Times of kudla

ಒಮಾನ್ ಬಿಲ್ಲವಾಸ್ ಅಧ್ಯಕ್ಷೆರಾದ್ ಸುಜಿತ್ ಎಸ್. ಅಂಚನ್ ಪಾಂಗಳ ಆಯ್ಕೆ

ಗಲ್ಫ್ ರಾಷ್ಟ್ರದ ಸುಲ್ತಾನೇಟ್ ಆಪ್ ಒಮಾನ್ (ಮಸ್ಕತ್) ಮುಲ್ಪ ಇಪ್ಪುನ ಒಮಾನ್ ಬಿಲ್ಲವಾಸ್ ಸಂಘಟನೆದ 2023 ರ್ದ್ 2024 ನೇ ಸಾಲ್ ದ ಪೊಸ ಪದಾಧಿಕಾರಿಲೆನ ಆಯ್ಕೆ ಶುಕ್ರಾರ ನಡತ್ಂಡ್.

ಸಂಘಟನೆದ ಸ್ಥಾಪಕ ಸದಸ್ಯೆರ್, ಆಯ್ಕೆ ಸಮಿತಿ, ಬಿಲ್ಲವ ಸಮಾಜದ ಬಾಂಧವೆರ್ ಸೇರ್ದ್ ನಡಪಾಯಿನ ಸಭೆಟ್ ಅಧ್ಯಕ್ಷೆರಾದ್ ಸುಜಿತ್ ಎಸ್ ಅಂಚನ್ ಪಾಂಗಳ, ಉಪಾಧ್ಯಕ್ಷೆರಾದ್ ಹರೀಶ್ ಸುವರ್ಣ ಬೊಕ್ಕ ಪ್ರಪುಲ್ಲ ಶಂಕರ್ ಕಟಪಾಡಿ, ಪ್ರಧಾನ ಕಾರ್ಯದರ್ಶಿಯಾದ್ ಪ್ರಕಾಶ್ ಬೋಳ, ಕೋಶಾಧಿಕಾರಿಯಾದ್ ಭಾಸ್ಕರ್ ಕೋಟ್ಯಾನ್ ಬೊಕ್ಕ ಪದಾಧಿಕಾರಿಲೆನ್ ಆಯ್ಕೆ ಮಲ್ತೆರ್.

Oman Billavas – Sujit S Anchan Pangala selected as President

Oman Billavas Association at the Sultanate of Oman (Muscat) have selected new office bearers of the association for the year 2023-2024.

At the meeting attended by the founder members, selection committee Billava Samaj members Sujit S Anchan Pangala has been selected as President.Vice president is Harish Suvarna and Praful Shankar Katpadi, chief secretary is Prakash Bola, secretary is Bhaskar Kotian and new committee members were selected.

ಸುರತ್ಕಲ್ ಡ್ ಕುಡೊಂಜಿ ಕೊಲೆ : ಸುರತ್ಕಲ್, ಬಜಪೆ, ಕಾವೂರು, ಪಣಂಬೂರು ಠಾಣೆ ವ್ಯಾಪ್ತಿಡ್ 2 ದಿನ 144 ಸೆಕ್ಷನ್

ಸುರತ್ಕಲ್ : ಕಾಟಿಪಳ್ಳದ ನೆಯಿತಂಗಡಿ ಅಂಗಡಿ ಧಣಿ ಜಲೀಲ್ ಮೆರೆನ್ ಬಿಸತ್ತಿ ಪಾಡ್ದ್ ಕೆರ್ತಿನ ಘಟನೆ ಸನಿಯಾರ ರಾತ್ರೆ ನಡದ್ಂಡ್.

