ತಂಕದ ತುಳುವೆ ಕಡಂದಲೆ ಸುರೇಶ್ ಭಂಡಾರಿ ಮೆರೆಗ್ ಕಟ್ಕೆರೆ ಸಂಜೀವ ಶೆಟ್ಟಿ ದತ್ತಿ ನಿಧಿ ಪ್ರಶಸ್ತಿ
ಬೊಂಬಾಯಿ : ಬೊಂಬಾಯಿದ ಗೋರೆಗಾಂವ್ ಕರ್ನಾಟಕ ಸಂಘೊಡ್ ತಾರೀಕ್ 4 ಸನಿಯಾರ ಬಯ್ಯ 4 ಗಂಟೆಗ್ ಎಡ್ವೊಕೇಟ್ ಕಟ್ಕೆರೆ ಸಂಜೀವ ಶೆಟ್ಟಿ ಸ್ಮರಣಾರ್ಥ ದತ್ತಿನಿಧಿ ಪ್ರಶಸ್ತಿ ಕೊರ್ಪಿನ ಕಾರ್ಯಕ್ರಮ ನಡತ್ಂಡ್. ವರ್ಷಗೊರ ಪ್ರಶಸ್ತಿ ಪಟ್ಟುನ ಲೇಸ್ ನಡತ್ತೊಂದ್ ಇತ್ತ್ ದ್, ಈ ಸರ್ತಿ ಪ್ರಶಸ್ತಿನ್ ತುಳುನಾಡ್ ದ ತಂಕದ ತುಳುವೆ ಜನ ಸೇವಕೆ ಕಡಂದಲೆ ಸುರೇಶ್ ಭಂಡಾರಿ ಮೆರೆಗ್ ಕೊರಿಯೆರ್.
ಸಂಜೀವ ಶೆಟ್ರೆನ ದತ್ತಿನಿಧಿತ ಪುದರ್ ಡ್ ಪ್ರತಿವರ್ಷ ಬೊಂಬಾಯಿದ ಒಂಜೊಂಜಿ ಸಮಾಜ ಸೇವಕೆರೆನ್ ಸಮಿತಿದ ಮೂಲಕ ಆಯ್ಕೆ ಮಲ್ತ್ ದ್, ಗೌರವ ಪೂರ್ವಕವಾದ್ ಪ್ರಶಸ್ತಿನ್ ಸಂದಾವೊಂದು ಉಲ್ಲ. ಇಂದೆಕ್ ಸಾಕಾರ ಮಲ್ತಿನ ಭಾಸ್ಕರ್ ಶೆಟ್ರೆನ್ ಲ ಈ ಪೊರ್ತುಡ್ ನೆಂಪು ಮಲ್ತೊಂದು ಉಲ್ಲ. ಬೊಂಬಾಯಿಡ್ 200 ರ್ದ್ ಮಿತ್ತ್ ಸಂಘ ಸಂಸ್ಥೆಲು ಉಲ್ಲ. ಅಕುಲ್ ಎಡ್ಡೆ ಎಡ್ಡೆ ಕಾರ್ಯಕ್ರಮ ಮಲ್ಪುವೆರ್. ಆಂಡ ಸಮಾಜ ಸೇವೆಗ್ ಪಂದ್ ಪ್ರಶಸ್ತಿ ಕೊರ್ಪಿನ ನಮ್ಮ ಸಂಘ ಪಂದ್ ಎನ್ನಿವೆ. ಇತ್ತೆದ ಕಾಲೊಡ್ ಸ್ವಾ ಸೇವೆಗಾದ್ , ಸ್ವಾರ್ಥಗಾದ್ ಸಂಘೊನ್ ಉಪಯೋಗ ಮಲ್ಪುನಕುಲ್ ಉಲ್ಲೆರ್. ಆಂಡ ನಮ್ಮ ನಮ್ಮ ಸ್ವಂತಗಾದ್ ಸಂಘನ್ ಉಪಯೋಗ ಮಲ್ಪರೆ ಬಲ್ಲಿ. ಸಂಘದ ಉದ್ದಾರಗಾದ್ ಕೆಲಸ ಮಲ್ಪೊಡ್ ಪಂದ್ ಸಂಘೊದ ಮಾಜಿ ಗುರುಕಾರ್ಲು ಜಿ.ಟಿ ಆಚಾರ್ಯ ಕಡಂದಲೆ ಸುರೇಶ್ ಭಂಡಾರಿನ ಬಗೆಟ್ ತೆರಿಪು ಪಾತೆರ್ದು ಪಂಡೆರ್.
