ಸುರತ್ಕಲ್: ಸುರತ್ಕಲ್ ಕೈತಲ್ ದ ಲೈಟ್ ಹೌಸ್ ಬೀಚ್‌ಡ್ ಸನಿಯಾರ ಬಯ್ಯಗ್ ಕಡಲ್ ಡ್ ಸಿರೆಕ್ಕ್ ತಿಕ್ಕೊಂದು ನಾಪತ್ತೆ ಆಯಿನ ಜವನನ ಪುನ ಜ.1 ಕ್ ಐತಾರ ಪತ್ತೆ ಆತ್ಂಡ್.
ಈ ಘಟನೆಡ್ ಕಾನ ನಿವಾಸಿ ಸುರೇಶ್ ಪ್ರಸಾದ್ ಯಾದವ್ ಪನ್ಪುನರೆನ ಮಗೆ ಸತ್ಯಂ (18) ನಾಪತ್ತೆ ಆದಿತ್ತಿನಾರ್. ಈ ಬಗೆಟ್ ಸುರತ್ಕಲ್ ಠಾಣೆಡ್ ಕೇಸ್ ದಾಖಲ್ ಆತ್ಂಡ್.
ಮುಲ್ಕಿ ಸೀಮೆದ ಮೂಡಾಯಿ- ಪಡ್ಡಾಯಿ ಜೋಡುಕರೆ ಅರಸು ಕಂಬುಲ ಕೂಟಡ್ ಒಟ್ಟು 150 ಜತೆ ಎರ್ಲು ಪಾಲ್ ಪಡೆದಿತ್ತ.
ಕನೆಪಲಯಿಡ್ 5 ಜತೆ ,
ಅಡ್ಡಪಲಯಿಡ್ 7 ಜತೆ
ಬಲ್ಲ್ ದ ಮಲ್ಲ 15 ಜತೆ
ನಾಯೆರ್ ದ ಮಲ್ಲ 26 ಜತೆ , ಬಲ್ಲ್ ದ ಎಲ್ಯ 17 ಜತೆ ನಾಯೆರ್ ದ ಎಲ್ಯ 80 ಜತೆ.
ಕನೆ ಪಲಯಿಡ್ ನೀರ್ ತೂದು ಇನಾಮು:
ಸುರೂತ: ಕಾಂತಾರ ಬೇಲಾಡಿ ಬಾವ ಅಶೋಕ್ ಶೆಟ್ಟಿ, ಪಲಯಿ ಮುಟ್ಟಿನಾರ್: ತೆಕ್ಕಟ್ಟೆ ಸುಧೀರ್ ದೇವಾಡಿಗ,
ರಡ್ಡನೇ: ಬಾರ್ಕೂರ್ ಶಾಂತಾರಾಮ ಶೆಟ್ಟಿ,
ಪಲಯಿ ಮುಟ್ಟಿನಾರ್: ಬೈಂದೂರ್ ರಾಘವೇಂದ್ರ ಪೂಜಾರಿ, ಅಡ್ಡ ಪಲಯಿ:
ಸುರುತ: ಮೋರ್ಲ ಪ್ರಾಪ್ತಿ ಗಿರೀಶ್ ಆಳ್ವ, ಪಲಯಿ ಮುಟ್ಟಿನಾರ್: ಮುಳಿಕಾರ್ ಕೆವುಡೇಲು ಅಣ್ಣಿ ದೇವಾಡಿಗ, ರಡ್ಡನೇ: ಮೇರಮಜಲ್ ಮಿಷನ್, ಗೋಡ್ವಿನ್ ವಾಸ್,
ಪಲಯಿ ಮುಟ್ಟಿನಾರ್: ಬೈಂದೂರ್ ಮಹೇಶ್ ಪೂಜಾರಿ.
