ಇನಿ ಪ್ರವೀಣ್ ನೆಟ್ಟಾರು ಮೆರೆನ ಇಲ್ಲಗ್ ಭೇಟಿ ಕೊರಿಯೆರೆ ಉಲ್ಲೆರ್ ಬಿ.ವೈ.ವಿಜಯೇಂದ್ರ
ಪುತ್ತೂರು : ದುಷ್ಕರ್ಮಿಲೆನ ಕೈರ್ದ್ ಹತ್ಯೆಆದ್ ತೀರ್ ಪೋಯಿನ ಬಿಜೆಪಿ ಯುವ ಮೋರ್ಚಾ ಜಿಲ್ಲಾ ಸದಸ್ಯ ಪ್ರವೀಣ್ ನೆಟ್ಟಾರು ಮೆರೆನ ಇಲ್ಲಗ್ ಜು.28 ತಾರಿಕ್ ಗ್ ಬಿಜೆಪಿ ರಾಜ್ಯ ಉಪಾಧ್ಯಕ್ಷ ಬಿ.ವೈ. ವಿಜಯೇಂದ್ರ ಭೇಟಿ ಕೊರಿಯೆರೆ ಉಲ್ಲೆರ್.
ಕಾಂಡೆ 10 ಗಂಟೆಗ್ ಬೆಂಗ್ಳೂರುರ್ದು ಪಿದಾಡಿನ ಆರ್ ಮಧ್ಯಾಹ್ನದ ಪೊರ್ತುಗು ನೆಟ್ಟಾರು ಮುಟ್ಟುದು ಮೃತ ಪ್ರವೀಣ್ ಇಲ್ಲಗ್ ಪೋದು ಕುಟುಂಬಗ್ ಸಾಂತ್ವನ ಪನಿಯೆರೆ ಉಲ್ಲೆರ್ .
ಕುಡ್ಲ : ” ಯೂತ್ ಜೋಡೋ ಬೂತ್ ಜೋಡೋ ” ಲೇಸ್ ಗ್ ಚಾಲನೆ
ಕುಡ್ಲ , ಜು.28: ಯುವ ಶಕ್ತಿಗ್ ಸೊರ ಲಕ್ಕವುನ ನೆಲೆಟ್ಟ್ ರಾಜ್ಯ ಯುವ ಕಾಂಗ್ರೆಸ್ ಅಟ್ಟನೆ ಮಲ್ದಿನ ‘ಯೂತ್ ಜೋಡೊ ಬೂತ್ ಜೋಡೊ’ ಲೇಸ್ ಗ್ ಸೋಮಾರ ಪೇಂಟೆದ ಮಲ್ಲಿಕಟ್ಟೆದ ಕಾಂಗ್ರೆಸ್ ಭವನಡ್ ರಾಜ್ಯ ಯುವ ಕಾಂಗ್ರೆಸ್ ಗುರ್ಕಾರ್ಲಾಯಿನ ಮುಹಮ್ಮದ್ ನಲಪಾಡ್ ಚಾಲನೆ ಕೊರಿಯೆರ್ .
ಲೇಸ್ ಡ್ ಜಿಲ್ಲಾ ಯುವ ಕಾಂಗ್ರೆಸ್ ಗುರ್ಕಾರ್ಲಾಯಿನ ಲುಕ್ಮಾನ್ ಬಂಟ್ವಾಳ, ರಾಜ್ಯ ಯುವ ಕಾಂಗ್ರೆಸ್ ಪ್ರಧಾನ ಕಾರ್ಯದರ್ಶಿ ಮೆರಿಲ್ ರೇಗೊ, ರಾಜ್ಯ ಯುವ ಕಾಂಗ್ರೆಸ್ ಕಾರ್ಯದರ್ಶಿಲಾಯಿನ ಆಶಿತ್ ಪಿರೇರಾ, ಸರ್ಫರಾಝ್ ನವಾಝ್, ನಾಸೀರ್ ಸಾಮಾಣಿಗೆ, ದ.ಕ. ಜಿಲ್ಲಾ ಯುವ ಕಾಂಗ್ರೆಸ್ ಒತ್ತು ಗುರ್ಕಾರ್ಲಾಯಿನ ಗಿರೀಶ್ ಆಳ್ವ, ಅಭಿಷೇಕ್ ಬೆಳ್ಳಿಪ್ಪಾಡಿ ಪಾಲ್ ಪಡೆದಿತ್ತೆರ್ . ಯುವ ಕಾಂಗ್ರೆಸ್ ಮುಖಂಡ ಶಿವಪ್ರಸಾದ್ ಪಾಣಾಜೆ ಪ್ರಾಸ್ತಾವಿಕ ನುಡಿ ಪಂಡೆರ್ .
ಪ್ರವೀಣ್ ನ್ ಕೆರಿನ ಪ್ರಕರಣ : ಇನಿ ನಡಪೊಡಿತ್ತಿನ ಲೇಸ್ ಉಂತಾಯಿನ ಸಿಎಂ ಬೊಮ್ಮಾಯಿ | ತುರ್ತು ಸಭೆಟ್ ಮಹತ್ವದ ಘೋಷಣೆ
ಬೆಂಗಳೂರು : ಸಿಎಂ ಬಸವರಾಜ ಬೊಮ್ಮಾಯಿ ನೇತೃತ್ವದ ಸರ್ಕಾರ 1 ವರ್ಷ ಬೊಕ್ಕ ಬಿಜೆಪಿ ಸರ್ಕಾರ 3 ವರ್ಷ ಮಲ್ತಿನ ನೆಲೆಟ್ಟ್ , ಇನಿ ಸರ್ಕಾರದ ವತಿರ್ದ್ ವಿಧಾನಸೌಧದ ಬ್ಯಾಂಕ್ವೆಟ್ ಸಭಾಂಗಣಡ್ ಅಂಚನೆ ಪಕ್ಷದ ವತಿರ್ದ್ ಬೆಂಗ್ಳೂರು ಗ್ರಾಮಾಂತರ ಜಿಲ್ಲೆದ ದೊಡ್ಡಬಳ್ಳಾಪುರಡ್ ನಡಪೊಡಿತ್ತಿನ ಜನೋತ್ಸವ ಪುದರ್ ದ ಬೃಹತ್ ಸಮಾವೇಶ ಉಂತಾವ ಪಂದ್ ಇನಿ ರಾತ್ರಿ ಲೆತ್ತಿನ ತುರ್ತು ಸಭೆಟ್ ಸಿಎಂ ಬಸವರಾಜ ಬೊಮ್ಮಾಯಿ ಪಂಡೆರ್ .
