kudla

ಒಡಿಪುರ್ದು ಬೊಕ್ಕ ಕುಡ್ಲಡ್ಲಾ ದಕ್ಷಿಣ ಮುಸ್ಲಿಂ ಬೇರದಕ್ಲೆಗ್ ಆರ್ಥಿಕ ಬಹಿಷ್ಕಾರ

Mar 23, 2022

ಕುಡ್ಲ : ಒಡಿಪುರ್ದು ಬೊಕ್ಕ ಕುಡ್ಲಡ್ಲ ಮುಸ್ಲಿಂ ಬೇರೆದಕ್ಲೆಗ್ ಆರ್ಥಿಕ ಬಹಿಷ್ಕಾರ ದುಂಬರಿದುಂಡು . ಕುಡ್ಲದ ಮಾಮಲ್ಲ ಜಾತ್ರೆ ಪಂದೆ ಪುಗಾರ್ತೆ ಪಡೆಯಿನ ಪುತ್ತೂರು ಮಹಾಲಿಂಗೇಶ್ವರ ದೇವೆರ್ನ ಉಚ್ಚಯ , ಬಪ್ಪನಾಡು ದುರ್ಗಾಪರಮೇಶ್ವರಿ ದೇವಸ್ಥಾನ ಬೊಕ್ಕ ಮಂಗಳಾದೇವಿ ದೇವಸ್ಥಾನದ ಉಚ್ಚಯಡ್ ಮುಸ್ಲಿಂ ಬೇರದಕ್ಲೆಗ್ ಆರ್ಥಿಕ ನಿರ್ಬಂಧ ಪಾಡ್ದೆರ್.

ಪುತ್ತೂರುದ ಮಹಾತೋಭಾರ ಮಹಾಲಿಂಗೇಶ್ವರ ದೇವಲ್ಯದ ಜಾತ್ರಾ ಉಚ್ಚಯಡ್ ಬೇತೆ ಜಾತಿದ ಬೇರದಕ್ಲೆಗ್ ಅವಕಾಶ ಇಜ್ಜಿ ಪಂದ್ ದೇವಲ್ಯದ ಆಡಳಿತ ಮಂಡಳಿ ಅಧಿಕೃತವಾದ್ ಘೋಷಣೆ ಮಲ್ದುಂಡು.

ಈ ಬಗ್ಗೆ ಮಾಹಿತಿ ಕೊರಿನ ಕುಡ್ಲ ನಗರ ಪೊಲೀಸ್ ಕಮೀಷನರ್ ಎನ್. ಶಶಿಕುಮಾರ್, ಈ ಸಂಬಂಧ ದೇವಸ್ಥಾನದ ಆಡಳಿತ ಮಂಡಳಿ, ತಹಶೀಲ್ದಾರೆರ್ನ ಒಟ್ಟುಗು ಪಾತೆರ್ದ . ಬ್ಯಾನರ್ ಏರ್ ಪಾಡ್ದೆರ್ ಪನ್ಪಿನೆತ್ತ ಬಗ್ಗೆ ಮಾಹಿತಿ ಕೊರ್ಪ . ಬಪ್ಪನಾಡು ಆಡಳಿತ ಮಂಡಳಿ ನಿಯಮದ ಪ್ರಕಾರ ಹಿಂದ ಜನಕ್ಲೆಗ್ ಬುರ್ದು ಬೇತೆ ಏರೆಗ್ಲಾ ಬೇರ ಮಲ್ಪರೆ ಅವಕಾಶ ಇಜ್ಜಿ ಪಂದ್ ಕುಡ್ಲದ ನಗರ ಪೊಲೀಸ್ ಕಮೀಷನರ್ ಎನ್. ಶಶಿಕುಮಾರ್ ಪಂಡೆರ್.

ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ರಪಕ್ಕ ಸುದ್ದಿ Flash News

ಸೈನ್ಯಗ್ ಸೇರುನ ಆಸೆಡ್ ಬೇಲೆ ಮುಗಿತ್ ದಿನಾಲ ಪತ್ತ್ ಕಿಲೋಮೀಟರ್ ಬಲ್ತೊಂದು ಇಲ್ಲ್ ಸೇರಿನ ಜವಣ್ಯೆ

Mar 23, 2022

ಬೆಂಗ್ಳೂರು : ಮೆಕ್ ಡೊನಾಲ್ಡ್ ಕಂಪನಿಡ್ ಬೇಲೆ ಮಲ್ತೊಂದು ಇತ್ತಿನ 19 ವರ್ಷದ ಜವಣ್ಯೆ ತನ್ನ ಬೇಲೆ ಆದ್ ದಿನಾಲ ಬರೋಬ್ಬರಿ ಪತ್ತ್ ಕಿಲೋಮೀಟರ್ ಬಲ್ತ್ ಇಲ್ಲ್ ಸೇರೊಂದು ಇತ್ತೇ . ಜನ ಕೇನ್ನಗ ತಾನ್ ಸೈನ್ಯಗ್ ಸೇರುನ ನೆಲೆಟ್ಟ್ ಇಂಚ ಬೇಲೆ ಆದ್ ಬಲ್ತ್ ಅಭ್ಯಾಸ ಮಲ್ತೊಂದು ಉಲ್ಲೆರ್ ಪನ್ಪಿನ ವಿಡಿಯೋ ಸಾಮಾಜಿಕ ಜಾಲತಾಣಡ್ ವೈರಲ್ ಆತುಂಡು .

