ಸಂವಿಧಾನಶಿಲ್ಪಿ ಡಾ.ಅಂಬೇಡ್ಕರ್ ರಾಜ್ಯಡ್ ಭೇಟಿ ಕೊರ್ನ 10 ಜಾಗೆಲೆನ್ ಅಭಿವೃದ್ಧಿ ಮಲ್ಪರೆ ರಾಜ್ಯ ಸರ್ಕಾರ ಚಿಂತನೆ ನಡಪಾದ್ಂಡ್.
ಈ ಬಗೆಟ್ ಉಂದುವೇ ತಿಂಗೊಲ್ ಬೆಳಗಾವಿಡ್ ಸುರುತ ಪ್ರಾಜೆಕ್ಟ್ ಗ್ ಸಿ.ಎಂ ಬೊಮ್ಮಾಯಿ ಕೆಸರ್ ಕಲ್ಲ್ ಪಾಡಿಯರೆ ಉಲ್ಲೆರ್. ನೆಕ್ಕಾದ್ 20 ಕೋಟಿ ರೂಪಾಯಿನ್ ರಾಜ್ಯ ಸರ್ಕಾರ ಮೀಸಲ್ ದಿತ್ಂಡ್ ಪಂದ್ ಸಚಿವೆರ್ ಕೋಟಾ ಶ್ರೀನಿವಾಸ ಪೂಜಾರಿ ಪಂಡೆರ್
ಕುಡ್ಲ: ಮಾಜಿ ಸಿಎಂ ಸಿದ್ದರಾಮಯ್ಯ ಮೇರ್ ಇನಿ ಬೊಲ್ತೇರ್ ಕಾರ್ ಡ್ ಪೋಯೆರೆ ಉಲ್ಲೆರ್. ಅಂಚಾದ್ ಇತ್ತೆ ಕುಡ್ಲ ಏರ್ಪೋರ್ಟ್ ಗ್ ಬತ್ತ್ ದ್ ಜತ್ತ್ ದೆರ್.
ಈ ಪೊರ್ತುಡು ಮಾಜಿ ಸಿಎಂ ಸಿದ್ದರಾಮಯ್ಯ ಪಾತೆರ್ದ್, ಕುಕ್ಕರ್ ಬ್ಲಾಸ್ಟ್ ರಾಜಕೀಯಗ್ ಗಲಸುವೆರ್ ಪಂದ್ ಕೆಪಿಸಿಸಿ ಅಧ್ಯಕ್ಷೆರ್ ಪಂತೆರ್ ಅತೆ. ಆರ್ ಟೆರರಿಸಂ ಸಪೋರ್ಟ್ ಮಲ್ಪುನ ಪಂದ್ ಪಂತೆರಾ? ಬಿಜೆಪಿದಕುಲು ತಿರ್ಗದ್ ಜನಕ್ ತಪ್ಪು ಮಾಹಿತಿ ಕೊರೊಂದು ಉಲ್ಲೆರ್ ಪಂದ್ ಪಂಡೆರ್. ಮೆರೆನ್ ಕಾಂಗ್ರೆಸ್ ಜಿಲ್ಲಾಧ್ಯೆಕ್ಷೆರಾಯಿನ ಹರೀಶ್ ಕುಮಾರ್, ಕಾಂಗ್ರೆಸ್ ಪ್ರಧಾನ ಕಾರ್ಯದರ್ಶಿ ರಕ್ಷಿತ್ ಶಿವರಾಂ, ರಮಾನಾಥ್ ರೈ, ಯು ಟಿ ಖಾದರ್, ಐವನ್ ಡಿಸೋಜಾ ಎದ್ಕೊನಿಯೆರ್.
ಬೆಳುವಾಯಿ ಗ್ರಾಮ ಪಂಚಾಯತ್ ವ್ಯಾಪ್ತಿದ ಕಾನರ್ದ್ ಕಡಲಕೆರೆ ಬೈಪಾಸ್ ಜಂಕ್ಷನ್ ಮುಟ್ಟ 1 ಕೋಟಿ ರೂಪಾಯಿ ಕರ್ಚಿಡ್ ನಿರ್ಮಾಣ ಆಯರೆ ಇಪ್ಪುನ ಮಾರ್ಗದ ಅಭಿವೃದ್ಧಿ ಕಾಮಗಾರಿಗ್ ಶಾಸಕೆರ್ ಉಮಾನಾಥ್ ಕೋಟ್ಯಾನ್ ಕೆಸರ್ ಕಲ್ಲ್ ಪಡಿಯೆರ್.
