tuluvaarte

ಮಿನಿ ವಿಧಾನಸೌಧಡ್ ಉಪ್ಪುನ ತಾಲೂಕು ಕಚೇರಿಗ್ ಪನಂದೆ ಭೇಟಿ ಕೊರಿನ ಶಾಸಕೆರ್

Mar 6, 2022

ಕುಡ್ಲ : ಕುಡ್ಲ ಉತ್ತರ ವಿಧಾನ ಸಭಾ ಕ್ಷೇತ್ರದ ಶಾಸಕಕೆರಾಯಿನ ಡಾ. ಭರತ್ ಶೆಟ್ಟಿ ವೈ ಮೇರ್ ಶನಿವಾರ ಕುಡ್ಲದ ಮಿನಿ ವಿಧಾನಸೌಧಡ್ ಉಪ್ಪುನ ತಾಲೂಕು ಕಚೇರಿಗ್ ಪನಂದೆ ಭೇಟಿ ಕೊರಿಯೆರ್ .

ಕಂದಾಯ ವಿಭಾಗ ಭೂಮಿ ವಿಭಾಗ, ಸ್ವೀಕೃತಿ ಕೇಂದ್ರ ಬೊಕ್ಕ ದಾಖಲೆ ವಿಭಾಗಗ್ ಭೇಟಿ ಕೊರ್ದು ಪರಿಶೀಲನೆ ಮಲ್ತೆರ್ .
ದಾಖಲೆ ಕೇಂದ್ರೊಡು ಕೊರ್ಪಿನ ದಾಖಲೆಲು ತಿಕ್ಕoದೆ ಅವೆತೋ ಸಲ ತಿರ್ಗುನ ಪರಿಸ್ಥಿತಿ ಉಂಡು ಪಂದ್ ಸಾರ್ವಜನಿಕೆರ್ ದೂರು ಕೊರಿಯೆರ್.

ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ರಪಕ್ಕ ಸುದ್ದಿ Flash News

ಟೌನ್ ಹಾಲ್ ದ ಕೈತಲ್ ಮಲ್ಲ ಮರಕ್ : ತೂ ದೀನ ದುಷ್ಕರ್ಮಿಲು

Mar 6, 2022

ಕುಡ್ಲ : ಕುಡ್ಲದ ಟೌನ್ ಹಾಲ್ ಕೈತಲ್ ಉಪ್ಪುನ ಫುಟ್ಬಾಲ್ ಮೈದಾನದ ಪ್ರವೇಶ ದ್ವಾರದ ಕೈತಲ್ ಮರಕ್ ತೂ ಪಾರ್ದಿನ ಘಟನೆ ನಡತ್oಡ್ . ಕೆಲ ದಿನತ ಪಿರವು ಅಲಂಗಾರುದ ಕೈತಲ್ ಇಂಚಿನ ಪ್ರಕರಣ ಆದ್ ಇತ್ತುಂಡು ಐರ್ದ್ ಬೊಕ್ಕ ಪರಿಸರವಾದಿ ಬೊಕ್ಕ ಉಪ ಮೀಸಲು ಅರಣ್ಯಾಧಿಕಾರಿಲು ಜಾಗೆಗ್ ಬತ್ತ್ ದ್ ತೂ ತೆಕ್ಕಯೆರೆ ಪ್ರಯತ್ನ ಮಲ್ತ್ ಇತ್ತೆರ್. . ಇತ್ತೇ ಟೌನ್ ಹಾಲ್ ಬಳಿಕೈತಲ್ಲಾ ಇಂಚಿನನೇ ಘಟನೆ ನಡತ್oಡ್ ,. ಈ ಬಗ್ಗೆ ಬರ್ಕೆ ಪೊಲೀಸ್ ಠಾಣೆಡ್ ಪ್ರಕರಣ ದಾಖಲ್ ಆತುಂಡು.

