Times of kudla

ಫೆ.27-ಮಾ.2: ಕೊಂಡಪ್ಪಾಡಿ ಶ್ರೀ ಅನಂತಪದ್ಮನಾಭ ದೇವಲ್ಯಡ್ ಬ್ರಹ್ಮಕಲಶ ಉಚ್ಚಯ

ಕಡಬ: ಕೊಂಡಪ್ಪಾಡಿ ಶ್ರೀ ಅನಂತಪದ್ಮನಾಭ ದೇವಲ್ಯಡ್ ಬ್ರಹ್ಮಕಲಶ ಉಚ್ಚಯ ಬೊಕ್ಕ ಪ್ರತಿಷ್ಠಾ ದಿನಾಚರಣೆ ಫೆ.27-ಮಾ.2 ಮುಟ್ಟ ನಡಪರೆ ಉಂಡು.

ಕಾಣಿಯೂರು ಮಠತ ಕುಲಗುರು ಶ್ರೀ ವಿದ್ಯಾವಲ್ಲಭ ತೀರ್ಥ ಸಾಮೀಜಿನ ಆಶೀರ್ವಾದೊಟ್ಟಿಗೆ, ಕೆಮ್ಮಿಂಜೆ ನಾಗೇಶ ತಂತ್ರಿಲೆನ ಮುತಾಲಿಕೆಡ್ ಈ ಲೇಸ್ ದ ವೈದಿಕ ವಿಧಿ ವಿಧಾನ ನಡಪರೆ ಉಂಡು. ಫೆ.27 ಕ್ ಬೊಲ್ಪುಗು ಉಗ್ರಾಣ ಮೂರ್ತ, ಪುದೆಕಾಣಿಕೆ ಸಮರ್ಪಣೆ, ಮಧ್ಯಾಹ್ನ ಮಹಾಪೂಜೆ, ಅನ್ನಸಂತರ್ಪಣೆ ನಡಪರೆ ಉಂಡು. ಬಯ್ಯಗ್ ಶ್ರೀ ಕ್ಷೇತ್ರದ ತಂತ್ರಿಲೆಗ್ ಬೊಕ್ಕ ಋತ್ವಿಜರೆಗ್ ಪೂರ್ಣಕುಂಭ ಸ್ವಾಗತ, ರಾತ್ರೆ ವಾಸ್ತುಹೋಮ, ವಾಸ್ತುಬಲಿ, ಮಹಾಪೂಜೆ ನಡಪರೆ ಉಂಡು. ಫೆ.28 ಕ್ ಬಯ್ಯಗ್ ಧಾರ್ಮಿಕ ಸಭೆ ನಡಪರೆ ಉಂಡು. ರಾತ್ರೆ ಸಾಂಸ್ಕೃತಿಕ ಲೇಸ್ ನೃತ್ಯ ಸಂಭ್ರಮ ನಡಪರೆ ಉಂಡು. ಮಾ.1 ಕ್ಕ್ ಬ್ರಹ್ಮಕಲಶ ಸೇವೆ, ಚಂಡಿಕಾಯಾಗ ಸೇವೆ, ವಿಷ್ಣುಯಾಗ ಸೇವೆ ನಡಪರೆ ಉಂಡು. ಮಾ.2 ಕ್ ಬೊಲ್ಪುಗು ಪ್ರತಿಷ್ಠಾ ದಿನಾಚರಣೆ, ಮಧ್ಯಾಹ್ನ ಮಹಾಪೂಜೆ, ಪ್ರಸಾದ ಕೊರಿಯೆರೆ ಉಂಡು. ಬೊಕ್ಕ ಅನ್ನಸಂತರ್ಪಣೆ ನಡಪರೆ ಉಂಡು. ಬಯ್ಯಗ್ ದುರ್ಗಾಪೂಜೆ ನಡಪರೆ ಉಂಡು. ಈ ಲೇಸ್ ಗ್ ಮಾತೆರ್ಲಾ ಬತ್ತ್ ದ್ ಪ್ರಸಾದ ದೆತೊಂದು ಶ್ರೀ ದೇವೆರೆನ ಕೃಪೆಗ್ ಪಾತ್ರರಾವೊಡು ಪಂದ್ ಪರ್ಲತ್ತಾಯ ಪ್ರತಿಷ್ಠಾನದ ಅಧ್ಯಕ್ಷೆರ್ ವೆಂಕಟರಾಜ ನಗರಿ, ಮೊಕ್ತೇಸರೆರ್ ಗೋಕುಲ ಪಿ. ಎಸ್ ಲೆಪ್ಪೋಲೆಡ್ ತೆರಿಪಾದೆರ್.

