ವಿಶ್ವಕಪ್ ಇತಿಹಾಸಡ್ ಮಸ್ತ್ ಸಲ ಮ್ಯಾಚ್ ಗೆಂದ್ಂದ್ ಟೀಮ್ ಇಂಡಿಯಾ 2ನೇ ತಾನ ಪಡೆತ್ಂಡ್.
AUS 72 ಮ್ಯಾಚ್, IND ಬೊಕ್ಕ NZ 58 ಮ್ಯಾಚ್, ಇಂಗ್ಲೆಂಡ್ 49 ಮ್ಯಾಚ್, ಪಾಕಿಸ್ತಾನ 47 ಮ್ಯಾಚ್, ದಕ್ಷಿಣ ಆಫ್ರಿಕಾ 42 ಮ್ಯಾಚ್, ಶ್ರೀಲಂಕಾ 39 ಮ್ಯಾಚ್, ಬಾಂಗ್ಲಾದೇಶ 15 ಮ್ಯಾಚ್ ಗೆಂದ್ಂಡ, ಅಫ್ಘಾನಿಸ್ತಾನ ಬೊಕ್ಕ ನೆದರ್ಲೆಂಡ್ ಈ ಮೆಗಾ ಟೂರ್ನಿಡ್ ಬಜಿ 3 ಮ್ಯಾಚ್ ಮಾತ್ರ ಗೆಂದ್ ದ್ಂಡ್.
ಕ್ಯಾರೆಟ್ ತಿನ್ಪುನೆರ್ದ್ ಆರೋಗ್ಯಗ್ ಮಸ್ತ್ ಪ್ರಯೋಜನ ಉಂಡು.
ಉಂದು ಜೀರ್ಣಕ್ರಿಯೆನ್ ಎಚ್ಚ ಮಲ್ಪುಂಡು. ನೆಟ್ಟ್ ಫೈಬರ್ ಅಂಶ ಮಲಬದ್ಧತೆನ್ ಕಮ್ಮಿ ಮಲ್ಪುಂಡು. ಅಂಚೆನೆ ಕರ್ಲ್ ದ ಪುರಿರ್ದ್ ಬಂಜಿಡ್ ಆಪಿನ ತೊಂದರೆನ್ ಕಮ್ಮಿ ಮಲ್ಪುಂಡು.
ಲಿವರ್ ರ್ದ್ ಬೊರ್ಚಂದಿನ ಕೊಲೆಸ್ಟ್ರಾಲ್ ಕಮ್ಮಿ ಮಲ್ಪರೆ ಬೊಕ್ಕ ಶರೀರಡ್ ಇಪ್ಪುನ ಇಸತ್ತ ಅಂಶನ್ ಪಿದಯಿ ಪಾಡಿಯೆರೆ ಸಹಕಾರಿ ಆಪುಂಡು. ಬಾಯಿದ ವಾಸನೆನ್ ಕಮ್ಮಿ ಮಲ್ಪುಂಡು. ಕ್ಯಾರೆಟ್ ಚರ್ಮದ ಆರೋಗ್ಯನ್ ಕೊರ್ಪುಂಡು. ನೆರ್ದ್ ಎಲು ಗಟ್ಟಿ ಆಪುಂಡು.
ಹಿಮಾಚಲ ಪ್ರದೇಶದ ಮುಖ್ಯಮಂತ್ರಿ ಸುಖವಿಂದರ್ ಸಿಂಗ್ ಸುಖು ಆಸ್ಪತ್ರೆಗ್ ದಾಖಲ್ ಆತೆರ್.
ಮೆರೆಗ್ ನಡುರಾತ್ರೆಡ್ ಬಂಜಿ ಬೇನೆ ಬತ್ತಿರ್ನೆದಾವೆರ ಶಿಮ್ಲಾದ ಐಜಿಎಂಸಿ ಆಸ್ಪತ್ರೆಗ್ ದಾಖಲ್ ಮಲ್ದೆರ್. ಇತ್ತೆ ಮೆರೆನ ಸ್ಕ್ಯಾನಿಂಗ್ ಮಲ್ತಿನ ಡಾಕ್ಟರ್ ಒವ್ವೇ ಸಮಸ್ಯೆ ಇಜ್ಜಿ ಪಂದ್ ತೆರಿಪಾದೆರ್.