ಕೂಡ್ಲೆ ಜಲೀಲ್ ಮೆರೆನ್ ಆಸ್ಪತ್ರೆಗ್ ಸೇರ್ಸಾಂಡಲ ಅವುಲು ಆರ್ ತೀರ್ ಪೋಯೆರ್. ಜಾಗೆಗ್ ಹಿರಿಯ ಪೊಲೀಸ್ ಅಧಿಕಾರಿಲು ಭೇಟಿ ಕೊರ್ದು ತನಿಖೆ ಮಲ್ದೆರ್. ಡಿ.25 ಬೊಲ್ಪುಗು 6 ಗಂಟೆರ್ದ್ ಡಿ. 27 ಬೊಲ್ಪುಗು 6 ಗಂಟೆ ಮುಟ್ಟ ಸುರತ್ಕಲ್, ಬಜಪೆ, ಕಾವೂರು ಬೊಕ್ಕ ಪಣಂಬೂರು ಈ ನಾಲ್ ಪೋಲಿಸ್ ಠಾಣೆ ವ್ಯಾಪ್ತಿಡ್ 144 ಸೆಕ್ಷನ್ ಜಾರಿ ಮಲ್ದೆರ್ ಪಂದ್ ಕುಡ್ಲ ನಗರ ಕಮೀಷನರ್ ಆದೇಶ ಕೊರ್ತೆರ್. ಅಂಚನೆ ಜಾಗ್ರತೆದ ಕ್ರಮವಾದ್ ಈ ನಾಲ್ ವ್ಯಾಪ್ತಿಡ್ ಇಪ್ಪುನ ಮಾತ ಕೈಗಾರಿಕೆ ಬೊಕ್ಕ ವಾಣಿಜ್ಯ ಸಂಕೀರ್ಣಲೆಡ್ ಬೇಲೆ ಮಲ್ಪುನ ಸಿಬ್ಬಂದಿಲೆನ ಬೇಲೆದ ಪೊರ್ತುನ್ ಬಯ್ಯಗ್ 6 ಗಂಟೆದ ದುಂಬೇ ಮುಗಿಪುಲೆಕ್ಕ ಮಲ್ಪೊಡು ಬೊಕ್ಕ ಬಯ್ಯಗ್ 6 ಗಂಟೆರ್ದ್ ಬೊಲ್ಪುಗು 6 ಗಂಟೆ ಮುಟ್ಟ ಸಿಬ್ಬಂದಿಲು ಮಾರ್ಗಡ್ ಪೋಯೆರೆ ಬಲ್ಲಿ ಪಂದ್ ಸಂಸ್ಥೆದ ಮುಖ್ಯಸ್ಥೆರೆಗ್ ಸೂಚನೆ ಕೊರ್ತೆರ್. ಅಂಚನೆ ಈ ವ್ಯಾಪ್ತಿಡ್ ಪಾನೀಯ ನಿಷೇಧ ಮಲ್ದ್ಂಡ್.

ದುಬೈಡ್ ಲಾಟರಿ ಗೆಂದ್ ದ್ ಒಂಜೇ ದಿನಟ್ ಕೋಟ್ಯಾಧಿಪತಿ ಆಯಿನ ಭಾರತದ ಜವನೆ.!

ದುಬೈ: ನಾಲ್ ವರ್ಷದ ಪಿರವು ಬೇಲೆ ನಾಡೊಂದು ದುಬೈಗ್ ಪೋಯಿನ ಭಾರತೀಯ ಮೂಲದ ಅಜಯ್ ಒಗುಲಾ ಮೇರ್ ‘ಎಮಿರೇಟ್ಸ್ ಡ್ರಾ‘ ಲಾಟರಿಡ್ 33 ಕೋಟಿ ರೂ. ಗೆಂದ್ ದ್, ರಾತ್ರೋ ರಾತ್ರೆ ಕೋಟ್ಯಾಧಿಪತಿ ಆತೆರ್.

ಬಂಗಾರ್ ದ ಅಂಗಡಿ ಒಂಜೇತ ಗಾಡಿ ಡ್ರೈವರ್ ಆದ್, ಬೇಲೆ ಮಲ್ತೊಂದು ಇಪ್ಪುನ ಮೇರ್ 72000 ತಿಂಗೊಲ್ದ ಸಂಬಳ ದೆತೊನೊಂದು ಉಲ್ಲೆರ್. ಈ ಗೆಂದಿನ ಕಾಸ್ ರ್ದ್ ದತ್ತಿ ಸಂಸ್ಥೆ ಸ್ಥಾಪನೆ ಮಲ್ತ್ ದ್, ತನ್ನ ಗ್ರಾಮದ ಬೊಕ್ಕ ಕೈತಲ್ ದ ಗ್ರಾಮದ ಬಡಪತ್ತ್ ಇತ್ತಿನಕ್ಲೆಗ್ ಸಕಾಯ ಮಲ್ಪುವೆ ಪಂದ್ ಪಂಡೆರ್.

