ಬೆಂಗ್ಲೂರ್ ಡ್ ಪ್ರಧಾನಿ ಮೋದಿ
ಬೆಂಗ್ಲೂರ್: ಪ್ರಧಾನಿ ನರೇಂದ್ರ ಮೋದಿ ಇನಿ ಸಿಲಿಕಾನ್ ಸಿಟಿ ಬೆಂಗ್ಲೂರ್ ಗ್ ಬತ್ತ್ ದ್ ಜತ್ತೆರ್.
ಮೆರೆನ್ ರಾಜ್ಯಪಾಲ ಥಾವರ್ ಚಂದ್ ಗೆಹ್ಲೋಟ್, ಸಿಎಂ ಬೊಮ್ಮಾಯಿ, ಸಂಸದೆರ್ ತೇಜಸ್ವಿ ಸೂರ್ಯ, ಕೇಂದ್ರ ಸಚಿವೆರ್ ಪ್ರಹ್ಲಾದ್ ಜೋಶಿ ಎದ್ಕೊನಿಯೆರ್.
Times of kudla
ಪಿಕಪ್ ಬೊಕ್ಕ ರಿಕ್ಷಾ ಗುದ್ದುದು ತೀರ್ ಪೋಯಿನ 4 ವರ್ಷದ ಬಾಲೆ
ಕಡಬ: ರಿಕ್ಷಾ ಬೊಕ್ಕ ಪಿಕಪ್ ಗುದ್ದುದು ರಿಕ್ಷಾಡ್ ಇತ್ತಿನ 4 ವರ್ಷದ ಬಾಲೆ ತೀರ್ ಪೋಯಿನ ಘಟನೆ ಕಡಬ-ಪಂಜ ಮಾರ್ಗದ ಕೋಡಿಂಬಾಳ ಕೈತಲ್ ದ ಮುರಚೆಡವುಡ್ ನಡತ್ಂಡ್.
ರಿಕ್ಷಾಡ್ ಇತ್ತಿನ ಪಂಜ ನಿವಾಸಿ ನವೀನ್ ಮೆರೆನ ಮಗೆ ಹಾರ್ದಿಕ್ (4) ಗ್ ಮಸ್ತ್ ಪೆಟ್ಟಾದ್ ಇತ್ಂಡ್. ಮೆರೆಗ್ ಕಡಬ ಸಮುದಾಯ ಆರೋಗ್ಯ ಕೇಂದ್ರಡ್ ಪ್ರಾಥಮಿಕ ಚಿಕಿತ್ಸೆ ಕೊರ್ದು, ಹೆಚ್ಚದ ಚಿಕಿತ್ಸೆಗಾದ್ 108 ಆಂಬ್ಯುಲೆನ್ಸ್ ಡ್ ಪುತ್ತೂರ್ ಆಸ್ಪತ್ರೆಗ್ ಲೆತ್ತೊಂದು ಬನ್ನಗ ತೀರ್ ಪೋಯೆರ್ ಪಂದ್ ತೆರಿದ್ ಬೈದ್ಂಡ್.
ಪುರಿ ಜಗನ್ನಾಥ ದೇವಲ್ಯೊಗ್ 2 ಕಿ.ಮೀ. ನಡತೊಂದೇ ಬತ್ತಿನ ರಾಷ್ಟ್ರಪತಿ ದ್ರೌಪದಿ
ಪುರಿ: ರಾಷ್ಟ್ರಪತಿ ದ್ರೌಪದಿ ಮುರ್ಮು ಮೇರ್ ದೇಶದ ಮಲ್ಲ ಸ್ಥಾನಡ್ ಇತ್ತ್ಂಡಲ ಸುರುತ ಸರ್ತಿ ಒಡಿಶಾಗ್ ಭೇಟಿ ಕೊರ್ದು ಪುರಿ ಜಗನ್ನಾಥ ದೇವಲ್ಯೊಗು 2 ಕಿ.ಮೀ. ಮುಟ್ಟ ನಡತೊಂದು ಬತ್ತ್ ದ್ ಇಸೇಸ ಪೂಜೆ-ಪ್ರಾರ್ತನೆ ಸಂದಾದೆರ್.