ಬಲ್ಲ್ ದ ಮಲ್ಲ:
ಸುರುತ: ನಂದಳಿಕೆ ಶ್ರೀಕಾಂತ್ ಭಟ್ “ಬಿ”,
ಗಿಡತಿನಾರ್: ಬಂಬ್ರಾಣ ಬೈಲು ವಂದಿತ್ ಶೆಟ್ಟಿ,
ರಡ್ಡನೇ: ಪದವು ಕಾನಡ್ಕ ಫ್ಲೇವಿ ಡಿಸೋಜ “ಬಿ”,
ಗಿಡತಿನಾರ್: ಬೈಂದೂರ್ ವಿವೇಕ್ ಪೂಜಾರಿ,
ಬಲ್ಲ್ ದ ಎಲ್ಯ:
ಸುರುತ: ಕೊಳಕೆ ಇರ್ವತ್ತೂರ್ ಭಾಸ್ಕರ ಎಸ್ ಕೋಟ್ಯಾನ್,
ಗಿಡತಿನಾರ್: ಕೊಳಕೆ ಇರ್ವತ್ತೂರು ಆನಂದ್
ರಡ್ಡನೇ: ನಿಟ್ಟೆ ಪರಪ್ಪಾಡಿ ಸುರೇಶ್ ಕೋಟ್ಯಾನ್
ಗಿಡತಿನಾರ್: ಅತ್ತೂರ್ ಕೋಡಂಗೆ ಸುಧೀರ್ ಸಾಲ್ಯಾನ್,
ನಾಯೆರ್ ಮಲ್ಲ:
ಸುರುತ: ಬೆಳ್ಳಿಪ್ಪಾಡಿ ಕೈಪ ಕೇಶವ ಮಂಕು ಭಂಡಾರಿ “ಬಿ”,
ಗಿಡತಿನಾರ್: ಮಿಜಾರ್ ಅಶ್ವಥಪುರ ಶ್ರೀನಿವಾಸ ಗೌಡ,
ರಡ್ಡನೇ: ಬೆದ್ರ ನ್ಯೂ ಪಡಿವಾಳ್ಸ್ ಹಾರ್ದಿಕ್ ಹರ್ಷವರ್ಧನ ಪಡಿವಾಳ್
ಗಿಡತಿನಾರ್: ಬೈಂದೂರ್ ವಿವೇಕ್ ಪೂಜಾರಿ
ನಾಯೆರ್ ಎಲ್ಯ:
ಸುರುತ: ವರಪಾಡಿ ಬಡಗುಮನೆ ದಿವಾಕರ ಚೌಟ,
ಗಿಡತಿನಾರ್: ಪಟ್ಟೆ ಗುರುಚರಣ್
ರಡ್ಡನೇ: ಕಾರ್ಲ ಗುಂಡ್ಯಡ್ಕ ದುರ್ಗಾಪ್ರಸಾದ್ ನಿಲಯ ಪ್ರಶಾಂತ್ ಅನ್ನು ಶೆಟ್ಟಿ “ಎ”
ಗಿಡತಿನಾರ್: ಭಟ್ಕಳ ಶಂಕರ್
ಬೆಂಗ್ಲೂರ್: ಕನ್ನಡ ಪರ ಪೊರ್ಂಬಾಟಗಾರೆ ಆದಿತ್ತಿನ ರೂಪೇಶ್ ರಾಜಣ್ಣ ಮೇರ್ ನಾಲ್ ನೇ ರನ್ನರ್ ಅಪ್ ಆದ್ ಬಿಗ್ ಬಾಸ್ ಫೈನಲ್ ರ್ದ್ ಪಿದಯಿ ಬೈದೆರ್.
ಟಾಪ್ 5 ಫೈನಲಿಸ್ಟ್‌ಡ್ ಮೇರ್ ಒರಿ ಆದಿತ್ತೆರ್.
ವಿಟ್ಲದ ಪ್ರದೇಶಡ್ ಏಡ್ ಲೆನ್ ಕಂಡ್ ದ್ ಕೊನೊಂದು ಇತ್ತಿನ ರಡ್ಡ್ ಜನನ್ ಸಾರ್ವಜನಿಕೆರ್ ಪತ್ ದ್ ಪೊಲೀಸೆರೆಗ್ ಕೊರ್ತೆರ್ ಪಂದ್ ತೆರಿದ್ ಬೈದ್ಂಡ್.
ಆಂಡ ಪೊಲೀಸೆರ್ ಈ ಬಗೆಟ್ ಒವ್ವೇ ಕೇಸ್ ದಾಖಲ್ ಆತಿಜಿ ಪಂದ್ ತೆರಿಪಾದೆರ್.
ಕೊಪ್ಪಳ: ಗೊಬ್ಬುನ ಮೈದಾನಡ್ ಕರೆಂಟ್ ಶಾಕ್ ಹಾಕ್ ದ್ ಆನ್ ಒರಿ ನೆಂಪುದ ಸಗ್ತಿನ್ ಕಳೆವೊನ್ನ ಘಟನೆ ಕೊಪ್ಪಳ ಜಿಲ್ಲೆದ ಕಾರಟಗಿ ತಾಲೂಕ್ ದ ಮೈಲಾಪುರ ಗ್ರಾಮಡ್ ನಡತ್ಂಡ್.
