udupi news

ತುಳುನಾಡ್ ದ ರಾಜಕೀಯ ರಂಗದ ಭೀಷ್ಮೆ ಎ.ಜಿ ಕೊಡ್ಗಿ ದೇವೆರೆ ಪಾದೊ ಸೇರ್ಯೆರ್

Jun 13, 2022

ಒಡಿಪು: ಡೆಂಗ್ಯೂ ಸೀಕ್ ಗ್ ಮಣಿಪಾಲ ಆಸ್ಪತ್ರೆಡ್ ಚಿಕಿತ್ಸೆ ದೆತೊನೊಂದಿತ್ತಿನ ಅಮಾಸೆಬೈಲು ಗೋಪಾಲಕೃಷ್ಣ ಕೊಡ್ಗಿ ಮೇರ್ ಸೋಮಾರ ತೀರ್ ಪೋಯೆರ್. 91 ವರ್ಷದ ಎಜಿ ಕೊಡ್ಗಿ ಮೇರೆಗ್ ಡೆಂಗ್ಯೂ ಸೀಕ್ ಬತ್ತಿ ತ್ತ್ ದ್, ಚಿಕಿತ್ಸೆ ಸಮ ಆವಂದೆ ಆಸ್ಪತ್ರೆಡ್ ತೀರ್ ಪೋತೆರ್.

ಕುಂದಾಪುರ ತಾಲೂಕ್ ದ ಅಮಾಸೆಬೈಲು ಕೃಷಿಕೆರ್ನ ಕುಟುಂಬಡ್ ಸ್ವಾತಂತ್ರ್ಯ ಗ್ ಪೊರ್ ಂಬಾಟ ಮಲ್ತಿನ ಕೃಷ್ಣರಾಯ ಕೊಡ್ಗಿ ಮೆರ್ನ ಮಗೆಯಾದ್ 1929 ಅಕ್ಟೋಬರ್ 1 ಕ್ಕ್ ಪುಟ್ಟಿಯೆರ್.

ರಾಜಕೀಯ ಮಾತ್ರ ಅತ್ತಂದೆ ಕೃಷಿ, ಸಹಕಾರಿ ಕ್ಷೇತ್ರಡ್ ಲ ಪುಗರ್ತೆ ಪಡೆತಿನಾರ್. ತುಳುನಾಡ್ ಡ್ ಕಾಂಗ್ರೆಸ್ ದ ಭದ್ರಕೋಟೆನ್ ದೆತ್ತ್ ದ್, ಬಿಜೆಪಿನ್ ಕಟ್ಟ್ ದ್ ಬುಳೆಪಾಯಿನ ಕೀರ್ತಿ ಮೇರೆಗ್ ಸಂದುಂಡು.

ಉಡುಪಿದ ಸುದ್ದಿ | Udupi News ಊರ್ದ ಸುದ್ದಿ Regional News ಕಾರ್ಲದ ಸುದ್ದಿ Karkala News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ರಪಕ್ಕ ಸುದ್ದಿ Flash News

ಒಡಿಪು: ಜೂ. 19 ಗ್ ಪೆರ್ಡೂರು ಪ್ರಭಾಕರ್ ಕಲ್ಯಾಣಿ ಮೇರೆಗ್ ಮಿತ್ರ ಕಲಾಶ್ರೀ ಪ್ರಶಸ್ತಿ ಪಟ್ಟುನ ಲೇಸ್

Jun 10, 2022

ಒಡಿಪು : ಶ್ರೀ ಕೃಷ್ಣ ಮಠ, ಪರ್ಯಾಯ ಶ್ರೀ ಕೃಷ್ಣಾಪುರ ಮಠ, ಒಡಿಪು ಶ್ರೀ ಮಿತ್ರ ಯಕ್ಷಗಾನ ಮಂಡಳಿ, ಸರಳೇಬೆಟ್ಟು ಉಂದೆತ್ತ ಪ್ರಶಸ್ತಿ ಪಟ್ಟುನ ಲೇಸ್ ಬೊಕ್ಕ 37ನೇ ವರ್ಷದ ಉಚ್ಚಯದ ಗೌಜಿ ಜೂನ್ 19ಗ್ ಐತಾರ ಮಧ್ಯಾಹ್ನ 2 ಗಂಟೆಗ್ ಒಡಿಪುದ ಶ್ರೀ ಕೃಷ್ಣ ಮಠ ರಾಜಾಂಗಣಡ್ ನಡಪರೆ ಉಂಡು.

ಈ ಲೇಸ್ ಡ್ ಸುಮಾರ್ 45 ವರ್ಷರ್ದ್ ತುಳು ರಂಗಭೂಮಿಡ್ ತನ್ನ ಸೇವೆ ಮಲ್ತಿನ ಪೆರ್ಡೂರು ಪ್ರಭಾಕರ್ ಕಲ್ಯಾಣಿ ಮೇರೆಗ್ ಮಿತ್ರ ಕಲಾಶ್ರೀ ಪ್ರಶಸ್ತಿನ್ ಕೊರ್ದ್ ಮಾನಾದಿಗೆ ಮಲ್ಪರೆ ಉಂಡು. ಒಡಿಪು ಶ್ರೀ ಕೃಷ್ಣಾಪುರ ಮಠತ್ತ ಪರ್ಯಾಯ ಮಠಾಧೀಶೆರ್ ಆಯಿನ ಶ್ರೀ ಶ್ರೀ ವಿದ್ಯಾಸಾಗರತೀರ್ಥ ಶ್ರೀ ಪಾದೆರ್ ಈ ಪ್ರಶಸ್ತಿನ್ ಕೊರಿಯೆರೆ ಉಲ್ಲೆರ್. ಅಂಚನೆ ಈ ಲೇಸ್ ಡ್ ಮಲ್ಲ ಮಲ್ಲ ಬಿನ್ನೆರ್ ಪಾಲ್ ಪಡೆಯರೆ ಉಲ್ಲೆರ್.