ರೇಡಿಯೋ ಮಣಿಪಾಲ್ ಡ್ ಕಥೆ ಕೇಳೋಣ ಸರಣಿ ಲೇಸ್

ಮಣಿಪಾಲ: ರೇಡಿಯೋ ಮಣಿಪಾಲ್ 90.4 mhz, ಡ್ ಕನ್ನಡ ಸಾಹಿತ್ಯ ಪರಿಷತ್ತ್ ಒಡಿಪು ಜಲ್ಲೆ ಬೊಕ್ಕ ಒಡಿಪು ತಾಲೂಕ್ ಘಟಕದ ಕಥೆ ಕೇಳೋಣ ಸರಣಿ ಲೇಸ್ ದ 34 ನೇ ಸಂಚಿಕೆ ಡಿ.24 ಶನಿಯಾರ ಬಯ್ಯಗ್ 4:30 ಕ್ ಪ್ರಸಾರ ಆಪುಂಡು.

ಈ ಲೇಸ್ ಡ್ ಸಾಹಿತ್ಯಾಸಕ್ತೆರ್ ಬೊಕ್ಕ ಉಪನ್ಯಾಸಕೆರ್ ರಾಘವೇಂದ್ರ ಜಿ.ಜಿ ಒಡಿಪು ಪಾಲ್ ಪಡೆಯೆರೆ ಉಲ್ಲೆರ್. ನನ ಡಿ.25ಕ್ ಮಧ್ಯಾಹ್ನ 12: 30 ಕ್ ಮರುಪ್ರಸಾರ ಆಪುಂಡು.

ರೇಡಿಯೋ ಮಣಿಪಾಲ್ ಡ್ ಪುರಾಣಾಮೃತ ಪೌರಾಣಿಕ ಪಾತ್ರ ಜೀವನ ಸೂತ್ರ ಸರಣಿ ಲೇಸ್

ಮಣಿಪಾಲ: ರೇಡಿಯೋ ಮಣಿಪಾಲ್ 90.4 mhz, ಡ್ ಪುರಾಣಾಮೃತ ಪೌರಾಣಿಕ ಪಾತ್ರ ಜೀವನ ಸೂತ್ರ ಸರಣಿ ಲೇಸ್ ದ 75 ನೇ ಸಂಚಿಕೆ ಡಿ.24 ಶನಿಯಾರ ಬಯ್ಯಗ್ 4:15 ಕ್ ಪ್ರಸಾರ ಆಂಡ್.

ಈ ಲೇಸ್ ನ್ ಉಪನ್ಯಾಸಕೆರಾಯಿನ ಮುಂಡಾಜೆ ಕುಮಾರೇಶ್ವರ ಭಟ್ ನಡಪಾದ್ ಕೊರಿಯೆರ್. ನನ ಡಿ.25ಕ್ ಮಧ್ಯಾಹ್ನ 12: 15 ಕ್ ಮರುಪ್ರಸಾರ ಆಪುಂಡು.

ಡಿ.30 ಗು ಮಂಡ್ಯಗ್ ಅಮಿತ್ ಶಾ ಭೇಟಿ

ಹಳೆ ಮೈಸೂರ್ ಭಾಗಡ್ ಪಕ್ಷ ಸಂಘಟನೆ ಮಲ್ಪೆರೆ ದುಂಬಾಯಿನ ಬಿಜೆಪಿ ಡಿ.30 ಕ್ ಮಂಡ್ಯಡ್ ಸಮಾವೇಶ ಆಯೋಜನೆ ಮಲ್ದ್ಂಡ್.

ಈ ಸಮಾವೇಶಗ್ ಗೃಹ ಸಚಿವೆರ್ ಅಮಿತ್ ಶಾ ಬರಿಯೆರೆ ಉಲ್ಲೆರ್. ಬೊಕ್ಕ ಮನ್ ಮುಲ್ ದ ಮೆಗಾ ಡೈರಿ ಉದಿಪನ ಮಲ್ಪೆರೆ ಇಪ್ಪುನ ಮೇರ್, ಪಕ್ಷದ ಲೇಸ್ ಡ್ ಪಾಲ್ ಪಡೆಯೆರೆ ಉಲ್ಲೆರ್. ಮಂಡ್ಯ ಜಿಲ್ಲೆದ 7 ಕ್ಷೇತ್ರಲೆಡ್ 5 ಕ್ಷೇತ್ರಡ್ ಬಿಜೆಪಿ ಗೆಂದಾವೊಡು ಪಂದ್ ಹೈಕಮಾಂಡ್ ರ್ದ್ ರಾಜ್ಯದ ನಾಯಕೆರೆಗ್ ಸೂಚನೆ ಬೈದ್ಂಡ್ ಪಂದ್ ತೆರಿದ್ ಬೈದ್ಂಡ್.