ಮಾ.3-7: ಕಂಕನಾಡಿ ಶ್ರೀ ಬ್ರಹ್ಮ ಬೈದರ್ಕಳ ಗರಡಿಡ್ ಸಹಸ್ರ ಕುಂಭಾಭಿಷೇಕ, ನಾಗಬ್ರಹ್ಮ ಮಂಡಲ ಉಚ್ಚಯ

ಕುಡ್ಲ: ಕಂಕನಾಡಿ ಶ್ರೀ ಬ್ರಹ್ಮ ಬೈದರ್ಕಳ ಗರಡಿದ 150 ನೇ ವರ್ಷದ ಸಂಬುರ್ಮದ ನಿಲೆಟ್ಟ್ ಶ್ರೀ ಕ್ಷೇತ್ರೊಡು ಮಾ.3-7 ಮುಟ್ಟ ಒಂಜಿ ಸಾರ ತಾರಾಯಿದ ಗಣಯಾಗ, ಸಹಸ್ರ ಕುಂಭಾಭಿಷೇಕ, ನಾಗಬ್ರಹ್ಮ ಮಂಡಲ ಉಚ್ಚಯ ನಡಪರೆ ಉಂಡು.

ಕ್ಷೇತ್ರದ ಪ್ರಧಾನ ಅರ್ಚಕೆರ್ ಕೆ‌. ವಾಸುದೇವ ಶಾಂತಿ ಮೆರೆನ ತಮೇರಿಡ್ ಬಿ. ಗಂಗಾಧರ ಶಾಂತಿ ಮೆರೆನ ಮುತಾಲಿಕೆಡ್ ಬೊಕ್ಕ ಶ್ರೀ ನಾರಾಯಣ ವೈದಿಕ ಸಮಿತಿ ಕುಡ್ಲ ಮೊಕ್ಲೆನ ಒಟ್ಟುಸೇರಿಗೆಡ್ ಈ ಲೇಸ್ ದ ವೈದಿಕ, ಧಾರ್ಮಿಕ ವಿಧಿ ವಿಧಾನ ನಡಪರೆ ಉಂಡು. ಅಂಚೆನೆ ಪ್ರತಿದಿನಲ ಬೇತೆ ಬೇತೆ ಸಾಂಸ್ಕೃತಿಕ ಲೇಸ್ ನಡಪರೆ ಉಂಡು. ಈ ಲೇಸ್ ಗ್ ಮಾತೆರ್ಲಾ ಬತ್ತ್ ದ್ ಗಂಧ ಪ್ರಸಾದ ದೆತೊಂದು ಶ್ರೀ ದೇವೆರೆನ ಕೃಪೆಗ್ ಪಾತ್ರರಾವೊಡು ಪಂದ್ ಕಂಕನಾಡಿ ಶ್ರೀ ಬ್ರಹ್ಮ ಬೈದರ್ಕಳ ಗರೊಡಿದ ಅಧ್ಯಕ್ಷೆರ್ ಕೆ. ಚಿತ್ತರಂಜನ್, ಮೆನೇಜರ್ ಜೆ. ಕಿಶೋರ್ ಕುಮಾರ್, ಕಂಕನಾಡಿ ಗರಡಿ 150ನೇ ವರ್ಷದ ಸಂಭ್ರಮ ಸಮಿತಿದ ಎಂ. ಮೋಹನ್ ಉಜ್ಜೋಡಿ, ಆಡಳಿತ ಮೊಕ್ತೇಸರೆರ್, ಪ್ರತಿನಿಧಿ ಸದಸ್ಯೆರ್ ಬೊಕ್ಕ ಬೇತೆ ಬೇತೆ ಸಮಿತಿಲೆನ ಸದಸ್ಯೆರ್ ಲೆಪ್ಪೋಲೆಡ್ ತೆರಿಪಾದೆರ್.

ಮಾ.3-7: ಬೆಳಾಲು ಶ್ರೀ ಮಾಯ ಮಹಾದೇವ ದೇವಲ್ಯಡ್ ವರ್ಷಾಧಿದ ಜಾತ್ರೆ

ಬೊಲ್ತೇರ್: ಬೆಳಾಲು ಶ್ರೀ ಮಾಯ ಮಹಾದೇವ ದೇವಲ್ಯಡ್ ವರ್ಷಾಧಿದ ಜಾತ್ರೆ ಮಾರ್ಚ್ 3-7 ಮುಟ್ಟ ನಡಪರೆ ಉಂಡು.