ಕಾರ್ಲದ ಸುದ್ದಿ Karkala News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ರಪಕ್ಕ ಸುದ್ದಿ Flash News

ಜೆಸಿಐ ಕಾರ್ಲದ ಪದಗ್ರಹಣ ಲೇಸ್

Mar 6, 2022

ಕಾರ್ಲ : ಜೆಸಿಐ ಕಾರ್ಲದ ಪದಗ್ರಹಣ ಲೇಸ್ ತಾರಿಕ್ 7.3.2022 ನೇ ಸೋಮಾರ ಬೈಯ್ಯಗ್ 7 ಗಂಟೆಗ್ ಜೆಸಿಸ್ ಇಂಗ್ಲಿಷ್ ಮೀಡಿಯಂ ಸ್ಕೂಲ್ ಕಾರ್ಲಡ್ ನಡಪರೆ ಉಂಡು .

ಜೆಸಿ.ಡಾ.ಮುರಳಿಧರ್ ಭಟ್ ಪೊಸ ಗುರ್ಕಾರ್ಲಾದ್ , ಜೆಸಿ ಶ್ವೇತಾ ಜೈನ್ ಮೇರ್ ಕಾರ್ಯದರ್ಶಿಯಾದ್ ಆಯ್ಕೆ ಆತೆರ್ .

ಉಡುಪಿದ ಸುದ್ದಿ | Udupi News ಊರ್ದ ಸುದ್ದಿ Regional News ಕಾಸ್ರೋಡ್ ಸುದ್ದಿ | Kasargod News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ರಪಕ್ಕ ಸುದ್ದಿ Flash News

ಶ್ರೀ ಲಕ್ಷ್ಮಿ ಅಂಬಾಭವಾನಿ ದೇವಸ್ಥಾನ ದುರ್ಗ: ಪ್ರತಿಷ್ಠಾ ವರ್ಧಂತಿ ಬೊಕ್ಕ ಚಂಡಿಕಾಯಾಗ

Mar 6, 2022

ಕಾರ್ಲ : ಶ್ರೀ ಲಕ್ಷ್ಮಿ ಅಂಬಾಭವಾನಿ ದೇವಸ್ಥಾನ ದುರ್ಗ ದೇವಸ್ಥಾನದ ಪ್ರತಿಷ್ಠಾ ವರ್ಧಂತಿ ಬೊಕ್ಕ ಚಂಡಿಕಾಯಾಗ ತಾರಿಕ್ 12/03/2022 ನೇ ಸನಿಯಾರ ನಡಪರೆ ಉಂಡು ಅವ್ವೆ ದಿನ ರಾತ್ರಿ 9 ಗಂಟೆಗ್ ಬಪ್ಪನಾಡು ಶ್ರೀ ದುರ್ಗಾಪರಮೇಶ್ವರಿ ಕೃಪಾಪೋಷಿತ ದಶಾವತಾರ ಯಕ್ಷಗಾನ ಮಂಡಳಿ ಮುಲ್ಕಿ ಮೆಕ್ಲೆನೆರ್ದ್ ಶ್ರೀದೇವಿ ಮಾರಿಯಮ್ಮ ಯಕ್ಷಗಾನ ನಡಪರೆ ಉಂಡು.

ಉಳ್ಳಾಲ ದರ್ಗಾ ಗ್ ಭೇಟಿ ಕೊರಿನ ಪದ್ಮರಾಜ್ ಆರ್.

Mar 5, 2022

ಉಳ್ಳಾಲ: ಉಳ್ಳಾಲ ದರ್ಗಾ ಉರೂಸ್ ಪ್ರಯುಕ್ತ ಶುಕ್ರವಾರ ಕುದ್ರೋಳಿ ಗೋಕರ್ಣನಾಥ ಕ್ಷೇತ್ರದ ಕೋಶಾಧಿಕಾರಿ ಬೊಕ್ಕ ಗುರು ಬೆಳದಿಂಗಳು ಸೇವಾ ಸಂಸ್ಥೆದ ಗುರ್ಕಾರ್ಲಾಯಿನ ಪದ್ಮರಾಜ ಆರ್. ಭೇಟಿ ಕೊರ್ದು ಎಡ್ಡೆಪ್ಪುನು ಬಯಕಿಯೆರ್ .