ಹಾಸನದ ಪುಗರ್ತೆದ ಹಾಸನಾಂಬೆ ದೇವಿನ ಜಾತ್ರೆ ಉಚ್ಚಯದ ಲೆಕ್ಕೊಡು ನ.2 ಕ್ಕ್ ಸಾಂಪ್ರದಾಯಿಕ ವಿಧಿ ವಿಧಾನಲು ಇಪ್ಪುರ್ನೆದಾವೆರ ದೇವಿನ ಗರ್ಭಗುಡಿತ್ತ ಬಾಗಿಲ್ ನ್ ದೆಪ್ಪುವೆರ್.
ಅಂಚೆನೆ ಭಕ್ತೆರೆಗಾದ್ ದೇವಿನ ದರ್ಶನಗ್ ದೇವಲ್ಯದ ಆಡಳಿತ ಮಾತ ತಯಾರಿನ್ ಮಲ್ತೊಂದು ಉಂಡು. ಶಕ್ತಿ ಯೋಜನೆರ್ದ್ ಧರ್ಮೊಗು ಬಸ್ ಪ್ರಯಾಣ ಇಪ್ಪುರ್ನೆದಾವೆರ ಕರಿನ ವರ್ಷೊರ್ದ್ ಈ ಸರ್ತಿ ಎಚ್ಚದ ಭಕ್ತೆರ್ ಬರ್ಪುನ ನಿರೀಕ್ಷೆ ಉಂಡು ಪಂದ್ ತೆರಿದ್ ಬೈದ್ಂಡ್.
ಮುಲ್ಕಿ: ಕೆರೆಕಾಡು ಶ್ರೀ ವಿನಾಯಕ ಯಕ್ಷಕಲಾ ಪೌಂಢೇಶನ್ ದ ಮುತಾಲಿಕೆಡ್ ಯಕ್ಷಗಾನ ಸಪ್ತ ಸಂಭ್ರಮದ ಲೆಕ್ಕೊಡು ಅ.30 ಸೋಮಾರ ಬಯ್ಯಗ್ ವಿದ್ಯಾವಿಹಾರ ಶ್ರೀ ಅಂಬಿಕಾ ಶ್ರೀ ಆದಿನಾಥೇಶ್ವರ ಶ್ರೀ ಮಹಾಗಣಪತಿ ಮಂದಿರಡ್ ಏಕಾದಶಿ ದೇವಿ ಮಹಾತ್ಮೆ ಯಕ್ಷಗಾನ ಪ್ರದರ್ಶನ ನಡಪರೆ ಉಂಡು.
ಈ ಆಟದ ಪ್ರಾಯೋಜಕೆರ್ ವಿದ್ವಾನ್ ಪೆರ್ಣಂಕಿಲ ಹರಿದಾಸ್ ಭಟ್ ಆತೆರ್ ಪಂದ್ ಬೊಂಬೈ ವ್ಯವಸ್ಥಾಪಕೆರ್ ವಿ.ಕೆ ಸುವರ್ಣ ಪಡ್ಡೆದ್ರ, ಪ್ರಭಾಕರ್ ಎಸ್ ಹೆಗ್ಡೆ ಯರ್ಲಪಾಡಿ, ಗುರ್ಕಾರೆ ಜಯಂತ್ ಅಮೀನ್ ಲೆಪ್ಪೋಲೆಡ್ ತೆರಿಪಾದೆರ್.
ಯಕ್ಷಧ್ರುವ ಪಟ್ಲ ಸತೀಶ್ ಶೆಟ್ಟಿ ಮೆರೆನ ಸಾರಥ್ಯಡ್, ಪಾವಂಜೆ ಮೇಳದಕ್ಲೆರ್ದ್ ಧರ್ಮ ಸಿಂಹಾಸನ ಪೌರಾಣಿಕ ಯಕ್ಷಗಾನ ಪ್ರದರ್ಶನ ನ.1 ಬುಧಾರ ಮಧ್ಯಾಹ್ನ ಪನ್ವೇಲ್ ಆದ್ಯ ಕ್ರಾಂತಿ ವೀರ್ ವಾಸುದೇವ್ ಬಲ್ವಂತ್ ಫಡ್ಕೆ ಆಡಿಟೋರಿಯಮ್ ಡ್ ನಡಪರೆ ಉಂಡು.