ಅಂಬಾಡಿ ಪದ್ಮನಾಭ ತಂತ್ರಿಲೆನ ಮುತಾಲಿಕೆಡ್ ಈ ಲೇಸ್ ದ ವೈದಿಕ ವಿಧಿ ವಿಧಾನ ನಡಪರೆ ಉಂಡು.
ಮಾ.3 ಸುಕ್ರಾರ ಬೊಲ್ಪುಗು ಗಣ ಓಮ, ಮಾಯಗುತ್ತುದ ಇಲ್ಲಡ್ ಶಾರಿ ಪಾಡ್ದ್ ಕೈಲ್ ಕಡ್ಪರೆ, ಗ್ರಾಮಸ್ಥೆರೆರ್ದ್ ಪುದೆ ಕಾಣಿಕೆ ಸಮರ್ಪಣೆ, ಬಾಲೆ ಮುಟ್ಟಿಕಲ್ಲ್ ಪಾದಪೂಜೆ, ಮಧ್ಯಾಹ್ನ ಮಹಾಪೂಜೆ, ಅನ್ನಸಂತರ್ಪಣೆ ನಡಪರೆ ಉಂಡು. ಬಯ್ಯಗ್ ತೋರಣ ಮೂರ್ತ, ಸಾಂಸ್ಕೃತಿಕ ಲೇಸ್, ಕೊಡಿ ಏರಿಯೆರೆ, ಉಗ್ರಾಣ ದಿಂಜಾಯೆರೆ, ಪೂಜೆ ಬಲಿ, ಭಕ್ತಿ-ಭಾವ-ಸಂಗೀತ, ಬೊಕ್ಕ ಅಮ್ಮ ಕಲಾವಿದೆರ್ ಕುಡ್ಲ ಅಭಿನಯದ ಅಲೆ…ಬುಡಿಯೆರ್ ಗೇ ತುಳು ನಾಟಕ ನಡಪರೆ ಉಂಡು. ಮಾ.4 ಬೊಲ್ಪುಗು ಗಣ ಓಮ, ಕಲಶಪೂಜೆ, ಭಜನೆ, ಮಧ್ಯಾಹ್ನ ಮಹಾಪೂಜೆ, ಸಾರ್ವಜನಿಕ ಅನ್ನಸಂತರ್ಪಣೆ, ರಾತ್ರೆ ದುರ್ಗಾಪೂಜೆ, ಕೈತಲ್ ದ ಜೋಕುಲೆರ್ದ್ ಸಾಂಸ್ಕೃತಿಕ ಲೇಸ್, ನಮ್ಮ ಜವನೆರ್ ಕಲಾತಂಡ ಮಾಯ ಫ್ರೆಂಡ್ಸ್ ಮೊಕ್ಲೆರ್ದ್ ರಾಂಪನ ಗಮ್ಮತ್ತ್, ನೃತ್ಯ ವೈಭವ ಬೊಕ್ಕ ಶಿವಲೀಲಾ ಯಕ್ಷಗಾನ ನಡಪರೆ ಉಂಡು. ಮಾ.5 ಕ್ ಬೊಲ್ಪುಗು ಗಣ ಓಮ, ಸುಡರ ಬಲಿ ಉಚ್ಚಯ, ಭಜನೆ, ರಾತ್ರೆ ಪೂಜೆ, ಚಂದ್ರಮಂಡಲ ಉಚ್ಚಯ, ವಸಂತ ಕಟ್ಟೆ ಪೂಜೆ, ನೃತ್ಯ ವೈಭವ, ಶ್ರೀ ವಿಷ್ಣು ಕಲಾವಿದೆರ್ ಮದ್ದಡ್ಕ ಮೊಕ್ಲೆರ್ದ್ ಆಯೆ ಏರಾದಿಪ್ಪು ತುಳು ನಾಟಕ ನಡಪರೆ ಉಂಡು. ಮಾ.6 ಬೊಲ್ಪುಗು ಗಣ ಓಮ, ದರ್ಶನ ಬಲಿ, ಬಟ್ಟಲ್ ಕಾಣಿಕೆ, ಪಲ್ಲಪೂಜೆ, ಬಯ್ಯಗ್ ಭಕ್ತಿ-ಗಾನ-ಸುಧೆ, ರಾತ್ರೆ ಮಾಯ ಗುತ್ತು ಇಲ್ಲರ್ದ್ ಕೊಡಮಣಿತ್ತಾಯ ಬೊಕ್ಕ ಪರಿವಾರ ದೈವೊಲೆನ ಭಂಡಾರ ಬರಿಯೆರೆ ಉಂಡು. ರಾತ್ರೆ ಪೂಜೆ, ತೇರ್ ಒಯಿಪೆರೆ, ಶ್ರೀ ಭೂತ ಬಲಿ ಬೊಕ್ಕ ಶಯನ ಉಚ್ಚಯ ನಡಪರೆ ಉಂಡು. ಮಾ.7 ಬಯ್ಯಗ್ ಕೊಡಿ ಜಾದ್ ರಾತ್ರೆ ರಂಗಪೂಜೆ, ಕೊಡಮಣಿತ್ತಾಯ ಬೊಕ್ಕ ಪರಿವಾರ ದೈವೊಲೆನ ನೇಮಬಲಿ, ಗುತ್ತುದ ಇಲ್ಲಗ್ ಭಂಡಾರ ಪೋವೆರೆ ಉಂಡು. ಈ ಲೇಸ್ ಗ್ ಮಾತೆರ್ಲಾ ಬತ್ತ್ ದ್ ದೈವ ದೇವೆರೆನ ಕೃಪೆಗ್ ಪಾತ್ರರಾವೊಡು ಪಂದ್ ಉಜಿರೆ ಶ್ರೀ ಜನಾರ್ದನ ಸ್ವಾಮಿ ದೇವಲ್ಯದ ಅಧ್ಯಕ್ಷೆರ್ ಆಡಳಿತ ಮೊಕ್ತೇಸರೆರ್ ಯು. ವಿಜಯರಾಘವ ಪಡ್ವೆಟ್ನಾಯ, ವ್ಯವಸ್ಥಾಪನಾ ಸಮಿತಿದ ಅಧ್ಯಕ್ಷೆರ್ ಎಚ್ ಪದ್ಮಗೌಡ, ಪದಾಧಿಕಾರಿಲು ಬೊಕ್ಕ ಸರ್ವಸದಸ್ಯೆರ್, ಗೌರವ ಮಾರ್ಗದರ್ಶಕೆರ್ ಶ್ರೀ ಕ್ಷೇತ್ರ ಧರ್ಮಸ್ಥಳದ ಡಿ. ಹರ್ಷೇಂದ್ರ ಕುಮಾರ್ ಬೊಕ್ಕ ಮಾತ ಸದಸ್ಯೆರ್ ಲೆಪ್ಪೋಲೆಡ್ ತೆರಿಪಾದೆರ್.