ಈ ಘಟನೆಡ್ ಪೆಟ್ಟಾಯಿನ ವೀರೇಶ್ (10) ನ್ ಆಸ್ಪತ್ರೆಗ್ ದಾಖಲ್ ಮಲ್ದೆರ್. ಈ ಬಗೆಟ್ ಗುತ್ತಿಗೆದಾರೆ ಮಹದೇವಪ್ಪ ಮೆರೆನ ಮಿತ್ತ್ ಕಾರಟಗಿ ಪೊಲೀಸ್ ಠಾಣೆಡ್ ಕೇಸ್ ದಾಖಲ್ ಆತ್ಂಡ್. ಜಿಲ್ಲಾ ಪಂಚಾಯತ್ ಅಧಿಕಾರಿಲೆನ ವಿರುದ್ಧ ಕ್ರಮ ದೆತೊನೊಂದು ಪಂದ್ ಗ್ರಾಮಸ್ಥೆರ್ ಪೊರ್ಂಬಾಟ ಮಲ್ದೆರ್.
ಮಣಿಪಾಲ: ರೇಡಿಯೋ ಮಣಿಪಾಲ್ 90.4 mhz, ಡ್ ಪುರಾಣಾಮೃತ ಪೌರಾಣಿಕ ಪಾತ್ರ ಜೀವನ ಸೂತ್ರ ಸರಣಿ ಲೇಸ್ ದ 76ನೇ ಸಂಚಿಕೆ ಡಿ.31 ಸನಿಯಾರ ಬಯ್ಯಗ್ 4:15 ಕ್ ಪ್ರಸಾರ ಆಂಡ್.
ಈ ಲೇಸ್ ಡ್ ಉಪನ್ಯಾಸಕೆರ್ ಮುಂಡಾಜೆ ಕುಮಾರೇಶ್ವರ ಭಟ್ ಪಾಲ್ ಪಡೆಯೆರ್. ಜ.1 ಕ್ ಮಧ್ಯಾಹ್ನ 12:15 ಕ್ ಮರುಪ್ರಸಾರ ಆಪುಂಡು.
ಮಣಿಪಾಲ: ರೇಡಿಯೋ ಮಣಿಪಾಲ್ 90.4 mhz, ಡ್ ಕನ್ನಡ ಸಾಹಿತ್ಯ ಪರಿಷತ್ತ್ ಒಡಿಪು ಜಿಲ್ಲೆ ಬೊಕ್ಕ ಒಡಿಪು ತಾಲೂಕ್ ಘಟಕದ ಒಟ್ಟುಸೇರಿಗೆಡ್ ಕಥೆ ಕೇಳೋಣ ಸರಣಿ ಲೇಸ್ ದ 35ನೇ ಸಂಚಿಕೆ ಡಿ.31 ಸನಿಯಾರ ಬಯ್ಯಗ್ 4:30 ಕ್ ಪ್ರಸಾರ ಆಪುಂಡು.
ಈ ಲೇಸ್ ಡ್ ಬರವುಗಾರೆರ್, ಸಹಾಯಕೆರ್ ಬೊಕ್ಕ ಪ್ರಾಧ್ಯಾಪಕೆರ್ ಡಾ. ಪ್ರಜ್ಞಾ ಮಾರ್ಪಳ್ಳಿ ಪಾಲ್ ಪಡೆಯೆರೆ ಉಲ್ಲೆರ್. ಜ.1 ಕ್ ಮಧ್ಯಾಹ್ನ 12:30 ಕ್ ಮರುಪ್ರಸಾರ ಆಪುಂಡು.
ಕೊರೊನಾ ಸೀಕ್ ಹೆಚ್ಚಾವೊಂದು ಇಪ್ಪುನ ಕಾರಣ ಕೇಂದ್ರ ಸರ್ಕಾರ ಚೀನಾ, ಹಾಂಕಾಂಗ್, ಜಪಾನ್, ದಕ್ಷಿಣ ಕೊರಿಯಾ, ಸಿಂಗಾಪುರ್ ಬೊಕ್ಕ ಥೈಲ್ಯಾಂಡ್ ರ್ದ್ ಭಾರತಗ್ ಬರ್ಪುನ ಪ್ರಯಾಣಿಕೆರೆಗ್ ಆರ್ ಟಿ-ಪಿಸಿಆರ್ ಪರೀಕ್ಷೆನ್ ಕಡ್ಡಾಯ ಮಲ್ದ್ಂಡ್.
ಈ ನಿರ್ಬಂಧಲು ಎಲ್ಲೆರ್ದೆ ಜಾರಿಗ್ ಬರ್ಪುಂಡು. ಈ ದೇಶಲೆರ್ದ್ ಬರ್ಪುನ ಪ್ರಯಾಣಿಕೆರ್ ಪ್ರಯಾಣದ ಸುರುಕ್ ಏರ್ ಸುವಿಧಾ ಪೋರ್ಟಲ್ ಡ್ ತನ್ನ ವರದಿಲೆನ್ ಅಪ್ ಲೋಡ್ ಮಲ್ಪೊಡು.
