kudla

ದೇವೆರೆ ಪಾದೋ ಸೇರ್ಯೆರ್ ಕರ್ನಾಟಕ ತುಳು ಸಾಹಿತ್ಯ ಅಕಾಡೆಮಿ ಸದಸ್ಯೆರಾಯಿನ ನಿಟ್ಟೆ ಶಶಿಧರ ಶೆಟ್ರ್

Jun 1, 2022

ದೇವೆರೆ ಪಾದೋ ಸೇರ್ಯೆರ್ ಕರ್ನಾಟಕ ತುಳು ಸಾಹಿತ್ಯ ಅಕಾಡೆಮಿ ಸದಸ್ಯೆರಾಯಿನ ನಿಟ್ಟೆ ಶಶಿಧರ ಶೆಟ್ರ್

ಕುಡ್ಲ : ಕರ್ನಾಟಕ ತುಳು ಸಾಹಿತ್ಯ ಅಕಾಡೆಮಿ ಸದಸ್ಯ, ಬಂಟರ ಮಾತೃಸಂಘದ ಮಾಜಿ ಕಾರ್ಯದರ್ಶಿ ಕುಡ್ಲದ ಪದವಿನಂಗಡಿ ನಿವಾಸಿ ಲಯನ್ಸ್ ನಿಟ್ಟೆ ಶಶಿಧರ ಶೆಟ್ಟಿ (66) ಇನಿ ಕಾಂಡೆ ದೇವೆರೆ ಪಾದೋ ಸೇರ್ಯೆರ್ .

ಅವ್ವೆತೋ ಸಂಘಟನೆಗಲೆಡ್ ಬೆನ್ನಿ ಬೆನೊಂದು ಇತ್ತಿನ ಮೇರ್ ಜನಾನುರಾಗಿಯಾದ್ ಇತ್ತೆರ್ . ಲಯನ್ಸ್ ಗುರ್ಕಾರ್ಲಾದ್ , ತುಳುಕೂಟ ಕುಡ್ಲದ ಪೆರಿಯ ಸದಸ್ಯೆಯಾದ್ , ಶಾರದಾ ಕ್ಯಾಟರರ್ಸ್ ಸಂಸ್ಥೆದ ಗುರ್ಕಾರ್ಲಾದ್,ಪದವಿನಂಗಡಿ ಗಣೇಶೋತ್ಸವ ಸಮಿತಿದ ಮಾಜಿ ಗುರ್ಕಾರ್ಲಾದ್, ಅಖಿಲ ಭಾರತ ತುಳು ಒಕ್ಕೂಟದ ಪ್ರಧಾನ ಕಾರ್ಯದರ್ಶಿ ಯಾದ್ ನನಾತ್ ಸಂಘಸಂಸ್ಥೆಡ್ ಸಕ್ರಿಯೆರಾದ್ ಇತ್ತೆರ್ .

ಮೆರ್ನ ಅಂತ್ಯ ಕ್ರಿಯೆ ಜೂನ್ 4 ಕ್ಕ್ ನಡಪೆರೆ ಉಂಡು . ಲಯನ್ಸ್ ನಿಟ್ಟೆ ಶಶಿಧರ ಶೆಟ್ರೆನ ಮರಣಗ್ ಅವ್ವೆತೋ ಗಣ್ಯೆರ್ ಕಣ್ಣ ನೀರ ಪನಿತರ್ಪಣ ಮಲ್ದೆರ್ .