ಈ ಲೇಸ್ ಸಂತೋಷ್ ಜಿ ಶೆಟ್ಟಿ ಮೆರೆನ ಮುತಾಲಿಕೆಡ್, ತ್ರಿರಂಗ ಸಂಗಮ ಬೊಂಬೈದ ಒಟ್ಟುಸೇರಿಗೆಡ್ ನಡಪರೆ ಉಂಡು ಪಂದ್ ಲೆಪ್ಪೋಲೆಡ್ ತೆರಿಪಾದೆರ್.
ಯೂನಿಯನ್ ಪಬ್ಲಿಕ್ ಸರ್ವಿಸ್ ಕಮಿಷನ್ (UPSC) 2024ತ್ತ ಶೈಕ್ಷಣಿಕ ವರ್ಷೊಡು ಖಾಲಿ ಇಪ್ಪುನ ನಾಗರಿಕ ಸೇವೆ, ಭಾರತೀಯ ಅರಣ್ಯ ಸೇವೆ, NDA, CDS (I) ಬೇಲೆದ ನೇಮಕಾತಿಗ್ ಪರೀಕ್ಷೆದ ಹಾಲ್ ಟಿಕೆಟ್ ಬುಡುಗಡೆ ಆತ್ಂಡ್.
ಕಲ್ಪಾರ್ಥಿಲು ಅಧಿಕೃತ ವೆಬ್‌ಸೈಟ್‌ upsc.gov.in ಗ್ ಭೇಟಿ ಕೊರ್ದು ಪರಿಶೀಲನೆ ಮಲ್ಪೊಲಿ. ನಾಗರಿಕ ಸೇವೆಲೆನ ಪ್ರಿಲಿಮ್ಸ್ 2024 ಬೊಕ್ಕ ಭಾರತೀಯ ಅರಣ್ಯ ಸೇವೆ (IFS) ಪ್ರಿಲಿಮ್ಸ್ 2024 ತ್ತ ಮೇ 26 ಕ್ಕ್ ನಡಪರೆ ಉಂಡು. ಅಂಚಾದ್ ನಾಗರಿಕ ಸೇವೆಲೆನ ಮುಖ್ಯ ಪರೀಕ್ಷೆ 2024 ತ್ತ ಸೆಪ್ಟೆಂಬರ್ 20 ಕ್ಕ್ ನಡಪರೆ ಉಂಡು.
ಒಡಿಪು: 1957 ಟ್ಟ್ ಒಡಿಪುಡ್ ಭಗವತೀ ತೀಯಾ ಸಮಾಜ ಸೇವಾ ಸಂಘ ಸ್ಥಾಪನೆ ಆದಿತ್ತ್ ದ್ ಸುಮಾರಾತ್ ಧಾರ್ಮಿಕ ಅಂಚೆನೆ ಸಮಾಜಮುಖಿ ಕಾರ್ಯಲೆನ್ ಮಲ್ತೊಂದು ಬರೊಂದು ಉಂಡು.
ಇತ್ತೆ ತಾರೀಕ್ 24-10-2023ನೇ ಅಂಗಾರೆದಾನಿ ಕಲ್ಯಾಣಪುರಟ್ಟ್ ಸ್ವಂತ ಜಾಗೆಡ್ ಇಪ್ಪುನ ಸಮಾಜ ಮಂದಿರದ ಚಾವಡಿಡ್ ಪೊಂಜೋವುಲೆನ ಪೊಸ ಕೂಟದ ಉದಿಪನ ಆಂಡ್.
