ಮುಂಬಯಿ,ಮಾ.2 : ತೀಯಾ ಸಮಾಜ ಬೊಂಬಾಯಿ ಉಂದೆತ್ತ ಪಶ್ಚಿಮ ವಲಯ ಮುತಾಲಿಕೆಡ್ 20ನೇ ವರ್ಷದ ಶ್ರೀ ಸತ್ಯನಾರಾಯಣ ಮಹಾಪೂಜೆ ಮಾ 20ಗ್ ಜೋಗೇಶ್ವರಿ ಪೂರ್ವ ಸಾಯಿ ಸಿದ್ದಿ ವೆಲ್ಪೇರ್ ಅಸೋಷಿಯೇಷನ್ ಸಭಾಗೃಹಡ್ ವೈಕುಂಠ ಭಟ್ ಮೆರ್ನ ಪೌರೋಹಿತ್ಯಡ್ ತೀಯಾ ಸಮಾಜ ಬೊಂಬಾಯಿ ಪಶ್ಚಿಮ ವಲಯದ ಕಾರ್ಯಾಧ್ಯಕ್ಷೆರ್ ಸುಧಾಕರ್ ಉಚ್ಚಿಲ್ ಮೆರ್ನ ಮುತಾಲಿಕೆಡ್ ನಡತ್ಂಡ್.
ಪೂಜಾ ವಿಧಿಟ್ ಶುಶಾಂತ್ ಸಾಲ್ಯಾನ್ ಬೊಕ್ಕ ಅಂಕಿತಾ ಸಾಲ್ಯಾನ್ ದಂಪತಿಲು ಪಾಲ್ ಪಡೆದಿತ್ತೆರ್.
ಪ್ರತಿ ವರ್ಷದೆಲಕನೆ ಈ ಸರ್ತಿಲ ಪೊಸ ಮದಿಮಾಲ್ ಮದಿಮಾಯೆ ಜೋಡಿ ಆಯಿನ ರವಿರಾಜ್ ಬೊಕ್ಕ ಜ್ಯೋತಿ, ಅನಿಶ್ ಬೊಕ್ಕ ಶ್ವೇತಾ ಅಂಚನೆ ಶುಶಾಂತ್ ಬೊಕ್ಕ ಅಂಕಿತಾ ಮುಕುಲೆನ್ ಪೆರಿಯಕುಲ್ ಆಯಿನ ಚಂದ್ರಶೇಖರ ಕೆ. ಬಿ. ದಂಪತಿಲು, ಅಮರ್ ನಾಥ್ ಉಚ್ಚಿಲ್ ಬೊಕ್ಕ ನರ್ಮದಾ ಉಚ್ಚಿಲ್, ಮೋಹನ್ ದಾಸ್ ಸುವರ್ಣ ಬೊಕ್ಕ ಚಂದ್ರಾ ಸುವರ್ಣ ಮೇರ್ ಮಾನಾದಿಗೆ ಮಲ್ತ್ ದ್ ಎಡ್ಡೆಪು ಪಾತೆರನ್ ಪಾತೆರಿಯೆರ್. ಆಯಿಬೊಕ್ಕ ಸಮಾಜದ ಪೊಂಜೋಕುಲೆಡ್ದ್ ಮಂಜಲ್ ಕುಂಕುಮ ಕೊರ್ಪಿನ ಲೇಸ್ ನಡತ್ಂಡ್. ಪಶ್ಚಿಮ ವಲಯದ ಕಾರ್ಯಾಧ್ಯಕ್ಷೆರ್ ಸುಧಾಕರ್ ಉಚ್ಚಿಲ್ ಬೊಕ್ಕ ಸುಜಾತ ಉಚ್ಚಿಲ್ ಮುಕ್ಲೆಗ್ ಪುರೋಹಿತೆರ್ ಸುರುಕ್ಕಾದ್ ಪ್ರಸಾದನ್ ಕೋರ್ದ್ ಆಶೀರ್ವಾದ ಮಲ್ತೆರ್.