ಇತ್ತೆ ಸುದ್ದಿಗೋಷ್ಠಿಡ್ ಪಾತೆರಿನ ಆದ್ ಸಮಾಜಡ್ ಹಿಂಸೆ, ಕ್ಷೋಭೆ ಉಂಡು ಮಲ್ಪುನ ದುಷ್ಕೃತ್ಯ ಮಲ್ತಿನ ದುಷ್ಕರ್ಮಿಲೆನ್ ದಮನ ಮಲ್ಪುನ ಮುಟ ಯಾನ್ ಕುಲ್ಲುಜಿ ಪಂದ್ ಮುಖ್ಯಮಂತ್ರಿ ಬಸವರಾಜ ಬೊಮ್ಮಾಯಿ ಪಂಡೆರ್.
ಸುದ್ದಿಗಾರೆರ್ನ ಒಟ್ಟುಗು ಪಾತೆರಿನ ಆರ್ ಈ ಕಾರ್ಯಂತೇನ ಹತ್ಯೆ ಆಯಿನೆರ್ದಾವರ ಜಯೋಚ್ಚಯ ಮಲ್ಪುನ ವಾ ಮನಸ್ಥಿಥಿಲಾ ನಮಕ್ ಇಜ್ಜಿ ಅಂಚಾದ್ ತಾನ್ ಎಲ್ಲೇ ಆ ಲೇಸ್ ಡ್ ಪಾಲ್ ಪಡೆಯುಜಿ, ಪ್ರವೀನ್ ನ್ ಕೆರಿನ ‘ಕೊಲೆಗಡುಕೆರ್ ಕರ್ನಾಟಕ ಗಡಿ ದಾಟ್ ದ್ ಕೇರಳಗ್ ಪೋದು ಇತ್ತುಂಡಲ ಬುಡ್ಪುಜ ಅಲ್ಪದ ಸರ್ಕಾರದ ಒಟ್ಟುಗು ಪಾತೆರ್ದ ‘ ಪಂದ್ ಪಂಡೆರ್.
ಸಂಘ ಪರಿವಾರರ್ದ್ ಪ್ರವೀಣ್ ಕುಟುಂಬಗ್ 50 ಲಕ್ಷ ಪಣವುದ ಸಾಕಾರ |ಬಿಜೆಪಿಗ್ ಒಂಜೊಂಜೆ ಜನ ರಾಜೀನಾಮೆ
ಸುಳ್ಯ: ಬೆಳ್ಳಾರೆಡ್ ಜು.26ರಂದು ದುಷ್ಕರ್ಮಿಲೆನ ಕೈರ್ದ್ ತೀರ್ ಪೋಯಿನ ಪ್ರವೀಣ್ ನೆಟ್ಟಾರು (34) ಮೆರೆನ ಕುಟುಂಬಗ್ ಸಂಘ ಪರಿವಾರದ ವತಿರ್ದ್ 50 ಲಕ್ಷ ರೂ. ಪಣವುದ ಸಾಕಾರ ಕೊರ್ಪ ಪಂದ್ ಕರ್ನಾಟಕ ದಕ್ಷಿಣ ಪ್ರಾಂತ್ಯ ರಾಷ್ಟ್ರೀಯ ಸ್ವಯಂ ಸೇವಕ ಸಂಘದ ಸಹ ಸೇವಾ ಪ್ರಮುಖ್ ನಾ. ಸೀತಾರಾಮ ಪಂಡೆರ್.
ಸಾಕಾರ ಕೊರಿಯೆರೆ ಬಿನ್ನಾಪು:
ಇತ್ತೆ ಹಿಂದೂ ಸಂಘಟನೆದ ಗುರ್ಕಾರ್ಲು ಬೊಕ್ಕ ಕಾರ್ಯಂತೆರ್ ಪ್ರವೀಣ್ ನೆಟ್ಟಾರು ಕುಟುಂಬಗ್ ಆರ್ಥಿಕ ಸಾಕಾರ ಕೊರೊಡು ಪಂದ್ ಒತ್ತಾಯ ಮಲ್ದೆರ್ ಆಂಡಲಾ ಸರಕಾರ ಆವಡ್ , ಜನಪ್ರತಿನಿಧಿಲಾವಡ್ ಒವ್ವೆ ರೀತಿದ ಸಾಕಾರ ಬೈದಿಜಿ ಈ ನೆಲೆಟ್ಟ್ ಪ್ರವೀಣ್ ಕುಟುಂಬಗ್ ಪಣವುದ ಸಾಕಾರ ಆವೊಡು ಪನ್ಪಿನ ನೆಲೆಟ್ಟ್ ಸಾಮಾಜಿಕ ಜಾಲತಾಣಡ್ ಅಭಿಯಾನ ಸುರು ಆತುಂಡು .
50ಲಕ್ಷ ಪರಿಹಾರ:
ಸಂಘಟನೆದ ಮುಖೇನ ಗುರ್ತಿಸಾಯಿನ ಪ್ರವೀಣ್ ಕುಟುಂಬಗ್ ರಾ.ಸ್ವಸೇ ಸಂಘರ್ದ್ 50ಲಕ್ಷ ಪಣವುದ ಸಾಕಾರ ಕೊರ್ಪ ಪಂದ್ ಗುರ್ಕಾರ್ಲಾಯಿನ ನ.ಸೀತಾರಾಮ ಪಂಡೆರ್ .