ತೀಯಾ ಸಮಾಜಡ್ ಮಸ್ತ್ ಬಡವೆರ್ ಇತ್ತ್ ದ್, ಅವಿದ್ಯಾವಂತೆರ್ ಇತ್ತ್ ದ್, ಸಮಾಜದ ಏಳಿಗೆಗಾದ್ ಸಮಾಜಡ್ ಆಪುನಂಚಿತ್ತಿನ ಮದಿಮೆ, ಮರಣ, ವಿದ್ಯೆ, ಉದ್ಯೋಗ ಸೇರಿನಂಚ ಧಾರ್ಮಿಕ ಕಾರ್ಯಕ್ರಮಟ್ಟ್ ತೀಯಾ ಸಮಾಜನ್ ಬಲಪಡಿಸಾವೂನ ಉದ್ದೇಸೊಡು ಪೊಂಜೋವುಲೆನ ಕೂಟನೊ ಮಲ್ತ್ ದ ಪಂದ್ ಸಂಘಟಕೆರ್ ತೆರಿಪಾದೆರ್.
ಈ ಪೊಸ ಕೂಟದ ಮಾನಾದಿದ ಗುರ್ಕಾರ್ಲಾದ್ ಟಿ.ಕಲ್ಯಾಣಿ ಟೀಚರ್, ಗುರ್ಕಾರ್ಲಾದ್ ಶಕುಂತಳ ಟಿ ಪ್ರಗತಿ ನಗರ, ಒತ್ತು ಗುರ್ಕಾರ್ಲಾದ್ ವನಜ ಪಾಲನ್ ತೊಟ್ಟಂ, ಕಾರ್ಯಂತೆರಾದ್ ಶಶಿಕಲಾ ಎಸ್ ಕರ್ಕೇರ ಹೊನ್ನಪ್ಪಕುದ್ರು, ಒತ್ತು ಕಾರ್ಯಂತೆರಾದ್ ಸಂಧ್ಯಾ ಪೂರ್ಣೇಶ್ ನೇಜಾರ್, ಬೊಕ್ಕ ಪ್ರೀಯಾ ವಿಕಾಸ್ ಹಂಪನಕಟ್ಟೆ, ಸಂಘಟನಾ ಕಾರ್ಯಂತೆರಾದ್ ಮನಿಷಾ ಪದ್ಮನಾಭ ಕೆಮ್ಮಣ್ಣು, ಶಾಲಿನಿ ಹರಿಪ್ರಸಾದ್ ಮುದಲಕಟ್ಟೆ, ಸಾಂಸ್ಕೃತಿಕ ಕಾರ್ಯಂತೆರಾದ್ ಶಾರದ ತಿಮ್ಮಪ್ಪ ಸಾಲ್ಯಾನ್ ಬೈಲಕೆರೆ, ಬೊಕ್ಕ ಸುಧಾ ಸದಾಶಿವ ರಂಗತೋಟ, ಕಾರ್ಯಕ್ರಮ ಸಂಯೋಜಕಿಯಾದ್ ಸೀಮಾ ಸುರೇಶ ಪಾಲನ್ ಮೂಡುಬೆಟ್ಟು ಅಂಚೆನೆ ಈ ಪೊರ್ತುಡು ಒತ್ತು ಮಾನಾದಿಗೆದ ಸಲಹೆಗಾರೆರೆನ್ ಬೊಕ್ಕ ಪದುಕೆರೆನ ಕೂಟನ್ ರಚನೆ ಮಲ್ತ್ಂಡ್.