EPFO ಕಚೇರಿಡ್ 577 ಬೇಲೆ ಕಾಲಿ ಉಂಡು

ಕೇಂದ್ರ ಸರಕಾರದ ಭವಿಷ್ಯ ನಿಧಿ ಸಂಸ್ಥೆಡ್ ಖಾಲಿ ಇಪ್ಪುನ 577 ಬೇಲೆಗ್ ಅಭ್ಯರ್ಥಿಲು ಅರ್ಜಿ ಸಂದಾವೊಲಿ.

ನೆಟ್ಟ್ 418 ಇಂಪ್ಲಿಮೆಂಟೇಶನ್ ಆಫೇಸರ್ (EO) ಬೊಕ್ಕ ಅಕೌಂಟ್ಸ್ ಆಫೀಸರ್ (AO) ಬೇಲೆ ಉಂಡು. ಒರಿನ 159 ಬೇಲೆಲು ಸಹಾಯಕ ಭವಿಷ್ಯ ನಿಧಿ ಆಯುಕ್ತೆರೆಗ್ (APFC) ಉಂಡು. ಅಂಚೆನೆ www.upsconline.nic.in ಗ್ ಭೇಟಿ ಕೊರ್ಪುನ ಮುಖೇನ ಫೆ.25 ರ್ದ್ ಈ ನೇಮಕಾತಿಗ್ ಅರ್ಜಿ ಸಂದಾವೊಲಿ. ಮಾ.17 ಅರ್ಜಿ ಸಂದಾಯೆರೆ ಅಕೇರಿದ ತಾರೀಕ್ ಆತ್ಂಡ್.

ಇನಿ ರಾಜ್ಯಗ್ ಅಮಿತ್ ಶಾ ಕುಡೊರ ಭೇಟಿ

ಬಿಜೆಪಿ ಚುನಾವಣಾ ಚಾಣಾಕ್ಯ ಪುಗರ್ತೆದ ಅಮಿತ್ ಶಾ ಇನಿ ಕುಡೊರ ರಾಜ್ಯಗ್ ಬರಿಯೆರೆ ಉಲ್ಲೆರ್.

ಗಣಿನಾಡ್ ಬಳ್ಳಾರಿ ಬೊಕ್ಕ ಬೆಂಗಳೂರುಗ್ ಭೇಟಿ ಕೊರಿಯೆರೆ ಉಲ್ಲೆರ್. ಮಧ್ಯಾಹ್ನ ಬಳ್ಳಾರಿದ ಸಂಡೂರುಗ್ ಬತ್ತ್ ದ್ ಬಿಜೆಪಿ ಬಹಿರಂಗ ಸಭೆಟ್ಟ್ ಪಾತೆರಿಯೆರೆ ಉಲ್ಲೆರ್. ಬಯ್ಯಗ್ ಬೆಂಗ್ಲೂರ್ ಗ್ ಬತ್ತ್ ದ್ ಪುರಭವನಡ್ “ಭಾರತದ ರಾಜಕೀಯಡ್ 65 ವರ್ಷ ಬೊಕ್ಕ ನರೇಂದ್ರ ಮೋದಿನ ಅವಧಿ ಮಾದರಿ ಬದಲಾವಣೆ” ಪನ್ಪುನ ಇಚಾರ ಸಂಕಿರಣಡ್ ಪಾಲ್ ಪಡೆಯೆರೆ ಉಲ್ಲೆರ್. ಬೊಕ್ಕ ಬಿಜೆಪಿ ನಾಯಕೆರೆನ ಸಭೆಟ್ ಪಾಲ್ ಪಡೆಪೆರ್ ಪಂದ್ ತೆರಿಪಾದ್ಂಡ್.

