Udupi

ಬೂಕು ಪಟ್ಟುನ ಕಜ್ಜನ್ ಉದಿಪನ ಮಲ್ತಿನ ಸಚಿವ ಸುನಿಲ್ ಕುಮಾರ್

ಕಾರ್ಲ : ಕಾರ್ಲಾದ ರಣವೀರ ಕೊಲೊನಿಡ್ ಇಂಧನ ಸಚಿವ ಸುನೀಲ್ ಕುಮಾರ್ ಮೆರೆರ್ದ್ ಬೂಕು ಪಟ್ಟುನ ಕಜ್ಜ ನಡತುಂಡು.

ಈ ಲೇಸ್ ಡ್ ಮಲ್ಲ ಬಿನ್ನೆರ್ ಆದ್ ಕರ್ನಾಟಕ ರಾಜ್ಯೋತ್ಸವ ಪ್ರಶಸ್ತಿ ವಿಜೇತ ನ್ಯಾಯವಾದಿ ಎಂ ಕೆ ವಿಜಯ್ ಕುಮಾರ್, ಉದ್ಯಮಿ ಮಹೇಶ್ ಶೆಟ್ಟಿ ಕುಡುಪುಲಾಜೆ..ಬಿಜೆಪಿ ನಗಾರಾದ್ಯಕ್ಷ ರವೀಂದ್ರ ಮೊಯಿಲಿ, ಮಾಜಿ ಗುರ್ಕಾರ್ಲಾಯಿನ ಅನಂತಕೃಷ್ಣ ಶೆಣೈ, ಬಿಜೆಪಿ ಕ್ಷೇತ್ರಾದ್ಯಕ್ಷ ಮಹಾವೀರ್ ಹೆಗ್ಡೆ ಮಾಜಿ ಪುರ ಸಭಾ ಸದಸ್ಯ ಪ್ರಕಾಶ್ ರಾವ್, ಸುರೇಂದ್ರ ಸೂರಿ, ರಣವೀರ ಸಮಾಜದ ಮುಖಂಡ ಸಂಜೀವ್ ಗೌಡ್ರು,ಪುರಸಭಾ ಮಾಜಿ ಗುರ್ಕಾರ್ಲಾಯಿನ ಪ್ರತಿಮಾ, ನಿರ್ಮಲ, ತಹಶೀಲ್ದಾರ್ ಪ್ರಕಾಶ್ಮರಬಳ್ಳಿ, ಪುರಸಭಾ ಮಾಜಿ ಉಪಾಧ್ಯಕ್ಷೆ ಶಶಿಕಲಾ, ಉಪಾದ್ಯಕ್ಷೆ. ಪಲ್ಲವಿ ಪ್ರವೀಣ್, ಸದಸ್ಯ ಪ್ರದೀಪ್ ಪಾಲ್ ಪಡೆದಿತ್ತೆರ್.

ಛಾಯಗ್ರಾಹಕ ಆಸ್ಟ್ರೋ ಮೋಹನ್‌ಗ್ ಮಾನದಿಗೆ

ಒಡಿಪು : ಅಮೆರಿಕಾದ ಇಮೇಜ್ ಕೊಲೀಗ್ ಸೊಸೈಟಿ ವಿಶ್ವ ಛಾಯಾಗ್ರಹಣ ದಿನದ ಪರವಾದ್ ಕೊರ್ಪಿನ ಸ್ವಾನ್ ಗೌರವ ಮನಾದಿಗೆಗ್ ಒಡಿಪುದ ಪೆರಿಯ ಪತ್ರಿಕಾ ಛಾಯಾಗ್ರಾಹಕ ಆಸ್ಟ್ರೋ ಮೋಹನ್ ಆಯ್ಕೆ ಆತೆರ್ .

ಪತ್ರಿಕಾ ಛಾಯಾಗ್ರಹಣಡ್ ಮೆರೆನ ಅನನ್ಯ ಅನುಭವ ಬೊಕ್ಕ ಮೇರ್ ಕೊರಿನ ಕೊಡುಗೆಗ್ ಈ ಮಾನಾದಿಗೆ ಕೊರ್ತೆರ್.

