“ತುಳು ಲಿಪಿ ಯುನಿಕೋಡ್‌ಗ್ ಸೇರ್ಸಾವರೆ ಬೆರಿಬಲ ಕೊರ್ತಿನಾರ್ ಮಾಜಿ ಸಚಿವೆರ್ ಅರವಿಂದ ಲಿಂಬಾವಳಿ”
ಕುಡ್ಲ : ತುಳು ಬಾಸೆಗ್ ಸ್ಥಾನಮಾನ ತಿಕ್ಕರೆ ಮಸ್ತ್ ಜನ ಬೆರಿಬಲ ಕೊರ್ತೆರ್. ಅಯಿಟ್ ಕನ್ನಡ ಸಂಸ್ಕೃತಿ ಇಲಾಖೆದ ಮಾಜಿ ಸಚಿವೆರ್, ಬಿಜೆಪಿದ ಹಿರಿಯ ನಾಯಕೆರ್ ಅರವಿಂದ ಲಿಂಬಾವಳಿಲ ಒರಿ ಆದುಲ್ಲೆರ್. ಅರೆನ ಕೊಡುಗೆನ್ ಈ ಪೊರ್ತುಡು ಮದಪಂದೆ ತುಳುವೆರ್ ಅರೆನ್ ನೆಂಪು ಮಲ್ದೆರ್.
2021 ನೇ ಇಸ್ವಿಡ್ ಬಿಜೆಪಿ ಸರ್ಕಾರ ಉಪ್ಪುನಗ ತುಳು ಲಿಪಿನ್ ಯುನಿಕೋಡ್‌ಗ್ ಸೇರ್ಸಾವರೆ ಅರವಿಂದ ಲಿಂಬಾವಳಿ ಅನುಮೋದನೆ ಕೊರ್ತೆರ್. ಅಂಚೆನೆ ಈ ನೆಲತ್ತ ಬಾಸೆಗ್ ಮಾನಾದಿಗೆ ತಿಕ್ಕೊಡು ಪಂದ್ ಪ್ರೋತ್ಸಾಹ ಮಲ್ದೆರ್. ಈ ಹಿನ್ನೆಲೆಡ್ ತುಳುವೆರ್ ಅರೆಗ್ ಸೊಲ್ಮೆ ಸಂದಾದೆರ್.
