Social Media

ನಾಯಿಲೆನೊಟ್ಟುಗು ನಲ್ತಿನ ಸಿಮ್ಮ

Oct 7, 2022

ತುಲುನಾಡೊರ್ಮೆಲ ಮಾರ್ನೆಮಿದ ಪೊರ್ತುಡು ಪಿಲಿ, ಸಿಮ್ಮ, ಕರಡಿ, ಇಂಚನೆ ಬೇತೆ ಬೇತೆ ರೀತಿದ ಏಸ ಪಾಡೊಂದು ಇಲ್ಲ ಇಲ್ಲಗ್ ಪೋದು ನಲ್ಪುನ ಕಿರಮ ಉಂಡು. ಆಂಡ ಇಂಚೆನೇ ಒಂಜಿ ತಿಕ್ಕ್ ಡ್ ಇಲ್ಲಗ್ ಬತ್ತಿನ ಸಿಮ್ಮದ ಏಸ ಇಲ್ಲದ ನಾಯಿಲೆನ್ ತರ್ಕ್‌ ಪತ್ತ್‌ದ್ ನಲಿಪುನ ವೀಡಿಯೋ ಸೋಶಿಯಲ್ ಮೀಡಿಯಾಡ್ ವೈರಲ್ ಆವೊಂದುಂಡು.

ಉಡುಪಿದ ಸುದ್ದಿ | Udupi News ಊರ್ದ ಸುದ್ದಿ Regional News ಕರ್ನಾಟಕ ರಾಜ್ಯಡ್ ಸುದ್ದಿಲು | Karnataka News ಕಾರ್ಲದ ಸುದ್ದಿ Karkala News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ರಪಕ್ಕ ಸುದ್ದಿ Flash News ರಾಜ್ಯದ ಸುದ್ದಿ | State News

ನನ ದುಂಬಗ್ ಸರ್ಕಾರಿ ಕಚೇರಿದ ಎದುರು ಫೋಟೋ, ವೀಡಿಯೋ ದೆಪ್ಪುಲೆಕ್ಕ ಇಜ್ಜಿ; ರಾಜ್ಯ ಸರ್ಕಾರ ಆದೇಶ

Jul 15, 2022

ಬೆಂಗ್ಳೂರ್: ಸರ್ಕಾರಿ ಇಲಾಖೆದ ಕಚೇರಿದ ಫೋಟೋ ಅತ್ತಂಡ ವಿಡಿಯೋನ್ ನನ ದುಂಬಗ್ ಜನಕುಲು ದೆಪ್ಪುಲೆಕ್ಕ ಇಜ್ಜಿ ಪಂದ್ ರಾಜ್ಯ ಸರ್ಕಾರ ಆದೇಶ ಮಲ್ತ್ ದ್oಡ್.

ರಾಜ್ಯಡ್ ಬೇತೆ ಬೇತೆ ಜಿಲ್ಲೆ, ತಾಲೂಕ್ ಅಂಚನೆ ರಾಜ್ಯ ಮಟ್ಟಡ್ ಸರ್ಕಾರದ ಬೇತೆ ಬೇತೆ ಇಲಾಖೆದ ಕಚೇರಿಲು ಬೇಲೆ ಮಲ್ತೊಂದ್ ಇತ್ತ್ ದ್, ಸರ್ಕಾರಿ ಕಚೇರಿಗ್ ಜನಕುಲು ಅಕ್ಲೆನ ಬೇಲೆಗ್ ಬರ್ಪಿನವ್ ಸರ್ವೇ ಸಾಮಾನ್ಯವಾದುಂಡು. ಇಂಚ ಬನ್ನಗ ಕೆಲ ಜನ ಸರ್ಕಾರಿ ಕಚೇರಿದ ಫೋಟೋ, ವೀಡಿಯೋ ಮಲ್ತ್ ದ್, ಆವೆನ್ ಸಾಮಾಜಿಕ ಜಾಲತಾಣಡ್ ಪಾಡುವೆರ್. ಬೊಡ್ಚಾಂದಿನ ಫೋಟೋ ವಿಡಿಯೋನ್ ಪಾಡುನೆಡ್ದಾವರ ಸರ್ಕಾರದ ಘನತೆಗ್ ಅಂಚನೆ ಅಲ್ಪ ಬೇಲೆ ಮಲ್ಪುನ ಪೊಂಜೋವ್ ನಕ್ಲೆಗ್ ಲ ತೊಂದರೆ ಅವೊಂದ್ ಉಂಡು. ಈ ಬಗೆಟ್ ರಾಜ್ಯ ಸರ್ಕಾರ ಸರ್ಕಾರಿ ಕಚೇರಿದ ಫೋಟೋ ವಿಡಿಯೋನ್ ಅನುಮತಿ ಇಜ್ಜಂದೇ ದೆಪ್ಪುಲೆಕ್ಕ ಇಜ್ಜಿ ಪಂದ್ ತೆರಿಪಾದ್oಡ್.

ಕರ್ನಾಟಕ ರಾಜ್ಯಡ್ ಸುದ್ದಿಲು | Karnataka News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ದೇಶಡ್ ನಡಪಿನ ಸುದ್ದಿ | National News ರಾಜ್ಯದ ಸುದ್ದಿ | State News

ಸ್ಕೂಬಾ ಡೈವ್‌ ಡ್ ಗೊಬ್ಬಿನ ಬಂಗಾರ್ದ ಆನು; ನೀರುದ ಉಲಯಿ ಚಾವೆಲಿನ್ ನ್ ದಕ್ಕಿನ ನೀರಜ್ ಚೋಪ್ರಾ

Oct 2, 2021

ಮಾಲ್ಡೀವ್ಸ್, ಅ.02 : ಒಲಿಂಪಿಕ್‌ ಡ್ ಬಂಗಾರ್ ಪದಕನ್ ಗೆಂದಿನ ನೀರಜ್ ಚೋಪ್ರಾ ಭಾರತೀಯೆರ್ ನ ಪಾಲುಗ್ ಫೇವರೇಟ್. ಮಾಲ್ಡೀವ್ಸ್ ಗ್ ಪೊಯಿನ ಚೋಪ್ರಾ ಸಮುದ್ರದ ಅಡಿಟ್ ಸ್ಕೂಬಾ ಡೈವಿಂಗ್ ಮಲ್ತೊಂದ್ ಜಾವೆಲಿನ್ ನ್ ದಕ್ಕುಲೆಕ್ಕ ನಟನೆ ಮಲ್ತಿನ ಬಂಗಾರ್ದ ಆನನ ವಿಡಿಯೋ ಇತ್ತೆ ಸಾಮಾಜಿಕ ಜಾಲತಾಣಡ್ ವೈರಲ್‌ ಅವೊಂದ್ ಉಂಡ್.

ರಜೆತ್ತ ಮಿತ್ತ್ ಮಾಲ್ಡೀವ್ಸ್‌ಗ್ ಪೊಯಿನ ನೀರಜ್‌ ಚೋಪ್ರಾ, ಸ್ಕೂಬಾ ಡೈವಿಂಗ್‌ ಕುಂಟುನ್ ಪಾಡ್ದ್, ನೀರುಡ್ ಜಾವೆಲಿನ್‌ ದಕ್ಕುಲೆಕ್ಕ ನಟನೆ ಮಲ್ತಿನ ವಿಡಿಯೋ ಆರ್ನ ಇನ್ಸ್ಟಗ್ರಾಮ್ ಗ್ ಪಾಡ್ದಿತ್ತೆರ್. ಅವ್ ಇತ್ತೆ ಬಾರಿ ವೈರಲ್ ಅತ್ಂಡ್.