ಈ ಪೊರ್ತುಡು ಕೇಂದ್ರ ಶಿಕ್ಷಣ ಸಚಿವೆರ್ ಧರ್ಮೇಂದ್ರ ಪ್ರಧಾನ್ ಒಟ್ಟಿಗೆ ಇತ್ತೆರ್. ಭುವನೇಶ್ವರ ವಿಮಾನ ನಿಲ್ದಾಣಗ್ ಬತ್ತಿನ ಮೆರೆನ್ ಮುಖ್ಯಮಂತ್ರಿ ನವೀನ್ ಪಟ್ನಾಯಕ್ ಎದ್ಕೊನಿಯೆರ್.
ಪಲಯೆ ಜೂವ ದೆತ್ತೊಂದಿನ ಬೇಜಾರ್ ಡ್ ಮೆಗ್ದಿಲ ಜೂವ ದೆತ್ತೊಂಡೆರಾ!?
ಪಲಯೆ ತೀರ್ ಪೋಯಿನ ಬೇಜಾರ್ ಡ್ ಫೊಣ್ಣ್ ಒರ್ತಿ ಆತ್ಮಹತ್ಯೆ ಮಲ್ತಿನ ಘಟನೆ ಒಡಿಪು ಜಿಲ್ಲೆದ ಕಾರ್ಲ ತಾಲೂಕ್ ದ ಕಲ್ಯಾದ ಕೇಪುಲ ಪನ್ಪಿನಲ್ಪ ನಡತ್oಡ್.
ನಿಶಾ (23)ಆತ್ಮಹತ್ಯೆ ಮಲ್ತೊಂದಿನ ಫೊಣ್ಣು.
ನಿಶಾ ಇಲ್ಲ ಕೈತಲ್ ಇಪ್ಪುನ ಕಾಡ್ ಡ್ ಆತ್ಮಹತ್ಯೆ ಮಲ್ತ್ ದೆರ್. ಆಜಿ ತಿಂಗೊಲ್ದ ಪಿರವು ಮೂಲ್ಕಿ ಠಾಣಾ ವ್ಯಾಪ್ತಿಡ್ ನಿಶಾ ಮೆರೆನ ಪಲಯೆ ಆತ್ಮಹತ್ಯೆ ಮಲ್ತ್ ದಿತ್ತೆರ್. ಉಂದುವೇ ಬೇಜಾರ್ ಡ್ ಮೆಗ್ದಿ ಆತ್ಮಹತ್ಯೆ ಮಲ್ತ್ ದೆರ್ ಪನ್ಪಿನ ವಿಚಾರ ಕೇಂದ್ ಬರೊಂದುಂಡು. ನಿಶಾ ನಿಟ್ಟೆದ ಮೆಸ್ಕಾಂ ಕಚೇರಿಡ್ ಬೇಲೆ ಮಲ್ತೊಂದು ಇತ್ತೆರ್. ಈ ಬಗೆಟ್ ಕಾರ್ಲ ಗ್ರಾಮಾಂತರ ಠಾಣೆಡ್ ಕೇಸ್ ದಾಖಲ್ ಆತ್ಂಡ್.
ಕಾರ್ಖಾನೆಡ್ ಪಟಾಕಿ ಪುಡಾದ್ ತೀರ್ ಪೋಯೆರ್ ಐನ್ ಜನ
ಮಧುರೈ: ಪಟಾಕಿ ಕಾರ್ಖಾನೆಡ್ ಸ್ಪೋಟ ಆದ್ ಐನ್ ಜನ ತೀರ್ ಪೋಯಿನ ಘಟನೆ ಮಧುರೈ ಜಿಲ್ಲೆದ ಉಸಿಲಂಬಟ್ಟಿ ಕೈತಲ್ ನಡತ್ಂಡ್.
ಈ ಸ್ಪೋಟಗ್ ಕಾರಣ ತೆರಿದ್ ಬೈದಿಜಿ ಪಂದ್ ಮಧುರೈ ಎಸ್ಪಿ ತೆರಿಪಾದೆರ್. ಕೈತಲ್ ದ ಪೊಲೀಸೆರ್ ಜಾಗೆಗ್ ಭೇಟಿ ಕೊರ್ದು ತನಿಖೆ ಮಲ್ತೊಂದು ಉಲ್ಲೆರ್. ಹೆಚ್ಚದ ಮಾಹಿತಿ ನನ ತಿಕ್ಕೊಡಾತೆ.
ಟಿ-20 ವಿಶ್ವಕಪ್ ಕ್ರಿಕೆಟ್: ಇಂಗ್ಲೆಂಡ್ ಫೈನಲ್ ಗ್
ಟಿ-20 ವಿಶ್ವಕಪ್ ಸೆಮಿಫೈನಲ್ ಡ್ ಇಂಗ್ಲೆಂಡ್ ಭಾರತ ವಿರುದ್ಧ ಪತ್ತ್ ವಿಕೆಟ್ ರ್ದ್ ಗೆಂದ್ ದ್ಂಡ್.