ಈ ಧಾರ್ಮಿಕ ಕಾರ್ಯಕ್ರಮದ ಲೇಸ್ ಡ್ ತೀಯಾ ಸಮಾಜ ಪಶ್ಚಿಮ ವಲಯದ ಸ್ಥಾಪಕ ಕಾರ್ಯಾಧ್ಯಕ್ಷೆರ್ ಬಾಬು ಐಲ್, ಸಮಾಜದ ಮಾಜಿ ಕೋಶಾಧಿಕಾರಿಲು ಸುಂದರ್ ಬಿ ಐಲ್, ರಂಗ ನಟೆ ಪುರಂದರ ಸಾಲ್ಯಾನ್, ಸಮಾಜದ ಪಶ್ಚಿಮ ವಲಯ ದ ಪೊಂಜೋವ್ ಲೆನ ವಿಭಾಗದ ಮಾಜಿ ಕಾರ್ಯಾಧ್ಯಕ್ಷೆರ್ ಆಯಿನ ಸೀತಾ ಸಾಲ್ಯಾನ್, ಚಂದ್ರ ಸುವರ್ಣ, ದಿವ್ಯ ಆರ್ ಕೋಟ್ಯಾನ್, ಪೊಂಜೋವ್ ಲೆನ ವಿಭಾಗದ ಕಾರ್ಯದರ್ಶಿ ಶಶಿಪ್ರಭಾ ಬಂಗೇರ, ಪಶ್ಚಿಮ ವಲಯ ದ ಮಾಜಿ ಕಾರ್ಯಾಧ್ಯಕ್ಷೆರ್ ಬಾಬು ಕೋಟ್ಯಾನ್, ಸಮಾಜದ ಮಾಜಿ ಜೊತೆ ಕಾರ್ಯದರ್ಶಿಲು ಆಯಿನ ನ್ಯಾ. ಸದಾಶಿವ ಬಿ.ಕೆ, ನಾರಾಯಣ ಸುವರ್ಣ, ಸದಾಶಿವ ಉಚ್ಚಿಲ್, ಸಮಾಜದ ಕಾರ್ಯಕಾರಿ ಸಮಿತಿದ ಸದಸ್ಯೆರ್ ಆಯಿನ ವಾಸುದೇವ ಪಾಲನ್, ವಿಶ್ವಥ್ ಬದ್ದೂರು ಇತ್ತೆರ್.
ತೀಯಾ ಸಮಾಜದ ಮಾಜಿ ಪ್ರಧಾನ ಕಾರ್ಯದರ್ಶಿಲು ಆಯಿನ ಈಶ್ವರ ಎಂ. ಐಲ್ ಬೊಕ್ಕ ಪಶ್ಚಿಮ ವಲಯ ಸಮಿತಿದ ಕಾರ್ಯದರ್ಶಿಲು ಲೇಸ್ ನ್ ನಡಪಾದ್ ಕೊರಿಯೆರ್. ಪದ್ಮನಾಭ ಸುವರ್ಣ, ಕೋಶಾಧಿಕಾರಿ ರಾಮಚಂದ್ರ ಎನ್. ಕೋಟ್ಯಾನ್, ಉಪಕಾರ್ಯಾಧ್ಯಕ್ಷೆರ್ ಬಾಬು ಕೋಟ್ಯಾನ್, ಜೊತೆ ಕಾರ್ಯದರ್ಶಿ ಚಂದ್ರಶೇಖರ ಸಾಲ್ಯಾನ್, ಜೊತೆ ಕೋಶಾಧಿಕಾರಿ ಗಣೇಶ್ ಉಚ್ಚಿಲ್, ಸಮಿತಿದ ಬೇತೆ ಮಾತ ಸದಸ್ಯೆರ್ ಕಾರ್ಯಕ್ರಮದ ಯಶಸ್ಸಿಗ್ ಸಾಕಾರ ಮಲ್ತೆರ್.