ಕಟ್ಕೆರೆ ಸಂಜೀವ ಶೆಟ್ರ್ ಸಮಾಜ ಸೇವಕೆರ್. ಅಂಚಾದ್ ಅರೆನ ಬೊಡೆದಿ ಬೊಕ್ಕ ಜೋಕುಲ್ ಸೇರ್ದ್ ಬೇತೆ ಸಮಾಜ ಸೇವಕೆರೆಗ್ ಅರೆನ ಪುದರ್ ಡ್ ಪ್ರಶಸ್ತಿ ಕೊರೊಡ್ ಪಂದ್ ದತ್ತಿನಿಧಿ ಪ್ರಶಸ್ತಿ ಕೊರ್ಪುನ ಬೇಲೆನ್ ಸಂಘದ ಮೂಲಕ ಮಲ್ತೊಂದು ಉಲ್ಲೆರ್. ಈ ಸರ್ತಿ ಈ ಪ್ರಶಸ್ತಿಗ್ ಆಯ್ಕೆ ಆತಿನಾರ್ ಕಡಂದಲೆ ಸುರೇಶ್ ಭಂಡಾರಿ. ಮೆರೆನ ಪುದರ್ ನ್ ಬೊಂಬಾಯಿಡ್ ಕೇನಂದಿನಕುಲು ಇಜ್ಜಿ. ಅರೆನ ಸೇವೆ ಅಂಚ ಉಂಡು. ಅಂಚಿತ್ತಿನ ಮಲ್ಲ ಜನಕ್ಕ್ ಎಡ್ವಕೇಟ್ ಕಟ್ಕೆರೆ ಸಂಜೀವ ಶೆಟ್ಟಿ ಪ್ರಶಸ್ತಿ ಕೊರ್ಪಿನವ್ ಪೆರ್ಮೆ ಪಂದ್ ತೋಜುಂಡು ಪಂದ್ ನಾರಾಯಣ ಆರ್ ಮೆಂಡನ್ ಪಂಡೆರ್.
ಮಾತ ಧರ್ಮ ಭಾಷೆದ ಸಂಸ್ಕೃತಿದ ಬೂಡು ಬೊಂಬಾಯಿ ಪಂಡ ತಪ್ಪಿಜ್ಜಿ. ಮೂಲು ನೆತ್ತೆರ್ ಸಂಬಂಧ ಇಜ್ಜಾಂದೆ ನಮ ಉಡಲ್ದ ಸಂಬಂಧ ಬುಲೆಪಾವೊಂದ್ ತುಳುವೆರ್ ಬೊಕ್ಕ ಕನ್ನಡಿಗೆರ್ ಬೇತೆಕ್ಲೆಗ್ ಮಾದರಿ ಆದ್ ಜೀವನನ್ ಕರ್ತೊಂದ್ ಉಲ್ಲ. ಕರಿನ 25, 30 ವರ್ಷಡ್ದ್ ಮಿತ್ತ್ ತುಳುವೆರ್ ಬೊಕ್ಕ ಕನ್ನಡಿಗೆರ್ ಬೊಂಬಾಯಿಗ್ ಬತ್ತ್ ದ್ ಎಲ್ಯ ಎಲ್ಯ ಬ್ಯಾರ ಪಾಡೊಂದ್ ಬಂಗ ಬತ್ತ್ ದ್ ಇನಿ ಮಲ್ಲ ಮಲ್ಲ ಜನಕುಲಾತೆರ್. ಮೊಕುಲು ಮಾತೆರ್ಲಾ ನಮ್ಮ ಸಂಸ್ಕೃತಿ ಒರಿಯೊಡ್, ಭಾಷೆ ಒರಿಯೊಡ್, ನಮ್ಮ ಸಂಸ್ಕಾರ ಒರಿಯೊಡ್ ಪಂದ್ ಮುಂದಾಲೋಚನೆ ಮಲ್ತ್ ದ್ ಧಾರ್ಮಿಕ ಶ್ರದ್ದಾ ಕೇಂದ್ರ, ಶೈಕ್ಷಣಿಕ ಕೇಂದ್ರ, ಸಾಮಾಜಿಕ ಕೇಂದ್ರಲೆನ್ ತಾಪನೆ ಮಲ್ತ್ ದ್ ಆಯಿತ ಮುಕೇನ ಭಾಷೆನ್ ಒರಿಪಾವೊಂದ್ ಉಲ್ಲ. ಬೊಂಬಾಯಿಡ್ ಇತ್ತಿನ ಕನ್ನಡ ಸಂಘಟನೆಡ್ ಪ್ರತಿಷ್ಠಿತ ಸಂಘ ಒವು ಕೇಂಡ ಅವು ಕರ್ನಾಟಕ ಗೋರೆಗಾಂವ್ ಸಂಘ. ಇಂಚಿತ್ತಿನ ಪುಗರ್ತೆದ ಸಂಘಟನೆಡ್ದ್ ಎಂಕ್ ಪ್ರಶಸ್ತಿ ದೆತೊನರೆ ಕುಷಿ ಆಪುಂಡು ಪಂದ್ ಪ್ರಶಸ್ತಿ ದೆತೊನಿನ ಕಡಂದಲೆ ಸುರೇಶ್ ಭಂಡಾರಿ ಪ್ರಶಸ್ತಿ ದೆತೊಂದ್ ಪಾತೆರ್ಯೆರ್. ಆತೆ ಅತ್ತಂದೆ ಪ್ರಶಸ್ತಿದೊಟ್ಟುಗ್ ಕೊರಿನ ಗೌರವ ಪಣವುನ್ ಪಿರ ಕೊರ್ದ್ ಅಯಿತೊಟ್ಟುಗು 25000 ಸಾರ ಪಣವುದ ಸಾಕಾರನ್ ಸಂಘದ ಅಭಿವೃದ್ಧಿಗಾದ್ ಕೊರ್ಪೆ ಪಂಡೆರ್.
ಕಟ್ಕೆರೆ ಸಂಜೀವ ಶೆಟ್ಟಿ ದತ್ತಿ ನಿಧಿ ಪ್ರಶಸ್ತಿ ಸಮಾರಂಭದ ಪೊರ್ತುಗು ವಸಂತಿ ಕೋಟೆಕಾರ್ ಬೊಕ್ಕ ಸೀಮಾ ಕುಲಕರ್ಣಿ ಮುಕುಲು ಉದಿಪು ಪ್ರಾರ್ಥನೆ ಮಲ್ತೆರ್. ಸಂಘದ ಉಪಾಧ್ಯಕ್ಷೆರ್ ಆಯಿನ ಪದ್ಮಜಾ ಮಣ್ಣೂರು ವಾಸ್ತವಿಕದ ಪಾತೆರ ಪಾತೆರ್ಯೆರ್. ಸಂಘದ ಮಾಜಿ ಗುರಿಕಾರೆ ಜಿ. ಟಿ ಆಚಾರ್ಯ ಮೇರ್ ಕದಂಡಲೆ ಸುರೇಶ್ ಭಂಡಾರಿಲೆನ ಬಗೆಟ್ ತೆರಿಪು ಭಾಷಣ ಮಲ್ತೆರ್. ನಿತ್ಯಾನಂದ ಡಿ. ಕೋಟ್ಯಾನ್ ಸನ್ಮಾನ ಪತ್ರ ಓದಿಯೆರ್. ಅವೆರ್ದ್ ಬೊಕ್ಕ ಸಂಘದ ಗುರಿಕಾರೆ ನಾರಾಯಣ ಆರ್. ಮೆಂಡನ್ ಗುರ್ಕಾರ್ಮೆದ ಮದಿಪು ಕೊರಿಯೆರ್. ಸಭೆ ಸುಧಾರಿಕೆನ್ ಕಾರ್ಯಂತೆರ್ ಆಯಿನ ಗುಣೋದಯ ಮಲ್ತೆರ್.