ಪೆರ್ಡೂರು ಪ್ರಭಾಕರ್ ಕಲ್ಯಾಣಿ ಮೇರ್ ಕರ್ನಾಟಕ ನಾಟಕ ಅಕಾಡೆಮಿ ಅಂಚನೆ ಒಡಿಪು ಜಿಲ್ಲಾ ರಾಜ್ಯೋತ್ಸವ ಪ್ರಶಸ್ತಿ ಪಡೆತೆರ್. ನಿವೃತ್ತ ವಿಜಯ ಬ್ಯಾಂಕ್ ಅಧಿಕಾರಿ ಆಯಿನ ಮೇರ್ ಇತ್ತೆ ಒಡಿಪು ಜಿಲ್ಲಾ ನಾಟಕ ಕಲಾವಿದೆರ್ನ ಒಕ್ಕೂಟದ ಪ್ರಧಾನ ಕಾರ್ಯದರ್ಶಿಯಾದುಲ್ಲೆರ್.

Udupi: Perdoor Prabhakar Kalyani to be presented with the Mitra Kalashree award on June 19th

Udupi: Sri Krishna Mutt, Paryaya Sri Krishnapura mutt,Udupi Sri Mitra Yakshagana mandali,Saraleybettu will have their awards presentation ceremony and it’s 37th annual program on the 19th of June at the Sri Krishna Mutt Rajangana from 2 p.m onwards.

At the program Perdoor Prabhakar Kalyani who has rendered more than 47 years of service to Tulu theatre will be honoured with the Mitra Kalashree award. Paryaya Sri Vidya Sagar Thirtha of Sri Krishnapura mutt will do the honours.Many other dignitaries are expected to participate in the event.

Perdoor Prabhakar Kalyani has been honoured with the Karnataka Nataka Akademi and Udupi district Rajyotsava award.He was a former employee of Vijaya bank and is presently secretary of Udupi district theatre artistes association.

ಪಾಂಗಳ ಕೈತಲ್ದ ಗರೋಡಿಲೆನ ಮಾಹಿತಿ ಒಟ್ಟು ಮಲ್ಪುನ ಕಜ್ಜ ಸುರು

May 31, 2022

ಪಾಂಗಳ: ಒಡಿಪುದ ಶ್ರೀ ಬ್ರಹ್ಮ ಬೈದರ್ಕಳ ಸಾಂಸ್ಕೃತಿಕ ಅಧ್ಯಯನ ಕೇಂದ್ರ ಆಶ್ರಯೊಡು ಗರೋಡಿಲೆನ ಅಧ್ಯಯನ ಬೊಕ್ಕ ಸಂಶೋಧನಾ ಬೂಕು ಮಲ್ಪರೆಗಾದ್ ಉದ್ಯಾರ ಕೈತಲ್ದ ಪಾಂಗಳ ಪರಿಸರದ ಗರೋಡಿಲೆನ ಮಾಹಿತಿ ಒಟ್ಟಿ ಮಲ್ಪುನ ಕಜ್ಜಗ್ ಮೇ 28 ಕಾಂಡೆ ಸುರುವಾತ್ಂಡ್.

ಈ ಪೊರ್ತುಡು ಮಲ್ಲ ಬಿನ್ನೆರಾದ್ ಪಾಂಗಳ ಗುಡ್ಡೆ ಗರೋಡಿದ ಆಡಳಿತ ಮೊಕ್ತೇಸರೆರ್ ಶೇಖರ ಜಿ ಅಮೀನ್, ನಂದಾ ಗೋಲ್ಡ್ ಒಡಿಪುದ ಧನಿಕುಲು ಸದಾನಂದ ಪೂಜಾರಿ, ಜಯ ಡಿ. ಅಮೀನ್, ಸುಧಾಕರ್ ಡಿ. ಅಮೀನ್, ಘನಶ್ಯಾಮ್ ಮಲ್ಪೆ ಇತ್ತೆರ್.

ಲೇಸ್ ದ ಗುರ್ಕಾರ್ಮೆನ್ ಸಂಸ್ಥೆದ ಅಧ್ಯಕ್ಷೆರಾಯಿನ ದಾಮೋದರ್ ಕಲ್ಮಾಡಿ ಮೇರ್ ವಹಿಸ್ ದಿತ್ತೆರ್. ಉಪಾಧ್ಯಕ್ಷೆರ್ ಶೇಖರ್ ಮಾಸ್ಟರ್ ಕಲ್ಮಾಡಿ ಅಂಚನೆ ವೇದಿಕೆಡ್ ಸುಮಾರ್ 12 ಗರೋಡಿದ ಪ್ರತಿನಿಧಿಲು ಇತ್ತೆರ್.

ಕಾರ್ಯದರ್ಶಿ ಎಮ್ ಮಹೇಶ್ ಕುಮಾರ್ ಬತ್ತಿನ ಬಿನ್ನೆರ್ ನ್ ಎದ್ಕೊನಿಯೆರ್ ಅಂಚನೆ ಕಾರ್ಯಕ್ರಮದ ನಿರೂಪಣೆ ಮಲ್ತೆರ್. ಉಪಾಧ್ಯಕ್ಷೆರ್ ಶೇಖರ್ ಮಾಸ್ಟರ್ ಸೊಲ್ಮೆ ಸಂದೈತ ಮಲ್ತೆರ್. ಈ ಸಂಸ್ಥೆದ ಶೇಖರ್ ಪೂಜಾರಿ, ಚೆಲುವರಾಜ್ ಪೆರಂಪಳ್ಳಿ, ಗಂಗಾಧರ ಕಿದಿಯೂರು, ಮಹೇಶ ಎನ್, ಹರೀಶ್ ಎಂ ಕೆ, ಸೂರ್ಯೋದಯ ಪೆರಂಪಳ್ಳಿ ಲೇಸ್ ಡ್ ಇತ್ತೆರ್.

