ತು ಕಲ್ಪಾದಿ ಶ್ರೀಮತಿ ವಿದ್ಯಾ SDMC ಪದುಕೆರ್ ಬೊಕ್ಕ ಊರುದ ಪ್ರಮುಖೆರ್ ಪಾಲ್‌ಪಡೆಯೆರ್.

ಬಂಟ್ವಾಳ ಅಗ್ನಿ ಶಾಮಕ ಠಾಣೆದ ಮೀರ್ ಮುಹಮ್ಮದ್ ಗೌಸ್ ಗ್ ರಾಷ್ಟ್ರಪತಿ ಪದಕ

ಬಂಟ್ವಾಳ : ಬಂಟ್ವಾಳ ಅಗ್ನಿಶಾಮಕ ಠಾಣೆದ ಮೀರ್ ಮುಹಮ್ಮದ್ ಗೌಸ್ ಮೇರ್ ರಾಷ್ಟ್ರಪತಿ ಪದಕಗ್ ಆಯ್ಕೆಯಾತೆರ್.

ಬಂಟ್ವಾಳ ಅಗ್ನಿಶಾಮಕ ಠಾಣೆದ ಪ್ರಮುಖ ಸಿಬ್ಬಂದಿಯಾಯಿನ ಮೇರ್ ದ.ಕ. ಜಿಲ್ಲೆರ್ದ್ ಈ ಸಲ ಪ್ರಶಸ್ತಿಗ್ ಆಯ್ಕೆಯಾತೆರ್.

ಶ್ರೀ ರಾಮ ಕ್ಷೇತ್ರ ಮಹಾ ಸಂಸ್ಥಾನಗ್ ಭೇಟಿ ಕೊರಿನ ಶಿವರಾಮ್ ಹೆಬ್ಬಾರ್

ಬೊಲ್ತೆರ್ : ಕಾರ್ಮಿಕ ಖಾತೆ ಸಚಿವ ಶಿವರಾಮ ಹೆಬ್ಬಾರ್ ಮೇರ್ ಕೋಡೆ ಪೇಂಟೆದ ಉಜಿರೆದ ಶ್ರೀ ರಾಮ ಕ್ಷೇತ್ರ ಮಹಾಸಂಸ್ಥಾನಗ್ ಭೇಟಿ ಕೊರಿಯೆರ್ .

ಚಾತುರ್ಮಾಸ್ಯದ ಪವಿತ್ರ ಪರ್ವ ಕಾಲದ 22ನೇ ದಿನತಾನಿ ಸಚಿವೆರ್ ಕುಟುಂಬ ಸಮೇತರಾದ್ ಶ್ರೀರಾಮ ಕ್ಷೇತ್ರ ಮಹಾಸಂಸ್ಥಾನದ ಜಗದ್ಗುರು ಪೀಠದ ಪೀಠಾಧೀಶರಾಯಿನ ಸದ್ಗುರು ಶ್ರೀ ಶ್ರೀ ಶ್ರೀ ಬ್ರಹ್ಮಾನಂದ ಸರಸ್ವತಿ ಸ್ವಾಮೀಜಿ ಮೆರೆನ್ ಭೇಟಿಯಾದ್ ಪಾದುಕಾ ಪೂಜೆ ಮಲ್ತ್ ಪೂಜ್ಯ ಶ್ರೀಲೆರ್ದ್ ಆಶೀರ್ವಾದ ಪಡೆಯೆರ್ .

ಈ ಪೊರ್ತುಡು ಬೊಲ್ತೆರ್ದ ಶಾಸಕೆರಾಯಿನ ಹರೀಶ್ ಪೂಂಜಾ, ವಿಧಾನಪರಿಷತ ಸದಸ್ಯೆರಾಯಿನ ಪ್ರತಾಪ್ ಸಿಂಹ ನಾಯಕ ಬೊಕ್ಕ ಕೈತಲ್ ದ ಮುಖಂಡೆರ್ , ಕಾರ್ಯಂತೆರ್ ಪಾಲ್ ಪಡೆದಿತ್ತೆರ್ .

