Mangalore

ಬಲ್ಲ್ ಪಾಡೊಂದು ಜೀವ ದೆತ್ತೊoಡಿನ ಬಿಜೆಪಿ ಜಿಲ್ಲಾ ಮಹಿಳಾ ಮೊರ್ಚಾದ ಕಾರ್ಯಕಾರಿಣಿ ಸದಸ್ಯೆ

ಒಡಿಪು : ಮನಸ್ ಗ್ ಬೇನೆ ಆದ್ ಕೈತಲ್ ದ ಬಿಜೆಪಿ ನಾಯಕಿ ಒರ್ತಿ ತನ್ನ ಇಲ್ಲಡ್ ಬಲ್ಲ್ ಪಾಡೊಂದು ಆತ್ಮಹತ್ಯೆ ಮಲ್ತಿನ ಘಟನೆ ಒಡಿಪುದ ಕುಕ್ಕಿಕಟ್ಟೆಡ್ ಇನಿ ನಡತುಂಡು . ಮೃತ ಪೊಂಜೊವುನು ಆಶಾ ಶೆಟ್ಟಿ (48) ಪಂದ್ ಗುರ್ತಿಸಾದೆರ್ .

ಮೇರ್ ಬಿಜೆಪಿ ಜಿಲ್ಲಾ ಮಹಿಳಾ ಮೊರ್ಚಾದ ಕಾರ್ಯಕಾರಿಣಿ ಸದಸ್ಯೆ, ಬೊಕ್ಕ ತುಳು ಕೂಟ, ಭಜನಾ ಮಂಡಳಿ, ಚಂಡೆ ಕೂಟಡ್ ಬಾರಿ ಬೆಂತಿನಾರ್ ಪಂದ್ ತೆರಿದ್ ಬೈದುಂಡು .

Executive member of BJP district women’s morcha commits suicide by hanging

Udupi: An unidentified BJP local leader committed suicide by hanging herself at her residence in Udupi today. The dead woman has been identified as Asha Shetty.

She is known to be an active member of the BJP district women’s morcha, as well as the Tulu Kootha, the Bhajana Mandal and the chende team as well.

ರಾಜ್ಯಡ್ ಜಾಸ್ತಿ ಆವೊಂದು ಉಪ್ಪುನ ಡೆಂಗ್ಯೂ ಪ್ರಕರಣ

ಬೆಂಗ್ಳೂರು: ರಾಜ್ಯಡ್ ಕೊರೊನಾ ಮೂಜನೇ ಅಲೆ ಆತಂಕದ ನಡುಟು ಸೀಕ್ ಜಾಸ್ತಿ ಆವೊಂದು ಉಪ್ಪುನ , ಡೆಂಗ್ಯೂ ಪ್ರಕರಣದ ಸಂಖ್ಯೆ ಜಾಸ್ತಿ ಆವೊಂದು ಉಂಡು .

ಒಂಜಿ ಕಡೆ ಕೋವಿಡ್, ಡೆಲ್ಟಾ, ಡೆಲ್ಟಾ ಪ್ಲಸ್ ಅಟ್ಟಹಾಸದ ನಡುಟು ನಿಫಾ ಆತಂಕಲ ಸುರು ಆತುಂಡು . ಈ ನಡುಟು ಡೆಂಗ್ಯೂ ಕೇಸ್ ಜಾಸ್ತಿ ಆವೊಂದು ಉಪ್ಪುನೆರ್ದಾವರ ಕರಿನ ಒಂಜಿ ತಿಂಗೊಲ್ ಡು ರಾಜ್ಯೋಡು 893 ಡೆಂಗ್ಯೂ ಪ್ರಕರಣ ದಾಖಲಾತುಂಡು .

ಆದಾಯ ತೆರಿಗೆ ರಿಟರ್ನ್ಸ್ ಸಲ್ಲಿಕೆಗ್ ಡಿಸೆಂಬರ್ 31 ಮುಟ ಕಾಲಾವಧಿ ವಿಸ್ತರಣೆ

ವೈಯಕ್ತಿಕ ತೆರಿಗೆ ಪಾವತಿದಾರೆರ್ 2020- 21 ನೆ ಹಣಕಾಸು ವರ್ಷಗ್ ಆದಾಯ ತೆರಿಗೆ ರಿಟರ್ನ್ಸ್ (ITR) ಕೊರಿಯೆರೆ ಡಿಸೆಂಬರ್ 31, 2021 ಮುಟ ಕಾಲಾವಧಿ ವಿಸ್ತರಣೆ ಮಲ್ದೆರ್ , ಕೇಂದ್ರೀಯ ನೇರ ತೆರಿಗೆ ಮಂಡಳಿ (CBDT) ಗುರುವಾರ ಆದೇಶ ಕೊರ್ತೆರ್ . ಕೊವಿಡ್- 19 ಬಿಕ್ಕಟ್ಟುದು ನೆಲೆಟ್ಟ್ ತೆರಿಗೆದಾರೆರ್ ಬಂಗ ಬರೊಂದು ಉಪ್ಪುನೆರ್ದಾವರ ಈ ತೀರ್ಮಾನ ಮಲ್ದೆರ್ .