ಈ ಪೊರ್ತುಡು ಸ್ಥಾಯಿ ಸಮಿತಿದ ಅಧ್ಯಕ್ಷೆರ್ ನಾಗರಾಜ್ ಪೂಜಾರಿ, ಸೌಮ್ಯ ಸಂದೀಪ್ ಶೆಟ್ಟಿ, ಪ್ರಭಾಕರ್ ಕುಲಾಲ್, ಶಶಿಧರ್ ಅಂಚನ್, ಭರತ್ ಶೆಟ್ಟಿ, ಬೆಳುವಾಯಿ ಗ್ರಾಮ ಪಂಚಾಯತ್ ಸದಸ್ಯೆರ್, ರಾಜೇಶ್ ಮಲ್ಯ, ಪುರಸಭೆ ನಾಮ ನಿರ್ದೇಶಿತ ಸದಸ್ಯೆರ್ ಬೊಕ್ಕ ಕೈತಲ್ ದ ಜಯರಾಮ್ ರಾವ್ ಇತ್ತೆರ್.
✍️ಜಗದೀಶ್ ಪೂಜಾರಿ
ಬೆದ್ರ
ಕರೆಂಟ್ ಉತ್ಪಾದನೆಗಾದ್ ಕಡಲ್ ದ ಮಿತ್ತ್ ಸೋಲಾರ್ ಪಾರ್ಕ್ ನಿರ್ಮಾಣ ಮಲ್ಪುನ ಯೋಜನೆನ್ ಆಯಿನಾತ್ ಬೇಗಡೇ ಉದಿಪನ ಮಲ್ಪೆರೆ ಉಂಡು ಪಂದ್ ಕೇಂದ್ರ ಇಂಧನ ಖಾತೆದ ರಾಜ್ಯ ಸಚಿವೆರ್ ಕೃಷ್ಣನ್ ಪಾಲ್ ಗುರ್ಜಾಲ್ ಪಂಡೆರ್.
ತುಮಕೂರುಡ್ ನಿರ್ಮಾಣ ಆತಿನ ಸೌರಪಾರ್ಕ್ ರ್ದ್ ಕರೆಂಟ್ ತಿಕುನೆತೊಟ್ಟಿಗೆ ರೈತೆರೆಗ್ ಮಸ್ತ್ ಆದಾಯಲ ತಿಕೊಂದು ಉಂಡು. ಇಂಧನ ವ್ಯವಸ್ಥೆನ್ ಗಟ್ಟಿ ಮಲ್ಪುನ ದಿಟ್ಟಿಡ್ ಕೇಂದ್ರ ಸರ್ಕಾರ ಸುಮಾರ್ ಯೋಜನೆಲೆನ್ ರಚನೆ ಮಲ್ತೊಂದುಂಡು ಪಂದ್ ಪಂಡೆರ್.
Solar park to come up on the sea to generate electricity !!
A floating solar park is being proposed on the sea ; which will come up shortly said central power minister for state Krishnan Pal Gurjal.
The solar plant set up at Tumkur is generating electricity which has helped farmers and is also bringing them an additional income.The centre has come up with many schemes to ease out and develop the power situation.
ಯುವವಾಹಿನಿ (ರಿ.) ಕೇಂದ್ರ ಸಮಿತಿ ಕುಡ್ಲ, ಮುಲ್ಕಿ ಘಟಕದ ಮುತಾಲಿಕೆಡ್ 35 ನೇ ವಾರ್ಷಿಕ ಸಮಾವೇಶ ಬೊಕ್ಕ ಪದಗ್ರಹಣ ಲೇಸ್-2022 ಡಿ.25 ಐತಾರ ಮುಲ್ಕಿ ವಿಜಯಾ ಕಾಲೇಜ್ ದ ಅರ್ಪಣಾ ಸಭಾಂಗಣಡ್ ಬೊಲ್ಪುಗು 9:30 ರ್ದ್ ಮಧ್ಯಾಹ್ನ 2 ಮುಟ್ಟ ನಡಪರೆ ಉಂಡು.
ಅಂಚೆನೆ ಬೊಕ್ಕ ಸಭಾ ಲೇಸ್, ಸಾಧನಶ್ರೀ ಪ್ರಶಸ್ತಿ ಪುರಸ್ಕಾರ, ಯುವ ಸಾಧನಾ ಪುರಸ್ಕಾರ, ಗೌರವ ಅಭಿನಂದನೆ ನಡಪುಂಡು ಪಂದ್ ಯುವವಾಹಿನಿ (ರಿ.) ಮುಲ್ಕಿ ಘಟಕ ತೆರಿಪಾದ್ಂಡ್.