ಶ್ರೀ ಸುಬ್ರಹ್ಮಣ್ಯ ಮಹಾಗಣಪತಿ ಸ್ಪೋರ್ಟ್ಸ್ ಕ್ಲಬ್(ರಿ) ತೋಕೂರು, ಹಳೆಯಂಗಡಿ ಉಂದೆತ್ತ ಮುತಾಲಿಕೆಡ್ ಆಟಿದ ನೆಂಪು- 2022 ಲೇಸ್ ಜುಲೈ 24 ಐತಾರ ಕಾಂಡೆ 11 ಗಂಟೆಗ್ ಸಂಸ್ಥೆದ ಚಾವಡಿಡ್ ನಡತ್oಡ್.
ದೇವರ್ನ ಸುಗಿಪುದೊಟ್ಟುಗ್ ಲೇಸ್ ಸುರು ಆದ್ ಬತ್ತಿನ ಬಿನ್ನೆರೆನ್ ತುಳುನಾಡ್ ದ ಸಂಸ್ಕೃತಿನ್ ತೋಜಾವುನ ಮುಟ್ಟಾಲೆ ಬೊಕ್ಕ ಶಾಲ್ ಪಾಡ್ದ್, ಬಚ್ಚಿರೆ ಬಜೈ ಅಂಚನೆ ಬೊಂಡ ಕೊರ್ದು ಎದ್ಕೊನಿಯೆರ್.
ತುಳು ಪಿಚ್ಚರ್ ದ ನಟೆ ಭೋಜರಾಜ ವಾಮಂಜೂರ್ ಮೇರ್ ತುಡರ್ ಅರ್ಲಾದ್ ಅಂಚನೆ ಪೆಲಕಾಯಿನ್ ತುಂಡ್ ಮಲ್ಪುನ ಮುಖೇನ ಸಾಂಪ್ರದಾಯಿಕವಾದ್ ಲೇಸ್ ಗ್ ಚಾಲನೆ ಕೊರಿಯೆರ್. ಆಯಿಬೊಕ್ಕ ಪಾತೆರ್ದಿನ ಆರ್, ಆಟಿ ತಿಂಗೊಲ್ದ ಸಂಸ್ಕೃತಿನ್ ಒರಿಪಾದ್ ಬುಲೆಪಾವುನವ್ ನಮ್ಮ ಜವಾಬ್ದಾರಿ ಪಂಡೆರ್. ಆತೆ ಅತ್ತಂದೆ ಭಾಗವತಿಕೆದ ಮುಖೇನ ಪದ ಪಂಡೆರ್.
ಬಿನ್ನೆರಾದ್ ಬತ್ತಿನ ಧನಲಕ್ಷ್ಮಿ ಗಟ್ಟಿ ಅಧ್ಯಕ್ಷೆರ್, ಆರೋಗ್ಯ ಶಿಕ್ಷಣ ಸ್ಥಾಯೀ ಸಮಿತಿ, ಅಂಚನೆ ಮಾಜಿ ಜಿಲ್ಲಾ ಪಂಚಾಯತ್ ಸದಸ್ಯೆ ಆಟಿ ತಿಂಗೊಲ್ದ ವಿಶೇಷತೆ ಬಗೆಟ್ ಅಂಚನೆ ಸಾಂಪ್ರದಾಯಿಕ ಕೃಷಿ ಬದ್ ಕ್ ದ ಬಗೆಟ್ ಪಾತೆರಿಯೆರ್.
ಕಾರ್ಯಕ್ರಮದ ಅಧ್ಯಕ್ಷತೆ ವಹಿಸೊನಿನ ಶ್ರೀ ಸತ್ಯವಾಣಿ ವಿದ್ಯಾಪೀಠ ಸಮೂಹ ಶಿಕ್ಷಣ ಸಂಸ್ಥೆ, ಬೆಂಗಳೂರು ಉಂದೆತ್ತ ನಿರ್ದೇಶಕೆರ್ ಆಯಿನ ಡಾ. ದೇವಿಪ್ರಸಾದ್ ಶೆಟ್ಟಿ, ಬಾಳ ಆರ್ನ ಅಧ್ಯಕ್ಷೀಯ ಪಾತೆರಡ್, ಪೂರ್ವಿಕೆರ್ ಆರೋಗ್ಯವಾಯಿನ ಆಹಾರ ಪದ್ಧತಿಗಾದ್ ಆಟಿ ತಿಂಗೊಲುಡು ವಿಶೇಷವಾದ್ ಅಂಚನೆ ನೈಸರ್ಗಿಕವಾದ್ ತಿಕ್ಕೊಂದಿತ್ತಿನ ತೊಪ್ಪು-ತರಕಾರಿಲೆನ್ ಗಲಸೊಂದು ಇತ್ತೆರ್. ಪಿರವುಡ್ದ್ ಲ ತುಳುವನಾಡ್ ಡ್ ಪಾಲನೆ ಮಲ್ತೊಂದು ಬತ್ತಿನ ಆಟಿ ತಿoಗೊಲ್ ದ ಆಚಾರ-ವಿಚಾರದ ಬಗೆಟ್ ಪಾತೆರಿಯೆರ್.