“ಅಸೆಸ್‌ಮೆಂಟ್ ವರ್ಷ 2021-22ಗ್ ಆದಾಯದ ರಿಟರ್ನ್ಸ್ ಕೊರಿಯೆರ್ ಆದಾಯ ತೆರಿಗೆ ಕಾಯ್ದೆದ ಸೆಕ್ಷನ್ 139 ನೆ ಸಬ್‌ಸೆಕ್ಷನ್ (1)ರ ಅಡಿಟ್ ಕಡೆತ ತಾರೀಖ್ 31 ನೇ ಜುಲೈ, 2021 ಆತುಂಡು . ಸುತ್ತೋಲೆ ಸಂಖ್ಯೆ 9/2021 ತಾರೀಖ್ 20.05.2021ನೆ ಪ್ರಕಾರ, 30ನೇ ಸೆಪ್ಟೆಂಬರ್, 2021ಕ್ ವಿಸ್ತರಣೆ ಮಲ್ದೆರ್ .

ಬ್ರಿಕ್ಸ್ ಅಟ್ಟನೆ ಮಲ್ತಿನೆಕ್ಕ್ ಪ್ರಧಾನಿ ಮೋದಿಗ್ ಸೊಲ್ಮೆ ಸಂದೈತ ಮಲ್ತಿನ ಚೀನಾ ಗುರ್ಕಾರ್ಲಾಯಿನ ಶಿ ಜಿನ್‌ಪಿಂಗ್

ನವದೆಹಲಿ: ಪ್ರಧಾನಿ ನರೇಂದ್ರ ಮೋದಿ ಗುರ್ಕಾರ್ಮೆಡ್ 13 ನೇ ಬ್ರಿಕ್ಸ್ ದೇಶದ ವರ್ಚುವಲ್ ಶೃಂಗಸಭೆ ಸುರು ಆತುಂಡು . ಭಯೋತ್ಪಾದನೆ, ಆರ್ಥಿಕ ಬಿಕ್ಕಟ್ಟು, ಡಿಜಿಟಲ್ ಬೊಕ್ಕ ತಂತ್ರಜ್ಞಾನ ಬಳಕೆ ಬಗ್ಗೆ ಚರ್ಚೆಮಲ್ತೊಂದು ಉಲ್ಲೆರ್ .

ವರ್ಚುವಲ್ ಶೃಂಗಸಭೆಟ್ 10 ತಿಂಗೊಲುರ್ದು ಬೊಕ್ಕ ಉಂದುವೇ ಸುರುತ ಸಲ ಚೀನಾ ಗುರ್ಕಾರ್ಲಾಯಿನ ಶಿ ಜಿನ್‌ಪಿಂಗ್ ಬೊಕ್ಕ ಪ್ರಧಾನಿ ನರೇಂದ್ರ ಮೋದಿ ಮುಖಾಮುಖಿಯಾತೆರ್ .

ಶೃಂಗಸಭೆ ನ್ ಉದ್ದೇಶಿಸಾದ್ ಪಾತೆರಿನ ಪ್ರಧಾನಿ ಮೋದಿ.. ಭಾರತ ತನ್ನ ಗುರಕಾರ್ಮೆದ ಅವಧಿಗ್ ನಿರಂತರತೆ, ಬಲವರ್ಧನೆ, ಬೊಕ್ಕ ಒಮ್ಮತಗಾದ್ ಥೀಮ್‌ನ್ ಆಯ್ಕೆ ಮಲ್ದುಂಡು . ಉಂದು ನಮ್ಮ ಬ್ರಿಕ್ಸ್ ಪಾಲುದಾರಿಕೆದ ಮೂಲ ತತ್ವ ಆತುಂಡು .

ಕೊರೋನಾ ನಿಯಂತ್ರಣಗ್ ಉನ್ನತ ಮಟ್ಟದ ಸಭೆ; ಪ್ರಧಾನಿ ಮೋದಿ

ನವದೆಹಲಿ: ಕೇರಳ ಸೇರಿನಂಚ ದೇಶದ ಕೆಲವು ರಾಜ್ಯಡ್ ಮಾರಕ ಕೊರೋನಾ ಕೇಸು ಜಾಸ್ತಿ ಆವೊಂದು ಉಂಡು . ನೆತ್ತ ಪರಿಣಾಮ ಮೂಜನೇ ಅಲೆ ಭೀತಿ ಸುರು ಆತುಂಡು . ಇಂಚ ಉಪ್ಪುನಗ ದೇಶದ ಕೊರೋನಾ ಸ್ಥಿತಿಗತಿ ಬೊಕ್ಕ ಲಸಿಕೆ ಅಭಿಯಾನದ ಬಗ್ಗೆ ಪ್ರಧಾನಿ ನರೇಂದ್ರ ಮೋದಿ ಮೇರ್ ಉನ್ನತ ಮಟ್ಟದ ಸಭೆ ನಡಪಾದೆರ್ .

ಶುಕ್ರವಾರ ಪ್ರಧಾನಿ ನರೇಂದ್ರ ಮೋದಿ ಮುತಾಲೀಕೇಡ್ ನಡತಿನ ಉನ್ನತ ಮಟ್ಟದ ಸಭೆಟ್ ಕೊರೋನಾ ಸೋಂಕು ಹತೋಟಿಗ್ ಕನಯೆರೆ ಮಹತ್ವದ ನಿರ್ಧಾರ ದೆತೊನ್ದೆರ್ . ದೇಶಡ್ ಶೇ. 10ರ್ದ್ ಜಾಸ್ತಿ ಪಾಸಿಟಿವಿಟಿ ದರ ಉಪ್ಪುನ ಜಿಲ್ಲೆಡ್ ಹೈ ಅಲರ್ಟ್ ಪಂದ್ ಪಂಡೆರ್.