ಬೊಂಬೈ: ದೇಶಡ್ ರಡ್ಡ್ ದಿರ್ನದಿಂಚ ಬಂಗಾರ್ ಬೊಕ್ಕ ಬೊಳ್ಳಿದ ಬಿಲೆ ಕಮ್ಮಿ ಆವೊಂದು ಉಂಡು. ಇನಿಲ ಕಡಿಮೆ ಆತ್ಂಡ್.
1 ಕಿಲೋ ಗ್ರಾಂ ಬೊಳ್ಳಿದ ಬಿಲೆ 1,000 ರೂಪಾಯಿ, 22 ಕ್ಯಾರೆಟ್ದ 10 ಗ್ರಾಂ ಬಂಗಾರ್ ದ ಬಿಲೆ 290 ರೂ. ಕಡಿಮೆ ಆತ್ಂಡ್.22 ಕ್ಯಾರೆಟ್ 10 ಗ್ರಾಂ ಬಂಗಾರದ ಬಿಲೆ ಇತ್ತೆ 49,700 ರೂಪಾಯಿ ಆತ್ಂಡ್. 24 ಕ್ಯಾರೆಟ್ ಬಂಗಾರ್ ದ ಬಿಲೆ 310 ರೂಪಾಯಿ, ಪಂಡ 24 ಕ್ಯಾರೆಟ್ 10 ಗ್ರಾಂ ಬಂಗಾರ್ ದ ಬಿಲೆ 54,220 ರೂಪಾಯಿ ಆತ್ಂಡ್. ಒಂದು ಕೆಜಿ ಬೊಳ್ಳಿದ ಬಿಲೆ 1,000 ರೂಪಾಯಿ ಕಡಿಮೆ ಆತ್ಂಡ್. ಇತ್ತೆ ಕಿಲೋ ಬೊಳ್ಳಿದ ಬಿಲೆ 69,500 ರೂಪಾಯಿ ಆತ್ಂಡ್.
ಮೈಸೂರ್: ವಿಶ್ವ ಪುಗರ್ತೆದ ಮೈಸೂರ್ ದಸರಾ ಮೆರವಣಿಗೆಡ್ 14 ಸರ್ತಿ ಪಾಲ್ ಪಡೆಯಿನ ಬಲರಾಮ ಆನೆಗ್ ಬಚ್ಚಾಲಿಲು ಗುಂಡು ಪಾಡಿನ ಘಟನೆ ಪಿರಿಯಾ ಪಟ್ಟಣದ ಭೀಮನ ಕಟ್ಟೆಡ್ ನಡತ್ಂಡ್.
ಆನೆ ತನ್ನ ತೋಟಗ್ ಪೊಗ್ಗುಂಡು ಪಂದ್ ಬೆಚ್ಚ ಆಯಿನ ಸುರೇಶ್ ಪನ್ಪುನ ಜನ ಸಿಂಗಲ್ ಬ್ಯಾರೆಲ್ ಬಂದೂಕುರ್ದ್ ಗುಂಡು ಪಾಡ್ದೆರ್. ಈ ಗುಂಡು ಆನೆದ ತೊಡೆಕ್ ತಾಗ್ ದ್ಂಡ್. ಇತ್ತೆ ನಾಗರಹೊಳೆ ಉದ್ಯಾನವನದ ವೈದ್ಯೆರ್ ಬಲರಾಮಗ್ ಚಿಕಿತ್ಸೆ ಕೊರೊಂದು ಉಲ್ಲೆರ್. ಆನೆ ಹುಷಾರ್ ಆವೊಂದು ಉಂಡು. ಬೊಕ್ಕ ಆರೋಪಿ ಸುರೇಶ್ ನ್ ವನ್ಯಜೀವಿ ಸಂರಕ್ಷಣಾ ಕಾಯ್ದೆ ಬೊಕ್ಕ ಬೇತೆ ಕಾಯ್ದೆಯಡಿಟ್ ಕೇಸ್ ದಾಖಲ್ ಮಲ್ತ್ ದ್ ಅರೆಸ್ಟ್ ಮಲ್ದೆರ್.
ವಿಜಯವಾಡ: ಕೃಷ್ಣಾ ತುದೆಟ್ ಮೀಯರೆ ಪೋಯಿನ ಏಳ್ ಕಲ್ಪಾರ್ಥಿಲೆಡ್ ಐನ್ ಜನ ತೀರ್ ಪೋಯಿನ ಘಟನೆ ಆಂಧ್ರಪ್ರದೇಶದ ಕೃಷ್ಣಾ ಜಿಲ್ಲೆದ ಯನಮಲ ಕುದೂರು ನಡತ್ಂಡ್.