Collection of data from Garodis in Pangala vicinity started

Pangala: The Udupi Sri Brahmabaidarkalu Samskritika Adyayana Kendra has taken up the task of collection of data from Garodis in the Pangala vicinity ; the program for which was conducted on May 28th.

The chief guest at the program was Shekhar G Amin the managing trustee of Pangala Gudde Garodi, the proprietor of Nanda Gold Udupi Sadanand Pojary.

The program was presided by the president of the Research centre Damodar Kalmadi.About 12 representatives from various Garodis were on the dias. The secretary M Mahesh Kumar welcomed the guests.The vice president Shekhar Master rendered the vote of thanks.

ದೈವದ ಚಾಕಿರಿದಾರ್ ಕರಂಬಳ್ಳಿ ಗೋಪಾಲ್ ಶೆಟ್ರ್ ದೇವೆರೆ ಪಾದ ಸೇರಿಯೆರ್

May 27, 2022

ಒಡಿಪು: ದೈವದ ಚಾಕಿರಿ ಸೇರಿನಂಚನೆ ಮಸ್ತ್ ಸಂಘ ಸಂಸ್ಥೆಲೆಡ್ ಬೇಲೆ ಮಲ್ತೊಂದಿತ್ತ್ ನ ಕರಂಬಳ್ಳಿ ಗೋಪಾಲ್ ಶೆಟ್ರ್ ತೀರ್ ಪೋಯೆರ್.

ಕರಂಬಳ್ಳಿ ಗೋಪಾಲ್ ಶೆಟ್ರ್ ದೊಡ್ದನಗುಡ್ಡೆ ಪಂಚ ಜುಮಾದಿ ದೈವಸ್ಥಾನದ ಶೆಟ್ಟಿ ಬಾಲೆ ಅಂಚನೆ ದೈವಸ್ಥಾನದ ಆಡಳಿತ ಮಂಡಳಿ ಟ್ರಸ್ಟಿ ಸದಸ್ಯೆರ್, ಕಾಂಗ್ರೆಸ್ ಮುಖಂಡೆರ್, ಮಣಿಪಾಲ ಮಾಜಿ ಮಂಡಳ ಪಂಚಾಯತ್ ಸದಸ್ಯೆರ್, ಕರಂಬಳ್ಳಿ ವೆಂಕಟರಮಣ ದೇವಲ್ಯದ ಆಡಳಿತ ಮಂಡಳಿದ ಸದಸ್ಯೆರ್, ದೊಡ್ದನಗುಡ್ಡೆ ಬಬ್ಬುಸ್ವಾಮಿ ದೈವಸ್ಥಾನದ ಆಡಳಿತ ಮಂಡಳಿದ ಸದಸ್ಯೆರ್ ಅಂಚನೆ ಮಸ್ತ್ ಸಂಘ ಸಂಸ್ಥೆದ ಸದಸ್ಯೆರ್, ದೈವಾರಾಧನೆ ಕ್ಷೇತ್ರಡ್ ಮದಿಪು ಪನ್ಪಿನ ಮುಖೇನ ದೈವದ ಚಾಕಿರಿ ಮಲ್ತ್ ದಿತ್ತೆರ್.

“Daiva Patri” Karamballi Gopal Shetty no more

Udupi: Karamballi Gopal Shetty who was rendering services for various Daiva rituals expired on Thursday.

He was in the working in various capacities in many trusts associated with the Daivastana and temples in the twin coastal districts.

ಎಲ್ಲೆ ಪಾಂಗಾಳ ಪರಿಸರೊಡು ಶ್ರೀ ಬ್ರಹ್ಮ ಬೈದರ್ಕಳ ಸಾಂಸ್ಕೃತಿಕ ಅಧ್ಯಯನ ಕೇಂದ್ರದ ಮಾಹಿತಿ ಸಂಗ್ರಹಗ್ ಚಾಲನೆ

May 27, 2022

ಒಡಿಪುದ ಶ್ರೀ ಬ್ರಹ್ಮ ಬೈದರ್ಕಳ ಸಾಂಸ್ಕೃತಿಕ ಅಧ್ಯಯನ ಕೇಂದ್ರಡ್ ಮುಲ್ಪ 250 ರ್ದ್ ಎಚ್ಚ ಆರಾಧನೆ ಆವೊಂದಿಪ್ಪುನ ಗರೋಡಿದ ಅಧ್ಯಯನ ಬೊಕ್ಕ ಸಂಶೋಧನಾತ್ಮಕ ಗ್ರಂಥ ರಚನೆಗಾದ್ ಪಾಂಗಾಳ ಪರಿಸರದ ಗರೋಡಿದ ಮಾಹಿತಿ ಸಂಗ್ರಹಗ್ ಮೇ 28 ತಾರೀಕ್ ಗ್ ಸನಿವಾರದಾನಿ ಕಾಂಡೆ 10 ಗಂಟೆಗ್ ಪಾಂಗಾಳಗುಡ್ಡೆ ಗರೋಡಿಗ್ ಚಾಲನೆ ಆಯರೆ ಉಂಡು.

All Posts

ಪಾಂಗಾಳಗುಡ್ಡೆ ಗರೋಡಿದ ಮುಖ್ಯಸ್ಥೆರ್ ಸುಧಾಕರ್ ಡಿ. ಅಮೀನ್ ಚಾಲೆನೆ ಕೊರ್ರೆ ಉಲ್ಲೆರ್. ಒಡಿಪುದ ನಂದಾ ಗೋಲ್ಡ್ ದ ಧನಿಕುಲು ಆಯಿನ ಸದಾನಂದ ಪೂಜಾರಿ ಮಲ್ಲ ಬಿನ್ನೆರ್ ಆದ್ ಲೇಸ್ ಗ್ ಬರ್ರೆ ಉಲ್ಲೆರ್.

