Manipal

ಪುತ್ತೂರುಡು ಕೋವಿಡ್ ಪರೀಕ್ಷಾ ಕೇಂದ್ರ

ಪುತ್ತೂರು, ಜೂನ್ 26: ಕೋವಿಡ್ ತಡೆಯರೆ ಸಾಕಾರಿ ಆಪಿನ ನೆಲೆಟ್ಟ್. ಪರೀಕ್ಷಾ ವರದಿನ್ ಬೇಗನೆ ಕೊರ್ಪಿನ ನೆಲೆಟ್ಟ್ ಜಿಲ್ಲಾಡಳಿತ ಪುತ್ತೂರುಡು ಕೋವಿಡ್-19 ಪರೀಕ್ಷಾ ಕೇಂದ್ರನ್ ಸುರು ಮಲ್ಪರೆ ದುಂಬು ಬೈದೆರ್ .

ಪುತ್ತೂರುಡು ಸುರು ಆಪಿನ ಈ ಕೇಂದ್ರ ಕುಡ್ಲದ 2ನೇ ಪ್ರಯೋಗಾಲಯ ಆತುಂಡು . ಪುತ್ತೂರು ಉಪ ವಿಭಾಗಗ್ ಸಂಬಂಧ ಪಟ್ಟಿನoಚ ಕೋವಿಡ್‌ ಪರೀಕ್ಷೆನ್ ಈ ಕೇಂದ್ರಡ್ ನಡಪಾಯೆರೆ ಯೋಜನೆ ಮಲ್ದೆರ್.

ಫಾದರ್ ಮುಲ್ಲರ್ ಸಂಸ್ಥೆಡ್ ಲಸಿಕಾ ಅಭಿಯಾನಗ್ ಚಾಲನೆ

ಕುಡ್ಲ , ಜೂ. 22: ನಗರದ ಫಾದರ್ ಮುಲ್ಲರ್ ಮೆಡಿಕಲ್ ಕಾಲೇಜು ಆಸ್ಪತ್ರೆದ ವತಿರ್ದ್ ಅಟ್ಟನೆ ಮಲ್ತಿನ ಕೋವಿಡ್ 19 ಲಸಿಕಾ ಮೇಳಗ್ ಕೋಡೆ ಚಾಲನೆ ಕೊರಿಯೆರ್ , ಒಂಜೇ ದಿನಟ್ 700 ಜನ ಲಸಿಕೆ ಪಡೆಯೆರೆ .

ಸುರುತ್ತಾ ವಿಶೇಷ ಪ್ರಾರ್ಥನೆದೊಟ್ಟುಗು ಬಿಷಪ್ ರೆ. ಡಾ. ಪೀಟರ್ ಪೌಲ್ ಸಲ್ಡಾನಾ ಲಸಿಕಾ ಅಭಿಯಾನಗ್ ಚಾಲನೆ ಕೊರಿಯೆರ್ . ಕೋವಿಡ್ ಸಾಂಕ್ರಾಮಿಕ ರೋಗ ಬೇಗೋಡೆ ಸುರು ಆಪಿಲಕ ಅಂಚನೇ ರೋಗಿಲೆನ ಸೇವೆಡ್ ನಿರತರಾಯಿನಕ್ಲೆನ್ ಸಂರಕ್ಷಣೆ ಮಲ್ತಿನ ಆರ್ ಈ ಪೊರ್ತುಡು ಪ್ರಾರ್ಥನೆ ಮಲ್ತೆರ್ .

ಫಾದರ್ ಮುಲ್ಲರ್ ಕನ್ವೆನ್ಷನ್ ಸೆಂಟರ್‌ಡ್ ಕೋಡೆ ಕಾಂಡೆ 9 ಗಂಟೆಗ್ ಸುರು ಮಲ್ತಿನ ಲಸಿಕಾ ಅಭಿಯಾನಡ್ ಬೈಯ್ಯ 3 ಗಂಟೆ ಪೊರ್ತುಡು ಪೇಂಟೆದ ಕೈತಲ್ ದ 700 ಜನಕ್ ಲಸಿಕೆ ಕೊರಿಯೆರ್.

ಫರಂಗಿಪೇಟೆ ಎಸ್ಡಿಪಿಐ ಸಂಸ್ಥಾಪನಾ ದಿನಾಚರಣೆ

ಫರಂಗಿಪೇಟೆ, ಜೂನ್ 22: ಸೋಶಿಯಲ್ ಡೆಮಾಕ್ರೆಟಿಕ್ ಪಾರ್ಟಿ ಆಫ್ ಇಂಡಿಯಾ ಪುದು ಗ್ರಾಮ ಸಮಿತಿ ವತಿರ್ದ್ ಪಕ್ಷದ 12ನೇ ವರ್ಷದ ಸಂಸ್ಥಾಪನಾ ದಿನ ಆಚರಣೆ ಮಲ್ತೆರ್ .

ದ್ವಜಾರೋಹಣನ್ ಪುದು ಗ್ರಾಮ ಪಂಚಾಯತ್ ಸದಸ್ಯೆರಾಯಿನ ನಝೀರ್ ಕುಂಜತ್ಕಳ ನಡಪಾದ್ ಕೊರಿಯೆರ್.

ಎಸ್ಡಿಪಿಐ ಜಿಲ್ಲಾ ಮುಖಂಡೆರಾಯಿನ ಅಕ್ಬರ್ ಅಲಿ ಪೊನ್ನೋಡಿ ಪಾತೆರ್ದ್ ನಮ್ಮ ಪೂರ್ವಿಕರ ತ್ಯಾಗ ಬಲಿದಾನಗ್ ಪ್ರತಿಫಲವಾದ್ ಜಗತ್ತ್ ಡೆ ಶ್ರೇಷ್ಠವಾಯಿನ ಪ್ರಜಾಪ್ರಭುತ್ವ ಅಸ್ಥಿತ್ವಗ್ ಬೈದುಂಡು ಅಕ್ಲೆನ ಬಲಿದಾನ ವ್ಯರ್ಥ ಆವಂದಿಲಕ ಪ್ರಜಾಪ್ರಭುತ್ವನ್ ಒರಿಪಾದ್ ಬುಲೆಪಾವುನ ಹೋರಾಟ ನಮ್ಮ ಆವೊಡು ಈ ನೆಲೆಟ್ಟ್ ಎಸ್ಡಿಪಿಐ ಪಕ್ಷ ಒಂಜಿ ದಶದಿಂದೀಚೆಕೆ ಸಾಮಾಜಿಕ ಪ್ರಜಾಪ್ರಭುತ್ವಗಾದ್ ಹೋರಾಟ ನಡಪಾವೊಂದೇ ಬೈದುಂಡು ಪಂದ್ ಪಂಡೆರ್. ಲೇಸ್ ದ ಗುರ್ಕಾರ್ಮೆನ್ ವಯಿಸೊಂಡಿನ ಎಸ್ಡಿಪಿಐ ಪುದು ಗ್ರಾಮ ಸಮಿತಿ ಗುರ್ಕಾರ್ಲಾಯಿನ ಇಕ್ಬಾಲ್ ಅಮ್ಮೆಮಾರ್ ವಯಿಸೊಂಡೆರ್ .