ಸಾಂಪ್ರದಾಯಿಕ ಶೈಲಿಡ್ ಸಿರಿ-ಸಿಂಗಾರಡ್ ಇತ್ತಿನ ವೇದಿಕೆಡ್ ಅತಿಥಿ ಗಣ್ಯರೊಟ್ಟುಗ್ ಸ್ಪೋರ್ಟ್ಸ್ ಕ್ಲಬ್ ದ ಗೌರವ ಅಧ್ಯಕ್ಷೆರ್ ಮೋಹನ್ ದಾಸ್, ಅಧ್ಯಕ್ಷೆರ್ ಸಂತೋಷ್ ದೇವಾಡಿಗ, ಪೊಂಜೋವ್ ಲೆನ ಕಾರ್ಯಾಧ್ಯಕ್ಷೆ ರ್ ಶೋಭಾ ವಿ. ಅಂಚನ್ ಇತ್ತೆರ್.ಕ ರ್ನಾಟಕ ತುಳು ಸಾಹಿತ್ಯ ಅಕಾಡೆಮಿದ ಅಧ್ಯಕ್ಷೆರ್ ದಯಾನಂದ ಕತ್ತಲ್ ಸಾರ್ ಲೇಸ್ ಗ್ ಬತ್ತ್ ದ್, ರಡ್ಡ್ ಪಾತೆರ್ದ್ ಲೇಸ್ ದ ಕೇಂದ್ರ ಬಿಂದು ಆದಿತ್ತೆರ್.
ಪೊಂಜೋವ್ ಲೆನ ಕೂಟದ ಸದಸ್ಯೆ ಸುಜಾತ ಜಿ. ಕೆ. ವಾಣಿ ಮಹೇಶ್ ಅಂಚನೆ ಪ್ರಮೀಳಾ ದೇವಾಡಿಗ ಪ್ರಾರ್ಥನೆ ಮಲ್ತೆರ್. ಸ್ಪೋರ್ಟ್ಸ್ ಕ್ಲಬ್ ದ ಅಧ್ಯಕ್ಷೆರ್ ಸಂತೋಷ್ ದೇವಾಡಿಗ ಬಿನ್ನೆರ್ ನ್ ಎದ್ಕೊನಿಯೆರ್. ಪೊಂಜೋವ್ ಲೆನ ಕಾರ್ಯದರ್ಶಿ ನೀಮಾ ಸನಿಲ್ ಆಟಿದ ತೆನಸ್ ದ ಮಾಹಿತಿ ಕೊರಿಯೆರ್. ಸಂತೋಷ್ ಕುಮಾರ್ ಸೊಲ್ಮೆ ಸಂದೈತ ಮಲ್ತೆರ್. ಕಾರ್ಯಾಧ್ಯಕ್ಷೆರ್ ಸುರೇಶ್ ಶೆಟ್ಟಿ ಕಾರ್ಯಕ್ರಮ ನಿರೂಪನೆ ಮಲ್ತೆರ್.
ಬತ್ತಿನ ಬಿನ್ನೆರೆಗ್ ತುಳುವ ಪರಂಪರೆದ ತುಳುನಾಡ್ ದ ಆಟಿ ತಿಂಗೋಲ್ಡ್ ವಿಶೇಷವಾದ್ ಮಲ್ಪುನ 36 ಬಗೆತ್ತ ತೆನಸ್ ನ್ ಸುಮಾರ್ 275 ಜನಕ್ಲೆಗ್ ಪಟ್ಟಿಯೆರ್. ತುಳು ಸಾಂಪ್ರದಾಯಿಕ ಜನಕ್ಲೆನ ಜೀವನದ ಪರ ಪರಿಕರಲೆನ್ ಪ್ರದರ್ಶನಗ್ ದೀತಿನವು ಲೇಸ್ ಗ್ ವಿಶೇಷ ಮೆರುಗು ಕೊರ್oಡ್.
ಗ್ರಾಮ ಪಂಚಾಯತ್ ಪಡುಪಣಂಬೂರು ಉಂದೆತ್ತ ಅಧ್ಯಕ್ಷೆರಾಯಿನ ಮಂಜುಳಾ, ಶ್ರೀ ಸುಬ್ರಹ್ಮಣ್ಯ ದೇವಸ್ಥಾನ ತೋಕೂರು ಇದರ ವ್ಯವಸ್ಥಾಪನಾ ಸಮಿತಿದ ಅಧ್ಯಕ್ಷೆರ್ ಹರಿದಾಸ್ ಭಟ್, ಸದಸ್ಯ ಯೋಗೀಶ್ ಕೋಟ್ಯಾನ್,ಕರ್ನಾಟಕ ತುಳು ಸಾಹಿತ್ಯ ಅಕಾಡೆಮಿ ಉಂದೆತ್ತ ಸದಸ್ಯೆರ್ ನಾಗೇಶ್ ಕುಲಾಲ್ ,ಕರ್ನಾಟಕ ಯಕ್ಷಗಾನ ಅಕಾಡೆಮಿ ಸದಸ್ಯೆರ್ ಮಾಧವ ಭಂಡಾರಿ,ತಾಲೂಕು ಯುವ ಜನ ಒಕ್ಕೂಟದ ಅದ್ಯಕ್ಷೆರ್ ಟಿ.ಗಿರೀಶ್ ಶೆಟ್ಟಿ, ಲಯನ್ಸ್ ಬೊಕ್ಕ ಲಿಯೋ ಕ್ಲಬ್, ಕದ್ರಿಹಿಲ್ಸ್, ಕುಡ್ಲದ ಮಾಜಿ ಅಧ್ಯಕ್ಷೆರ್ ವಿಜಯ ಕುಮಾರ್ ಶೆಟ್ಟಿ, ವಿಶ್ವ ಬ್ಯಾಂಕ್ ನೀರ್ ಸರಬರಾಜು ಕ್ಲಸ್ಟರ್-1 ದ ಅದ್ಯಕ್ಷೆರ್ ರಮೇಶ್ ದೇವಾಡಿಗ, ಸ್ಪೋರ್ಟ್ಸ್ ಕ್ಲಬ್ ದ ಗೌರವ ಮಾರ್ಗದರ್ಶಕೆರ್ ಶಿವಾನಂದ ಪದ್ಮಶಾಲಿ,ಬಿಲ್ಲವ ಸಂಘ ,ಹಳೆಯಂಗಡಿದ ಗೌರವಾಧ್ಯಕ್ಷೆರ್ ಗಣೇಶ್. ಜಿ.ಬಂಗೇರ, ಪಂಚಾಯತ್ ಸದಸ್ಯೆರ್, ಬೇತೆ ಬೇತೆ ಇಲಾಖೆದ ಅಧಿಕಾರಿಲು, ಸ್ಥಳೀಯ ಸಂಘ ಸಂಸ್ಥೆದ ಪದಾಧಿಕಾರಿಲು, ಸದಸ್ಯೆರ್ ಮಸ್ತ್ ಗನ್ಯೇರ್, ಸಂಸ್ಥೆದ ಸದಸ್ಯೆರ್, ಜೋಕುಲು ಅಂಚನೆ ಗ್ರಾಮಸ್ಥೆರ್ ಈ ಲೇಸ್ ಡ್ ಇತ್ತೆರ್.