ಕೆಬಿಸಿ ಇನಾಮುದ ಪುದರ್ ಡ್ 100ರ್ದ್ ಜಾಸ್ತಿ ಜನಕ್ ಡೋಂಗಿ: ರಡ್ಡ್ ಜನನ್ ಪತ್ತಿನ ಪೋಲಿಸೆರ್

Jun 1, 2022

ಕೆಬಿಸಿ ಇನಾಮುದ ಪುದರ್ ಡ್ 100ರ್ದ್ ಜಾಸ್ತಿ ಜನಕ್ ಡೋಂಗಿ: ರಡ್ಡ್ ಜನನ್ ಪತ್ತಿನ ಪೋಲಿಸೆರ್

ಕುಡ್ಲ : ಕೆಬಿಸಿ ಇನಾಮುದ ಪುದರ್ ಡ್ ಕುಡ್ಲದ ದಂಪತಿಲೆಗ್ ವಂಚನೆ ಮಲ್ಪರೆ ಯತ್ನ ಮಲ್ತಿನ ಘಟನೆ ನಡತುಂಡು . ಮೇ 26 ಕ್ಕ್ +92 ರ್ದ್ ಸುರು ಆಪಿನ ಮೊಬೈಲ್‌ ಸಂಖ್ಯೆರ್ದ್ ದಂಪತಿಗ್ ವಾಟ್ಸ್‌ಆಯಪ್‌ ಸಂದೇಶ ಬತ್ತ್ ದ್ ಇತ್ತುಂಡು . ಐಟ್ “ನಿಕ್ಲೆಗ್ 25 ಲ.ರೂ.ಇನಾಮು ಬೈದುಂಡು . ಅವೆನ್ ಪಡೆಯೆರೆ ಬ್ಯಾಂಕ್‌ದ ವಿವರದೊಟ್ಟುಗು ವಾಟ್ಸ್‌ಆಯಪ್‌ ಕಾಲ್‌ ಮಾತ್ರ ಮಲ್ಪೊಡು ಪಂದ್ ಬರೆದ್ ಇತ್ತೆರ್ ’.

25 ಲ.ರೂ. ಮೊತ್ತ ಪಾಡಿನ ಎಸ್‌ಬಿಐ ಚೆಕ್‌ದ ಚಿತ್ರ ಬೊಕ್ಕ ಐಟ್ ಅಮಿತಾಭ್‌ ಬಚ್ಚನ್‌ ಚಿತ್ರ ಅಂಚನೆ ಕೆಬಿಸಿ ಲೋಗೊ ಪಾರ್ದ್ ಇತ್ತೆರ್ ಪಂದ್ ದಂಪತಿ ದೂರು ಕೊರ್ತೆರ್ . ವಂಚಕೆರ್ ಇಂಚನೇ ಡೋಂಗಿ ಮಲ್ಪುನ ಸಾಧ್ಯತೆ ಉಂಡು . ಜನಕುಲು ಜಾಗ್ರತೆಡ್ ಇಪ್ಪೊಡು ಪಂದ್ ಬಿನ್ನಾಪು ಮಲ್ದೆರ್.

100ರ್ದ್ ಜಾಸ್ತಿ ಜನಕ್ ಡೋಂಗಿ : ರಡ್ಡ್ ಜನನ್ ಪತ್ತಿನ ಪೊಲೀಸೆರ್
ಇಂಚನೇ ವಂಚನೆ ದಿಲ್ಲಿಡ್ ಲಾ ಆತುಂಡು l ಪೊಂಜೊವ್ ಕೊರಿನ ದೂರು ದ ಪ್ರಕಾರ ದಿಲ್ಲಿ ಪೊಲೀಸೆರ್ ಕಾರ್ಯಾಚರಣೆ ಮಲ್ತ್ ವಂಚಕೆರಾಯಿನ ಬಿಹಾರ ಮೂಲದ ಪ್ರಣವ್‌ ಕುಮಾರ್‌ ಮಿಶ್ರಾ (23) ಬೊಕ್ಕ ಝಾರ್ಖಂಡ್‌ ಮೂಲದ ಗೌತಮ್‌ ಪ್ರಸಾದ್‌ ಯಾದವ್‌ (29) ನ್ ಅಂಗಾರೆ ಪತ್ತ್ ದೆರ್.

ಉಡುಪಿದ ಸುದ್ದಿ | Udupi News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ರಪಕ್ಕ ಸುದ್ದಿ Flash News