ಈ ಲೇಸ್ ಗ್ ಕೇಂದ್ರದ ಅಧ್ಯಕ್ಷೆರ್ ಆಯಿನ ದಾಮೋದರ ಕಲ್ಮಾಡಿ, ಉಪಾಧ್ಯಕ್ಷೆರ್ ಶೇಖರ್ ಮಾಸ್ಟರ್ ಕಲ್ಮಾಡಿ, ಕಾರ್ಯದರ್ಶಿಲು ಎಂ.ಮಹೇಶ್ ಕುಮಾರ್ ಅಂಚನೆ ಶ್ರೀ ಬ್ರಹ್ಮ ಬೈದರ್ಕಳ ಸಾಂಸ್ಕೃತಿಕ ಅಧ್ಯಯನ ಕೇಂದ್ರದ ಮಾತ ವಿಶ್ವಸ್ಥೆರ್ ಮೋಕ್ಯೆಡ್ ಎದ್ಕೊನೊಂದುಲ್ಲೆರ್.

Sri Brahma Baidarkalu cultural study centre will start collecting data from tomorrow

The Brahma Baidarkalu cultural study centre will start collection of data from more than 250 revered Garodis in the Pangala vicinity to study and documentise their culture and traditions.
The program for the same will be held on May 28th from 10a.m onwards and Pangala gudde Garodi chief Sudhakar D Amin will inaugurate.Sadanand Pujari of Nanda Gold Udupi will be the guest of honour.

ಭಾರೀ ಬರ್ಸ ಬರೊಂದಿಪ್ಪುನ ಕಾರಣ ಎಲ್ಲೇ ಒಡಿಪು ಶಾಲೆಲೆಗ್ ರಜೆ ಘೋಷಣೆ

May 19, 2022

ಒಡಿಪು: ಕರಾವಳಿ ಭಾಗಡ್ ಭಾರಿ ಬರ್ಸ ಬರೊಂದಿಪ್ಪುನ ಕಾರಣ ಜೋಕ್ಲೆನ ಹಿತ ದೃಷ್ಟಿರ್ದ್ ಒಡಿಪು ಶಾಲೆ ಬೊಕ್ಕ ಪದವಿ ವಿಭಾಗದ ಕಾಲೇಜ್ ಲೆಗ್ ಮೇ 20 ಶುಕ್ರಾರದಾನಿ ಒಡಿಪು ಜಿಲ್ಲಾಧಿಕಾರಿ ಕೂರ್ಮ ರಾವ್ ರಜೆ ಘೋಷಣೆ ಮಲ್ತ್ ದೆರ್.

ಗುರುವಾರಲ ಮಸ್ತ್ ಬರ್ಸ ಬರೊಂದಿತ್ತ್ ದ್, ಶುಕ್ರಾರ ನನಲ ಜಾಸ್ತಿ ಬರ್ಸ ಬರ್ಪಿನ ಸಾಧ್ಯತೆ ಉಂಡು ಪಂದ್ ಪಂತೆರ್.

ಎಲ್ಲೆ ಒಡಿಪುಗ್ ಬರ್ರೆ ಉಲ್ಲೆರ್ ಪಣವುದ ಸಚಿವೆರ್ ನಿರ್ಮಲಾ ಸೀತಾರಾಮನ್

May 13, 2022

ಒಡಿಪು: ಕೇಂದ್ರ ಹಣಕಾಸು ಸಚಿವೆರ್ ನಿರ್ಮಲಾ ಸೀತಾರಾಮನ್ ಮೇರ್ ಸನಿಯಾರದಾನಿ ಒಡಿಪುದ ಶ್ರೀ ಕೃಷ್ಣ ಮಠ ಅಂಚೆನೆ ಕೊಲ್ಲೂರು ಶ್ರೀ ಮೂಕಾಂಬಿಕಾ ದೇವಲ್ಯಗ್ ಭೇಟಿ ಕೊರಿಯೆರೆ ಉಲ್ಲೆರ್.

ಸುಕ್ರಾರ ದಿಲ್ಲಿರ್ದ್ ಬೆಂಗ್ಳೂರ್ ಗ್ ಬರ್ರೆ ಇಪ್ಪುನ ಸಚಿವೆರ್, ಸನಿಯಾರ ಕಾಂಡೆ ಒಡಿಪು ಶ್ರೀ ಕೃಷ್ಣ ಮಠ, ಕೊಲ್ಲೂರು ಮೂಕಾಂಬಿಕಾ ದೇವಲ್ಯದ ದರ್ಶನ ಮಲ್ಪರೆ ಉಲ್ಲೆರ್.

ಸನಿಯಾರ ದೇವಲ್ಯದ ಭೇಟಿದ ಬೊಕ್ಕ ಖಾಸಗಿ ಕಾರ್ಯಕ್ರಮಡ್ ಪಾಲ್ ಪಡೆದ್ ಅವ್ವೆ ದಿನ ಕತ್ತಲೆಗ್ ಬೆಂಗ್ಳೂರ್ ಗ್ ಪೋಯರೆ ಉಲ್ಲೆರ್.

ಬೇಲೆ ತಿಕ್ಕಿಜಿ ಪನ್ಪಿನ ಬೇಜಾರ್ ಡ್ ಎಂಬಿಎ ಕಲ್ತಿನ ಪೊಣ್ಣು ಆತ್ಮಹತ್ಯೆ

May 12, 2022

ಒಡಿಪು: ಎಂಬಿಎ ಕಲ್ತುದಿತ್ತ್ಂಡಲ ಸರಿಯಾಯಿನ ಬೇಲೆ ತಿಕ್ಕಿಜಿ ಪನ್ಪಿನ ಬಗೆಟ್ಟ್ ಪೊಣ್ಣು ಒರ್ತಿ ವಿಷ ಪರ್ದ್ ಆತ್ಮಹತ್ಯೆ ಮಲ್ತಿನ ಘಟನೆ ಒಡಿಪುದ ಕಾಪು ತಾಲೂಕ್ ಡ್ ನಡತ್ ದ್ಂಡ್.

ದ.ಕ.ಜಿಲ್ಲೆ ಉಬಾರ್ ದ ಸಹನಾ (23) ಆತ್ಮಹತ್ಯೆ ಮಲ್ತಿನ ಪೊಣ್ಣು. ಕುಡ್ಲದ ಖಾಸಗಿ ಕಾಲೇಜ್ ಒಂಜಾರೆ ವರ್ಷದ ಪಿರವು ಎಂಬಿಎ ಡ್ ಪದವಿ ಶಿಕ್ಷಣನ್ ಪಡೆದಿತ್ತೆರ್. ಆಂಡ ಅಲೆಗ್ ಸರಿಯಾಯಿನ ಬೇಲೆ ತಿಕ್ಕಿದಿಜಾಂಡ್.

ಏಪ್ರಿಲ್ 30 ಗ್ ಶಿರ್ವ ಕೈತಲ್ ದ ಕಟ್ಟಿಂಗೇರಿ ಗ್ರಾಮದ ಅಕ್ಕನ ಇಲ್ಲಗ್ ಬತ್ತಿನ ಸಹನಾ ಅಲ್ಪನೇ ಕತ್ತಲೆಗ್ ವಿಷ ಪರ್ದ್ ಆತ್ಮಹತ್ಯೆಗ್ ಪ್ರಯತ್ನ ಮಲ್ತ್ ದೆರ್ ಪಂದ್ ಪೊಲೀಸೆರ್ ಮಾಹಿತಿನ್ ಕೊರ್ತೆರ್.

ಮೇ 1 ಕ್ಕ್ ಕಾಂಡೆ ಸಹನಾ ಮಸ್ತ್ ಕಕ್ಕಿನೆಡ್ದಾವರ ಅಲೆನ್ ಒಡಿಪುದ ಮಿಷನ್ ಆಸ್ಪತ್ರೆಗ್ ಸೆರ್ಸಾದಿತ್ತೆರ್. ಅಲ್ಪರ್ದ್ ಎಚ್ಚದ ಚಿಕಿತ್ಸೆಗಾದ್ ಮೇ 7 ಕ್ಕ್ ಒಡಿಪುದ ಜಿಲ್ಲಾ ಸರ್ಕಾರಿ ಆಸ್ಪತ್ರೆಗ್ ಸೆರ್ಸಾದಿತ್ತೆರ್. ಅಂಡ ಚಿಕಿತ್ಸೆ ಸಮ ಆವಾಂದೆ ತೀರ್ ಪೊತೆರ್. ಶಿರ್ವ ಠಾಣೆಡ್ ಈ ಪ್ರಕರಣ ದಾಖಲಾತ್ಂಡ್.

ಒಡಿಪು: ಬಾರಕೂರು ಶ್ರೀ ಬ್ರಹ್ಮಬೈದರ್ಕಳ ಗರಡಿಡ್ ನವೀಕೃತ ದೈವಾಲಯ ಸಮರ್ಪಣೆ ಬೊಕ್ಕ ಪುನರ್ ಪ್ರತಿಷ್ಠಾ ಮಹೋಚ್ಚಯ

May 10, 2022

ಒಡಿಪು ಜಿಲ್ಲೆ ಬ್ರಹ್ಮಾವರ ತಾಲೂಕ್ ದ ಬಾರಕೂರು ಶ್ರೀ ಬ್ರಹ್ಮ ಬೈದರ್ಕಳ ಗರಡಿಡ್ ಮೇ 22-28 ಮುಟ್ಟ ಶ್ರೀ ನಾಗದೇವೆರ್, ಸಪರಿವಾರ ಬ್ರಹ್ಮಬೈದರ್ಕಳ ಅಂಚನೇ ಶ್ರೀ ಶಿವರಾಯ, ಕಲ್ಕುಡ ಕಾಳಮ್ಮ ದೈವಲೆನ ನವೀಕೃತ ದೈವಾಲಯ ಸಮರ್ಪಣೆ ಬೊಕ್ಕ ಪುನರ್ ಪ್ರತಿಷ್ಠಾ ಮಹೋಚ್ಚಯ, ಸಹಸ್ರ ಕುಂಭಾಭಿಷೇಕ ಅಂಚನೆ ನುಪ್ಪು ಸೇವೆ ಇಂಚಿನ ದೇವತಾ ಕಾರ್ಯಲು ನಡಪರೆ ಉಂಡು.

ಶ್ರೀ ಕ್ಷೇತ್ರ ಧರ್ಮಸ್ಥಳದ ಧರ್ಮಾಧಿಕಾರಿ ಪದ್ಮವಿಭೂಷಣ ರಾಜರ್ಷಿ ಪರಮಪೂಜ್ಯ ಡಾ| ಡಿ. ವೀರೇಂದ್ರ ಹೆಗ್ಗಡೆರ್ನ ಶುಭಾಶೀರ್ವಾದಡ್ ಶ್ರೀ ಬಿ.ಎ. ನಾಗರಾಜ ಭಟ್ ಕ್ಷೇತ್ರದ ತಂತ್ರಿಲು ಚೌಳಿಕೆರೆ ಮೆರ್ನ ಮುತಾಲಿಕೆಡ್ ಕೂಡ್ಲಿ ಶ್ರೀ ಗಣಪತಿ ಉಡುಪರ ಸಹಯೋಗಡ್ ಅಂಚನೆ ವೇದಮೂರ್ತಿ ಶ್ರೀ ಗಣೇಶ ಭಟ್ ಬನ್ನಾಡಿ ಮೆರ್ನ ಪೌರೋಹಿತ್ಯಡ್ ಈ ಲೇಸ್ ನಡಪರೆ ಉಂಡು.