ತುಳು ಸಿನಿಮಾರಂಗದ ರಾಕ್ ಸ್ಟಾರ್ ರೂಪೇಶ್ ಶೆಟ್ಟಿ ನಿರ್ದೇಶನ ಬೊಕ್ಕ ಅಭಿನಯದ ಸರ್ಕಸ್ ತುಳು ಸಿನಿಮಾ ನವಂಬರ್ ಡ್ ರಾಜ್ಯಾದ್ಯಂತ ಬುಡುಗಡೆ ಆವರೆ ಉಂಡು.
ಈ ಪಿಚ್ಚರ್ ನ್ ಒಂಜೇ ಪೊರ್ತುಡು ಪಿದಯಿ ಊರುಡುಲ ಬುಡುಗಡೆ ಮಲ್ಪರೆ ಅಟ್ಟಣೆ ಮಲ್ದೆರ್.
ಕೋಸ್ಟಲ್ ವುಡ್ ಡ್ ಗಿರಿಗಿಟ್ ಸಿನಿಮಾ ಭರ್ಜರಿ ಯಶಸ್ಸ್ ದ ಬೊಕ್ಕ ರೂಪೇಶ್ ಶೆಟ್ಟಿ ತುಳು ಚಿತ್ರರಂಗಡ್ ಮಸ್ತ್ ಡಿಮಾಂಡ್ ದ ಸ್ಟಾರ್ ನಟೆ ಆತೆರ್. ಅಯಿತ ನಡುಟ್ಟು ಕನ್ನಡದ ‘ಗೋವಿಂದಾ ಗೋವಿಂದಾ’ ಸೇರ್ದ್ 2-3 ಪಿಚರ್ಡ್ ಆ್ಯಕ್ಟ್ ಮಲ್ದೆರ್.
ಲಾಕ್ ಡೌನ್ ದ ಪೊರ್ತುಡು ಉಂದುವೇ ಕೂಟದಕ್ಲೆನ ಗಮ್ಜಾಲ್ ಪಿಚ್ಚರ್ ಲ ಪ್ರೇಕ್ಷಕೆರೆನ್ ಮೆಚ್ಚಾದ್ಂಡ್.ಇತ್ತೆ ರೂಪೇಶ್ ಶೆಟ್ಟಿ ಸರ್ಕಸ್ ಸಿನಿಮಾ ನಿರ್ದೇಶನ ಮಲ್ತ್ ದ್ ಬುಡುಗಡೆ ಗ್ ತಯಾರಾತೆರ್.
ಪ್ರತೀ ಪಿಚ್ಚರ್ ಡ್ ಲ ಪೊಸತ್ತೆನ್ ಬಯಕುನ ರೂಪೇಶ್ ಶೆಟ್ಟಿ ಈ ಸರ್ತಿಲ ಒಂಜಿ ಎಡ್ಡೆ ಕಥೆನ್ ಆಯ್ಕೆ ಮಲ್ದೆರ್. ಗಿರಿಗಿಟ್, ಗಮ್ಜಾಲ್ ಗೆ ಸಂಭಾಷಣೆ ಬರೆತಿನ ಪ್ರಸನ್ನ ಶೆಟ್ಟಿ ಬೈಲೂರು ಈ ಸಿನಿಮಾಗ್ ಲ ಸಂಭಾಷಣೆ ಬರೆತೆರ್.
ರೂಪೇಶ್ ಈ ಸರ್ತಿ ತುಳುಕ್ಕು ಯಶ್ ಶೆಟ್ಟಿ ಪನ್ಪಿನ ಪೊಸ ವಿಲನ್ ಪರಿಚಯ ಮಲ್ತೊಂದುಲ್ಲೆರ್.
ಯಶ್ ಶೆಟ್ಟಿ ಸಲಗ ಸಿನಿಮಾದ ಮುಕೇನ ಬೊಲ್ಲಿಪರದೆಗ್ ಬೈದಿನಾರ್. ಅಂಚೆನೆ
ರಚನಾ ರೈ ಪನ್ಪಿನ ಪೊಸ ನಟಿನ್ಲ ಪರಿಚಯ ಮಲ್ತೊಂದುಲ್ಲೆರ್.