ಈ ವಿಡಿಯೋ ತೂಯಿನ ನಿವೃತ್ತ ಜನರಲ್ ಸತೀಶ್ ದುವಾ ಜವಣ್ಯಗ್ ಸೈನ್ಯಗ್ ಸೇರೆರೆ ಮಾತಾ ರೀತಿದ ತರಬೇತಿ ಕೊರಿಯೆರೆ ತಯಾರ್ ಆದ್ ಉಲ್ಲಾ ಪಂದ್ ಟ್ವೀಟ್ ಮಲ್ದೆರ್.

ಕಾರ್ಲ: ಡಾ. ಟಿಎಂಎ ಪೈ ರೋಟರಿ ಆಸ್ಪತ್ರೆಗ್ ಎನ್‌ಬಿಎಚ್ ಮಾನ್ಯತೆ

Mar 23, 2022

ಕಾರ್ಲ : ಡಾ. ಟಿಎಂಎ ಪೈ ರೋಟರಿ ಆಸ್ಪತ್ರೆಗ್ ಎನ್ಎಬಿಎಚ್ ಮಾನ್ಯತೆ ಬೈದುಂಡು . ಮಾಹೆ ಮಣಿಪಾಲದ ಸಹ ಕುಲಾಧಿಪತಿ ಡಾ. ಎಚ್.ಎಸ್. ಬಲ್ಲಾಳ್ ಬೊಕ್ಕ ಉಪಕುಲಪತಿಲಾಯಿನ ಲೆಫ್ಟಿನೆಂಟ್ ಜನರಲ್ ಡಾ. ಎಂ.ಡಿ. ವೆಂಕಟೇಶ್ ಮೇರ್ ಕಾರ್ಲಾ ಡಾ. ಟಿಎಂಎ ಪೈ ರೋಟರಿ ಆಸ್ಪತ್ರೆದ ಮುಖ್ಯ ವೈದ್ಯಾಧಿಕಾರಿ ಡಾ. ಕೀರ್ತಿನಾಥ ಬಲ್ಲಾಳ, ಗುಣಮಟ್ಟ ಅನುಷ್ಠಾನದ ಸಲಹೆಗಾರೆರಾಯಿನ ಡಾ. ಸುನೀಲ್ ಸಿ. ಮುಂಡೂರ್, ಸಹ ವ್ಯವಸ್ಥಾಪಕ ನಟೇಶ್ ಮೆರೆಗ್ ಪ್ರಮಾಣಪತ್ರನ್ ಕೊರಿಯೆರ್ .

ರೋಗಿಲೆನ ಆರೈಕೆ, ರೋಗಿಲೆನ ಶಿಕ್ಷಣ ಬೊಕ್ಕ ಅರಿವು, ಶುಶೂಷ ಆರೈಕೆದ ಗುಣಮಟ್ಟ, ಸಂವಹನ ಬೊಕ್ಕ ಮಾರ್ಗದರ್ಶನ, ಸೋಂಕು ನಿಯಂತ್ರಣ ಅಭ್ಯಾಸದಂಚಿನ ಮಾತಾ ಆಸ್ಪತ್ರೆದ ಮಾತಾ ಕ್ಷೇತ್ರಡ್ ಎನ್ಎಬಿಎಚ್ ಗುಣಮಟ್ಟನ್ ತೂಪಿನ ಸೌಲಭ್ಯಗ್ ಈ ಮಾನ್ಯತೆ ಕೊರೊಂದು ಉಲ್ಲೆರ್ .

