#Lokha Sabhe

ರೈತೆರ‍್ನ ಹೋರಾಟದ ಬಗೆಟ್ ದುನ್ನದಾಂತೆ ಪಾತೆರ್ದಿನ ಶೋಭಾ ಕರಂದ್ಲಾಜೆ ಜಿಲ್ಲೆಗ್ ಕಳಂಕ ; ಕ್ಯಾಂಪಸ್ ಫ್ರಂಟ್ ಉಡುಪಿ

ರಾಷ್ಟ್ರ ರಾಜಧಾನಿ ದೆಹಲಿ ಬೊಕ್ಕ ಹಲವು ಕಡೆಟ್ ಕರೀನ ಹಲವು ತಿಂಗೊಲುರ್ದು ಪ್ರತಿಭಟನೆ ನಡಪಾವೊಂದು ಉಪ್ಪುನ ರೈತೆರ‍್ನ ಸಮಸ್ಯೆನ್ ಕೇಂದ್ರ ಸರ್ಕಾರ ಬಗೆಹರಿಸಾವುನ ಪರಿಹಾರ ಕೊರ‍್ಪಿನ ಬದಲ್ಕ್ರಮಕ್ಕೂ ದುಂಬಾವಂದೇ ಪ್ರತಿಭಟನೇ ಮನ್ಪುನ ರೈತೆರೆನ್ ಕೇಂದ್ರ ಸಚಿವೆ ಆಯಿನ ಶೋಭ ಕರಂದ್ಲಾಜೆ ದಲ್ಲಾಳಿ ಪಂಡುದು ಅಪಮಾನ ಮಲ್ತಿನವು ಸಯಿಸರೆ ಅವಂದಿನ ವಿಷಯ.

ಶೋಭಾ ಕರಂದ್ಲಾಜೆ ಉಡುಪಿ ಜಿಲ್ಲೆದ ಪ್ರತಿನಿಧಿಯಾದ್ ಲೋಕಸಭೆಟ್ ಆಯ್ಕೆಯಾದ್, ಉನ್ನತ ಸ್ಥಾನೊಡು ಇತ್ತುದು ಅನ್ನದಾತೆರ‍್ನ ಬಗ್ಗೆ ಕೀಳು ಮಟ್ಟದ ಹೇಳಿಕೆನು ಕೊರ‍್ದು ನಮ್ಮ ಊರುಗ್ ಕಳಂಕ ಕಣಯೆರ್. ಇಂದೆನ್ ಕ್ಯಾಂಪಸ್ ಫ್ರಂಟ್ ಆಫ್ ಇಂಡಿಯಾ ಉಡುಪಿ ಜಿಲ್ಲಾ ಸಮಿತಿ ತೀವ್ರವಾದ್ ಖಂಡಿಸಾದೆರ್. ರೈತೆರ‍್ನ ಸಮಸ್ಯೆನ್ ಬಗೆಹರಿಸಾಯೆರೆ ಸಾಧ್ಯ ಆಯಿಜಿಂಡ ನೈತಿಕ ಹೊಣೆ ಕೊರ‍್ದು ತಮ್ಮ ಪದವೀಗು ರಾಜೀನಾಮೆ ಕೊರಡು ಪಂದು ಕ್ಯಾಂಪಸ್ ಫ್ರಂಟ್ ಆಫ್ ಇಂಡಿಯಾ ಉಡುಪಿ ಜಿಲ್ಲಾ ಕಾರ್ಯದರ್ಶಿ ಮಸೂದ್ ಮನ್ನಾ ಪಂಡೆರ್.