ಮೆರೆಗ್ ದರ್ಗಾದ ಗುರ್ಕಾರ್ಲಾಯಿನ ಹಾಜಿ ಅಬ್ದುಲ್ ರಶೀದ್ ಶಾಲ್ ಪಾರ್ದ್ ಮಾನದಿಗೆ ಮಲ್ತೆರ್.ಈ ಪೊರ್ತುಡು ಕಾರ್ಯದರ್ಶಿ ರಾಜೇಶ್ ಸುವರ್ಣ, ಭವಿತ್ ಬಂಗೇರ, ಫಾರೂಕ್ ಉಳ್ಳಾಲ್, ಅಹ್ಮದ್ ಬಾವ ಕೊಟ್ಟಾರ, ಅಹ್ಮದ್ ಬಾವ ಕೋಡಿ, ಅಯ್ಯೂಬ್ ಮಂಚಿಲ ಪಾಲ್ ಪಡೆದಿತ್ತೆರ್ .

ಊರ್ದ ಸುದ್ದಿ Regional News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ಬೊಲ್ತೆರ್ ಸುದ್ದಿ | Belthangady News ರಪಕ್ಕ ಸುದ್ದಿ Flash News

ಶ್ರೀ ನಾಗಬ್ರಹ್ಮ ಅದಿಮೋಗೆರ್ಕಳ ಸೇವಾ ಸಮಿತಿ ನಿನ್ನಿಪಡ್ಪು(ರಿ ): ಲೆಪ್ಪೋಲೆ ಬುಡುಗಡೆ ಲೇಸ್

Mar 4, 2022

ಬಂಟ್ವಾಳ :ಶ್ರೀ ನಾಗಬ್ರಹ್ಮ ಅದಿಮೋಗೆರ್ಕಳ ಸೇವಾ ಸಮಿತಿ ನಿನ್ನಿಪಡ್ಪು(ರಿ )ದ ಲೆಪ್ಪೋಲೆ ಬುಡುಗಡೆ ಲೇಸ್ 13/02/2022 ಐತಾರ ಕಾಂಡೆ 9 ಗಂಟೆಗ್ ದೈವಸ್ಥಾನದ ಎದುರು ಬುಡುಗಡೆ ಆಂಡ್.

ಈ ಲೇಸ್ ಡ್ ಕೋಡಿ ಕೇಶವ ಪೂಜಾರಿ ಸೊಲ್ಮೆ ಸಂದೈತ ಮಲ್ತೆರ್ . ಕೃಷ್ಣ್ಣಪ್ಪ ಪೂಜಾರಿ ನಾಟಿಬೀದಿ ಲೆಪ್ಪೋಲೆ ಬುಡುಗಡೆ ಮಲ್ತೆರ್.

ಈ ಪೊರ್ತುಡು ರವಿ ಅಂಚನ್ ಅಬೇರೊಟ್ಟು ಗ್ರಾ. ಪ ಸದಸ್ಯೆರ್ ಕೃಷ್ಣ್ಣಪ್ಪ ನಾಯ್ಕ್ ಬರ್ಸಗುರಿ ಮಾಜಿ ಉಪಾಧ್ಯಕ್ಷೇರ್,(APMC),ಸಮಿತಿಯ ಗೌರವಧ್ಯಕ್ಷೆರಾಯಿನ ಬಾಬು ಮಾಸ್ತರ್, ಗುರ್ಕಾರ್ಲಾಯಿನ ನೋಣಯ, ಕಾರ್ಯದರ್ಶಿಯಾಯಿನ ನಾಗೇಶ್, ಹಿರಿಯ ಸಲಹೆಗಾರೆರಾಯಿನ ಅಣ್ಣು ಮೇಸ್ತ್ರಿ ಕೊಪ್ಪಳಕೋಡಿ, ಸಂಕಪ್ಪ. ಕೆ, ಮತ್ತು ಸಮಿತಿದ ಸರ್ವ ಸದಸ್ಯೆರ್ ಪಾಲ್ ಪಡೆದಿತ್ತೆರ್.

ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ಬೊಂಬಾಯಿದ ಸುದ್ದಿ | Bombay News ರಪಕ್ಕ ಸುದ್ದಿ Flash News

ಯುವ ಬ್ರಿಗೇಡ್ ಮೀರಾ ಭಯಂದರ್ ವತಿರ್ದ್ ಶಿವಮೊಗ್ಗದ ಹರ್ಷನ ಕುಟುಂಬಗ್ 40 ಸಾರ ಪಣವುದ ಸಾಕಾರ

Mar 4, 2022

ಕುಡ್ಲ : ಹಿಂದುತ್ವದ ಸಿದ್ದಾಂತದ ನೆಲೆಟ್ಟ್ ಸದಾ ಧಾರ್ಮಿಕ ,ಸಾಂಸ್ಕೃತಿಕ ಬೊಕ್ಕ ಸಾಮಾಜಿಕ ಸಮಾಜಮುಖಿ ಕಾರ್ಯನ್ ಉಭಯ ರಾಜ್ಯೊಲೆಡ್ ಮಲ್ತೊಂದು ಬೈದಿನ ಚಕ್ರವರ್ತಿ ಸೂಲಿಬೆಲೆನ ಮುತಾಲಿಕೆದ ಸಂಸ್ಥೆಯಾಯಿನ ಯುವ ಬ್ರಿಗೇಡ್ ಮೀರಾ ಭಯಂದರ್ ಇಂಚೋಗು ಶಿವಮೊಗ್ಗಡ್ ಮುಸ್ಲಿಂ ಮತಾಂಧರ ಕ್ರೂರತೆಗ್ ಬಲಿಯಾಯಿನ ಬಜರಂಗದಳ ದ ಕಾರ್ಯಕರ್ತೆ ಹರ್ಷ ಮೆರೆನ ಕುಟುಂಬಗ್ ಸರಿ ಸುಮಾರ್ 40 ಸಾರ ರೂಪಾಯಿದ ಪಣವುದ ಸಾಕರನ್ ಯುವ ಬ್ರಿಗೇಡ್ ಕೂಟದ ಸರ್ವ ಸದಸ್ಯೆರ್ನ ಸಕಾರೊಡು ಕೊರಿಯೆರ್ .

ಒಡಿಪು , ಕುಡ್ಲ , ಉ.ಕ, ಶಿವಮೊಗ್ಗಡ್ ಶ್ರೀ ನಾರಾಯಣ ಗುರು ವಸತಿ ಶಾಲೆ ಸುರು ’ – ಬೊಮ್ಮಾಯಿ ಘೋಷಣೆ

Mar 4, 2022

ಬೆಂಗ್ಳೂರು: ಮುಖ್ಯಮಂತ್ರಿ ಬಸವರಾಜ ಬೊಮ್ಮಾಯಿ ತನ್ನ ಸುರುತ ಬಜೆಟ್ ನ್ ದುಂಬು ದೀತೆರ್ , ಒಡಿಪು , ಕುಡ್ಲ, ಉತ್ತರ ಕನ್ನಡ, ಶಿವಮೊಗ್ಗಡ್ ಶ್ರೀ ನಾರಾಯಣ ಗುರು ವಸತಿ ಶಾಲೆ ಸುರು ಮಲ್ಪರೆ ಗ್ರೀನ್ ಸಿಗ್ನಲ್ ಕೊರ್ತೆರ್ .