ಧರ್ಮಸ್ಥಳಡ್ ಮಾರ್ಚ್ 29 ಗ್ ಯೋಗ ಉಚ್ಚಯ

Mar 23, 2022

ಧರ್ಮಸ್ಥಳ: ಮಾರ್ಚ್ 29 ತಾರೀಖ್ ಗ್ , ಧರ್ಮಸ್ಥಳದ ಧರ್ಮಾಧಿಕಾರಿ ಡಾ. ಡಿ ವೀರೇಂದ್ರ ಹೆಗ್ಡೆರ್ನ ಗುರ್ಕಾರ್ಮೆಡ್ ಕೇಂದ್ರ ಆಯುಷ್ ಮಂತ್ರಾಲಯ ವತಿರ್ದ್ ಯೋಗ ಮಹೋತ್ಸವದ ನೆಲೆಟ್ಟ್ ಯೋಗ ಪ್ರಾತ್ಯಕ್ಷಿಕೆ ಬೊಕ್ಕ ಕಾರ್ಯಾಗಾರ ನಡಪರೆ ಉಂಡು ಪಂದ್ ಪ್ರಕಟಣೆಡ್ ತೆರಿಪಾದೆರ್ .

Yoga festival in Dharmasthala on March 29th .

Dharmasthala: A yoga workshop and demonstration camp has been arranged at Dharmasthala on March 29th by the central ministry of Ayush, under yoga mahotsav scheme.
The program will be presided by Dr D Veerendra Hegggade of Dharmasthala said sources.

ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ಬಂಗಾರ್ Gold

ಕುಡ ಜಾಸ್ತಿ ಆಂಡ್ ಬಂಗಾರ್ದ ಬಿಲೆ

Mar 23, 2022

ಬೆಂಗ್ಳೂರು, ಚೆನ್ನೈ, ಹೈದರಾಬಾದ್, ಮುಂಬೈ, ದೆಹಲಿ ಸೇರ್ದ್ ದೇಶದ ಬೇತೆ ಬೇತೆ ಜಾಗೆಡ್ 22 ಬೊಕ್ಕ 24 ಕ್ಯಾರೆಟ್ ಬಂಗಾರ್ (Gold), ಬೊಳ್ಳಿ ದ ರೇಟ್ ಏತ್ ಪನ್ಪಿನ ವಿವರ ಬೋಡಾ? ಅಂಚಾಡ ಈ ಬರವು ತೂಲೆ.

ಭಾರತದ ಪ್ರಮುಖ ಪೆಂಟೆಡ್ ಇನಿತ ಬಂಗಾರ್ದ ಬಿಲೆ ಇಂಚ ಉಂಡು (ಪ್ರತಿ 10 ಗ್ರಾಮ್ ಗ್ ):

ಬೆಂಗ್ಳೂರು: 47,750 ರೂ. (22 ಕ್ಯಾರೆಟ್), 52,100 ರೂ. (24 ಕ್ಯಾರೆಟ್)

ಮೈಸೂರು: 47,750 ರೂ. (22 ಕ್ಯಾರೆಟ್), 52,100 ರೂ. (24 ಕ್ಯಾರೆಟ್)

ಕುಡ್ಲ : 47,750 ರೂ. (22 ಕ್ಯಾರೆಟ್), 52,100 ರೂ. (24 ಕ್ಯಾರೆಟ್)

ಚೆನ್ನೈ: 48,280 ರೂ. (22 ಕ್ಯಾರೆಟ್), 52,670 ರೂ. (24 ಕ್ಯಾರೆಟ್)

ಮುಂಬೈ: 47,750 ರೂ. (22 ಕ್ಯಾರೆಟ್), 52,100 ರೂ. (24 ಕ್ಯಾರೆಟ್)

ದೆಹಲಿ: 47,750 ರೂ. (22 ಕ್ಯಾರೆಟ್), 52,100 ರೂ. (24 ಕ್ಯಾರೆಟ್)

ಕೋಲ್ಕತ್ತಾ: 47,750 ರೂ. (22 ಕ್ಯಾರೆಟ್), 52,100 ರೂ. (24 ಕ್ಯಾರೆಟ್)

ಹೈದರಾಬಾದ್: 47,750 ರೂ. (22 ಕ್ಯಾರೆಟ್), 52,100 ರೂ. (24 ಕ್ಯಾರೆಟ್)

ಕೇರಳ: 47,750 ರೂ. (22 ಕ್ಯಾರೆಟ್), 52,100 ರೂ. (24 ಕ್ಯಾರೆಟ್)

ಪುಣೆ: 47,820 ರೂ. (22 ಕ್ಯಾರೆಟ್), 52,170 ರೂ. (24 ಕ್ಯಾರೆಟ್)

ಜೈಪುರ್: 47,900 ರೂ. (22 ಕ್ಯಾರೆಟ್), 52,250 ರೂ. (24 ಕ್ಯಾರೆಟ್)

ಮದುರೈ: 48,280 ರೂ. (22 ಕ್ಯಾರೆಟ್), 52,670 ರೂ. (24 ಕ್ಯಾರೆಟ್)

ವಿಜಯವಾಡ: 47,750 ರೂ. (22 ಕ್ಯಾರೆಟ್), 52,100 ರೂ. (24 ಕ್ಯಾರೆಟ್)

ವಿಶಾಖಪಟ್ಟಣ: 47,750 ರೂ. (22 ಕ್ಯಾರೆಟ್), 52,100 ರೂ. (24 ಕ್ಯಾರೆಟ್)

Gold prices raise in Mangalore.