ವಿಶೇಷ ಚೇತನ ಡಿಪ್ಲೋಮ ಪ್ರವೇಶಗ್ ಅರ್ಜಿ ಲೆಪ್ಪೋಲೆ

ಒಡಿಪು : ಮೈಸೂರುದ ಜೆಎಸ್‌ಎಸ್ ವಿಶೇಷ ಚೇತನೆರ್ನ ಪಾಲಿಟೆಕ್ನಿಕ್ ಡ್ ಪ್ರಸಕ್ತ ಸಾಲ್ ದ ಸುರುತ ವರ್ಷದ ಡಿಪ್ಲೋಮಾ ತರಗತಿದ ಪ್ರವೇಶಗಾದ್ ವಿಶೇಷ ಚೇತನ ಜೋಕ್ಲೆನೆರ್ದ್ ಅರ್ಜಿ ಲೆಪ್ಪೋಲೆ ಕೊರ್ತೆರ್.

ಅರ್ಜಿದ ವಿತರಣೆ ಬೊಕ್ಕ ಭರ್ತಿ ಮಲ್ತಿನ ಅರ್ಜಿಲೆನ್ ಪಾಲಿಟೆಕ್ನಿಕ್‌ಗ್ ಕೊರಿಯರೆ ಆಗಸ್ಟ್ 31 ಕಡೆತ ದಿನ. ಎಚ್ಚದ ಮಾಹಿತಿಗಾದ್ ವೈಬ್‌ಸೈಟ್: – www.jsspda.org -ನ್ ಅತ್ತುಂಡ ಮೊಬೈಲ್ ಸಂಖ್ಯೆ: 9844644937, ದೂರವಾಣಿ ಸಂಖ್ಯೆ: 0821-2548315 ಗ್ ಲೆಪ್ಪು ಕೊರೋಲಿ ಪಂದ್ ಜೆಎಸ್‌ಎಸ್ ವಿಶೇಷ ಚೇತನರ ಪಾಲಿಟೆಕ್ನಿಕ್ ತಾಂತ್ರಿಕ ಶಿಕ್ಷಣ ಸಂಸ್ಥೆದ ಪ್ರಾoಶುಪಾಲೆರ್ ಪ್ರಕಟಣೆಡ್ ತೆರಿಪಾದೆರ್ .

ಅಂಬೇಡ್ಕರ್ ಯುವಸೇನೆ ಗುರ್ಕಾರ್ಲಾದ್ ದಯಾನಂದ ಕಪ್ಪೆಟ್ಟು

ಮಲ್ಪೆ,: ಒಡಿಪುದ ಅಂಬೇಡ್ಕರ್ ಯುವಸೇನೆದ ತಾಲೂಕು ಘಟಕದ ಗುರ್ಕಾರ್ಲಾದ್ ದಯಾನಂದ ಎಸ್ ಕಪ್ಪೆಟ್ಟು ಆಯ್ಕೆಯಾತೆರ್ .

ಗೌರವ ಗುರ್ಕಾರ್ಲಾದ್ ರಾಮೋಜಿ ಅಮೀನ್ ಬಲರಾಮನಗರ, ಒತ್ತು ಗುರ್ಕಾರ್ಲಾದ್ ಸಂತೋಷ್ ಗುಜ್ಜರಬೆಟ್ಟು, ರಿತೇಶ್ ಕೆಮ್ಮಣ್ಣು, ಮಹೇಶ್ ಚೆಂಡ್ಕಳ. ಪ್ರಧಾನ ಕಾರ್ಯಂತೇರಾದ್ ಗುಣವಂತ ತೊಟ್ಟಂ, ಒತ್ತು ಕಾರ್ಯಂತೇರಾದ್ ಜಯ ಸಲ್ಯಾನ್, ಖಜಾಂಚಿ ಪ್ರಸಾದ್ ಮಲ್ಪೆ. ಕಾರ್ಯಕಾರಿ ಸಮಿತಿ ಸದಸ್ಯೆರಾದ್ ಕೃಷ್ಣ ಕಪ್ಪೆಟ್ಟು, ವಸಂತ ಅಂಬಲಪಾಡಿ, ಅಶೋಕ್ ಬಾಳಿಗ, ನಿಶಾನ್ ಲಕ್ಷ್ಮಿನಗರ, ಅನಾಶ್ ಪಡುಕುದ್ರು, ಸಂಪತ್ ಗುಜ್ಜರಬೆಟ್ಟು, ವಿಠಲ ಅಮ್ಮುಂಜೆ, ಸುಜ್ ಮೂಡಬೆಟ್ಟು, ಸದಾನಂದ ಅಂಬಲಪಾಡಿ, ಲಕ್ಷ್ಮಣ್ ಬಲರಾಮನಗರ ಆಯ್ಕೆಯಾತೆರ್ .

