mullayyanagiri

ಮುಳ್ಳಯ್ಯನಗಿರಿತ್ತ ಮುದೆಲ್ ಡ್ ನಿಲೆ ಆಯರೆ ಉಂಡು 21 ಅಡಿ ಎತ್ತರದ ಪರ್ವತಾಂಜನೇಯ ಮೂರ್ತಿ

ಕರ್ನಾಟಕದ ಭಾರೀ ಎತ್ತರ ಪ್ರದೇಶ ಆಯಿನ ಚಿಕ್ಕಮಗಳೂರು ಜಿಲ್ಲೆದ ಮುಳ್ಳಯ್ಯನಗಿರಿ ಬೆಟ್ಟದ ಮುದೆಲ್ ಡ್ 21 ಅಡಿತ್ತ ಮಾಮಲ್ಲ ಪರ್ವತಾಂಜನೇಯ ಮೂರ್ತಿ ಸ್ಥಾಪನೆ ಆಯರೆ ಉಂಡು.

ಚಿಕ್ಕಮಗಳೂರು ತಾಲೂಕ್ ದ ದತ್ತಪೀಠ ಮಾರ್ಗದ ಕವಿಕಲ್‌ಗಂಡಿ ಪನ್ಪಿನ ಜಾಗೆಡ್ ಇಪ್ಪುನ
ಆಂಜನೇಯನ ಗುಡಿ ಕೈತಲ್ ಈ 21 ಅಡಿ ಎತ್ತರದ ಆಂಜನೇಯನ ಮೂರ್ತಿ ಸ್ಥಾಪನೆ ಆಯರೆ ಉಂಡು. ಮೂರ್ತಿ ಕೆತ್ತನೆ ಶಾಸಕ ಸಿ.ಟಿ.ರವಿ ಮುತಾಲಿಕೆಡ್ ತಯಾರ್ ಆವೊಂದಿತ್ತ್ ದ್, ತುಮಕೂರು ಜಿಲ್ಲೆ ಶಿರಾ ತಾಲೂಕ್ ರ್ದ್ ಲ ಕೃಷ್ಣ ಶಿಲೆ ಕಲ್ಲುಲು ಚಿಕ್ಕಮಗಳೂರು ಪೇಂಟೆಗ್ ಬೈದ್ಂಡ್. ಪೇಂಟೆದ ದ್ವಾರಬಾಗಿಲು ದಾಸರಹಳ್ಳಿ ಕೈತಲ್ ಕಲ್ಲ್ ಲೆಗ್ ಪೂಜೆ ಮಲ್ತ್ ದ್ ಪ್ರವೇಶ ಮಲ್ಪರೆ ಉಲ್ಲೆರ್. ಕಲ್ಲ್ ದ ಒಟ್ಟುಗ್ ಶಿಲ್ಪಿಲುಲ ಬರಿಯರೆ ಉಲ್ಲೆರ್.