‘ಸರ್ಕಸ್’ ಟೈಟಲ್ ಕನ್ನಡಡ್ ಯಶಸ್ವಿಯಾತಿನ ಪಿಚ್ಚರ್ದ ಪುದರ್. ಹಿಂದಿಡ್ಲ ಉಂದುವೇ ಪುದರ್ ದ ಪಿಚ್ಚರ್ ಬರ್ರೆ ಉಂಡು. ರಾಕೇಶ್‌ ಕದ್ರಿ ಕ್ರಿಯೆಟಿವ್ ಹೆಡ್ ಆದ್ ಕೆಲಸ ಮಲ್ದೆರ್ . ತುಳು ಚಿತ್ರರಂಗದ ದಿಗ್ಗಜೆರಾಯಿನ ನವೀನ್ ಡಿ. ಪಡೀಲ್‌, ಭೋಜರಾಜ ವಾಮಂಜೂರು, ಅರವಿಂದ ಬೋಳಾರ್, ಸಾಯಿಕೃಷ್ಣ ಕುಡ್ಲ, ಪ್ರಸನ್ನ ಶೆಟ್ಟಿ ಬೈಲೂರು, ಸಂದೀಪ್ ಶೆಟ್ಟಿ ಮಾಣಿಬೆಟ್ಟು, ಉಮೇಶ್ ಮಿಜಾರ್, ಚಂದ್ರಹಾಸ ಉಳ್ಳಾಲ್, ನಿತೇಶ್ ಶೆಟ್ಟಿ ಎಕ್ಕಾರ್, ರೂಪಾ ವರ್ಕಾಡಿ, ಪಂಚಮಿ ಭೋಜರಾಜ್ ಮೊಕುಲು ಮಾತಾ ಉಲ್ಲೆರ್.
25 ದಿನತ್ತ ಶೂಟಿಂಗ್ ಆತ್ಂಡ್. ಆರ್ ಎಸ್ ಸಿನಿಮಾ ಮತ್ತು ಶೂಲಿನ್ ಫಿಲ್ಮ್ ಲಾಂಛನಡ್ ಸರ್ಕಸ್ ಸಿನಿಮಾ ತಯಾರಾತ್ಂಡ್. ಅನಿಲ್ ಶೆಟ್ಟಿ, ಸುಧಾಕರ ಶೆಟ್ಟಿ, ಮಂಜುನಾಥ ಅತ್ತಾವರ ಈ ಪಿಚ್ಚರ್ ನ್ ನಿರ್ಮಾಣ ಮಲ್ದೆರ್.
ಸಂಭಾಷಣೆ ಪ್ರಸನ್ನ ಶೆಟ್ಟಿ ಬೈಲೂರು, ನವೀನ್ ಶೆಟ್ಟಿ ನೃತ್ಯ ನಿರ್ದೇಶನ, ನಿರಂಜನ ದಾಸ್ ಕ್ಯಾಮರಾ, ರಾಹುಲ್ ವಶಿಷ್ಠ ಸಂಕಲನ ಮಲ್ದೆರ್. ಗಿರಿಗಿಟ್ ರ್ದ್ ಬೊಕ್ಕ ರೂಪೇಶ್ ನಿರ್ದೇಶನದ ರಡ್ಡನೇ ಸಿನಿಮಾ ಉಂದು.
Rock Star of Tulu cinema Roopesh Shetty‘s Tulu movie
ಬೆಳ್ಳಾರೆಡ್ ಹತ್ಯೆಯಾಯಿನ ಪ್ರವೀಣ್ ನೆಟ್ಟಾರ್ ಮೇರ್ನ ಮರಣಗ್ ಸಾರ ಸಾರ್ ಜನಕುಲು ಬೆಳ್ಳಾರೆಗ್ ಬತ್ತ್ ದಿತ್ತೆರ್. ಆಂಡ ಕಾಂಡೆರ್ದ್ ಒವ್ವೆ ಶಾಸಕೆರ್ ಘಟನೆ ಆಯಿನ ಜಾಗೆಗ್ ಬೈದಿಜೆರ್. ಅಂಚಾದ್ ಹಿಂದೂ ಕಾರ್ಯಕರ್ತೆರ್ ಬಿಜೆಪಿ ನಾಯಕೆರೆಗ್ ದಿಕ್ಕಾರ ಪಾಡ್ದೆರ್.
ಆರ್ ಎಸ್ ಎಸ್ ಮುಖಂಡೆ ಪ್ರಭಾಕರ್ ಭಟ್ ಮೇರ್ ಕಡೆತ್ತ ದರ್ಶನಗ್ ಬನ್ನಗ ಹಿಂದೂ ಕಾರ್ಯಕರ್ತೆರ್ ಆರ್ನ ಕಾರ್ ನ್ ಉಂತಾದೆರ್. ಉಸ್ತುವಾರಿ ಸಚಿವೆರ್ ಸುನೀಲ್ ಕುಮಾರ್ ಅಂಚನೆ ಸಚಿವೆರ್ ಎಸ್. ಅಂಗಾರ ಮುಕುಲೆಗ್ಲಾ ಕಾರ್ಯಕರ್ತೆರ್ ದಿಕ್ಕಾರದ ಘೋಷಣೆ ಪಾಡ್ದ್ ಉಪದ್ರ ಮಲ್ತ್ ದೆರ್.
ಬಿಜೆಪಿ ರಾಜ್ಯಾಧ್ಯಕ್ಷೆರ್, ಸಂಸದೆರ್ ನಳಿನ್ ಕುಮಾರ್ ಕಟೀಲ್ ಮೇರ್ನ ಕಾರ್ ನ್ ಪಂಕ್ಚರ್ ಮಲ್ತ್ ದೆರ್. ಆಯಿಬೊಕ್ಕ ಬೇತೆ ಕಾರ್ ಡ್ ನಳಿನ್ ಪೋತೆರ್.
ಬೆಳ್ಳಾರೆಡ್ ಕೊಲೆ ಆಯಿನ ಪ್ರವೀಣ್ ಮೇರ್ನ ಕಡೇತ್ತ ದರ್ಶನದ ಪೊರ್ತುಡು ಲಾಠಿಚಾರ್ಜ್ ನಡತ್ ದಿತ್ತ್ ದ್, ಮಸ್ತ್ ಜನಕ್ ಪೆಟ್ಟಾಂತ್oಡ್.