ಮೇಸ್ತ್ರಿ ಬೇಲೆದಕ್ಲೆನ ಜೋಕುಲೆಗ್ ಸ್ಕಾಲರ್ ಶಿಪ್ ಬುಡುಗಡೆ: ಸಚಿವೆರ್

2021-22 ನೇ ಸಾಲ್ ದ ಸ್ಕಾಲರ್ ಶಿಪ್ ಗ್ ಅರ್ಜಿ ಸಂದಾದಿತ್ತಿನ ಕಟ್ವಾಣ ಬೇಲೆದಕ್ಲೆನ ಜೋಕುಲೆನ ಸ್ಕಾಲರ್ ಶಿಪ್ ಬುಡುಗಡೆ ಮಲ್ಪುವ ಪಂದ್ ಕಾರ್ಮಿಕ ಸಚಿವೆರ್ ಶಿವರಾಂ ಹೆಬ್ಬಾರ್ ತೆರಿಪಾದೆರ್.

ಈ ಸ್ಕಾಲರ್ ಶಿಪ್ ಗ್ ಸಂದಾದಿತ್ತಿನ 42000 ಜೋಕುಲೆಗ್ ತಾಂತ್ರಿಕ ಕಾರಣರ್ದ್ ನನಲ ಸ್ಕಾಲರ್ ಶಿಪ್ ತಿಕ್ಕಿಜಿ. ನೆತ್ತ ಪರಿಶೀಲನೆ ನಡತೊಂದು ಉಂಡು ಪಂದ್ ಪಂಡೆರ್.

ಸ್ಕೂಟರ್‌ಗ್ ಗುದ್ದುದು ಬಲಿಪೆರೆ ತೂಯಿನ ಕಾರ್ ಡ್ರೈವರ್ ನ್ ಪತಿನ ಜನಕುಲು!

ಉಳ್ಳಾಲ: ವಿದೇಶಿ ಕಲ್ಪಾರ್ಥಿಲು ಇತ್ತಿನ ಸ್ಕೂಟರ್‌ಗ್ ಗುದ್ದುದು ಕಾರ್ ಡ್ರೈವರ್ ಒರಿ ಬಲಿಪೆರೆ ತೂನಗ ಕೈತಲ್ ದಕುಲು ಉಂತಾದ್ ಪೊಲೀಸೆರೆಗ್ ಒಪ್ಪಾಯಿನ ಘಟನೆ ಕುಡ್ಲದ ತಲಪಾಡಿದ ದೇವಿನಗರಡ್ ನಡತ್ಂಡ್.

ಈ ಘಟನೆಡ್ ಸ್ಕೂಟರ್‌ ರೈಡರ್ ಸೆಟಿದ್ ಬಾಷಾಂಗ್ (30)ಗ್ ಮಸ್ತ್ ಪೆಟ್ಟಾತ್ಂಡ್. ಕುಡ್ಲದ ಇಂಡಿಯಾನ ಆಸ್ಪತ್ರೆಡ್ ದಾಖಲ್ ಆತೆರ್. ಮೆರೆನೊಟ್ಟಿಗೆ ಗಾಡಿಡ್ ಇತ್ತಿನ ಕುಡೊರಿ ಅಲಿ ಸಾಗರ್ (30) ಮೇರ್ ಆಸ್ವತ್ರೆಡ್ ಚಿಕಿತ್ಸೆ ಪಡೆದ್ ಪಿದಯಿ ಬೈದೆರ್. ಈ ಘಟನೆದ ಬಗೆಟ್ ಕೇರಳ ಮೂಲದ ಕಾರ್ ಬೊಕ್ಕ ಆಯಿನ ಡ್ರೈವರ್ ಅಹಮ್ಮದ್ ಮುಬಾರಿಷ್ ಎ.ಕೆ. ಪನ್ಪುನರೆನ್ ಕುಡ್ಲ ದಕ್ಷಿಣ ಸಂಚಾರಿ ಠಾಣೆ ಪೊಲೀಸೆರ್ ವಶಕ್ ಪಡೆತೆರ್.