Public meeting at Thokur Subramnya Temple regarding Brahmakalasha ತೋಕೂರು ಶ್ರೀ ಸುಬ್ರಹ್ಮಣ್ಯ ದೇವಲ್ಯಡ್ ಬ್ರಹ್ಮಕಲಶ ಉಚ್ಚಯದ ಅಟ್ಟಣೆದ ಸಭೆ

ಹಳೆಯಂಗಡಿ: ತೋಕೂರು ಶ್ರೀ ಸುಬ್ರಹ್ಮಣ್ಯ ದೇವಲ್ಯಡ್ ಮೇ ತಿಂಗೊಲ್ಡ್ ನಡಪುನ ಶ್ರೀ ದೇವೆರೆನ ಪ್ರತಿಷ್ಠಾ ಉಚ್ಚಯ ಬೊಕ್ಕ ಅಷ್ಟಬಂಧ ಬ್ರಹ್ಮಕಲಶದ ಲೆಕ್ಕೊಡು ಸಾಂಸ್ಕೃತಿಕ ಲೇಸ್ ನಡಪಾವುನ ಬಗೆಟ್ ಇಚಾರ ವಿನಿಮಯ ಮಲ್ಪೆರೆ ಸಂಘ ಸಂಸ್ಥೆಲೆನ ಅಧ್ಯಕ್ಷೆರೆನ, ಪದಾಧಿಕಾರಿಲೆನ ಸಭೆ ಫೆ.22 ಕ್ ರಾತ್ರೆ 7.00 ಗಂಟೆಗ್ ದೇವಲ್ಯದ ಚಾವಡಿಡ್ ನಡತ್ಂಡ್.

ಈ ಸಭೆಟ್ ವ್ಯವಸ್ಥಾಪನಾ ಸಮಿತಿದ ಅಧ್ಯಕ್ಷೆರ್ ಹರಿದಾಸ್ ಭಟ್ ಪಾತೆರ್ದ್, ಜೀರ್ಣೋದ್ಧಾರದ ಕಜ್ಜೊದ ಬಗೆಟ್ ಪೊಲಬು ಕೊರಿಯೆರ್. ಅತ್ತಂದೆ ಬ್ರಹ್ಮಕಲಶದ ಪೊರ್ತುಡು ಸಾಂಸ್ಕೃತಿಕ ಲೇಸ್ ಕೊರಿಯೆರೆ ಕೈತಲ್ ಸಂಘ ಸಂಸ್ಥೆಲೆಗ್ ಸುರುತ ಆದ್ಯತೆ ಕೊರ್ಪ ಪಂದ್ ಪಂಡೆರ್. ಇತ್ತೆ 13 ಸಂಘ ಸಂಸ್ಥೆದ ಅಧ್ಯಕ್ಷೆರ್ ನಕುಲು ಸಾಂಸ್ಕೃತಿಕ ಲೇಸ್ ಕೊರ್ಪುನ ಪುದರ್ ಕೊರ್ತೆರ್. ಭಜನಾ ಸೇವೆ ಬೊಕ್ಕ ನಲಿಕೆ ಭಜನೆ ಕೂಟದ ನಿರ್ವಹಣೆದ ಜಬದಾರಿನ್ ಮಹಿಳಾ ಮಂಡಲ (ರಿ.) ತೋಕೂರು ಮೊಕ್ಲೆಗ್ ಕೊರಿಯೆರ್. ಬೊಕ್ಕ ಸಂಘ-ಸಂಸ್ಥೆಲೆನ ಸದಸ್ಯೆರೆನ ಪುದರ್ ಬೊಕ್ಕ ಮೊಬೈಲ್ ನಂಬರ್ ನ್ ಮಾತ ಸಂಘ-ಸಂಸ್ಥೆದ ಅಧ್ಯಕ್ಷೆರ್ ಒಂಜಿ ವಾರದ ಉಲಯಿ ದೇವಲ್ಯಗ್ ಕೊರೊಡು ಪಂದ್ ಬಿನ್ನಾಪು ಮಲ್ತೆರ್. ಆಯಿನಾತ್ ಬೇಗ ನನದ ಸಭೆಟ್ ಬ್ರಹ್ಮಕಲಶ ಉಚ್ಚಯದ ಮೂರ್ತನ್ ತೆರಿಪಾವ ಬೊಕ್ಕ ಬ್ರಹ್ಮಕಲಶ ಉಚ್ಚಯ ಸಮಿತಿ ಬೊಕ್ಕ ಉಪಸಮಿತಿಲೆನ ರಚನೆ ನಡಪರೆ ಉಂಡು. ಈ ಪೊರ್ತುಡು ಗ್ರಾಮಸ್ಥೆರ್, ಊರುದ ಪರವೂರ ಭಕ್ತೆರ್ ಎಚ್ಚದ ಸಂಖ್ಯೆಡ್ ಪಾಲ್ ಪಡೆವೊಡು ಪಂದ್ ಪಂಡೆರ್. ಈ ಪೊರ್ತುಡು ಜೀರ್ಣೋದ್ಧಾರ ಸಮಿತಿದ ಉಪಾಧ್ಯಕ್ಷೆರ್ ಮೋಹನ್ ದಾಸ್, ಸದಸ್ಯೆರ್ ಸುಗಂಧಿ ಡಿ. ಕೊಂಡಾಣ, ವ್ಯವಸ್ಥಾಪನಾ ಸಮಿತಿದ ಸದಸ್ಯೆರ್ ಮಧುಸೂದನ್ ಆಚಾರ್, ಪುರುಷೋತ್ತಮರಾವ್, ವಿಜಯ್ ಕುಮಾರ್ ರೈ, ಯೋಗೀಶ್ ಕೋಟ್ಯಾನ್, ವಿಶ್ವನಾಥ್, ವಿಪುಲ ಡಿ. ಶೆಟ್ಟಿಗಾರ್, ಶಾರದಾ ಜಿ. ಬಂಗೇರ ಬೊಕ್ಕ ಬೇತೆ ಬೇತೆ ಸಂಘ ಸಂಸ್ಥೆಲೆನ ಅಧ್ಯೆಕ್ಷೆರ್, ಪದಾಧಿಕಾರಿಲು, ಸದಸ್ಯೆರ್ ಇತ್ತೆರ್.

