ಡಿ. 26: ಧರ್ಮಸ್ಥಳ ಮೇಳದ 2022-23 ನೇ ಸಾಲ್ ದ ಕಾಲಮಿತಿ ಯಕ್ಷಗಾನ ಪ್ರದರ್ಶನದ ತಿರುಗಾಟ ಸುರು
ಶ್ರೀ ಧರ್ಮಸ್ಥಳ ಮಂಜುನಾಥೇಶ್ವರ ಕೃಪಾಪೋಷಿತ ಯಕ್ಷಗಾನ ಮಂಡಳಿ ಉಂದುವೇ ಡಿಸೆಂಬರ್ ತಿಂಗೊಲ್ 26ರ್ದ್ 2022-23 ನೇ ಸಾಲ್ ದ ಕಾಲಮಿತಿ ಯಕ್ಷಗಾನ ಪ್ರದರ್ಶನದ ತಿರುಗಾಟನ್ ಸುರು ಮಲ್ಪರೆ ಉಂಡು.
ನಮ್ಮ ಮೇಳದ ಸೇವಾ ಬಯಲಾಟದ ಮುಖೇನ ಶ್ರೀ ಮಂಜುನಾಥ ಸ್ವಾಮಿ ಬೊಕ್ಕ ಶ್ರೀ ಮಹಾಗಣಪತಿ ದೇವೆರೆನ ಸೇವೆನ್ ಮಲ್ಪರೆ ಅಟ್ಟಣೆ ಮಲ್ತಿನ ಭಕ್ತೆರೆಗ್, ಅಕ್ಲೆನ ಕುಟುಂಬ ವರ್ಗದಕ್ಲೆಗ್, ಪ್ರೇಕ್ಷಕ ಮಹಾಜನತೆಗ್ ಸಕಲ ಸನ್ಮಂಗಳ ಆವಡ್, ಅಂಚನೆ ಸುಮಾರ್ 200 ವರ್ಷದ ಇತಿಹಾಸ ಇಪ್ಪುನ ನಮ್ಮ ಯಕ್ಷಗಾನ ಮೇಳ ಕರಿನ ಆಜಿ ವರ್ಷಲೆರ್ದ್ ಕಾಲಮಿತಿದ ಯಕ್ಷಗಾನ ಪ್ರದರ್ಶನಲೆನ್ ಕೊರೊಂದು ಬೈದ್ಂಡ್. ಬಯ್ಯಗ್ 7ಗಂಟೆರ್ದ್ ರಾತ್ರೆ 12 ಮುಟ್ಟ ಪ್ರದರ್ಶನ ವ್ಯವಸ್ಥೆ ಮಲ್ದೆರ್. ನೇರ್ದ್ ಪ್ರೇಕ್ಷಕೆರ್ದ್, ಸೇವಾಕರ್ತೆರೆರ್ದ್ ಎಡ್ಡೆ ಪ್ರಶಂಸೆ ಬೈದ್ಂಡ್. ನೆತ್ತ ಮತ ವರ್ಗದಕ್ಲೆಗ್ ಎಡ್ಡೆ ಆವಡ್ ಪಂದ್ ಧರ್ಮಾಧಿಕಾರಿ ಡಾ.ಡಿ. ವೀರೇಂದ್ರ ಹೆಗ್ಗಡೆ, ವ್ಯವಸ್ಥಾಪಕೆರ್ ಡಿ.ಹರ್ಷೇಂದ್ರ ಕುಮಾರ್ ಪಂಡೆರ್. ಅಂಚನೆ ಈ ಯಕ್ಷಗಾನ ಪ್ರದರ್ಶನಡ್ ಭಾಗವತೆರಾದ್ ಸಿರಿಬಾಗಿಲು ರಾಮಕೃಷ್ಣ ಮಯ್ಯ ಬೊಕ್ಕ ಕರುಣಾಕರ ಶೆಟ್ಟಿಗಾರ ಕಾಶಿಪಟ್ಣ ಉಲ್ಲೆರ್. ಚೆಂಡೆ, ಮದ್ದಲೆಡ್ ಅಡೂರು ಲಕ್ಷ್ಮೀನಾರಾಯಣ ರಾವ್, ಚಂದ್ರಶೇಖರ ಸರಪಾಡಿ, ಹಿರಣ್ಮಯ ಹಿರಿಯಡ್ಕ, ಬೊಕ್ಕ ಸಂಗೀತಡ್ ಪಿ.ಟಿ ಪ್ರಸಾದ ಕುಕ್ಕಾವು, ಚಕ್ರತಾಳಡ್ ಜಗದೀಶ ಚಾರ್ಮಾಡಿ, ಬೊಕ್ಕ ವಿದೂಷಕೆರಾದ್ ಮಹೇಶ ಮಣಿಯಾಣಿ ದೊಡ್ಡತೋಟ ಬೊಕ್ಕ ಸ್ತ್ರೀ ಪಾತ್ರಧಾರಿಯಾದ್ ಮುರಳೀಧರ ಕನ್ನಡಿಕಟ್ಟೆ, ಶರತ್ ಶೆಟ್ಟಿ ತೀರ್ಥಹಳ್ಳಿ, ಚರಣ್ ಗೌಡ ಕಾಣಿಯೂರು ಉಲ್ಲೆರ್. ಬೊಕ್ಕ ಚಿದಂಬರಬಾಬು ಕೋಣಂದೂರು, ಸುಬ್ರಾಯ ಹೊಳ್ಳ ಕಾಸ್ರೋಡು, ವಸಂತ ಗೌಡ ಕಾಯರ್ತಡ್ಕ, ಶಂಭಯ್ಯ ಕಂಜರ್ಪಣೆ, ಗಂಗಾಧರ ಪುತ್ತೂರ್, ಚಂದ್ರಶೇಖರ ಧರ್ಮಸ್ಥಳ, ಹರೀಶ್ ಶೆಟ್ಟಿ ಮಣ್ಣಾಪು, ಮಾಧವ ಪಾಟಾಳಿ ನೀರ್ಜಾಲು, ಪದ್ಮನಾಭ ಶೆಟ್ಟಿ ಕನ್ನಡಿಕಟ್ಟೆ, ಹರಿಶ್ಚಂದ್ರ ಆಚಾರ್ಯ ಚಾರ್ಮಾಡಿ, ಗೌತಮ್ ಶೆಟ್ಟಿ ಬೆಳ್ಳಾರೆ, ಸುನಿತ್ ಕುಮಾರ್ ಕೊಯ್ಯೂರು, ಕುಮಾರಸ್ವಾಮಿ, ಕೃತೇಶ್, ಸೋಹನ್ ಕಲಾವಿದೆರಾದ್ ಉಲ್ಲೆರ್.