ಇನಿರ್ದ್ ಬೆಂಗ್ಲೂರು ಮೆಟ್ರೋ ರೈಲ್, ಬಿಎಂಟಿಸಿ ಬಸ್ ಟ್ ಮಾಸ್ಕ್ ಕಡ್ಡಾಯ

ಬೆಂಗ್ಲೂರ್: ಕೊರೋನಾ ಸೋಂಕು ಹೆಚ್ಚ ಆಪುನ ಪೋಡಿಗೆ ಇಪ್ಪುರ್ನೇದಾವೆರ ಬಿಎಂಟಿಸಿ ಬಸ್ ಬೊಕ್ಕ ಮೆಟ್ರೋ ರೈಲ್ ಲೆನ್ ಪ್ರಯಾಣ ಮಲ್ಪುನ ಪ್ರಯಾಣಿಕೆರೆಗ್ ಇನಿರ್ದ್ ಬೊಕ್ಕ ಮಾಸ್ಕ್ ಪಡುನೆನ್ ಕಡ್ಡಾಯ ಮಲ್ಪೊಡು ಪಂದ್ ಬಿಎಂಟಿಸಿ ಎಂಡಿ ಕೆಎಸ್ ಸತ್ಯವತಿ ಸುತ್ತೋಲೆಡ್ ತೆರಿಪಾದೆರ್.

ಬಿಎಂಟಿಸಿ ಬಸ್ ಲೆನ್ ದಿನಲ ಲಕ್ಷಾಂತರ ಜನ ಪ್ರಯಾಣ ಮಲ್ಪುವೆರ್. ಮೊಕ್ಲೆನ ಸುರಕ್ಷತೆದ ದಿಟ್ಟಿರ್ದ್ ಬಿಎಂಟಿಸಿ ಈ ತೀರ್ಮಾನ ದೆತೊಂದುಂಡು.

Masks compulsory in Metro, BMTC buses

Bangalore: With increasing trends in the number of Corona cases; wearing of masks has been made compulsory for persons traveling in Metro trains and BMTC buses said BMTC MD K. S Satyavati.

The decision was taken for the safety of lakhs of passengers making use of these services.

10 ಅಡಿ ಉದ್ದದ ಮಾಟೆ ಕೊರೆದ್ ಬ್ಯಾಂಕ್ ರ್ದ್ 1 ಕೋಟಿ ರೂ. ಬಿಲೆತ ಬಂಗಾರ್ ಕಂಡಿನ ಕಲ್ವೆರ್!

ಕಾನ್ಪುರ್‌: ಉತ್ತರ ಪ್ರದೇಶದ ಕಾನ್ಪುರಡ್ ಕಲ್ವೆರ್ 4 ಅಡಿ ಅಗೆಲ ಬೊಕ್ಕ 10 ಅಡಿ ಉದ್ದದ ಮಾಟೆ (ಸುರಂಗ) ಕೊರೆದ್ ಬ್ಯಾಂಕ್‌ಡ್ ಇತ್ತಿನ 1 ಕೋಟಿ ರೂ. ಬಿಲೆತ ಬಂಗಾರ್ ಪತೊಂದು ಬಲಿತಿನ ಘಟನೆ ಕಾನ್ಪುರ ಎಸ್‌ಬಿಐ ಬಾನುತಿ ಶಾಖೆಡ್ ನಡತ್ಂಡ್.

ಕಲ್ವೆರ್ ಸುರಂಗ ಕೊರೆದ್ ಬ್ಯಾಂಕ್‌ದ ಸ್ಟ್ರಾಂಗ್‌ ರೂಮ್‌ ಗ್ ಬತ್ ದ್, ಬಂಗಾರ್ ದೀದಿತ್ತಿನ ಲಾಕರ್‌ ಪುಡಾತ್ ದ್, 1 ಕೋಟಿ ರೂ. ಬಿಲೆತ 1.8 ಕೆಜಿ ಬಂಗಾರ್ ಕಂಡ್ ದೆರ್. ಆಂಡ ಕಾಸ್ ದ ಲಾಕರ್‌ ಪುಡಾಪೆರೆ ಅಕ್ಲೆಗ್ ಆತಿಜಿ. ಆಯಿಟ್ 32 ಲಕ್ಷ ರೂ. ನಗದು ಇತ್ಂಡ್ ಪಂದ್ ಪೊಲೀಸೆರ್ ತೆರಿಪಾದೆರ್.