ಕಾರ್ಯಕರ್ತೆರ್ನ ಕೋಪ, ಗಲಾಟೆ ತಡೆಯರೆ ಪೊಲೀಸೆರ್ ಲಾಠಿ ಚಾರ್ಜ್ ಮಲ್ತ್ ದಿತ್ತ್ ದ್, ಮಸ್ತ್ ಜನ ಕಾರ್ಯಕರ್ತರ್ತೆರೆಗ್ ಪೆಟ್ಟಾಂತ್oಡ್ ಪಂದ್ ವರದಿಯಾತ್oಡ್. ಪೊಲೀಸ್ ಗಾಡಿಡ್ ಪೆಟ್ಟಾತಿನಕ್ಲೆನ್ ಆಸ್ಪತ್ರೆಗೆ ಸೇರ್ಸಾವೊಂದು ಉಲ್ಲೆರ್. ಎಸ್ಪಿ, ಡಿವೈಎಸ್‌ಪಿ ಜಾಗೆಡ್ ಮೊಕ್ಕಾಂ ಮಲ್ತ್ ದಿತ್ತ್ ದ್, ಎಚ್ಚರ್ಗೆನ್ ವಹಿಸಾವೊಂದು ಉಲ್ಲೆರ್.
Lathi charge by the police at Bellare:Many injured.
At the funeral of Praveen Bellare ; who was brutally murdered, police had to resort to lathicharge to control the mob Many people were injured in the incident.
Many party workers had come to take part in the proceedings and were injured.The injured were admitted to the hospital by the police vehicle.
ಪ್ರವೀಣ್ ಕೆರಿನನಕ್ಲೆನ್ ಬೇಗಡೆ ಪತ್ತ್ ಲೆ ಪಂದ್ ಬೊಲ್ತೆರ್ ದ ಅಖಿಲ ಕರ್ನಾಟಕ ರಾಜ್ಯ ಕೇಸರಿ ಟ್ರಸ್ಟ್ (ರಿ.) ದ ಪ್ರಮುಖೆರ್ ಇನಿ ಬೊಲ್ತೆರ್ ದ ಪೊಲೀಸ್ ಠಾಣೆಗ್ ಮನವಿ ಮಲ್ತೆರ್.
<
p style=”text-align: justify”>ಕೋಡೆ ಕತ್ತಲೆಗ್ ಸುಳ್ಯ ತಾಲೂಕ್ ದ ಬೆಳ್ಳಾರೆಡ್ ಹತ್ಯೆಯಾಯಿನ ಹಿಂದೂ ಜವನೆ, ಸಾಮಾಜಿಕ ಕಾರ್ಯಕ್ರಮಡ್ ಪಾಲ್ ಪಡೆಯೊಂದು ಇತ್ತಿನ ಪ್ರವೀಣ ನೆಟ್ಟಾರ್ ಮೇರೆನ್ ಕೆರಿನ ದುಷ್ಕರ್ಮಿಲೆನ್ ಆಯಿನಾತ್ ಬೇಗ ಬಂಧಿಸಾವೊಡ್ ಕಾನೂನ್ ದ ಕ್ರಮ ದೆತೊನೊಡ್ ಪಂದ್ ಅಖಿಲ ಕರ್ನಾಟಕ ರಾಜಕೇಸರಿ ಸಂಘಟನೆದಕುಲು ಮನವಿ ಮಲ್ತೆರ್.
<h4>ನನಲಾತ್ ಓದುಲೆ:</h4>
<article><a href="https://www.timesofkudla.com/ARDC.in/2022/Month/07/24624/No.1TuluNews" title="ಬೆಂಗ್ಲೂರು ತುಳುಕೂಟದ ಮುತಾಲಿಕೆಡ್ ಆಟಿದ ಕಸಾಯ, ಮೆತ್ತೆದ ಗಂಜಿ ಪಟ್ಟುನ ಲೇಸ್"><img width="1152" height="519" src="https://www.timesofkudla.com/wp-content/uploads/2022/07/WhatsApp-Image-2022-07-28-at-11.00.04-AM.jpeg" alt="WhatsApp Image 2022-07-28 at 11.00.04 AM" loading="lazy" /></a> <h2>
<a href="https://www.timesofkudla.com/ARDC.in/2022/Month/07/24624/No.1TuluNews" title="ಬೆಂಗ್ಲೂರು ತುಳುಕೂಟದ ಮುತಾಲಿಕೆಡ್ ಆಟಿದ ಕಸಾಯ, ಮೆತ್ತೆದ ಗಂಜಿ ಪಟ್ಟುನ ಲೇಸ್">
ಬೆಂಗ್ಲೂರು ತುಳುಕೂಟದ ಮುತಾಲಿಕೆಡ್ ಆಟಿದ ಕಸಾಯ, ಮೆತ್ತೆದ ಗಂಜಿ ಪಟ್ಟುನ ಲೇಸ್ </a>
</h2>
July 28, 2022
ಬೆಂಗ್ಲೂರು : ತುಳುಕೂಟ ಸಂಸ್ಥೆ ಬೆಂಗ್ಲೂರ್ ಮುತಾಲಿಕೆಡ್ ಆಟಿ ತಿಂಗೊಲ್ದ ಅಮಾಸೆದಾನಿ ಪಾಲೆದ ಕೆತ್ತೆದ ಕಷಾಯ ಅಂಚೆನೆ ಮೆತ್ತೆದ ಗಂಜಿ ಪಟ್ಟುನ ಲೇಸ್ ಕರಿನ ಮಸ್ತ್ ವರ್ಷರ್ದ್…