ಪುದೆಕಾಣಿಕೆ

ಶ್ರೀ ಬ್ರಹ್ಮಬೈದರ್ಕಳ ಗರಡಿ ಹೊಸಾಳ ಬಾರಕೂರು ಉಂದೆತ್ತ ಪೊಸ ದೈವಾಲಯ ಸಮರ್ಪಣೆ, ಪ್ರತಿಷ್ಠಾ ಮಹೋಚ್ಚಯ ಅಂಚನೆ ಸಹಸ್ರ ಬ್ರಹ್ಮಕಲಶಾಭಿಷೇಕದ ಲೆಕ್ಕ ಮೇ 22 ತಾರೀಕ್ ಗ್ ಐತಾರ ಮಧ್ಯಾಹ್ನ 3 ಗಂಟೆಗ್ ಪುದೆಕಾಣಿಕೆದ ಮೆರವಣಿಗೆ ಬಾರಕೂರು ಶ್ರೀಪಂಚಲಿಂಗೇಶ್ವರ ದೇವಸ್ಥಾನರ್ದ್ ಪಿದಡರೆ ಉಂಡು. ಪುದೆಕಾಣಿಕೆ ಕೊರ್ಪಿನ ಭಕ್ತಾಭಿಮಾನಿಲು ಪುದೆಕಾಣಿಕೆದೊಟ್ಟುಗ್ ಮೆರವಣಿಗೆಡ್ ಪಾಲ್ ಪಡೆಯೊಡ್ ಪಂದ್ ಭಿನ್ನಾಪು ಮಲ್ತ್ ದೆರ್.

ಸಾಂಸ್ಕೃತಿಕ ಕಾರ್ಯಕ್ರಮ

ಮೇ 26 ತಾರೀಕ್ ಗ್ ಮಧ್ಯಾಹ್ನ 2 ಗಂಟೆಗ್ ಕೈತಲ್ ದ ಶಾಲಾ ಜೋಕುಲೆಡ್ದ್ ನೃತ್ಯವೈಭವ. ರಾತ್ರಿ 7.30 ಗಂಟೆಗ್ ರಾಜ್ಯಪ್ರಶಸ್ತಿ ಪುರಸ್ಕೃತ ತೆಲಿಕೆದ ಬೊಳ್ಳಿ
ಡಾ|| ದೇವದಾಸ್ ಕಾಪಿಕಾಡ್‌ ನಿರ್ದೇಶನ ಮಲ್ತಿನ “ಚಾ ಪರ್ಕ” ಕಲಾವಿದೆರ್ದ್ ಕನ್ನಡ ಹಾಸ್ಯ ನಾಟಕ “ನಮಸ್ತೇ ಮಾಸ್ಟರ್”.

ಶ್ರೀ ಗುರುದೇವತಾ ಅನುಗ್ರಹಡ್ ನಡಪುನ ಮಾತ ಧಾರ್ಮಿಕ, ಸಾಂಸ್ಕೃತಿಕ, ಧಾರ್ಮಿಕ ಸಭಾ ಕಾರ್ಯಕ್ರಮ ಅಂಚನೆ ನುಪ್ಪು ಸೇವೆಡ್ ಕುಟುಂಬ ಸಮೇತರಾದ್ ಪಾಲ್ ಪಡೆದ್ ತನು-ಮನ-ಧನತ್ತ ಸಾಕಾಯನ್ ಕೊರ್ದ್ ಶ್ರೀ ದೇವೆರ್ನ ಸಿರಿಮುಡಿ ಗಂಧ ಪ್ರಸಾದನ್ ಸ್ವೀಕಾರ ಮಲ್ತ್ ದ್ ಶ್ರೀ ದೈವ ದೇವೆರ್ನ ಅನುಗ್ರಹಗ್ ಪಾತ್ರರಾವೊಡ್ ಪಂದ್ ದೈವಸ್ಥಾನದ ಅಧ್ಯಕ್ಷೆರ್ ಆಯಿನ ಡಾ| ವೈ.ಎಸ್.ಹೆಗ್ಡೆ ಯಡ್ತರೆ ಅಂಚನೆ ಶ್ರೀ ಬ್ರಹ್ಮ ಬೈದರ್ಕಳ ಗರಡಿ ಹೊಸಾಳ, ಬಾರಕೂರ್ ದ ಮಾತ ಪದಾಧಿಕಾರಿಲು ಬೊಕ್ಕ ಸರ್ವ ಸದಸ್ಯೆರ್ ಬಿನ್ನಾಪು ಮಲ್ತ್ ದೆರ್.

ಕಾಪು: ಶ್ರೀ ನಾರಾಯಣ ಗುರು ಭಜನಾ ಮಂದಿರಡ್ 78ನೇ ವಾರ್ಷಿಕ ಮಂಗಲೋತ್ಸವ

Apr 12, 2022

ಒಡಿಪು: ಕಾಪು ತಾಲೂಕ್ ದ ಮಟ್ಟು ಶ್ರೀ ನಾರಾಯಣ ಗುರು ಭಜನಾ ಮಂದಿರಡ್ 78ನೇ ವಾರ್ಷಿಕ ಮಂಗಲೋತ್ಸವ, ಗಣಹೋಮ, ಶ್ರೀ ಸತ್ಯನಾರಾಯಣ ಪೂಜೆ ಬೊಕ್ಕ ಜನಕುಲೆಗ್ ನುಪ್ಪು ಸೇವೆ ಏಪ್ರಿಲ್ 14 ತಾರೀಕ್ ಗ್ ಭಾರೀ ಗೌಜಿಡ್ ನಡಪರೆ ಉಂಡು.