ಅತ್ಯುತ್ತಮ ಸಂಶೋಧಕ ಮಾನದಿಗೆ ಪಡೆಯಿನ ಒಡಿಪುದ ಕಪಿಲ್ ಸದಾನಿ

ಒಡಿಪು :ಮಣಿಪಾಲ ಇನ್‌ಸ್ಟಿಟ್ಯೂಟ್ ಆಫ್ ಟೆಕ್ನಾಲಜಿ (ಎಂಐಟಿ) ಇನ್‌ಸ್ಟ್ರುಮೆಂಟೇಷನ್ ಎಂಡ್ ಕಂಟ್ರೋಲ್ ವಿಭಾಗಡ್ ಪ್ರಾಧ್ಯಾಪಕೆರಾಯಿನ ಕಪಿಲ್ ಸದಾನಿ ಮೇರ್ ಮುಂಬಯಿದ ಇಂಡಿಯನ್ ಇನ್‌ಸ್ಟಿಟ್ಯೂಟ್ ಆಫ್ ಟೆಕ್ನಾಲಜಿ (ಐಐಟಿ)ರ್ದ್ ಅತ್ಯುತ್ತಮ ಸಂಶೋಧಕೆರೆಗ್ ಉಪ್ಪುನ ನಾಕ್ ಎಂಡ್ ರಸ್ತೋಗಿ ಅತ್ಯುತ್ತಮ ಪಿಎಚ್‌ಡಿ ಸಂಶೋಧಕರ ಪ್ರಶಸ್ತಿ ಪಡೆತೆರ್.

ಅಖಿಲ ಭಾರತೀಯ ವಿದ್ಯಾರ್ಥಿ ಪರಿಷತ್ ಕುಕ್ಕೆ ಸುಬ್ರಹ್ಮಣ್ಯ ಘಟಕದ ವತಿರ್ದ್ ಸಾಮೂಹಿಕ ರಕ್ಷಾಬಂಧನ

ಕುಕ್ಕೆ : ಅಖಿಲ ಭಾರತೀಯ ವಿದ್ಯಾರ್ಥಿ ಪರಿಷತ್ ಕುಕ್ಕೆ ಸುಬ್ರಹ್ಮಣ್ಯ ಘಟಕದ ವತಿರ್ದ್ ಕುಕ್ಕೆ ಸುಬ್ರಹ್ಮಣ್ಯ ರಥಬೀದಿರ್ದ್ ಕುಮಾರಧಾರದ ಮುಟ , ದೇವಸ್ಥಾನದ ಸಿಬ್ಬಂದಿ, ಆದಿ ಸುಬ್ರಹ್ಮಣ್ಯ ದೇವಸ್ಥಾನದ ಸಿಬ್ಬಂದಿ, ಆಶ್ರಮ ಶಾಲೆ, ಪೋಲಿಸ್ ಠಾಣೆ, ಪಂಚಾಯತ್ , ಕೆ.ಎಸ್.ಎಸ್.ಕಾಲೇಜು, ಎಸ್. ಎಸ್. ಪಿ .ಯು. ಕಾಲೇಜು, ಕುಮಾರಸ್ವಾಮಿ ವಿದ್ಯಾಲಯ, ಬೊಕ್ಕ ನಮ್ಮ ಸಮಾಜನ್ ಪಗೆಲ್ ರಾತ್ರಿ ಪಂದ್ ಎನ್ನಂದೆ ಕೋವಿಡ್ ಸಾಂಕ್ರಾಮಿಕದಂಚಿನ ಮಾರಕ ಸೀಕ್ ರ್ದ್ ಜನಕ್ಲೆನ್ ರಕ್ಷಣೆ ಮಲ್ತ್ , ಆರೋಗ್ಯವಂತೇರಾದ್ ಮಲ್ಪುನ ವೈದ್ಯಕೀಯ ಸಿಬ್ಬಂದಿ ಮುಟಲ ರಕ್ಷೆ ಕಟ್ಟುನ ಮುಖೇನ ರಕ್ಷಾಬಂಧನ ದಿನನ್ ಗೌಜಿಡ್ ಅರ್ಥಪೂರ್ಣವಾದ್ ಆಚರಣೆ ಮಲ್ತೆರ್ .