</article><article><a href="https://www.timesofkudla.com/ARDC.in/2022/Month/07/24621/No.1TuluNews" title="ಇನಿ ಪ್ರವೀಣ್ ನೆಟ್ಟಾರು ಮೆರೆನ ಇಲ್ಲಗ್ ಭೇಟಿ ಕೊರಿಯೆರೆ ಉಲ್ಲೆರ್ ಬಿ.ವೈ.ವಿಜಯೇಂದ್ರ"><img width="859" height="756" src="https://www.timesofkudla.com/wp-content/uploads/2022/07/Screenshot_20220728_105932.jpg" alt="Screenshot_20220728_105932" loading="lazy" /></a> <h2>
<a href="https://www.timesofkudla.com/ARDC.in/2022/Month/07/24621/No.1TuluNews" title="ಇನಿ ಪ್ರವೀಣ್ ನೆಟ್ಟಾರು ಮೆರೆನ ಇಲ್ಲಗ್ ಭೇಟಿ ಕೊರಿಯೆರೆ ಉಲ್ಲೆರ್ ಬಿ.ವೈ.ವಿಜಯೇಂದ್ರ">
ಇನಿ ಪ್ರವೀಣ್ ನೆಟ್ಟಾರು ಮೆರೆನ ಇಲ್ಲಗ್ ಭೇಟಿ ಕೊರಿಯೆರೆ ಉಲ್ಲೆರ್ ಬಿ.ವೈ.ವಿಜಯೇಂದ್ರ </a>
</h2>
July 28, 2022
ಇನಿ ಪ್ರವೀಣ್ ನೆಟ್ಟಾರು ಮೆರೆನ ಇಲ್ಲಗ್ ಭೇಟಿ ಕೊರಿಯೆರೆ ಉಲ್ಲೆರ್ ಬಿ.ವೈ.ವಿಜಯೇಂದ್ರ ಪುತ್ತೂರು : ದುಷ್ಕರ್ಮಿಲೆನ ಕೈರ್ದ್ ಹತ್ಯೆಆದ್ ತೀರ್ ಪೋಯಿನ ಬಿಜೆಪಿ ಯುವ ಮೋರ್ಚಾ ಜಿಲ್ಲಾ…
</article>
<nav>
1
Now Subscribe to World's only Tulu Newspaper just for
Rs. 260/year
ಶಾಂತಿ ಕಾಪುಲೆ, ಸಮಾಧಾನೊಡು ಉಪ್ಪುಲೆ : ಸಿಎಂ ಬೊಮ್ಮಾಯಿ
ಪುತ್ತೂರು : ಕೋಡೆ ಬೆಳ್ಳಾರೆಡ್ ನಡತಿನ ಬಿಜೆಪಿ ಕಾರ್ಯಂತೆ ಪ್ರವೀಣ್ ನೆಟ್ಟಾರು ಮೆರೆನ್ ಕೆರಿನ ಬಗೆಟ್ಟ್ ಸಿಎಂ ಬಸವರಾಜ ಬೊಮ್ಮಾಯಿ ತನ್ನ ಹೇಳಿಕೆ ಕೊರಿಯೆರ್.
ಈ ಪ್ರಕರಣ ಜವಣ್ಯನ ಆಯಿನೆರ್ದಾವರ ಕಾರ್ಯಂತೆರ್ ಭಾರಿ ಬೆಚ್ಚ ಆತೆರ್. ಅಂಚಾದ್ ಅಕ್ಲೆಗ್ ಮಾತೆರೆಗ್ಲಾ ಶಾಂತಿ ಸಂಯಮಡ್ ಉಪ್ಪರೆ ಸಿಎಂ ಪಂಡೆರ್.
ಹೋಮ್ ಮಿನಿಸ್ಟರ್ ಎಸ್ಪಿ ಗ್ ಮಾತಾ ಸೂಚನೆ ಕೊರ್ತೆರ್. ಕೆರಿನ ದುಷ್ಕರ್ಮಿಲೆನ್ ಅರೆಸ್ಟ್ ಮಲ್ಪರೆ ಮಾತಾ ಕಾರ್ಯಾಚರಣೆ ಆವೊಂದು ಉಂಡು, ಕೇರಳ ಗಡಿ ಆಯಿನೆರ್ದಾವರ ಗಡಿ ದಾಟ್ ಡ್ ಪತ್ತುನ ಮಾತಾ ಕ್ರಮ ದೆತೊನೊಂದು ಉಲ್ಲೆರ್. ಕೋಡೆ ನಡತಿನ ತಲ್ವಾರ್ ದಾಳಿ ದುಂಬೇ ಪ್ಲಾನ್ ಮಲ್ದಿನವು ಪಂದ್ ಸಿಎಂ ಪಂಡೆರ್.https://www.youtube.com/watch?v=OWU6cHfDrYE
July 27, 2022
ಶಾಂತಿ ಕಾಪುಲೆ, ಸಮಾಧಾನೊಡು ಉಪ್ಪುಲೆ : ಸಿಎಂ ಬೊಮ್ಮಾಯಿ ಪುತ್ತೂರು : ಕೋಡೆ ಬೆಳ್ಳಾರೆಡ್ ನಡತಿನ ಬಿಜೆಪಿ ಕಾರ್ಯಂತೆ ಪ್ರವೀಣ್…
July 27, 2022
ಕುಡ್ಲ: ಬೆಳ್ಳಾರೆಡ್ ಕೋಡೆ ಆಯಿನ ಪ್ರವೀಣ್ ಮರ್ಡರ್ ಕೇಸ್ ಗ್ ಸಂಬಂಧಿಸಾದ್ ಆರೋಪಿಲೆನ ನಾಡ್ ಪತ್ತರೆ ಬೋಡಾದ್ ಪೊಲೀಸೆರ್ 4…
July 27, 2022
ಪ್ರವೀಣ್ ನೆಟ್ಟಾರುನು ಕೆರಿನ ಕೇಸ್ : ಕುಡ್ಲ ಜಿಲ್ಲಾಧಿಕಾರಿ ರಾಜೇಂದ್ರ ಕೆವಿ ದಾದ ಪಂಡೆರ್ ? ಪುತ್ತೂರು : ಕೋಡೆ…