ಒಡಿಪು, ಕುಡ್ಲ , ಉತ್ತರ ಕನ್ನಡ, ಶಿವಮೊಗ್ಗಡ್ ಶ್ರೀ ನಾರಾಯಣ ಗುರು ವಸತಿ ಶಾಲೆ ಸುರು ಆಯರೆ ಉಂಡು ಪಂದ್ ಮುಖ್ಯಮಂತ್ರಿ ಘೋಷಣೆ ಮಲ್ತೆರ್ , ಶಿಕ್ಷಣ ಇಲಾಖೆಗ್ ಬಜೆಟ್‌ಡ್ 31,980 ಕೋಟಿ ರೂಪಾಯಿ ಅನುದಾನ ಪಟ್ಟ್ ದ್ ಕೊರ್ತೆರ್ .
ಸಮಾಜ ಸುಧಾರಕ ಬ್ರಹ್ಮಶ್ರೀ ನಾರಾಯಣ ಗುರುಕ್ಲೆನ ಸ್ತಬ್ಧ ಚಿತ್ರನ್ ಗಣರಾಜ್ಯ ಉಚ್ಚಯದ ಸಮಿತಿ ತಿರಸ್ಕಾರ ಮಲ್ದಿನೆಕ್ಕ್ ದೇಶ, ರಾಜ್ಯೋಡು ಅವ್ವೆತೋ ಪ್ರತಿಭಟನೆ ನಡತ್oಡ್ , ಈ ವಿಚಾರ ಇತ್ತೇ ರಾಜಕೀಯವಾದ್ ಭಾರೀ ಸೊರ ಲಕ್ಕಾದುಂಡು , ಇತ್ತೇ ನಾರಾಯಣ ಗುರು ಟ್ಯಾಬ್ಲೋ ವಿವಾದಗ್ ರಾಜ್ಯ ಸರ್ಕಾರ ಮರ್ದ್ ಅರೆತಿನೇರ್ದಾವರ , ಒಡಿಪು, ಕುಡ್ಲ ಉತ್ತರ ಕನ್ನಡ, ಶಿವಮೊಗ್ಗಡ್ ಶ್ರೀ ನಾರಾಯಣ ಗುರು ವಸತಿ ಶಾಲೆ ಸುರು ಮಲ್ಪರೆ ಗ್ರೀನ್ ಸಿಗ್ನಲ್ ಕೊರ್ತೆರ್ .
ನನ ರಾಜ್ಯೋಡು ವಿನೂತನ ಮಾದರಿದ 7 ವಿಶ್ವವಿದ್ಯಾಲನ್ ಸುರು ಮಲ್ಪರೆ ಉಲ್ಲೆರ್ , ಚಾಮರಾಜನಗರ, ಬೀದರ್, ಹಾವೇರಿ, ಹಾಸನ, ಕೊಡಗು, ಕೊಪ್ಪಳ, ಬೊಕ್ಕ ಬಾಗಲಕೋಟೆಡ್ ಪೊಸ ವಿಶ್ವವಿದ್ಯಾಲಯ ಸುರು ಆಯೆರೆ ಉಂಡು ಪಂದ್ ಸಿಎಂ ಬೊಮ್ಮಾಯಿ ಪಂಡೆರ್ .

ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ಬೊಲ್ತೆರ್ ಸುದ್ದಿ | Belthangady News

ರಾಜ್ಯ ಮಟ್ಟೋದ ಆದರ್ಶ ದಂಪತಿಲು ಪಂಥ : ಫಲಿತಾಂಶ ಪ್ರಕಟ

Mar 4, 2022

ಬೊಲ್ತೆರ್ : ವಿಜಯಕುಮಾರ್ ಜೈನ್ ಮೆರೆನ ಆಮಂತ್ರಣ ಪರಿವಾರದ ಸಾರಥ್ಯೋಡು ರಾಜ್ಯ ಮಟ್ಟೋದ ಆದರ್ಶ ದಂಪತಿಲು ಪಂಥ ನಡತ್oಡ್.

ಈ ಪಂಥಡ್ ಸುರುತ ಇನಾಮುನು ಒಡಿಪುದ ದಿವ್ಯ ಭರತ್ ದಂಪತಿಲು, ರಡ್ಡನೇ ಇನಾಮುನು ಆಳದಂಗಡಿದ ರಾಜೇಶ್ವರಿ ಅರುಣ್ ಜೈನ್, ಬೊಕ್ಕ ಸ್ವಾತಿ ಆದಿತ್ಯ, ಮೂಜನೆ ಇನಾಮುನು ನಾವರದ ಉಷಾ ರಂಜಿತ್, ನಾಲನೆ ಇನಾಮುನು ಬೆದ್ರದ ಪ್ರತಿಭಾ ಪ್ರಸನ್ನ ಶೆಣೈ, ಐನೇ ಇನಾಮುನು ನಿಷಾ ಸಂತೋಷ್, ಶ್ವೇತಾ ನಾಯಕ್ ಶ್ರೀನಿವಾಸ್ ಅಂಚನೆ ಶ್ವೇತಾ ಚಂದ್ರಶೇಖರ್ ಪಡೆತೆರ್.