ಸೈಬರ್ ಕ್ರೈಮ್ ಎಎಸ್ಐ ಮೋಹನ್ ಗ್ ರಾಷ್ಟ್ರಪತಿ ಪದಕ

ಕುಡ್ಲ : ನಗರ ಸೈಬರ್ ಅಪರಾಧ ಪೊಲೀಸ್ ಠಾಣೆದ ಎಎಸ್‌ಐ ಮೋಹನ್ ಮೆರ್ನ ಸೇವೆಗ್ ರಾಷ್ಟ್ರಪತಿ ಪದಕ ಬೈದುಂಡು .

ಕುಡ್ಲದ ಕುಂಜತ್ತಬೈಲ್ ನಿವಾಸಿಯಾಯಿನ ಮೋಹನ್ ಮೇರ್ 20 ವರ್ಷರ್ದ್ ಪೊಲೀಸ್ ಇಲಾಖೆಡ್ ಸೇವೆ ಮಲ್ದೆರ್ .

75ನೇ ಸ್ವತಂತ್ರ ದಿನತ ಪರವಾದ್ ನೆತ್ತೆರ್ ದಾನ ಶಿಬಿರ

ಒಡಿಪು : ಪಾಪ್ಯುಲರ್ ಫ್ರಂಟ್ ಕರ್ನಾಟಕ ರಾಜ್ಯಡ್ ಅಟ್ಟನೆ ಮಲ್ತಿನ ನೆತ್ತೆರ್ ದಾನ ಶಿಬಿರ ಅಭಿಯಾನದ ಭಾಗವಾದ್ ಒಡಿಪುದ ನಾಲ್ ಕಡೆಟ್ ನೆತ್ತೆರ್ ನೆತ್ತೆರ್ ದಾನ ಶಿಬಿರನ್ ಅಟ್ಟನೆ ಮಲ್ತ್ ಒಟ್ಟು 200ರ್ದ್ ಜಾಸ್ತಿ ಯೂನಿಟ್ ನೆತ್ತೆರ್ ಒಟ್ಟು ಮಲ್ತೆರ್ .

ಅಭಿಯಾನದ ಪರವಾದ್ ಒಡಿಪುದ ಪಾಪ್ಯುಲರ್ ಫ್ರಂಟ್ ಬ್ಲಡ್ ಡೋನರ್ಸ್ ಫೋರಂ ವತಿರ್ದ್ ಮಣಿಪಾಲ ಕೆಎಂಸಿ ಆಸ್ಪತ್ರೆದ ಒಟ್ಟು ಸೇರಿಗೆಡ್ ಸಾರ್ವಜನಿಕ ನೆತ್ತೆರ್ ದಾನ ಶಿಬಿರ ಮಣಿಪಾಲದ ಕೆಎಂಸಿ ಆಸ್ಪತ್ರೆದ ರಕ್ತನಿಧಿಟ್ ಕೋಡೆ ನಡತುಂಡು .ಫೋರಂದ ಗೌರವಾಧ್ಯಕ್ಷ ಶೇಕ್ ಖಾಲಿದ್ ಗುರ್ಕಾರ್ಮೆ ವಹಿಸ್ ದಿತ್ತೆರ್ . ಮಲ್ಲ ಬಿನ್ನೆರ್ ಆದ್ ಕೆಎಂಸಿ ಆಸ್ಪತ್ರೆ ರಕ್ತನಿಧಿ ವಿಭಾಗದ ಮುಖ್ಯಸ್ಥೆ ಡಾ.ಶಮಿ ಶಾಸ್ತ್ರಿ ನೆತ್ತೆರ್ ದಾನದ ಮಹತ್ವದ ಬಗ್ಗೆ ಪಾತೆರಿಯೆರ್ .

ಒಡಿಪುಡು ತುಲು ಲಿಪಿ ಪುದರ್ ಪಲವೆ ಉದಿಪನ

ಒಡಿಪು : ಒಡಿಪುದ ಎಂಜಿಎಂ ಕಾಲೇಜ್ ಲೇಡಿಸ್ ಹಾಸ್ಟೆಲ್ ದ ಎದುರು ಉಪ್ಪುನ ಶ್ರೀ ಮೂಕಾಂಬಿಕೆ ಬೊಕ ಸ್ವಾಮಿ ಕೊರಗಜ್ಜ ಸಾನದ ಪುದರ್ ಪಲವೆ ಉದಿಪನ ತೇದಿ 15/8/2021 ನೆ ಐತಾರ ಬೈಯ್ಯಗ್ 5:30 ಕ್ ನಡಪರೆ ಉಂಡು.