ರೇಡಿಯೊ ಮಣಿಪಾಲ್ ಡ್ ಬಂಜಿನಕ್ಲೆನ ಪಥ್ಯೆ ತೆನಸ್ ದ ಅಗತ್ಯತೆದ ಬಗೆಟ್ ಪೊಲಬು

ಮಣಿಪಾಲ: ರೇಡಿಯೊ ಮಣಿಪಾಲ್ 90.4 MHz ಡ್ ಕಸ್ತೂರ್ಬಾ ಆಸ್ಪತ್ರೆ ಮಣಿಪಾಲ ಬೊಕ್ಕ ಮಣಿಪಾಲ್ ಇನ್ಸ್ಟಿಟ್ಯೂಟ್ ಆಫ್ ಕಮ್ಯುನಿಕೇಶನ್ ದ ಒಟ್ಟುಸೇರಿಗೆಡ್ ನಡಪುನ ಆರೋಗ್ಯ ದರ್ಶನ ಲೇಸ್ ಡ್ ಬಂಜಿನಕ್ಲೆಗ್ ಪಥ್ಯೆ ತೆನಸ್ ದ ಅಗತ್ಯತೆದ ಬಗೆಟ್ ಪೊಲಬು ಫೆ.22 ಬುಧಾರ ಬಯ್ಯಗ್ 5 ಗಂಟೆಗ್ ಪ್ರಸಾರ ಆಂಡ್.

ಈ ಲೇಸ್ ಡ್ ಮಣಿಪಾಲದ ಕಸ್ತೂರ್ಬಾ ಹಾಸ್ಪಿಟಲ್ ದ ಕ್ಲಿನಿಕಲ್ ನ್ಯೂಟ್ರಿಷನ್ ಆಂಡ್ ಡಯಟಾಟಿಕ್ಸ್ ವಿಭಾಗಡ್ ಪಥ್ಯಾಹಾರ ತಜ್ಞೆರಾಯಿನ ಸುವಿಧಾ ಎಸ್ ಪಾಲ್ ಪಡೆಯೆರ್. ನನ ಫೆ.23 ಮಧ್ಯಾಹ್ನ 1 ಗಂಟೆಗ್ ಮರುಪ್ರಸಾರ ಆಪುಂಡು.

ಕಂಕನಾಡಿ ಶ್ರೀ ಬ್ರಹ್ಮಬೈದರ್ಕಳ ಗರೊಡಿದ 150 ನೇ ವರ್ಷ ಸಂಭ್ರಮದ ಲೆಪ್ಪೋಲೆ ಬುಡುಗಡೆ

ಕಂಕನಾಡಿ ಶ್ರೀ ಬ್ರಹ್ಮಬೈದರ್ಕಳ ಗರೊಡಿ ಕ್ಷೇತ್ರದ 150 ನೇ ವರ್ಷದ ಸಂಭ್ರಮಾಚರಣೆದ ಲೆಪ್ಪೋಲೆನ್ ದ.ಕ. ಕ್ಯಾಟರಿಂಗ್ ಅಸೋಸಿಯೇಷನ್ ಕುಡ್ಲ ನೆತ್ತ ಅಧ್ಯಕ್ಷೆರ್ ರಾಜಗೋಪಾಲ್ ರೈ ಮೇರ್ ಸಂಘದ ಕಚೇರಿಡ್ ಬುಡುಗಡೆ ಮಲ್ತೆರ್.