ಬಾಚಕೆರೆ ದುರ್ಗಾಪರಮೇಶ್ವರೀ ದೇವಲ್ಯ :ಬ್ರಹ್ಮಕಲಶ ಬೊಕ್ಕ ವರ್ಷಾದಿದ ಉಚ್ಚಯ

Mar 4, 2022

ಬಂಟ್ವಾಳ : ಪರಮಪೂಜ್ಯ ಡಾ| ಡಿ. ವೀರೇಂದ್ರ ಹೆಗ್ಡೆರ್ನ , ಧರ್ಮಾಧಿಕಾರಿಲೆನ ಶುಭಾಶೀರ್ವಾದಡ್,ಪರಮಪೂಜ್ಯ ಯೋಗೀಕೌಸ್ತುಭ, ಕರ್ಮಯೋಗಿ, ಸತ್ಕರ್ಮ ತಪಸ್ವಿ ಶ್ರೀ ಶ್ರೀ ಮೋಹನದಾಸ ಪರಮಹಂಸ ಸ್ವಾಮೀಜಿ, ಶ್ರೀಧಾಮ ಮಾಣಿಲ ಮೆರೆನ ಮಾರ್ಗದರ್ಶನ, ಮಾ.27 ಕ್ಕ್ ಕಾಂಡೆ 11-24 ನೇ ಮಿಥುನ ಲಗ್ನ ಸುಮುಹೂರ್ತಡ್ ಬಾಚಕೆರೆ ಶ್ರೀ ದುರ್ಗಾಪರಮೇಶ್ವರಿ ಅಮ್ಮನ ಪುನರ್‌ಪ್ರತಿಷ್ಠಾ ಅಷ್ಟಬಂಧ ಬ್ರಹ್ಮಕಲಶ ಉಚ್ಚಯ ಬೊಕ್ಕ, ಜಾತ್ರೋತ್ಸವ ನಡಪರೆ ಉಂಡು.

ಈ ನೆಲೆಟ್ಟ್ ಮಾ.20 ತಾರಿಕ್ ಗ್ ದೇವಲ್ಯೊಗೂ ಬೇತೆ ಬೇತೆ ಕಡೆರ್ದ್ ಪುದೆ ಕಾಣಿಕೆ ಮೆರವಣಿಗೆ ಬರಿಯೆರೆ ಉಂಡು.ಶ್ರೀ ಕ್ಷೇತ್ರ ಬಾಕರೆಗ್ ಐತಿಹಾಸಿಕ ಪುದೆಕಾಣಿಕೆ ಮೆರವಣಿಗೆ 21-03-2012ನೇ ಐತಾರ ನಡಪರೆ ಉಂಡು .
ಕಾಂಡೆ 10 ಗಂಟೆಗ್ ವೈಭವದ ಪುದೆಕಾಣಿಕೆ , ಬಾಚಕೆರೆ ಶ್ರೀ ದುರ್ಗಾಪರಮೇಶ್ವರೀ ಅಮ್ಮನ ಪ್ರಧಾನ ಕಲಶ ಮುಗುಳಿ , ಪಾಣಿಪೀಠ ದ ಬೊಳ್ಳಿದ ಮುಚ್ಚಳ, ಉತ್ಸವಮೂರ್ತಿ ಬೊಕ್ಕ ಪಲ್ಲೆoಕಿ ದ ಮೆರವಣಿಗೆ ಕಟೀಲು ಶ್ರೀ ದುರ್ಗಾಪರಮೇಶ್ವರೀ ದೇವಲ್ಯೋರ್ದು ಪಿದಾಡ್ದ್ ಕೈಕಂಬ, ಪೊಳಲಿ ಮಾರ್ಗವಾದ್ ಬಿ. ರೋಡ್ ಶ್ರೀ ರಕ್ತೇಶ್ವರಿ ದೇವಲ್ಯೊಡು ಸಂಪನ್ನ ಆದ್ ಅಲ್ಪರ್ದ್ ಮಧ್ಯಾಹ್ನ 1 ಗಂಟೆಗ್ ವಾದ್ಯಘೋಷದ ಒಟ್ಟುಗು ವೈಭವದ ಮೆರವಣಿಗೆ ಬಾಚಕೆರೆ ದೇವಲ್ಯೊಗೂ ಪೋಯೇರೆ ಉಂಡು.