Do you want to know the gold rate in the cities round the country? Read below-

For every 10 gram:
Bangalore: 47,750k for ( 22 carat) , Rupees 52,100 ( 24 carat).

Mysore: 47,750k (22carat) , 52100k (24 carat).

Mangalore: 47,750k (22carat);
52,100k (24carat)

Chennai 48,280 k (22carat)
52,670 (24carat).

Mumbai: 47,750(22carat) , 52,100k (24carat).

Delhi: 46,750k (22carat), 52,100k (24carat)

Kolkata: 47,750k (22carat), 52,100 (24carat).

Hyderabad: 47,750k (22carat), 52,100k (24 carat).

Kerala : 47,750k (22carat) , 52,100 (24 carat)

Pune: 47,820 (22 carat), 52,170k, (24 carat).

Jaipur: 47,90k ( 22 carat ), 52,250k (24 carat).

Madurai: 48,280k (22 carat), 52,670k (24 carat).

ನ್ಯಾಯವಾದಿ ಶ್ರೀಮತಿ ಶೈಲಜಾ ರಾಜೇಶ್ ಮೆರೆಗ್ ಮಹಿಳಾ ಬೊಕ್ಕ ಮಕ್ಕಳ ಅಭಿವೃದ್ಧಿ ಇಲಾಖೆ,ವಿಟ್ಲ ಬೊಕ್ಕ ಇರಾ ಗ್ರಾಮ ಪಂಚಾಯತ್ ಒಟ್ಟು ಸೇರಿಗೆಡ್ ಮಾನದಿಗೆ

Mar 23, 2022

ಒಡಿಪು : ಪ್ರತಿಷ್ಠಿತ ರಾಜ್ಯ ಕಿತ್ತೂರು ರಾಣಿ ಚೆನ್ನಮ್ಮ ಪ್ರಶಸ್ತಿ ಪುರಸ್ಕೃತೆ,ರಾಜ್ಯ ಮಹಿಳಾ ರತ್ನ ಪ್ರಶಸ್ತಿ ಪುರಸ್ಕೃತೆ, ವಾತ್ಸಲ್ಯಮಯಿ ಮಾತೇ ನ್ಯಾಯವಾದಿ ಶ್ರೀಮತಿ ಶೈಲಜಾ ರಾಜೇಶ್ ಮೆರೆನ್ ಮಹಿಳಾ ಬೊಕ್ಕ ಮಕ್ಕಳ ಅಭಿವೃದ್ಧಿ ಇಲಾಖೆ,ವಿಟ್ಲ ಬೊಕ್ಕ ಇರಾ ಗ್ರಾಮ ಪಂಚಾಯತ್ ಒಟ್ಟು ಸೇರಿಗೆಡ್ ,ಅಂತಾರಾಷ್ಟ್ರೀಯ ಮಹಿಳಾ ದಿನಾಚರಣೆ ಪ್ರಯುಕ್ತ,ಇರ ಗ್ರಾಮ ಪಂಚಾಯತ್ ಸೋಮನಾಥೇಶ್ವರ ಸಭಾಂಗಣಡ್ ಮಾನದಿಗೆ ಮಲ್ತೆರ್ .

ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ಪುತ್ತೂರ್ದ ಸುದ್ದಿ | Puttur News ರಪಕ್ಕ ಸುದ್ದಿ Flash News

ಪುತ್ತೂರು ಶ್ರೀ ಮಹಾಲಿಂಗೇಶ್ವರ ದೇವಲ್ಯದ ಜಾತ್ರೋಚ್ಚಯದ ಲೆಪ್ಪೋಲೆ ಬುಡುಗಡೆ

Mar 22, 2022

ಪುತ್ತೂರು:ಮಾ 22: ಇತಿಹಾಸ ಪ್ರಸಿದ್ಧ ಪುತ್ತೂರು ಶ್ರೀ ಮಹಾಲಿಂಗೇಶ್ವರ ದೇವಲ್ಯಡ್ ಎ.10ರ್ದ್ ನಡಪುನ ವರ್ಷಾವಧಿ ಉಚ್ಚಯದ ಲೆಪ್ಪೋಲೆ ನ್ ಕೋಡೆ ದೇವಲ್ಯದ ಚಾವಡಿಡ್ ಬುಡುಗಡೆ ಮಲ್ತೆರ್ .