ಕಾಂಡೆ 9 ಗಂಟೆಗ್ ಸಾಮೂಹಿಕ ಪ್ರಾರ್ಥನೆ ಬೊಕ್ಕ ಗಣಹೋಮ, 10 ಗಂಟೆಗ್ ಶ್ರೀ ಸತ್ಯನಾರಾಯಣ ಪೂಜೆ, 12 ಗಂಟೆಗ್ ಮಹಾಪೂಜೆ, ತೀರ್ಥಪ್ರಸಾದ, ವಿಶೇಷ ಭಜನಾ ಕಾರ್ಯಕ್ರಮ, 12.30 ಗ್ ಜನಕುಲೆಗ್ ನುಪ್ಪು ಸೇವೆ, ಬಯ್ಯ 6.45ಕ್ ಕಲಶ ಪ್ರತಿಷ್ಠೆ, ಭಜನಾ ಕಾರ್ಯಕ್ರಮ, ರಾತ್ರಿ 12 ಗಂಟೆಗ್ ಭಜನಾ ಮಹಾಮಂಗಲ, ಪ್ರಸಾದ ವಿತರಣೆ. ಎ.15 ತಾರೀಕ್ ಗ್ ಬಯ್ಯ 6.30 ಗ್ ಗುರುಪೂಜೆ, ರಾತ್ರಿ 7.30 ಗ್ ಸಾಂಸ್ಕೃತಿಕ ಕಾರ್ಯಕ್ರಮ, ರಾತ್ರಿ 8.30 ಗ್ ಪರಮ ಪದ್ಮ ಕಲಾವಿದೆರ್ ತುಳು ಜಾನಪದ ಐತಿಹಾಸಿಕ ನಾಟಕ ಚಲನಚಿತ್ರ ನಟೆ ಚೇತನ್ ರೈ ಮಾಣಿ ಅಭಿನಯ ಬಿರ್ಸೆ ಅನಿಕುಮಾರ್ ಸಸಿಹಿತ್ಲು ಬೊಕ್ಕ ಬೇತೆ ಪುಗರ್ತೆದ ಕಲಾವಿದೆರೆಡ್ದ್ ಶಿವ ಪುರ್ಸಾದ ಬಬ್ಬರ್ಯೆ ಪನ್ಪಿನ ತುಳು ನಾಟಕ ನಡಪರೆ ಉಂಡು.

ಒಡಿಪುದ ಶ್ರೀ ಕೃಷ್ಣನ ನಾಡ್ ದ ಶ್ರೀ ವಾದಿರಾಜ ಸ್ವಾಮಿಲೆನ ವರಪ್ರಸಾದ ಅಂಚನೆ ವಿಶ್ವ ವಿಖ್ಯಾತಿ ಪಡೆಯಿನ ಮಟ್ಟು ಗುಳ್ಳದ ಗ್ರಾಮ ಪಂದೇ ಪುಗರ್ತೆ ಪಡೆಯಿನ ಮಟ್ಟು ಗ್ರಾಮದ ಕಡಲತಡಿಟ್ಟ್ ಆರಾಧನೆ ಮಲ್ತೊಂದ್ ಬತ್ತಿನ ಮಂದಿರ ಶ್ರೀ ನಾರಾಯಣ ಗುರು ಭಜನಾ ಮಂದಿರ, ಮಟ್ಟು ತೆಂಕು ಕೊಪ್ಲ.

ಒಂಜೇ ಜಾತಿ ಒಂಜೇ ಮತ ಒಂಜೇ ದೇವೆರ್ ಪನ್ಪಿನ ಅಮರ ತತ್ವದ ಮುಖೇನ ಮುರ್ಕೊಂದಿತ್ತಿನ ಹಿಂದೂ ಧರ್ಮಗ್ ಪುನರ್ ಚೈತನ್ಯ ಕೊರಿನ ಮಹಾನ್ ಸಂತೆರ್ ಬ್ರಹ್ಮಶ್ರೀ ನಾರಾಯಣ ಗುರುಕುಲು. ಆರ್ನ ವಿದ್ಯೆರ್ದ್ ಸ್ವತಂತ್ರರಾಲೆ, ಸಂಘಟನೆರ್ದ್ ನನಲ ಗಟ್ಟಿ ಆಲೆ. ಬದುಕ್ ಉಂತಿನ ನೀರ್ ಆಯರೇ ಬಲ್ಲಿ. ಜಾತಿ ಒವ್ ಆಂಡಲ ದಾನೆ..? ಮನುಷ್ಯೇ ಎಡ್ಡೆ ಇಪ್ಪೊಡ್. ಇಂಚಿತ್ತಿನ ಅಮರ ಸಂದೇಶನ್ ಲೋಕಗ್ ಸಾರಿನ ಗುರುಕ್ಲೆನ ತತ್ವದಡಿಟ್ಟ್ 77 ವರ್ಷದ ಪಿರ ಮಂದಿರ ಉದಯ ಆಂಡ್.

1944 ಟ್ ದಿ| ಐತಪ್ಪ ಅಂಚನ್ ಮುತಾಲಿಕೆಡ್ ಸ್ಥಾಪನೆ ಆದ್, 1977 ಟ್ ಪುನರ್ ನಿರ್ಮಾಣ ಆಂಡ್. ಕರೀನ 77 ವರ್ಷಲೆಡ್ದ್ ಏಪಲ ಶನಿವಾರ ಭಜನಾ ಸಂಕೀರ್ತನೆ, ಶ್ರೀ ನಾರಾಯಣ ಗುರು ಜಯಂತಿ, ಶ್ರೀ ಸತ್ಯನಾರಾಯಣ ಪೂಜೆ, ವಾರ್ಷಿಕ ಭಜನಾ ಮಂಗಲೋಚ್ಚಯನ್ ಆಚರಣೆ ಮಲ್ತೊಂದ್ ಶ್ರದ್ಧಾ ಭಕ್ತಿದ ಕೇಂದ್ರವಾದ್ ಮೂಡ್ ದ್ ಬರೊಂದ್ಂಡ್.

