ಕುಡ್ಲ : ಮೊಬೈಲ್ ವಿಚಾರೊಡು ಲಡಾಯಿ ಆದ್ ಅಣ್ಣಗ್ ಮೆಗ್ಯೆ ಬಿಸತ್ತಿ ಪಾಡ್ದ್ ಕೊಲೆ ಮಲ್ದಿನ ಘಟನೆ ಬಿಜೈ ಕೊಟ್ಟಾರ ಚೌಕಿ ಕ್ರಾಸ್ದ ಕೈತಲ್ ಐತಾರ ರಾತ್ರೆ ನಡತ್ಂಡ್.
ಮೂಲ ಬೆಳಗಾವಿ ಬೈಲಹೊಂಗಲ ಮೂಲದ ಕೂಲಿ ಕಾರ್ಮಿಕೆ ಅಡಿವೆಪ್ಪ (40) ಕೊಲೆ ಆಯಿನಾಯೆ. ಮೆಗ್ಯೆ ರಾಜು (36) ಕೊಲೆ ಮಲ್ದಿನ ಆರೋಪಿ ಪಂದ್ ಪೊಲೀಸೆರ್ ತೆರಿಪಾದೆರ್.
ಎಲ್ಯ ಅಂಗಡಿ ದೀದ್ ಬೇರ ಮಲ್ತೊಂದಿತ್ತಿನ ಅಪ್ಪೆ ಐತಾರ ರಾತ್ರೆ ಅಂಗಡಿ ಬಂದ್ ಮಲ್ತ್ ಇಲ್ಲಗ್ ಬನ್ನಗ ವಿಷಯ ಗೊತ್ತಾದ್ ಅಡಿವೆಪ್ಪನ್ ಆಸ್ಪತ್ರೆಗೆ ಸೇರ್ಸಾಂಡಲ ಪ್ರಯೋಜನ ಆತಿಜಿ ಪಂದ್ ತೆರಿಪಾದೆರ್.
ಒಡಿಪು: ಸಂತೆಕಟ್ಟೆ ಕೈತಲ್ ಪ್ರೀತಿ ಮಲ್ತೊಂದಿತ್ತಿನ ಸೌಮ್ಯಗ್, ಸಂದೇಶ್ ಕುಲಾಲ್ ನಡು ಸಾದಿಡ್ ಚೂರಿ ಪಾಡ್ದಿನ ವಿಷಯದ ಬಗೆಟ್ ಸಾಮಾಜಿಕ ಜಾಲತಾಣಡ್ ಪಗರೊಂದಿಪ್ಪುನ ಬೇತೆ ಮಾಹಿತಿಲ್ ಅಂಚನೆ ಜನಕುಲ್ ನ ಮದ್ಯೋಡ್ ಇಪ್ಪುನ ಗೊಂದಲಗ್ ಉತ್ತರ ಕೊರೊಡ್ ಪಂದು ಇನಿ ಉಡುಪಿ ಪ್ರೆಸ್ ಕ್ಲಬ್ ಡ್ ಪತ್ರಿಕಾಗೋಷ್ಠಿ ನಡತುಂಡು.
ಮಾಧ್ಯಮ ಮಿತ್ರೆರೆಡ ಸೌಮ್ಯ ಶ್ರೀ ನ ಮೈತಿದಿ ದೀಕ್ಷಿತಾ ಪಾತೆರ್ದು, ಸಂದೇಶ್ ಬೊಕ್ಕ ಸೌಮ್ಯಶ್ರೀ 8 ವರ್ಷಡ್ದು ಪ್ರೀತಿ ಮಲ್ತೊಂದಿತ್ತೆರ್ ಪಂದು ಸಾಮಾಜಿಕ ಜಾಲತಾಣಡ್ ಪಗರೊಂದು ಉಂಡು. ಆಂಡ ಅಕುಲ್ 3.5 ವರ್ಷಡ್ದು ಪ್ರೀತಿ ಸುರು ಆದಿತ್ತುಂಡು. ಸೌಮ್ಯಶ್ರೀ ಗ್ ಕಾಲ್ ಮಲ್ತುದು ಸಂದೇಶ್ ಉಪದ್ರ ಕೊರೊಂದಿತ್ತೆ. ಮದಿಮೆದ ಪಾತೆರ ಆದಿತುಂಡು. ಆಂಡ ಪಲಯನ ಮದಿಮೆ ಆವಡ್ ಪಂದು ದುಂಬುದಿದಿತ್ತೆರ್. ದಯದೀದ್ ಸುಳ್ಳು ಪಾತೆರನ್ ಪಗರೊಡ್ಚಿ ಎಂಕುಲ್ನ ಕುಟುಂಬಗ್ ಈ ವಿಷಯಡ್ ಆವಾರ ತೊಂದರೆ ಅವೊಂದುಂಡು ಪಂದು ಪಂಡೆರ್.