ಕುಡ್ಲಡ್ ಪೊಸ “ಬಸ್ ಬೇ” ನಿರ್ಮಾಣಗ್ ಆದ್ಯತೆ

ಕುಡ್ಲ : ಕುಡ್ಲಡ್ ಇತ್ತೆ ಉಪ್ಪುನ ‘ಬಸ್-ಬೇ’ದ ಒಟ್ಟುಗು ನನಾತ್ ಪೊಸ ‘ಬಸ್-ಬೇ’ನ್ ಕಟ್ಟರೆ ಮಂಗಳೂರು ಮಹಾನಗರ ಪಾಲಿಕೆ ದುಂಬು ಬೈದುಂಡು .

ಕುಡ್ಲ ದಕ್ಷಿಣ ವಿಧಾನಸಭಾ ಕ್ಷೇತ್ರದ ಪ್ರಮುಖ ಮಾರ್ಗಡ್ ಜಾಸ್ತೀ ಆವೊಂದು ಉಪ್ಪುನ ಗಾಡಿದ ಸಂಚಾರನ್ ಸುಗಮವಾದ್ ಮಲ್ಪರೆ ಅನುಕೂಲ ಮಲ್ತ್ ಕೊರ್ಪಿನ ನೆಲೆಟ್ಟ್ ಬಸ್ ಬೇ’ ಮಲ್ಪರೆ ಉನಿರ್ಧಾರ ಮಲ್ದೆರ್ .

ಇತ್ತೆ ಕುಡ್ಲದ ಲಾಲ್‌ಭಾಗ್, ಅಂಬೇಡ್ಕರ್ ವೃತ್ತ, ನಂತೂರು, ಸರ್ಕ್ಯೂಟ್ ಹೌಸ್, ಕೂಳೂರು ನನಾತ್ ಕಡೆಟ್ ‘ಬಸ್-ಬೇ’ ಉಂಡು . ಇತ್ತೆ ಪೊಸತಾದ್ ಬಂಟ್ಸ್‌ ಹಾಸ್ಟೆಲ್, ಮಲ್ಲಿಕಟ್ಟೆ, ಮೇರಿಹಿಲ್, ಕುಲಶೇಖರಡ್ ಈ ಯೋಜನೆ ಪಾಡ್ದೆರ್.

ಮಾರ್ಗದ ಅಪಘಾತಡ್ ತೀರ್ ಪೋಯಿನ ಮಂಜೇಶ್ವರದ ಜವಣ್ಯೆ

ಮಂಜೇಶ್ವರ: ಬೈಕ್ ಬೊಕ್ಕ ಓಮ್ನಿ ನಡುಟು ನಡತಿನ ಅಪಘಾತಡ್ ಬೈಕ್ ಸವಾರ ತೀರ್ ಪೋಯಿನ ಘಟನೆ ಐತಾರ ಮಧ್ಯಾಹ್ನ ಪೈವಳಿಕೆ ಕೈತಲ್ದ ಬಾಯಿಕಟ್ಟೆಡ್ ನಡತುಂಡು.

ಮೃತರೆನ್ ಚಿಪ್ಪಾರ್ ಸೋಕೆದ ಮುಝಮ್ಮಿಲ್ (19) ಪಂದ್ ಗುರ್ತಿಸಾದೆರ್ .