ವರದಿ: ಪುರಂದರ ಸಾಲ್ಯಾನ್ ಮುಂಬೈ
ಪೋಟೋ: ಪ್ರಶಾಂತ್ ಸಾಲ್ಯಾನ್
ಕಿಡ್ಲ : ಮುಳಿಹಿತ್ಲ್ ಗೇಮ್ಸ್ ಟೀಮ್, ಮಂಗಳಾದೇವಿ ನೆತ್ತ ಪಿಲಿ ಏಸ ಪಾಡಿನ ಕಲಾವಿದೆ ರಕ್ಷಿತ್ ಕುತ್ತಾರ್ ಮೆರೆಗ್ ಆಯುಧ ಪೂಜೆದಾನಿ ಕುಡ್ಲದ ಕಿಯಾ ಕಾರ್ ಶೋರೂಮ್ ದ ಕೈತಲ್ ಪಿಲಿ ನಲಿಕೆ ಸಂದರ್ಭೊಡು ಪಲ್ಟಿ ಪಾಡ್ನಗ ತತ್ತ್ ದ್ ತರೆ, ಕೈ ಅಂಚೆನೆ ಕಣ್ಣ್ ಗ್ ಭಾರೀ ಜೋರಾದ್ ಪೆಟ್ಟಾದಿತ್ತ್ ದ್ ಕುಡ್ಲದ ತೇಜಸ್ವಿ ಆಸ್ಪತ್ರೆಡ್ ದಾಖಲಾದಿತ್ತೆರ್.
ಇತ್ತೆ ಆಪರೇಷನ್ ಯಶಸ್ವಿಯಾದ್ ವಾರ್ಡ್ ಗ್ ಶಿಫ್ಟ್ ಆತೆರ್. ಈ ಪೊರ್ತುಡು ಪಿಲಿ ನಲಿಕೆ ಪ್ರತಿಷ್ಠಾನದ ಗುರ್ಕಾರ್ಲು ಆಯಿನ ಮಿಥುನ್ ರೈ ಮೇರ್ ಆಸ್ಪತ್ರೆಗ್ ಭೇಟಿ ಕೊರ್ದು, ಆರೆಗ್ ಸಾಂತ್ವನ ಪಂಡ್ಂದ್ ಆರ್ಥಿಕವಾದ್ ಸಹಕಾರ ಮಲ್ತ್ ದ್ ಕುಟುಂಬದಕ್ಲೆಗ್ ಧೈರ್ಯ ದಿಂಜಾಯೆರ್.
ಒಡಿಪು: ಜಾಗತಿಕ ಬಂಟರ ಸಂಘಲೆನ ಒಕ್ಕೂಟದ ಮುತಾಲಿಕೆಡ್ ಅ.28 ಬೊಕ್ಕ 29 ಕ್ಕ್ ವಿಶ್ವ ಬಂಟರ ಸಮ್ಮೇಳನ-2023 ಕ್ರೀಡಾ ಸಂಗಮ ಬೊಕ್ಕ ಸಾಂಸ್ಕೃತಿಕ ಸಂಭ್ರಮ ಒಡಿಪುಡ್ ನಡಪರೆ ಉಂಡು ಪಂದ್ ಒಕ್ಕೂಟದ ಗುರ್ಕಾರೆ ಐಕಳ ಹರೀಶ್ ಶೆಟ್ಟಿ ಮೇರ್ ಪತ್ರಿಕಾಗೋಷ್ಠಿಡ್ ಪಂಡೆರ್.
ಅ.28 ಕ್ಕ್ ಬೊಲ್ಪುಗು ಪೇಂಟೆದ ಬೋರ್ಡ್ ಹೈಸ್ಕೂಲ್ ಡ್ ಮೆರವಣಿಗೆಗ್ ಚಾಲನೆ ತಿಕ್ಕುಂಡು. ಬೊಕ್ಕ ಕೆಎಂ ಮಾರ್ಗದ ಮುಖೇನ ಡಯಾನ ವೃತ್ತ, ಜೋಡುಕಟ್ಟೆ, ಭುಜಂಗ ಪಾರ್ಕ್ ಮಾರ್ಗವಾದ್ ಅಜ್ಜರಕಾಡು ಮೈದಾನಗ್ ಬರ್ಪುಂಡು.