ಎಡ್ಡೆ ಮೂರ್ತ ತೂದು ದೇವಲ್ಯೊದ ಪ್ರಧಾನ ಅರ್ಚಕೆರಾಯಿನ ವಸಂತ ಕೆದಿಲಾಯ ಮೇರ್ ಮುದ್ರಿತ ಲೆಪ್ಪೋಲೆ ನ್ ದೇವಳದ ಸತ್ಯಧರ್ಮ ನಡೆಟ್ ದೀದ್ ಪ್ರಾರ್ಥನೆ ಮಲ್ತೆರ್ . ಐರ್ದ್ ಬೊಕ್ಕ ಲೆಪ್ಪೋಲೆಗ್ ಗಂಧ ಪ್ರಸಾದ ಪಾರ್ದ್ ಪವಿತ್ರ ಮಲ್ತೆರ್.

ದೇವಲ್ಯಡ್ ನಗರಸಭೆ ಗುರ್ಕಾರ್ಲಾಯಿನ ಕೆ.ಜೀವಂಧರ್ ಜೈನ್ ಮೇರ್ ಲೆಪ್ಪೋಲೆ ಬುಡುಗಡೆ ಮಲ್ತೆರ್. ಈ ಪೊರ್ತುಡು ದೇವಳದ ವ್ಯವಸ್ಥಾಪನಾ ಸಮಿತಿ ಗುರ್ಕಾರ್ಲಾಯಿನ ಕೇಶವಪ್ರಸಾದ್ ಮುಳಿಯ, ಸದಸ್ಯೆರಾಯಿನ ರಾಮಚಂದ್ರ ಕಾಮತ್, ರವೀಂದ್ರನಾಥ ರೈ ಬಳ್ಳಮಜಲು, ಶೇಖರ ನಾರಾವಿ, ಬಿ. ಐತ್ತಪ್ಪ ನಾಯ್ಕ ಬಿ.ಕೆ. ವೀಣಾ, ರಾಮ್ಹಾಸ್ ಗೌಡ,ಡಾ.ಸುಧಾ ಎಸ್. ರಾವ್, ಕಚೇರಿ ವ್ಯವಸ್ಥಾಪಕ ಹರೀಶ್ ಶೆಟ್ಟಿ, ಉಪನ್ಯಾಸಕ ಡಾ| ರಾಜೇಶ್ ಬೆಜ್ಜಂಗಳ, ರೋಟರಿ ಸದಸ್ಯ ವಿಶ್ವಾಸ್ ಶೆಣೈ, ಕೆಡಿಪಿ ಸದಸ್ಯ ವಿಜಯ ಬಿ.ಎಸ್, ದೇವಳದ ಮಾಜಿ ಆಡಳಿತಾಧಿಕಾರಿ ಸೂರಪ್ಪಗೌಡ, ಗೋಪಾಲ್ ನ್ಯಾಕ್ ಪಾಲ್ ಪಡೆದಿತ್ತೆರ್.

ಉಡುಪಿದ ಸುದ್ದಿ | Udupi News ಗೌಜಿ ಗಮ್ಮತ್ ದ ಸುದ್ದಿ | Events & Functions ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ರಪಕ್ಕ ಸುದ್ದಿ Flash News

ಶ್ರೀ ಜಯದುರ್ಗಾಪರಮೇಶ್ವರಿ ದೇವಸ್ಥಾನ : ಕನ್ನರ್ಪಾಡಿ ಶ್ರೀ ಜಯದುರ್ಗಾ ಅಪ್ಪೆನ ಬ್ರಹ್ಮಕುಂಭಾಭಿಷೇಕ

Mar 22, 2022

ಒಡಿಪು : ತಾರೀಖ್ 2/4/2022 ನೇ ಸೋಮಾರರ್ದ್ 10/4/2022 ನೇ ಐತಾರ ಮುಟ ಇತಿಹಾಸ ಪ್ರಸಿದ್ಧ ಶ್ರೀ ಜಯದುರ್ಗಾಪರಮೇಶ್ವರಿ ದೇವೆರೆಗ್ “ಅಷ್ಟಬಂಧ ಬ್ರಹ್ಮಕುಂಭಾಭಿಷೇಕ ” ನಡಪರೆ ಉಂಡು.

ಈ ನೆಲೆಟ್ಟ್ ಎ.2 ಕ್ಕ್ ಋತ್ವಿಜರ ಸ್ವಾಗತ, ಸಾಮೂಹಿಕ ಪ್ರಾರ್ಥನೆ, ತೋರಣ ಮುಹೂರ್ತ, ಪುಣ್ಯಾಹ ವಾಚನ, ಉಗ್ರಾಣ ಮುಹೂರ್ತ,
ನಾಂದೀ, ಕಂಕಣಬಂಧ, ಅರಣಿಮಥನ, ಬ್ರಹ್ಮಕೂರ್ಚಹೋಮ, 12ಕಾಯಿ ಗಣಹೋಮ, ಮೂಲ ಮಂತ್ರ ಹೋಮ,ಸಪ್ತಶುದ್ಧಿ, ಗೋಪೂಜೆ, ಪ್ರಾಸಾದಶುದ್ಧಿ, ರಾಹೋಮ, ವಾಸ್ತುಹೋಮ, ಸುಬ್ರಹ್ಮಣ್ಯ ಬಿಂಬಾಧಿವಾಸ ನಡಪರೆ ಉಂಡು.