ಈ ಪೊರ್ತುಡು ಸಂಘದ ಗೌರವಾಧ್ಯಕ್ಷೆರ್ ಸುಧಾಕರ್ ಕಾಮತ್, ವಿ. ವಿ. ಎನ್. ಲಾಸ್ರದೋ, ಕಾರ್ಯದರ್ಶಿ ಜೆಸ್ಸಿ ಸಿಕ್ವೇರಾ, ಕೋಶಾಧಿಕಾರಿ ರಾಜೇಶ್ ಶೆಟ್ಟಿ, ಮಾಜಿ ಅಧ್ಯಕ್ಷೆರ್ ಸತೀಶ್ ಬೋಳಾರ್, ಅನಿಶ್, ಸಂತೋಷ ಡಿಸೋಜ, ವಿಜಯ ಕುಮಾರ್ ಸುರತ್ಕಲ್, ವಿಜಯ ಕುಮಾರ್ ಎಸ್ ಆರ್, ಪ್ರಸಾದ್ ಅಂಚನ್, ನಾರಾಯಣ ಬಂಟ್ವಾಳ್ ಬೊಕ್ಕ ಬ್ರಹ್ಮ ಬೈದರ್ಕಳ ಗರೊಡಿದ ದಿವರಾಜ್ ಇತ್ತೆರ್.

ಶಿಶಿಲ ಕಂಚಿನಡ್ಕ ಸ್ವಾಮಿ ಕೊರಗಜ್ಜ ದೈವ ಸನ್ನಿಧಿಡ್ ನಡತ್ಂಡ್ ಕೊರಗಜ್ಜನ ಕೋಲ

ಶಿಶಿಲ ಕಂಚಿನಡ್ಕ ಸ್ವಾಮಿ ಕೊರಗಜ್ಜ ದೈವ ಸನ್ನಿಧಿಡ್ ಕೊರಗಜ್ಜನ ಕೋಲ ನಡತ್ಂಡ್.

ಈ ಲೇಸ್ ಡ್ ಊರುದ ಪರವೂರುದ ಮಾತ ಸಮಸ್ತ ಭಕ್ತಾದಿಲು ಪಾಲ್ ಪಡೆದ್ ಅಜ್ಜನ ಕೃಪೆಗ್ ಪಾತ್ರರಾಯೆರ್.

ದುಬೈಡ್ ನಡತ್ಂಡ್ ಸಾಮೂಹಿಕ ಶ್ರೀ ಸತ್ಯನಾರಾಯಣ ಪೂಜೆ

ದುಬೈ: ಸಾಮೂಹಿಕ ಶ್ರೀ ಸತ್ಯನಾರಾಯಣ ಪೂಜಾ ಸಮಿತಿದ ಮುತಾಲಿಕೆಡ್ 15 ನೇ ವರ್ಷದ ಶ್ರೀ ಸತ್ಯನಾರಾಯಣ ಪೂಜೆ ಫೆ.19 ಕ್ ಐತಾರ ಬೊಲ್ಪುಗು 10 ಗಂಟೆಗ್ ದುಬೈದ ಅಲ್ ಗಿಸೇಸ್‌ ಡ್ ಇಪ್ಪುನ ಇಂಡಿಯನ್ ಅಕಾಡೆಮಿ ಸ್ಕೂಲ್ ದ ಚಾವಡಿಡ್ ನಡತ್ಂಡ್.

ಈ ಲೇಸ್ ಡ್ ಯುಎಇದ ಭಕ್ತಾದಿಲು ಸಾರರ್ದ್ ಎಚ್ಚ ಸಂಖ್ಯೆಡ್ ಪಾಲ್ ಪಡೆಯೆರ್. ಮುತ್ತೈದೆನಕುಲು ತುಡರ್ ಅರ್ಲಾದ್ ಪೂಜೆದ ಉದಿಪನ ಮಲ್ತೆರ್. ರಘುರಾಜ್ ಭಟ್ ಮೆರೆನ ಪೌರೋಹಿತ್ಯಡ್ ಶ್ರೀ ಸತ್ಯನಾರಾಯಣ ಪೂಜೆ, ಪ್ರಾರ್ತನೆ, ಸಂಕಲ್ಪ, ಗುರು ಗಣಪತಿ ಪೂಜೆ, ಕಳಸ ಪ್ರತಿಷ್ಠಾಪನೆ, ನವಗ್ರಹ ಪೂಜೆ, ಸತ್ಯನಾರಾಯಣ ವೃತ ಕಲ್ಪೊಕ್ತ ಪೂಜೆ, ಶ್ರೀ ಸತ್ಯನಾರಾಯಣ ಕಥೆ, ಮಹಾ ಮಂಗಳಾರತಿ, ಬ್ರಾಹ್ಮಣ ಅರಾಧನೆ, ಸುಮಂಗಲಿ ಪೂಜೆ, ಕನ್ನಿಕಾ ಪೂಜೆ ನಡತ್ಂಡ್. ಬೊಕ್ಕ ಸಪಾದ ಪ್ರಸಾದ ಪಟ್ಟಿಯೆರ್. ಅವೆರ್ದ್ ಬೊಕ್ಕ ಅನ್ನಸಂತರ್ಪಣೆ ನಡತ್ಂಡ್.