62 ರ್ದ್ ಎಚ್ಚ ಬಂಟರ ಸಂಘಲೆನ 7 ಸಾರರ್ದ್ ಎಚ್ಚ ಜನ ಮೆರವಣಿಗೆಡ್ ಪಾಲ್ ಪಡೆಯೆರೆ ಉಲ್ಲೆರ್. ಬೊಕ್ಕ ಒಡಿಪು ಅಜ್ಜರಕಾಡು ಮೈದಾನಡ್ ಮಾತ ಬಂಟರ ಕೂಟಲೆರ್ದ್ ಆಕರ್ಷಕ ಪಥ ಸಂಚಲನ ನಡಪರೆ ಉಂಡು. ಮುಖ್ಯಮಂತ್ರಿ ಸಿದ್ದರಾಮಯ್ಯ ಮೇರ್ ಅಜ್ಜರಕಾಡು ಕ್ರೀಡಾಂಗಣಡ್ ನಡಪುನ ವಿಶ್ವ ಬಂಟರ ಸಮ್ಮೇಳನ-ಕ್ರೀಡೋತ್ಸವನ್ ಉದಿಪನ ಮಲ್ಪುವೆರ್.
ಬ್ಯಾಡ್ಮಿಂಟನ್ ಏಷ್ಯನ್ ಗೇಮ್ಸ್ ಗೆಂದಿನ ಚಿರಾಗ್ ಶೆಟ್ಟಿ, ಅಂಡರ್ 19 ವರ್ಲ್ಡ್ ಜೂನಿಯರ್ ಶಿಪ್ ಗೆಂದಿನ ಆಯುಷ್ ಶೆಟ್ಟಿ ಕಾರ್ಲ ಬೊಕ್ಕ ಬೇತೆ ಬೇತೆ ಮಠತ್ತ ಸ್ವಾಮಿಲು, ಬೇತೆ ಬೇತೆ ಕ್ಷೇತ್ರದ ಗಣ್ಯೆರ್, ಅಧಿಕಾರಿಲು ಪಾಲ್ ಪಡೆಯೆರೆ ಉಲ್ಲೆರ್.
ಕ್ರೀಡೋತ್ಸವಡ್ ಜಾಗತಿಕ ಬಂಟರ ಸಂಘದ ಬೇತೆ ಬೇತೆ ಕೂಟಲು ಪಾಲ್ ಪಡೆಯೆರೆ ಉಂಡು. ಬೊಕ್ಕ ಆಂಜೋವ್ ಲೆನ ವಾಲಿಬಾಲ್, ಬಲ್ಲ್ ಒಯಿಪುನ, ಪೊಂಜೋವ್ ಲೆನ ತ್ರೋಬಾಲ್, ಬಲ್ಲ್ ಒಯಿಪುನ ಪಂತೊ ನಡಪರೆ ಉಂಡು. ಅಂಚೆನೆ ಮಾತ ಪ್ರಾಯದಕ್ಲೆಗ್ಲಾ ಆ್ಯತ್ಲೆಟಿಕ್ ನಡಪರೆ ಉಂಡು. ಮಧ್ಯಾಹ್ನರ್ದ್ ರಾತ್ರೆ ಮುಟ್ಟ ಪ್ರೊ ಕಬಡ್ಡಿ ಮಾದರಿಡ್ 8 ಕೂಟಲೆನ ಕಬಡ್ಡಿ ಪಂತೊ ನಡಪರೆ ಉಂಡು.
ಅಂಚೆನೆ ಬ್ಯಾಡ್ಮಿಂಟನ್ ಕ್ರೀಡಾಪಟು ಚಿರಾಗ್ ಶೆಟ್ಟಿ, ಆಯುಷ್ ಶೆಟ್ಟಿ ಕಾರ್ಲ, ಬೇತೆ ಬೇತೆ ಕ್ಷೇತ್ರದ ಸಾಧಕೆರ್ ಡಾ|ಎ ಸದಾನಂದ ಶೆಟ್ಟಿ ಕುಡ್ಲ, ಡಾ| ಎಂಎನ್ ರಾಜೇಂದ್ರ ಕುಮಾರ್, ಕೆ ಪ್ರಕಾಶ್ ಶೆಟ್ಟಿ, ಚಂದ್ರಹಾಸ ಕೆ ಶೆಟ್ಟಿ, ಪ್ರವೀಣ್ ಶೆಟ್ಟಿ ವಕ್ವಾಡಿ, ಸತೀಶ್ ಶೆಟ್ಟಿ ಪಟ್ಲ, ಸಂತೋಷ್ ಶೆಟ್ಟಿ ಪುಣೆ, ವಿಶು ಶೆಟ್ಟಿ ಅಂಬಲಪಾಡಿ ಮೊಕ್ಲೆಗ್ ಸನ್ಮಾನ ನಡಪರೆ ಉಂಡು.