Covid testing compulsory for travellers arriving from abroad
With the increase in the number of covid cases, the central government has made compulsory RT- PCR testing for travellers arriving from China, Hongkong, Japan, South Korea, Singapore and Thailand.
This rules will be effective from tomorrow.Travellers arriving from these countries can upload their details on on Air Suvidha portal.
ಕ್ರೈಮಿಯಾ: ಡ್ರೈವರ್ ನ ಅಕಲ್ ತತ್ತ್ ದ್ ಕಾರ್ ಮರಕ್ ಗುದ್ದುದು ಭಾರತದ ನಾಲ್ ವೈದ್ಯಕೀಯ ಕಲ್ಪಾರ್ಥಿಲು ತೀರ್ ಪೋಯಿನ ಘಟನೆ ಕ್ರೈಮಿಯಾದ ಸಿಮ್ಫೆರೋಪೋಲ್‌ಡ್ ನಡತ್ಂಡ್.
ಕಾರ್ ಡ್ ಮೂಜಿ ಬೊಕ್ಕ ನಾಲ್ ನೇ ವರ್ಷ ಕಲ್ತೊಂದು ಇತ್ತಿನ ವೈದ್ಯಕೀಯ ಕಲ್ಪಾರ್ಥಿಲು ಇತ್ತೆರ್.
ಸುಬ್ರಹ್ಮಣ್ಯ: ಯು.ಪಿ.ಎಸ್.ಸಿ. ನಡಪಾಯಿನ ಕಂಬೈನ್‌ ಡಿಫೆನ್ಸ್‌ ಸರ್ವಿಸ್‌ ಪರೀಕ್ಷೆಡ್ ಬೊಕ್ಕ ಅಲಹಾಬಾದ್‌ ಸರ್ವಿಸ್‌ ಸೆಲೆಕ್ಷನ್‌ ಬೋರ್ಡ್‌ ನಡಪಾಯಿನ ಪರೀಕ್ಷೆಡ್ ಪಾಸ್ ಆದ್ ಭೂಸೇನೆದ ಲೆಫ್ಟಿನೆಂಟ್‌ ಬೇಲೆಗ್ ಅಜಿತೇಶ್‌ ಪಿ.ಎಸ್. ಆಯ್ಕೆ ಆತೆರ್.
ಮೇರ್ ಇತ್ತೆ ಡೆಹ್ರಾಡೂನ್‌ ಡ್ ಇಪ್ಪುನ ಫಾರೆಸ್ಟ್‌ ರಿಸರ್ಚ್‌ ಇನ್‌ಸ್ಟಿಟ್ಯೂಟ್‌ದ ಸೆಕೆಂಡ್ ಎಂಎಸ್‌ಸಿದ ಕಲ್ಪಾರ್ಥಿ ಆತೆರ್. ಕುಕ್ಕೆ ಸುಬ್ರಹ್ಮಣ್ಯದ ಕುಮಾರಸ್ವಾಮಿ ವಿದ್ಯಾಸಂಸ್ಥೆದ ಮುಖ್ಯಶಿಕ್ಷಕಿ ವಿದ್ಯಾರತ್ನ ಬೊಕ್ಕ ಬಿಳಿನೆಲೆ ಶ್ರೀ ಗೋಪಾಲಕೃಷ್ಣ ಪ್ರೌಢಶಾಲೆದ ನಿವೃತ್ತ ಮುಖ್ಯಶಿಕ್ಷಕೆರ್ ಶ್ರೀಕೃಷ್ಣ ಶರ್ಮ ಪಿ. ಮೊಕ್ಲೆನ ಮಗೆ ಆಯಿನ ಮೇರ್ ಪ್ರೈಮರಿ ಬೊಕ್ಕ ಹೈಸ್ಕೂಲ್ ನ್ ಸುಬ್ರಹ್ಮಣ್ಯ ಕುಮಾರಸ್ವಾಮಿ ಶಾಲೆಡ್, ಪಿಯುಸಿನ್ ಪುತ್ತೂರ್ ವಿವೇಕಾನಂದ ಕಾಲೇಜ್ ಡ್, ಬಿ.ಎಸ್‌ಸಿ ಪದವಿನ್ ಮಡಿಕೇರಿದ ಪೊನ್ನಂಪೇಟೆ ಕಾಲೇಜ್ ಡ್ ಪಡೆತೆರ್.