ಭಕ್ತಾದಿ ಸದಸ್ಯೆರ್ನ ಆಶಯದಂಚನೆ, 43 ವರ್ಷರ್ದ್ ಪರ ಇತ್ತಿನ ಮಂದಿರನ್ 54 ಲಕ್ಷ ಖರ್ಚ್ ಮಲ್ತ್ ದ್ ಪುನರ್ ನಿರ್ಮಾಣ ಮಲ್ತ್ ದೆರ್. ಈ ಸಮಿತಿಡ್ ಇತ್ತೆ 52 ಜನ ಸದಸ್ಯೆರ್ ಉಲ್ಲೆರ್. ಸರ್ಕಾರರ್ದ್ 10 ಲಕ್ಷ ಅಂಚನೇ ರಾಜಕಾರಣಿರ್ದ್ 5 ಲಕ್ಷದ ಪಣವುದ ಸಾಕಾಯ ಈ ಮಂದಿರಗ್ ತಿಕ್ಕ್ ದ್ಂಡ್.

ಕೊರೊನಾದಂಚಿನ ಬಂಗದ ಪರಿಸ್ಥಿತಿಡುಲ ಊರುದ ಜನಕುಲು ಸಾಕಾಯ ಕೊರ್ತೆರ್. ಗ್ರಾಮೀಣ ಬದ್ ಕ್ ಗೊಂಜಿ ಶ್ರದ್ಧಾ ಭಕ್ತಿದ ಆಯಾಮನ್ ಕೊರ್ಪಿನ ಈ ಮಂದಿರ ನಾನಾತ್ ಎಡ್ಡೆ ಆವಡ್ ಪಂದ್ ಶ್ರೀ ನಾರಾಯಣ ಗುರು ಭಜನಾ ಮಂದಿರ, ಮಟ್ಟು, ತೆಂಕು ಕೊಪ್ಲದ ಗೌರವಾಧ್ಯಕ್ಷೆರ್, ಅಧ್ಯಕ್ಷೆರ್ ಬೊಕ್ಕ ಪದಾಧಿಕಾರಿಲು ಅಂಚನೇ ಸರ್ವ ಸದಸ್ಯೆರ್ ಎಡ್ಡೆಪ್ಪುನ್ ಬಯಕ್ ದೆರ್.

udupi news

ತುಳುನಾಡ್ ದ ರಾಜಕೀಯ ರಂಗದ ಭೀಷ್ಮೆ ಎ.ಜಿ ಕೊಡ್ಗಿ ದೇವೆರೆ ಪಾದೊ ಸೇರ್ಯೆರ್

ಒಡಿಪು: ಜೂ. 19 ಗ್ ಪೆರ್ಡೂರು ಪ್ರಭಾಕರ್ ಕಲ್ಯಾಣಿ ಮೇರೆಗ್ ಮಿತ್ರ ಕಲಾಶ್ರೀ ಪ್ರಶಸ್ತಿ ಪಟ್ಟುನ ಲೇಸ್

ಪಾಂಗಳ ಕೈತಲ್ದ ಗರೋಡಿಲೆನ ಮಾಹಿತಿ ಒಟ್ಟು ಮಲ್ಪುನ ಕಜ್ಜ ಸುರು

ದೈವದ ಚಾಕಿರಿದಾರ್ ಕರಂಬಳ್ಳಿ ಗೋಪಾಲ್ ಶೆಟ್ರ್ ದೇವೆರೆ ಪಾದ ಸೇರಿಯೆರ್

ಎಲ್ಲೆ ಪಾಂಗಾಳ ಪರಿಸರೊಡು ಶ್ರೀ ಬ್ರಹ್ಮ ಬೈದರ್ಕಳ ಸಾಂಸ್ಕೃತಿಕ ಅಧ್ಯಯನ ಕೇಂದ್ರದ ಮಾಹಿತಿ ಸಂಗ್ರಹಗ್ ಚಾಲನೆ

ಭಾರೀ ಬರ್ಸ ಬರೊಂದಿಪ್ಪುನ ಕಾರಣ ಎಲ್ಲೇ ಒಡಿಪು ಶಾಲೆಲೆಗ್ ರಜೆ ಘೋಷಣೆ

ಎಲ್ಲೆ ಒಡಿಪುಗ್ ಬರ್ರೆ ಉಲ್ಲೆರ್ ಪಣವುದ ಸಚಿವೆರ್ ನಿರ್ಮಲಾ ಸೀತಾರಾಮನ್

ಬೇಲೆ ತಿಕ್ಕಿಜಿ ಪನ್ಪಿನ ಬೇಜಾರ್ ಡ್ ಎಂಬಿಎ ಕಲ್ತಿನ ಪೊಣ್ಣು ಆತ್ಮಹತ್ಯೆ

ಒಡಿಪು: ಬಾರಕೂರು ಶ್ರೀ ಬ್ರಹ್ಮಬೈದರ್ಕಳ ಗರಡಿಡ್ ನವೀಕೃತ ದೈವಾಲಯ ಸಮರ್ಪಣೆ ಬೊಕ್ಕ ಪುನರ್ ಪ್ರತಿಷ್ಠಾ ಮಹೋಚ್ಚಯ

ಕಾಪು: ಶ್ರೀ ನಾರಾಯಣ ಗುರು ಭಜನಾ ಮಂದಿರಡ್ 78ನೇ ವಾರ್ಷಿಕ ಮಂಗಲೋತ್ಸವ

You Missed

ಹೋಟೆಲ್ ಗ್ಯಾಸ್‌ದ ರೇಟ್‌ಡ್ 183.50 ರೂ. ಕಮ್ಮಿ

ಇಲ್ಲ್‌ದ ಮಿತ್ತ್ ಗೋಡೆ ಮಗ್‌ರ್ದ್ 3 ಜನ ಸಾವು

“ಕೃಷ್ಣಣ್ಣ ಬೇಗ ಬಲೆ” ನಾಟಕದ ಮೂರ್ತ

ತುಳುವ ಮಹಾಸಭೆ ಇಂಟರ್ ನ್ಯಾಷನಲ್‌ದ ಗುರ್ಕಾರೆ ಆದ್ ಸರ್ವೋತ್ತಮ ಶೆಟ್ಟಿ ಆಯ್ಕೆ