Puttur

ಜೂನ್ 8 ಗ್ ಸಚಿವ ಈಶ್ವರಪ್ಪ ಜಿಲ್ಲಾ ಪ್ರವಾಸ

ರಾಯಚೂರು, ಜೂ.6 : ಗ್ರಾಮೀಣಾಭಿವೃದ್ಧಿ ಬೊಕ್ಕ ಪಂಚಾಯತ್ ರಾಜ್ ಸಚಿವ ಕೆ.ಎಸ್. ಈಶ್ವರಪ್ಪ ಮೇರ್ ಜೂನ್ 08 ಕ್ಕ್ ಜಿಲ್ಲೆದ ಪ್ರವಾಸ ಮಲ್ಪರೆ ಉಲ್ಲೆರ್ .

ಮೇರ್ ಜೂ. 07 ಕ್ಕ್ ಸೋಮವಾರ ಮಧ್ಯಾಹ್ನ 3 ಗಂಟೆಗ್ ಬಳ್ಳಾರಿ ರ್ದ್ ರಸ್ತೆ ಮಾರ್ಗವಾದ್ ಪಿದಾರ್ದ್ ಬೈಯ್ಯಗ್ 5.30ಕ್ ಮಂತ್ರಾಲಯಗ್ ಬತ್ದ್ , ವಾಸ್ತವ್ಯ ಹೂಡರೆ ಉಲ್ಲೆರ್ .ಜೂ. 08 ಗ್ ಅಂಗಾರೆ ಕಾಂಡೆ 8 ಗಂಟೆಗ್ ಮಂತ್ರಾಲಯರ್ದ್ ಪಿದಾರ್ದ್ ಮಾರ್ಗದ ಮುಖೇನ ಕಾಂಡೆ 9 ಗಂಟೆಗ್ ರಾಯಚೂರುಗು ಬರ್ರೆ ಉಲ್ಲೆರ್ .ಕಾಂಡೆ 10 ಗಂಟೆದ ಪೇಂಟೆದ ಜಿಲ್ಲಾ ಪಂಚಾಯತ್ ಸಭಾಂಗಣಡ್ ಗ್ರಾಮೀಣಾಭಿವೃದ್ಧಿ ಬೊಕ್ಕ ಪಂಚಾಯತ್ ರಾಜ್ ಇಲಾಖೆ ವತಿರ್ದ್ ಗ್ರಾಮೀಣ ಮಟ್ಟಡ್ ಕೋವಿಡ್-19 ಸೋಂಕುದ ಬಗ್ಗೆ ವಿಚಾರ ಮಲ್ಪರೆ ಉಲ್ಲೆರ್.

ಹುಷಾರ್ ದಾoತಿನ ಅಮ್ಮೆರ್ನೊಟ್ಟಿಗೆ ಇತ್ತಿನ ನಾಲ್ ಜೋಕ್ಲೆನ ರಕ್ಷಣೆ

ಕಾರ್ಕಳ, ಜೂ.3: ಕಾರ್ಕಳ ಗ್ರಾಮಾಂತರ ಪೊಲೀಸ್ ಠಾಣಾ ವ್ಯಾಪ್ತಿಡ್ ಅಪ್ಪೆ ಇಜ್ಜಂದೆ ತಬ್ಬಲಿಯಾದ್ ಅಸಹಾಯಕ ಅಮ್ಮೆರ್ ನೊಟ್ಟಿಗೆ ಇತ್ತಿನ 4 ಜೋಕ್ಲೆನ್ ಜಿಲ್ಲಾ ಮಕ್ಕಳ ರಕ್ಷಣಾ ಘಟಕದ ನೇತೃತ್ವಡ್ ರಕ್ಷಣೆ ಮಲ್ತ್ ಪುನರ್ವಸತಿ ಕಲ್ಪಿಸಾಯೆರ್ .

ನಿಟ್ಟೆ ಗ್ರಾಪಂ ಪರಿಸರಡ್ ಅನಾರೋಗ್ಯ ಪೀಡಿತ ಅಮ್ಮೆರ್ ಅಂಚನೇ 3 ಆಣ್ , 1 ಪೊಣ್ಣು ಬಾಲೆ ಸೇರ್ದ್ 4 ಜೋಕ್ಲೆನ್ ರಕ್ಷಿಸಾಯೆರೆ ಜಿಲ್ಲಾ ಮಕ್ಕಳ ರಕ್ಷಣಾ ಘಟಕಗ್ ಕಾರ್ಕಳದ ಸಮಾಜ ಸೇವಕಿ ರಮಿತಾ ಶೈಲೇಂದ್ರ ಮಾಹಿತಿ ಕೊರ್ದಿತ್ತೆರ್ . ಅಪಗನೆ ಜಿಲ್ಲಾ ಮಕ್ಕಳ ರಕ್ಷಣಾ ಘಟಕ ಇಲ್ಲಗ್ ಭೇಟಿ ಕೊರ್ದು ಜೋಕ್ಲೆನ ರಕ್ಷಣೆ ಮಲ್ತೆರ್

ಕಾರ್ಯಾಚರಣೆಡ್ ಜಿಲ್ಲಾ ಮಕ್ಕಳ ರಕ್ಷಣಾ ಘಟಕದ ಜಿಲ್ಲಾ ಮಕ್ಕಳ ರಕ್ಷಣಾಧಿಕಾರಿ ಕುಮಾರ್ ನಾಯ್ಕ್, ಕಾನೂನು ಪರಿವೀಕ್ಷಣಾಧಿಕಾರಿ ಪ್ರಭಾಕರ ಆಚಾರ್, ರಕ್ಷಣಾಧಿಕಾರಿ ಮಹೇಶ್ ದೇವಾಡಿಗ, ಕಾರ್ಕಳ ಶಿಶು ಅಭಿವೃದ್ಧಿ ಯೋಜನಾಧಿಕಾರಿ ಉಮೇಶ್, ಕಾರ್ಕಳ ಗ್ರಾಮಾಂತರ ಠಾಣಾ ಉಪನಿರೀಕ್ಷಕ ತೇಜಸ್ವಿ ಟಿ., ಹೆಡ್‌ಕಾನ್ಸ್‌ಟೇಬಲ್ ಸತೀಶ್ ನಾಯ್ಕ್, ನಿಟ್ಟೆ ಗ್ರಾಪಂ ಗುರ್ಕಾರ್ಲಾಯಿನ ಸತೀಶ್, ಸದಸ್ಯೆರಾಯಿನ ಪ್ರವೀಣ್ ಕೋಟ್ಯಾನ್, ಆತ್ಮನಂದ್ ಪೂಜಾರಿ, ಸಮಾಜ ಸೇವಕೆರಾಯಿನ ರಮಿತಾ ಶೈಲೇಂದ್ರ, ಹರ್ಷವರ್ಧನ್ ನಿಟ್ಟೆ ಪಾಲ್ ಪಡೆದಿತ್ತೆರ್ .