ಸುರುಕ್ ಬ್ಯಾಟಿಂಗ್ ಮಲ್ತಿನ ಭಾರತದ ಹಾರ್ದಿಕ್ ಪಾಂಡ್ಯ(63) ಬೊಕ್ಕ ವಿರಾಟ್ ಕೊಹ್ಲಿ (50) ರನ್ ಡ್ ಎಡ್ಡೆ ಬ್ಯಾಟಿಂಗ್ ಮಲ್ದೆರ್. 168 ರನ್ ಹಾಕ್ ದ್ 169 ರನ್ ನ್ ಇಂಗ್ಲೆಂಡ್ ಗ್ ಗುರಿ ದೀದ್ ಇತ್ತ್ಂಡ್. ಉಂದೆನ್ ಬೆರಿ ಪತ್ತಿನ ಇಂಗ್ಲೆಂಡ್ ದ ಹೇಲ್ಸ್ (86) ಬೊಕ್ಕ ಬಟ್ಲರ್ (80) ರನ್ ಹಾಕ್ ದ್ ಗೆಂದಿಯೆರ್. ನೆಟ್ ಇಂಗ್ಲೆಂಡ್ ಫೈನಲ್ಡ್ ಪಾಕಿಸ್ತಾನದ ಎದುರು ಗೊಬ್ಬರೆ ಉಂಡು.
ಗತಿದಾಂತಿ ಪುನೊಕ್ಕು ಮುಕ್ತಿ ಕೊರ್ನ ಪೊಲೀಸ್ ಸಂಪತ್ ಗ್ ಪ್ರಶಂಸೆದ ಪತ್ರ ಕೊರ್ದು ಗೌರವ
ಕುಡ್ಲ: ಕುಡ್ಲ ಪುರಭವನದ ಕೈತಲ್ ತೋಜಿನ ಒರಿ ಗತಿಗೋತ್ರ ದಾಂತಿನ ವ್ಯಕ್ತಿನ ಪುಣನ್ ವೈದ್ಯಕೀಯ ಸಿಬ್ಬಂದಿಲೆನ್ ಕಾಪಂದೆ, ಸಹೋದ್ಯೋಗಿಲೆನ ಸಕಾಯರ್ದ್ ಪುನನ್ ವೆನ್ಲಾಕ್ ಆಸ್ಪತ್ರೆಗ್ ಸಾಗಾದ್ ಮಾನವೀಯತೆ ತೋಜಾಯಿನ ಪೊಲೀಸ್ ಕಾನ್ಸ್ಟೇಬಲ್ ಸಂಪತ್ ಬಂಗೇರ ಮೆರೆಗ್ ಇನಿ ಪೊಲೀಸ್ ಆಯುಕ್ತೆರೆನ ಕಚೇರಿಡ್ ಪ್ರಶಂಸನಾ ಪತ್ರ ಕೊರ್ದು ಗೌರವಿಸಾಯೆರ್.
ಮೆರೆನ ಬೇಲೆನ್ ಮೆಚ್ಚಿನ ಪೊಲೀಸ್ ಆಯುಕ್ತೆರ್ ಎನ್ ಶಶಿಕುಮಾರ್, ಉಂದುವೇ ರೀತಿ ನಿರಂತರವಾದ್ ಸಾರ್ವಜನಿಕ ಸೇವೆಡ್ ಪಾಲ್ ಪಡೆಲೆ, ಇರೆನ ಕರ್ತವ್ಯ ಪ್ರಜ್ಞೆ ಬೇತೆ ಅಕುಲೆಗ್ ಮಾದರಿ ಆವಡ್ ಪಂದ್ ಪಂಡೆರ್. ಈ ಪೊರ್ತುಡು ಡಿಸಿಪಿ ಅಂಶುಕುಮಾರ್ ಇತ್ತೆರ್.
ಪುತ್ತೂರ್ ದ ವಸತಿ ಶಾಲೆದ 10ನೇ ಕ್ಲಾಸ್ ದ ರಡ್ಡ್ ಜೋಕುಲು ಮಿಸ್ಸಿಂಗ್ !!