ತೀರ್ ಪೋಯಿನಕ್ಲೆನ ಪುನನ್ ನಡೊಂದು ಉಲ್ಲೆರ್. ನೆಟ್ ತೀರ್ ಪೋಯಿನ ಕಲ್ಪಾರ್ಥಿಲು 13ರ್ದ್ 15 ವರ್ಷದ ಉಲಯಿ ದಕುಲು. 8 ಬೊಕ್ಕ 9ನೇ ಕ್ಲಾಸ್ ಡ್ ಕಲ್ತೊಂದು ಇತ್ತೆರ್. ಮೊಕುಲು ಪೂರ ಮೂಲತಃ: ವಿಜಯವಾಡದ ಪಟಮಾತಲಂಕಾ ನಿವಾಸಿಲು ಪಂದ್ ತೆರಿದ್ ಬೈದ್ಂಡ್. ಹಿರಿಯ ಅಧಿಕಾರಿಲು ಘಟನೆದ ಜಾಗೆಗ್ ಬತ್ ದ್, ತನಿಖೆ ಮಲ್ತೊಂದು ಉಲ್ಲೆರ್.
ಪ್ರೊ ಕಬಡ್ಡಿ 9 ನೇ ಸೀಸನ್ ದ ಫೈನಲ್ ಪಂತೊ ಇನಿ ರಾತ್ರೆ 8 ಗಂಟೆಗ್ ಶುರು ಆಪುಂಡು.
ಜೈಪುರ ಪಿಂಕ್ ಪ್ಯಾಂಥರ್ಸ್ ಬೊಕ್ಕ ಪುಣೇರಿ ಪಲ್ವನ್ ತಂಡಲು ಪ್ರಶಸ್ತಿಗಾದ್ ಗೊಬ್ಬೆರೆ ಉಂಡು. 3 ನೇ ಸರ್ತಿ ಫೈನಲ್ ಪ್ರವೇಶ ಮಲ್ಪೆರೆ ಇಪ್ಪುನ ಜೈಪುರ 2 ನೇ ಸರ್ತಿ ಚಾಂಪಿಯನ್ ಆಪುನ ನಿರೀಕ್ಷೆಡ್ ಉಂಡು. ಪುಣೆ ಫೈನಲ್ ಗೆಂದಿಯೆರೆ ಎದುರು ತೂವೊಂದು ಉಂಡು.
ರಾಯಚೂರು: ಜೋಕುಲು ತಿನ್ಪುನ ಕುರ್ ಕುರೇ ಪ್ಯಾಕೆಟ್ ಡ್ 500ರೂಪಾಯಿದ ನೋಟು ಪತ್ತೆ ಆಯಿನ ಘಟನೆ ರಾಯಚೂರು ಜಿಲ್ಲೆ ಲಿಂಗಸುಗೂರು ತಾಲೂಕ್ ದ ಹುನೂರು ಗ್ರಾಮಡ್ ನಡತ್ಂಡ್.
ಬೇತೆ ಬೇತೆ ಕಂಪನಿಲೆನ 5 ರೂ. 2ರೂ.ದ ಕುರ್ ಕುರೆ ಪ್ಯಾಕೆಟ್ಡ್ 500 ದ ನೋಟ್ ಲು ತಿಕಿನಿನೇ ತೂದು ಜನಕುಲು ದೆತೊನಿಯೆರೆ ರಾಶಿ ಬೂರ್ದೆರ್‌ ಪಂದ್ ತೆರಿದ್ ಬೈದ್ಂಡ್. ಒಂಜೊಂಜಿ ಪ್ಯಾಕೆಟ್ಡ್ 5-6 ನೋಟ್ಲು ತಿಕ್ಕ್ ಡ, ಕೆಲವೊಂಜೇಟ್ 2-3 ನೋಟುಲು ತಿಕ್ಕುದುಂಡು. ಇಂಚ ಬೇತೆ ಬೇತೆ ಪ್ಯಾಕೆಟ್ ಲೆಡ್ ಸುಮಾರ್ 20 ಸಾರದಾತ್ ಕಾಸ್ ಪತ್ತೆ ಆತ್ಂಡ್ ಪಂದ್ ವರದಿ ತೆರಿಪಾದ್ಂಡ್. ಒಂಜಿ ಇಲ್ಲದಕ್ಲೆಗ್ 12,500 ರೂಪಾಯಿ ತಿಕ್ಕ್ ದ್ಂಡ್. ಆಂಡ ಇಂಚ ತಿಕಿನ ನೋಟುಲು ನಿಜನಾ? ಅತ್ತ್ ಕಲ್ವ ನೋಟುಲಾ? ಪಂದ್ ನನ ತೆರಿದ್ ಬರೊಡಾತೆ.