ಈ ಲೇಸ್ ಗ್ ಪಿಕ್ಚರ್ ದಕುಲು ಸುನಿಲ್ ಶೆಟ್ಟಿ, ರಕ್ಷಿತ್ ಶೆಟ್ಟಿ, ಐಶ್ವರ್ಯ ರೈ , ಶಿಲ್ಪಾ ಶೆಟ್ಟಿ, ರಿಷಬ್ ಶೆಟ್ಟಿ, ಗುರುಕಿರಣ್ ಶೆಟ್ಟಿ, ಶ್ರೀನಿಧಿ ಶೆಟ್ಟಿ, ಶಿವಧ್ವಜ್ ಶೆಟ್ಟಿ, ಅನುಷ್ಕಾ ಶೆಟ್ಟಿ, ಪೂಜಾ ಹೆಗ್ಡೆ, ರಾಜ್ ಬಿ ಶೆಟ್ಟಿ, ರೂಪೇಶ್ ಶೆಟ್ಟಿ, ಯಶ್ ಪಾಲ್ ಪಡೆಯೆರೆ ಉಲ್ಲೆರ್.
ಅ.29 ಕ್ಕ್ ಅಮ್ಮಣಿ ರಾಮಣ್ಣ ಶೆಟ್ಟಿ ಮೈದಾನಡ್ ಸಾಂಸ್ಕೃತಿಕ ಲೇಸ್ ದ ಉದಿಪನ ನಡಪರೆ ಉಂಡು. ನೆನ್ ಗೃಹ ಸಚಿವೆರ್ ಡಾ|ಜಿ ಪರಮೇಶ್ವರ್ ಮಲ್ಪರೆ ಉಲ್ಲೆರ್. ಈ ಪೊರ್ತುಡು ಕೇಂದ್ರ ಸಚಿವೆರ್ ನಿತಿನ್ ಗಡ್ಕರಿ, ಶೋಭಾ ಕರಂದ್ಲಾಜೆ ಪಾಲ್ ಪಡೆಯೆರೆ ಉಲ್ಲೆರ್. ಅತ್ತಂದೆ 30 ಕೂಟದಕ್ಲೆರ್ದ್ ಸಾಂಸ್ಕೃತಿಕ ಲೇಸ್ ನಡಪರೆ ಉಂಡು.
ಪತ್ರಿಕಾಗೋಷ್ಠಿಡ್ ಜಾಗತಿಕ ಬಂಟರ ಸಂಘಲೆನ ಒಕ್ಕೂಟದ ಉಪಾಧ್ಯಕ್ಷೆರ್ ಕರ್ನಿರೆ ವಿಶ್ವನಾಥ ಶೆಟ್ಟಿ, ಜತೆ ಕಾರ್ಯದರ್ಶಿ ಚಂದ್ರಹಾಸ ಡಿ ಶೆಟ್ಟಿ, ಕ್ರೀಡಾಕೂಟ ಸಂಚಾಲಕೆರ್ ಗಿರೀಶ್ ಶೆಟ್ಟಿ ತೆಳ್ಳಾರು, ಪ್ರಮುಖೆರ್ ನಾಗೇಶ್ ಹೆಗ್ಡೆ, ಪುರುಷೋತ್ತಮ ಪಿ ಶೆಟ್ಟಿ, ಮನೋಹರ ಶೆಟ್ಟಿ ತೋನ್ಸೆ, ಅಶೋಕ್ ಪಕ್ಕಳ, ಉಳ್ತೂರು ಮೋಹನ್ ದಾಸ್ ಶೆಟ್ಟಿ, ಕಾರ್ನೂರು ಮೋಹನ್ ರೈ, ಡಾ. ರೋಶನ್ ಕುಮಾರ್ ಶೆಟ್ಟಿ ಇತ್ತೆರ್.