ಎ.3 ನೇ ಐತಾರ ಕಾಂಡೆ ಆದ್ಯಗಣಹೋಮ, ದುರ್ಗಾಶಾಂತಿ ಹೋಮ, ದೇವೀ ಪುನಃ ಪ್ರತಿಷ್ಠೆ, ಅಷ್ಟಬಂಧ, ಸುಬ್ರಹ್ಮಣ್ಯ ಪ್ರತಿಷ್ಠೆ, ಶಕ್ತಿಯಾಗ, ಪೀಠಿಕಾಯಾಗ, ಪ್ರತಿಷ್ಠಾಹೋಮ,ಆಶ್ಲೇಷಾಬಲಿ, ನವಕಪಧಾನಹೋಮ, ಸುಬ್ರಹ್ಮಣ್ಯ ಕಲಶಾಧಿವಾಸ ಹೋಮ ಭೂವರಾಹ ಮಂತ್ರಹೋಮ, ಶಕ್ತಿದಂಡಕ ಪೂಜೆ, ದೀಪ ನಮಸ್ಕಾರ, ಕಲ್ಕುಡ, ರಕ್ತೇಶ್ವರಿ , ನಂದಿಗೋಣ, ಕ್ಷೇತ್ರಪಾಲ ದೈವೊಲೆಗ್ ನವಕ ಪ್ರಧಾನ ಹೋಮ ನಡಪರೆ ಉಂಡು.

ಎ.4ನೇ ಸೋಮಾರ ದಾನಿ
ಅದ್ಯಗಣಹೋಮ, ದುರ್ಗಾಪ್ರಾಯಶ್ಚಿತ್ತ ಹೋಮ, ಮಹಾಮೃತ್ಯುಂಜಯ ಹೋಮ, ಶ್ರೀ ಸೂಕ್ತ ಪುರುಷಸೂಕ್ತ ಹೋಮ, ನವಗ್ರಹ ಹೋಮ ಮಹಾಸುದರ್ಶನ ಹೋಮ, ಆಘೋರ ಹೋಮ, ವನದುರ್ಗಾಹೋಮ ನಡಪರೆ ಉಂಡು.

ಎ.5 ಕ್ಕ್ ಅಂಗಾರೆ ದಾನಿ
ಆದ್ಯಗಣಹೋಮ, ಮೂಲಮಂತಹೋಮ, ದುರ್ಗಾಹೋಮ, ಗಣಪತಿ ಕುಶಾಧಿವಾಸ ಹೋಮ, ತತ್ತಹೋಮ,ಮಂಟಪಸಂಸ್ಕಾರ
ವಾಸ್ತುಪೂಜೆ, ಮಂಡಲ ರಚನೆ, ಗೋಪುರ ಶಿಖರ ಪ್ರತಿಷ್ಠ ನಡಪರೆ ಉಂಡು.

ಎ.6ಕ್ಕ್ ಬುದಾರ ದಾನಿ ಕಾಂಡೆ,ಅದ್ಯಗಣಹೋಮ, ಮೂಲಮಂತ್ರಹೋಮ,ಕಾಂಡೆ ಗಂಟೆ 9.10ಕ್ ಬರ್ಪಿನ ವೃಷಭಲಗ್ನ ಸುಮುಹೂರ್ತಡ್ ಬ್ರಹ್ಮಕುಂಭಾಭಿಷೇಕ, ಪಲ್ಲಪೂಜೆ,ಸಾರ್ವಜನಿಕ ಅನ್ನಸಂತರ್ಪಣೆ ಉತ್ಸವ, ರಂಗಪೂಜೆ, ಭೂತಬಲಿ ನಡಪರೆ ಉಂಡು.ಎ.7 ಕ್ಕ್ ಗುರುವಾರದಾನಿ ಕಾಂಡೆ ಸಂಕ್ಷಣೆ, ನವಚಂಡಿಕಾಯಾಗ ನಡಪೆರೆ ಉಂಡು.