ಪುತ್ತೂರ್: ಪುತ್ತೂರ್ ದ ವಸತಿ ಶಾಲೆರ್ದ್ 10ನೇ ಕ್ಲಾಸ್ ದ ರಡ್ಡ್ ಜೋಕುಲು ನಾಪತ್ತೆ ಆಯಿನ ಘಟನೆ ನಡತ್ಂಡ್.
ಮೈಸೂರ್ ದಕುಲು ಆಯಿನ ತಿಪ್ಪೇಶ್ ಬೊಕ್ಕ ಅಭೀಷೆಕ್ ನ. 7 ದಾನಿ ಬಯ್ಯಗ್ ಸಾಲೆ ಮುಗಿತ್ತ್ ದ್ ರಡ್ಡ್ ಜನಲ ಹಾಸ್ಟೆಲ್ಗ್ ಬರಂದೆ ನಾಪತ್ತೆ ಆತೆರ್ ಪಂದ್ ಸಾಲೆದ ಆಡಳಿತ ಸಮಿತಿ ಪೊಲೀಸೆರೆಗ್ ದೂರು ಕೊರ್ತುಂಡು.
ಬೆಂಗ್ಲೂರ್ದ ಬಸ್ಸ್ ಟ್ ಪೊಂಜೊವುನ ಎದುರು ಮರ್ಲ್ ಕಟ್ಟಿನ ಬಸ್ ಕ್ಲೀನರ್ ಅರೆಸ್ಟ್
ಉಳ್ಳಾಲ: ದೇರಳಕಟ್ಟೆ ಖಾಸಗಿ ಆಸ್ಪತ್ರೆಡ್ ಅಸಿಸ್ಟೆಂಟ್ ಪ್ರೊಫೆಸರ್ ಆದ್ ಬೇಲೆ ಮಲ್ತೊಂದು ಇಪ್ಪುನ ಒಂಜಿ ಪೊಂಜೋವ್ ಬೆಂಗ್ಲೂರ್ ರ್ದ್ ಕುಡ್ಲಗ್ ಬಸ್ಸ್ ಟ್ ಬರೊಂದು ಇಪ್ಪುನ ಪೊರ್ತುಡು ಬಸ್ ಕ್ಲೀನರ್ ಒರಿ ಅಸಭ್ಯವಾದ್ ವರ್ತನೆ ಮಲ್ತ್ ದಿತ್ತೆ.
ಈ ಬಗೆಟ್ ಮೇರ್ ಉಳ್ಳಾಲ ಪೊಲೀಸ್ ಠಾಣೆಗ್ ದೂರು ಕೊರ್ತೆರ್. ಮೆರೆನ ದೂರುದಂಚನೆ ಪೊಲೀಸೆರ್ ಕೇಸ್ ದಾಖಲ್ ಮಲ್ತ್ ದ್, ಆರೋಪಿ, ಬಜ್ಪೆ ಕೆಂಜೂರು ನಿವಾಸಿ, ಬಸ್ ಕ್ಲೀನರ್ ಮುಹಮ್ಮದ್ ಇಮ್ರಾನ್(26) ನ್ ಅರೆಸ್ಟ್ ಮಲ್ದೆರ್.
ರವೀಂದ್ರ ಜಡೇಜನ ಬೊಡೆದಿಗ್ ಬಿಜೆಪಿ ಎಂ ಎಲ್ ಎ ಟಿಕೆಟ್
ಡೆಲ್ಲಿ: ಗುಜರಾತ್ ವಿಧಾನಸಭೆ ಚುನಾವಣೆಗ್ ಸಂಬಂಧ ಪಟ್ಟಿನ ಬಿಜೆಪಿ ಅಭ್ಯರ್ಥಿಲೆನ ಸುರುತ ಪಟ್ಟಿ ಪ್ರಕಟ ಆತ್ಂಡ್.
ಈ ಪಟ್ಟಿಡ್ ಕ್ರಿಕೆಟರ್ ರವೀಂದ್ರ ಜಡೇಜಾ ಮೆರೆನ ಬೊಡೆದಿ ರಿವಾಬ್ ಗ್ ಬಿಜೆಪಿ ಟಿಕೆಟ್ ಕೊರ್ತುಂಡು. ಮೇರ್ ಜಾಮ್ ನಗರ ಉತ್ತರ ವಿಧಾನಸಭಾ ಕ್ಷೇತ್ರರ್ದ್ ಬಿಜೆಪಿ ಅಭ್ಯರ್ಥಿಯಾದ್ ವೋಟ್ ಗ್ ಉಂತೆರೆ ಉಲ್ಲೆರ್.