ಪೂಜೆದ ಪ್ರತಿನಿಧಿಯಾದ್ ಪಾರಿಜಾ ಆನಂದ್ ಬೈಲೂರ್ ಬೊಕ್ಕ ಶಾಲಿನಿ ಸಂದೇಶ್ ಜೈನ್ ಅಂಗಡಿಬೆಟ್ಟು ಪೂಜೆಡ್ ಪಾಲ್ ಪಡೆಯೆರ್. ಸುಮಂಗಲಿ ಪೂಜೆಡ್ ಅಮೃತಾ ಕೆಂಜೂರ್, ವಿಜಯಲಕ್ಷ್ಮಿ, ರಮಾದೇವಿ ನಾಯಕ್, ವತ್ಸಲಾ ಶೆಟ್ಟಿ, ಗೀತಾ ಮೋಹನ್ ಪಾಲ್ ಪಡೆಯೆರ್.

ಕನ್ನಿಕಾರಾಧನೆಡ್ ತೇಜಶ್ರೀ, ಶ್ರೇಯಾ, ನಕ್ಷತ್ರ, ನಿಶಿಕಾ ಪುನೀತ್, ಐಶಾನಿ ಶೆಟ್ಟಿ ಪಾಲ್ ಪಡೆಯೆರ್. ಮೊಗವೀರ್ಸ್ ಭಜನಾ ಮಂಡಳಿ ದುಬೈ ಬೊಕ್ಕ ಶ್ರೀ ರಾಜರಾಜೇಶ್ವರಿ ಭಜನಾ ತಂಡಾ ದುಬೈ ನೆತ್ತ ವತಿರ್ದ್ ಭಕ್ತಿ ಸಂಗೀತ ದೀಪ ನೃತ್ಯ ಸೇವೆ ಲೇಸ್ ನಡತ್ಂಡ್.

ಶ್ರೀ ವರಮಹಾಲಕ್ಷ್ಮಿ ಪೂಜಾ ಸೇವಾ ಸಮಿತಿ, ಬಿರುವೆರ್ ಕುಡ್ಲ ದುಬೈ, ಗಾಣಿಗ ಸಮಾಜ ದುಬೈ ಸ್ವಯಂ ಸೇವಕೆರಾದ್ ಇತ್ತೆರ್. ಆಕರ್ಷಕ ಪೂಜೆದ ಮಂಟಪ ರಾಜೇಶ್ ಕುತ್ತಾರ್, ದೀಪಕ್ ಕೊಟ್ಯಾನ್, ಪುರಂದರ ಮೊಕುಲು ನಿರ್ಮಾಣ ಮಲ್ತ್ ದ್ ಇತ್ತೆರ್.

ಸಾಮೂಹಿಕ ಶ್ರೀ ಸತ್ಯನಾರಾಯಣ ಸಮಿತಿದ ಅಂಚೆನೆ ಬಿಲ್ಲವ ಸಮಾಜದ ಸತೀಶ್ ಪೂಜಾರಿ, ಜೀವನ ಕುಕ್ಯಾನ್ ಬೊಕ್ಕ ಜಗನ್ನಾಥ್, ಬಂಟ ಸಮುದಾಯದ ವಿಶ್ವನಾಥ್ ಶೆಟ್ಟಿ, ವಾಸು ಶೆಟ್ಟಿ ಬೊಕ್ಕ ಗಣೇಶ್ ರೈ, ವಿಶ್ವಕರ್ಮ ಸಮಾಜ ಶಾಂತಾರಾಮ ಆಚಾರ್, ಮೊಗವೀರ್ಸ್ ಸಮುದಾಯದ ಬಾಲಕೃಷ್ಣ ಸಾಲಿಯಾನ್, ಪದ್ಮಶಾಲಿ ಸಮುದಾಯದ ಧನಂಜಯ ಶೆಟ್ಟಿಗಾರ್, ಜೈನ್ ಸಮಾಜದ ಸಂದೇಶ್ ಜೈನ್, ಕುಲಾಲ್ ಸಮಾಜದ ಪದ್ಮರಾಜ್ ಎಕ್ಕಾರ್, ರಾಮಕ್ಷತ್ರೀಯ ಸಮಾಜದ ಸುಗಂಧರಾಜ್ ಬೇಕಲ್, ರಜಕ ಸಮಾಜದ ದಿನೇಶ್, ಗಾಣಿಗ ಸಮಾಜದ ರಮೇಶ್, ಮೊಕುಲು ಪೂಜೆದ ಲೇಸ್ ನ್ ಆಯೋಜನೆ ಮಲ್ತಿನಕುಲು.

ಮಹಾಪ್ರಸಾದ ಸಾಹಿಬಾ ಕ್ಯಾಟರಿಂಗ್ ದ ಶೇಖರ ಶೆಟ್ಟಿ ಮೆರೆನ ಆದಿತ್ತ್ಂಡ್. ಯು.ಎ.ಇದ ಬೇತೆ ಬೇತೆ ಕಡೆರ್ದ್ ಬತ್ತಿನ ಭಕ್ತಾದಿಲು ಪೂಜೆಡ್ ಪಾಲ್ ಪಡೆದ್ ಪ್ರಸಾದ ದೆತೊಂಡೆರ್.