ಶ್ರೀ ರಕ್ತೇಶ್ವರಿ ದೈವಸ್ಥಾನ : 60 ವರ್ಷಗೊರ ನಡಪುನ ಶ್ರೀ ರಕ್ತೇಶ್ವರಿ ಬೊಕ್ಕ ವ್ಯಾಘ್ರ ಚಾಮುಂಡಿ ದೈವದ ಗಡುವಾಡು ನೇಮೋಚ್ಚಯ

Mar 22, 2022

ಒಡಿಪು : ಶ್ರೀ ಕ್ಷೇತ್ರ ಕುಂಟಾಡಿ ಶ್ರೀ ರಕ್ತೇಶ್ವರಿ ದೈವಸ್ಥಾನಡ್ ತಾರೀಖ್ 27-03-2022ನೇ ಐತಾರ ದಾನಿ ಕುಂಟಾಡಿ ಬಂಜಿನಡ್ಕ ತಾವುಡು ಶ್ರೀ ರಕ್ತೇಶ್ವರಿ ಬೊಕ್ಕ ವ್ಯಾಘ್ರ ಚಾಮುಂಡಿ ದೈವದ 60 ವರ್ಷಗೊರ ನಡಪುನ ಗಡುವಾಡು ನೇಮೋಚ್ಚಯ ವೇದಮೂರ್ತಿ ಪುತ್ತೂರು ಶ್ರೀ ಶ್ರೀನಿವಾಸ ತಂತ್ರಿಲೆನ ಮುತಾಲಿಕೆಡ್ ನಡಪೆರೆ ಉಂಡು.

ಆ ನೆಲೆಟ್ಟ್ ಭಕ್ತಾಭಿಮಾನಿಲಾಯಿನ ಮಾತೆರ್ಲ ಈ ಪುಣ್ಯ ಕಜ್ಜಾಡ್ ಪಾಲ್ ಪಡೆದ್ ತನು-ಮನ-ಧನಟ್ ಸಾಕಾರ ಕೊರ್ದು , ಶ್ರೀ ದೈವದ ಸಿರಿಮುಡಿ ಗಂಧ-ಪ್ರಸಾದ ಸ್ವೀಕಾರ ಮಲ್ತ್ , ಶ್ರೀ ದೈವದ ಕೃಪೆಗ್ ಪಾತ್ರರಾವೊಡು ಪಂದ್ ಬಿನ್ನಾಪು ಮಲ್ದೆರ್.

ಈ ನೆಲೆಟ್ಟ್ ಮಾ.23 ನೇ ಸೋಮಾರದಾನಿ ಕಾಂಡೆ 9.15ಕ್ ಕೋರಿದ ಕಟ್ಟ, ಐರ್ದ್ ಬೊಕ್ಕ ಹಿರ್ತಬೆಟ್ಟು ಗುತ್ತುರ್ದು ಶ್ರೀ ದೈವದ ಭಂಡಾರ ಬರಿಯೆರೆ ಉಂಡು. ಕಾಂಡೆ 11 ಗಂಟೆಗ್ ನವಕ ಪ್ರಧಾನ ಹೋಮ,12 ಗಂಟೆಗ್ ಕಲಶಾಭಿಷೇಕ,ಮಧ್ಯಾಹ್ನ ಮಹಾಪೂಜೆ, ಮಧ್ಯಾಹ್ನ 12:30 ಕ್ ನಂದಿಗೊಣ ಹೋಮ ನಡಪರೆ ಉಂಡು.ಐರ್ದ್ ಬೊಕ್ಕ
ಸಾರ್ವಜನಿಕ ಅನ್ನಸಂತರ್ಪಣೆ ನಡಪರೆ ಉಂಡು.

ಉಡುಪಿದ ಸುದ್ದಿ | Udupi News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ರಪಕ್ಕ ಸುದ್ದಿ Flash News

ರೇಡಿಯೋ ಮಣಿಪಾಲ್ 90.4 Mhz, ಎಂ.ಐ.ಸಿ ಕ್ಯಾಂಪಸ್, ಮಣಿಪಾಲ: ದೇಸಿ ಸೊಗಡು ಸಮುದಾಯ ಬಾನುಲಿ

Mar 22, 2022

ಒಡಿಪು : ಗ್ರಾಮೀಣ ಪರ್ಪಿನ ನೀರ್ ಬೊಕ್ಕ ನೈರ್ಮಲ್ಯ ಇಲಾಖೆ ಬೆಂಗ್ಳೂರು, ಕರ್ನಾಟಕ ಸರ್ಕಾರ ಅಟ್ಟನೆ ಮಲ್ಪುನ“ಶುದ್ಧ ಜಲ , ಸ್ವಚ್ಛ ನೆಲ , ಆರೋಗ್ಯವಾದ್ ಉಪ್ಪಡ್ ಜೀವಸಂಕುಲ”ಬಾನುಲಿ ಸರಣಿ ಲೇಸ್ ಡ್ ಮಾರ್ಚ್ ತಿಂಗೊಲ್ ದ 22ನೇ ತಾರಿಕ್ ಅಂಗಾರೆ ದಾನಿ ವಿಶ್ವ ಜಲದಿನತ ನೆಲೆಟ್ಟ್ ಬೈಯ್ಯಗ್ 6 ಗಂಟೆಗ್ ಅಂತರ್ಜಲದ ಪ್ರಾಮುಖ್ಯತೆ ಬಗ್ಗೆ ಲೇಸ್ ನಡಪರೆ ಉಂಡು .ಕರ್ನಾಟಕ ರಾಜ್ಯ ಮಾಲಿನ್ಯ ನಿಯಂತ್ರಣ ಮಂಡಳಿ, ಒಡಿಪು ಪ್ರಾದೇಶಿಕ ಕಚೇರಿದ ಪರಿಸರಾಧಿಕಾರಿ ಡಾ.ಹೆಚ್ ಲಕ್ಷ್ಮೀಕಾಂತ್ ಪಾಲ್ ಪಡೆಯೆರೆ ಉಲ್ಲೆರ್.

