ಅ.28 : ನೇಪಾಳಡ್ ಇಂಡೋ–ನೇಪಾಳ ತುಳುವ ಮಹಾಸಭೆತ್ತ ಸಭೆ
ಕಠ್ಮಂಡು (ನೇಪಾಳ): ತುಳುವ ಮಹಾಸಭೆ ಇಂಟರ್‌ನ್ಯಾಷನಲ್‌ ಶತಮಾನೋತ್ಸವದ ಅಂಗವಾದ್ ಮಲ್ಪುನ ಲೇಸ್‌ದ ನಾಲ್ನೇ ಸರಣಿ ಕಾರ್ಯಕ್ರಮವಾದ್ ಇಂಡೋ–ನೇಪಾಳ ತುಳುವ ಮಹಾಸಭೆ 2026ರ ಅಕ್ಟೋಬರ್ 28 ಬುಧಾರ ನೇಪಾಳದ ಕಠ್ಮಂಡುಡು ನಡಪರೆ ಉಂಡು.
ನೇಪಾಳದ ಶ್ರೀ ಪಶುಪತಿನಾಥ ದೇವಸ್ಥಾನದ ಮುಖ್ಯ ಅರ್ಚಕೆರಾಯಿನ ತುಳುವ ಮಹಾಸಭೆ ಇಂಟರ್‌ನ್ಯಾಷನಲ್‌ನ ನೇಪಾಳ ಘಟಕದ ಅಧ್ಯಕ್ಷೆರಾಯಿನ ರಾವಲ್ ಗಣೇಶ್ ಭಟ್ ಮೆರೆನ ಅಧ್ಯಕ್ಷತೆಡ್ ಈ ಸಭೆ ನಡಪರೆ ಉಂಡು.
ಕುಡ್ಲ ಬೊಕ್ಕ ಬೊಂಬೈ ಸೇರ್ದ್ ಬೇತೆ ಬೇತೆ ಪ್ರದೇಶರ್ದ್ ಸುಮಾರ್ 45 ಜನ ಪಾಲ್ ಪಡೆವರೆ ಉಲ್ಲೆರ್. ತುಳುವರ್ಲ್ಡ್ ಫೌಂಡೇಶನ್‌ದ ಉಪಾಧ್ಯಕ್ಷೆರ್ ಜಯಪ್ರಕಾಶ್ ಪೂಜಾರಿ ಕಾರ್ಯಕ್ರಮದ ನೇತೃತ್ವ ವಹಿಸೊನ್ವೆರ್.
ಶ್ರೀಚಕ್ರದ ಚಿಂತನ–ಮಂಥನ :
ಬಸ್ರೂರು ತುಳುವೇಶ್ವರಿ ಸಾನಿಧ್ಯರ್ದ್ ಶ್ರೀಚಕ್ರನ್ ನೇಪಾಳಗ್ ಕೊನೊತೆರ್ ಪನ್ಪಿನ ವಿಷಯ ಅಷ್ಟಮಂಗಲ ಪ್ರಶ್ನೆ ಚಿಂತನೆ ಸಂದರ್ಭಡ್ ಪ್ರಸ್ತಾಪ ಆತಿನೆರ್ದಾವರ ಈ ಬಗೆಟ್ಟ್ ವಿಶೇಷ ಚಿಂತನ–ಮಂಥನ ನಡಪರೆ ಉಂಡು.
ತುಳುನಾಡ್‌ದ ಪ್ರಾಚೀನ ಧಾರ್ಮಿಕ ಪರಂಪರೆದ ಅಧ್ಯಯನ ಮಲ್ಪುನು, ಅಯಿಕ್ ಸಂಬಂಧಪಟಿನ ಮಾಹಿತಿ ಸಂಗ್ರಹ ಬೊಕ್ಕ ಸಾಂಸ್ಕೃತಿಕ ಸಂಬಂದದ ಬಗೆಟ್ಟ್ ದುಂಬುದ ಸಂಶೋಧನೆಗ್ ಅವಕಾಶ ಮಲ್ಪುನು ಈ ಚಿಂತನ–ಮಂಥನದ ಉದ್ದೇಶವಾದುಂಡು ಪಂದ್ ಪ್ರಕಟಣೆಡ್ ತೆರಿಪಾದೆರ್.
ಸಭೆ ನಡಪುನ ಜಾಗೆ: Hotel Tara Suites Pvt. Ltd., Tusal Marg, Gaurighat, Kathmandu, Nepal. ಪಶುಪತಿನಾಥ ದೇವಸ್ಥಾನದ ಕೈತಲ್.