ಕುಂಪಲ ನೂರಾನಿ ಯತೀಮ್ ಖಾನಾಗ್ ಪದುಕೆರ್ನ ಆಯ್ಕೆ

ಕುಡ್ಲ : ಕುಂಪಲ ನೂರಾನಿ ಯತೀಂ ಖಾನಾದ ಪದುಕೆರ್ನ ಆಯ್ಕೆ ಐತಾರ ನಡತುಂಡು .ಒತ್ತು ಗುರ್ಕಾರ್ಲಾದ್ ನೂರುದ್ದೀನ್ ಅನ್ಸಾರಿ, ಗುರ್ಕಾರ್ಲಾದ್ ಹಾಜಿ ಯುಎಸ್ ಅಬೂಬಕರ್, ಒತ್ತು ಗುರ್ಕಾರ್ಲಾದ್ ಹಾಜಿ ಕೆ.ಎಂ. ಅಬ್ದುಲ್ಲಾ, ಹಾಜಿ ಯುಎಂ ಮುಹಮ್ಮದ್, ಪಾರೆ ಇಸ್ಮಾಯೀಲ್ ಅಬ್ದುಲ್ಲಾ, ಕಾರ್ಯಂತೇರಾದ್ ಎನ್.ಎ.ಮುಹಮ್ಮದ್ ಇಕ್ಬಾಲ್, ಜೊತೆ ಒತ್ತು ಕಾರ್ಯಂತೇರಾದ್ ಹಾಜಿ ಡಿಎಂ ಅಬ್ದುಲ್ ನಝೀರ್, ಹಾಜಿ ಹಾರೂನ್ ಅಹ್ಸನಿ, ಲೆಕ್ಕ ಪರಿಶೋಧಕೆರಾದ್ ಕಾರ್ಯಂತೇರಾದ್ ಹಾಜಿ ಮುಹಮ್ಮದ್ ಫೈಝಲ್, ಕೋಶಾಧಿಕಾರಿಯಾದ್ ಹಾಜಿ ಅಬ್ದುಲ್ ಹಮೀದ್ ಆಯ್ಕೆಯಾತೆರ್ .

ಮಂತ್ರಾಲಯಡ್ “ದಾಸಮೃತ” ಲೇಸ್

ಕುಡ್ಲ : ಮಂತ್ರಾಲಯದ ಗುರು ರಾಘವೇಂದ್ರ ಸ್ವಾಮಿಲೆನ 350ನೇ ಆರಾಧನಾ ಮಹೋತ್ಸವದ ಪರವಾದ್ ಶನಿವಾರ (ಆ. 28) ಮಂತ್ರಾಲಯದ ರಾಘವೇಂದ್ರ ಮಠಟ್ ಪುತ್ತೂರು ದ ಖ್ಯಾತ ಗಾಯಕ ಜಗದೀಶ ಆಚಾರ್ಯ ಮೇರ್ ‘ದಾಸಾಮೃತ’ ಲೇಸ್ ನಡಪಾದ್ ಕೊರಿಯೆರ್ .

ದಾಸರ ಪದ ಅತ್ತoದೆ , ದಿ. ಬೆಳಗೆರೆ ಮಹಾಲಕ್ಷ್ಮಮ್ಮ ರಚನೆ ಮಲ್ತಿನ ‘ನಮೋ ಮಹಾದೇವ ವ್ಯಾಘ್ರಮುಖದ ಭಾವ’ ಪನ್ಪಿನ ಪದಕ್ ತಾನೇ ರಾಗಸಂಯೋಜನೆ ಮಲ್ತ್ ಪದ ಪನ್ಪಿನ ಮುಖೇನ ಜಗದೀಶ ಮೇರ್ ಸೇರ್ದಿ ಜನಕ್ಲೆಗ್ ಮನೋರಂಜನೆ ಕೊರಿಯೆರ್.

ಶತಾಯುಷಿ ಗುರುವಜ್ಜನ ಮರಣಗ್ ಕಣ್ಣ ನೀರ ಪನಿತರ್ಪಣ ಮಲ್ತಿನ ಸಚಿವ ವಿ ಸುನಿಲ್ ಕುಮಾರ್

ಒಡಿಪು : ನಾಡ್ದ ಪೆರಿಯ ಜನಪದ ಕಲಾವಿದೆರಾಯಿನ ಗುರುವ ಕೊರಗ (105) ಮೆರ್ನ ಮರಣರ್ದ್ ನಾಡ್ ದ ಸಾಂಸ್ಕೃತಿಕ ಬೊಕ್ಕ ಜನಪದ ಕ್ಷೇತ್ರಗ್ ಬಾರಿ ಮಲ್ಲ ನಷ್ಟ ಆತುಂಡು ಪಂದ್ ಇಂಧನ, ಕನ್ನಡ ಬೊಕ್ಕ ಸಂಸ್ಕೃತಿ ಇಲಾಖೆ ಬೊಕ್ಕ ಒಡಿಪು ಜಿಲ್ಲಾಉಸ್ತುವಾರಿ ಸಚಿವ ವಿ ಸುನಿಲ್ ಕುಮಾರ್ ಕಣ್ಣ ನೀರ ಪನಿತರ್ಪಣ ಮಲ್ತೆರ್.