ಮಾರ್ಚ್ 23ಕ್ಕ್ ಮಧ್ಯಾಹ್ನ 1ಗಂಟೆಗ್ ನೆತ್ತ ಕುಡ ಪ್ರಸಾರ ಆಯರೇ ಉಂಡು.

kudla

ಒಡಿಪುರ್ದು ಬೊಕ್ಕ ಕುಡ್ಲಡ್ಲಾ ದಕ್ಷಿಣ ಮುಸ್ಲಿಂ ಬೇರದಕ್ಲೆಗ್ ಆರ್ಥಿಕ ಬಹಿಷ್ಕಾರ

ಸೈನ್ಯಗ್ ಸೇರುನ ಆಸೆಡ್ ಬೇಲೆ ಮುಗಿತ್ ದಿನಾಲ ಪತ್ತ್ ಕಿಲೋಮೀಟರ್ ಬಲ್ತೊಂದು ಇಲ್ಲ್ ಸೇರಿನ ಜವಣ್ಯೆ

ಕಾರ್ಲ: ಡಾ. ಟಿಎಂಎ ಪೈ ರೋಟರಿ ಆಸ್ಪತ್ರೆಗ್ ಎನ್‌ಬಿಎಚ್ ಮಾನ್ಯತೆ

ಧರ್ಮಸ್ಥಳಡ್ ಮಾರ್ಚ್ 29 ಗ್ ಯೋಗ ಉಚ್ಚಯ

ಕುಡ ಜಾಸ್ತಿ ಆಂಡ್ ಬಂಗಾರ್ದ ಬಿಲೆ

ಪುತ್ತೂರು ಶ್ರೀ ಮಹಾಲಿಂಗೇಶ್ವರ ದೇವಲ್ಯದ ಜಾತ್ರೋಚ್ಚಯದ ಲೆಪ್ಪೋಲೆ ಬುಡುಗಡೆ

ಶ್ರೀ ಜಯದುರ್ಗಾಪರಮೇಶ್ವರಿ ದೇವಸ್ಥಾನ : ಕನ್ನರ್ಪಾಡಿ ಶ್ರೀ ಜಯದುರ್ಗಾ ಅಪ್ಪೆನ ಬ್ರಹ್ಮಕುಂಭಾಭಿಷೇಕ

ಶ್ರೀ ರಕ್ತೇಶ್ವರಿ ದೈವಸ್ಥಾನ : 60 ವರ್ಷಗೊರ ನಡಪುನ ಶ್ರೀ ರಕ್ತೇಶ್ವರಿ ಬೊಕ್ಕ ವ್ಯಾಘ್ರ ಚಾಮುಂಡಿ ದೈವದ ಗಡುವಾಡು ನೇಮೋಚ್ಚಯ

ರೇಡಿಯೋ ಮಣಿಪಾಲ್ 90.4 Mhz, ಎಂ.ಐ.ಸಿ ಕ್ಯಾಂಪಸ್, ಮಣಿಪಾಲ: ದೇಸಿ ಸೊಗಡು ಸಮುದಾಯ ಬಾನುಲಿ

You Missed

ತೀಯಾ ಸೇವಾ ಸಹಕಾರ ಸಂಘದ 10ನೇ ವರ್ಷದ ಮಹಾಸಭೆ

ಇನಿ ಕಾಪು ಪೊಸ ಮಾರಿಗುಡಿಟ್ಟ್ ಕಾಲಧಿದ ಪೂತ್ತ ಪೂಜೆ

ಕಿನ್ನಿಗೋಳಿ ರಾಘವೇಂದ್ರ ಸ್ವಾಮಿಲೆನ ಆರಾಧನಾ ಮಹೋತ್ಸವ, ಧಾರ್ಮಿಕ ಸಭೆ

ತುಳು ಬಾಸೆಡ್ ‘ಹಲ್ಕಾ ಡಾನ್’ ಪಿಚ್ಚರ್