ಈ ಕಜ್ಜೊಗು ಬಿನ್ನೆರಾದ್ ರಮೇಶ್ ಶೆಟ್ಟಿ ಪಯ್ಯಾರ್ ಮಾಜಿ ಗುರ್ಕಾರ್ಲು ಕರ್ನಾಟಕ ಸಂಘ, ದೇವಲಕುಂದ ಭಾಸ್ಕರ್ ಶೆಟ್ಟಿ ಮಾಜಿ ಗುರ್ಕಾರ್ಲು ಕರ್ನಾಟಕ ಸಂಘ,ಜಯಕರ ಪೂಜಾರಿ ಮಾಜಿ ಕಾರ್ಯಂತೆರ್ ಕರ್ನಾಟಕ ಸಂಘ,ಆನಂದ್ ಶೆಟ್ಟಿ, ಎನ್. ಕೆ. ಸುಂದರ್, ನಾರಾಯಣ ಸುವರ್ಣ, ಚಿತ್ರಾಪುರ ಕೆ. ಎಂ.ಕೋಟ್ಯಾನ್ ಅಂಚೆನೆ ಮಹಿಳಾ ವಿಭಾಗದ ಪದಾಧಿಕಾರಿಲು ಅಂಚೆನೆ ಸಂಘದ ಪದಾಧಿಕಾರಿಲು ಪಾಲ್ ಪಡೆದ್ ಇತ್ತೆರ್. ಕರ್ನಾಟಕ ಸಂಘದ ಕಾರ್ಯದರ್ಶಿಲು ಗುಣೋದಯ ಅಯ್ಲ್ ಅರೆನ್ ಸೊಲ್ಮೆದೊಟ್ಟುಗ್ ಈ ಲೇಸ್ ಗ್ ಮುಗಿತಲದ ಚುಕ್ಕಿನ್ ದೀಯೆರ್.
Tuluva Kadandale Suresh Bandari gets Katkera Sanjeev Shetty memorial award :
Mumbai : The Katkera Sanjeev Shetty memorial award was presented at a function in Goregaon Karnataka Sangha on Saturday December 4th .
The award that is presented annually was awarded this year to a proud Tuluva and social worker Kadandale Suresh Bandari.
A fund has been set up in the name of Sanjeev Shetty and an award is given to social workers annually who is selected by a committee set up for this purpose.There are more than 200 associations in Mumbai who are organizing and conducting various programmes for the betterment of the society. This is the only association that gives an award solely for social service.
Katkera Sanjeev Shetty was a social worker .So his family set up a fund in his memory to honour other social workers like him and bring them to the mainstream. The award is given in his name through the society.
The winner of this prestigious award this year is the well-known social worker Kadandale Suresh Bandari .
Mumbai is a Cosmopolitan city that has welcomed people from all over into its folds .For the Tuluvas and Kannadigas Mumbai has been a city that has embraced them and provided employment and given a living to thousands ; being a home away from home.These people, with time; have come together to form their own association and clubs where they meet share their thoughts, recall their
culture and tradition, and work towards preserving building their religious sentiments and language.Karnataka Goregaon Sangha is one such association working persistently for uniting people, connecting persons to build in a relationship of like minded people.
Harping on all the above Kadandale Suresh Bandari said he was proud of being selected for the award and in addition to the prize money that was awarded to him added 25000k more and returned it back for the benefit of the association
Smt Vasanthi Kotekar and Smt Seema Kulkarni started the program with a prayer song.The Vice President of the association Padmaja Mannur spoke on current matters and former president of the association G.T.Acharya introduced Kadandale Suresh Bandari to the audience.Nithyananda Kotian read the letter of honour.The president of the association, Sri Narayan Mendon presided over the function .
The guests for the evening was Ramesh Shetty Payar and Devalkunda Bhaskar Shetty, former president of Karnataka Sangha Jayakar Poojary former secretary of the association, Anand Shetty,N.K.Sundar, Narayan Suvarna, Chitradurga K.M.Kotian and the women’s wing members took part in the program.The program ended with a thanks to Gunodaya Aial the secretary of Karnataka Sangha
.