ಅಂತಾರಾಷ್ಟ್ರೀಯ ಮಟ್ಟದ ಮಾಸ್ಟರ್ಸ್ ಅಥ್ಲೆಟಿಕ್ ಗ್ ಆಯ್ಕೆ ಆಯಿನ ಒಡಿಪುದ ಸುರೇಶ್

Jun 1, 2022

ಅಂತಾರಾಷ್ಟ್ರೀಯ ಮಟ್ಟದ
ಮಾಸ್ಟರ್ಸ್ ಅಥ್ಲೆಟಿಕ್ ಗ್ ಆಯ್ಕೆ ಆಯಿನ ಒಡಿಪುದ ಸುರೇಶ್

ಒಡಿಪು : ಕೇರಳದ ತಿರುವನಂತಪುರಡ್ ನಡತಿನ ರಾಷ್ಟ್ರಮಟ್ಟದ ಮಾಸ್ಟರ್ಸ್ ಅಥ್ಲೆಟಿಕ್ ಕ್ರೀಡಾಕೂಟಡ್ ತೆಂಕನಿಡಿಯೂರು ಪ್ರಥಮ ದರ್ಜೆ ಕಾಲೇಜು ಬೊಕ್ಕ ಸ್ನಾತಕೋತ್ತರ ಅಧ್ಯಯನ ಕೇಂದ್ರದ ಸಿಬ್ಬಂದಿ ಸುರೇಶ್ ವೈಯಕ್ತಿಕ ಪಂಥಡ್ ಮೂಜಿ ಬೊಳ್ಳಿದ ಪದಕ ಪಡೆಯುನ ಮುಖೇನ ಅಂತಾರಾಷ್ಟ್ರೀಯ ಪಂಥಡ್ ಪಾಲ್ ಪಡೆಯುನ ಅರ್ಹತೆ ಪಡೆತೆರ್ .

ಸುರೇಶ್ ಮೇರ್ ೧೦,೦೦೦ಮೀ. ಬಲಿಪುನೆಟ್ಟ್ ಬೊಳ್ಳಿದ ಪದಕ, ೫,೦೦೦ ಮೀ. ಬಲಿಪುನೆಟ್ಟ್ ಬೊಳ್ಳಿದ ಪದಕ, ೧,೫೦೦ಮೀ. ಬಲಿಪುನೆಟ್ಟ್ ಕಂಚಿನ ಪದಕ ಗೆಂದಿನೆ ಅತ್ತoದೆ , ೪೦೦ಮೀ. ರಿಲೇ ಪಂಥಡ್ ಬಂಗಾರ್ದ ಪದಕ ಪಡೆತೆರ್.

ಮಣಿಪಾಲ : ವಿಶ್ವ ತಂಬಾಕು ರಹಿತ ದಿನದ ಕಲಾಕೃತಿ ಬುಡುಗಡೆ

Jun 1, 2022

ಮಣಿಪಾಲ: ವಿಶ್ವ ತಂಬಾಕು ರಹಿತ ದಿನಾಚರಣೆ-೨೦೨೨ನೆ ಪರವಾದ್ ಸಮುದಾಯ ವೈದ್ಯಕೀಯ ವಿಭಾಗ ಕೆಎಂಸಿ ಮಣಿಪಾಲ ಮೆಕ್ಲೆನ ಒಟ್ಟು ಸೇರಿಗೆಡ್ ಕಲಾವಿದ ಶ್ರೀನಾಥ್ ಮಣಿಪಾಲ ರಚನೆ ಮಲ್ತಿನ ತಂಬಾಕು ಜಾಗೃತಿ ಪ್ರತಿಷ್ಟಾಪನಾ ಕಲಾಕೃತಿದ ಬುಡುಗಡೆ ಅಂಗಾರೆ ನಡತುಂಡು .

ಕೆಎಂಸಿದ ಇಂಟರ್ಯಾಕ್ಟ್ ಚಾವಡಿಡ್ ನಡತಿನ ಲೇಸ್ ಡ್ ಕೆಎಂಸಿ ದ ಡೀನ್ ಡಾ.ಶರತ್ ರಾವ್ ಬೊಕ್ಕ ಕಸ್ತೂರ್ಬಾ ಆಸ್ಪತ್ರೆದ ವೈದ್ಯಕೀಯ ಅಧೀಕ್ಷಕ ಡಾ.ಅವಿನಾಶ್ ಶೆಟ್ಟಿ ವೈದ್ಯಕೀಯ ಜೋಕ್ಲೆನ ಮುತಾಲಿಕೆಡ್ ‘ತಂಬಾಕಿನ ಬಂಧನ-ಪರಿಸರದ ರೋಧನ’ ಪನ್ಪಿನ ತಂಬಾಕು ಜಾಗೃತಿ ಕಲಾಕೃತಿನ್ ಬುಡುಗಡೆ ಮಲ್ತೆರ್.

ಸಮುದಾಯ ವೈದ್ಯಕೀಯ ವಿಭಾಗದ ಸಹ ಪ್ರಾಧ್ಯಾಪಕ, ಜಿಲ್ಲಾ ತಂಬಾಕು ನಿಯಂತ್ರಣ ವಿಭಾಗದ ಸದಸ್ಯ ಡಾ.ಮುರುಳೀಧರ ಕುಲಕರ್ಣಿ ಕಲಾಕೃತಿದ ಬಗ್ಗೆ ಮಾಹಿತಿ ಕೊರಿಯೆರ್ . ಸಮುದಾಯ ವೈದ್ಯಕೀಯ ವಿಭಾಗದ ಮುಖ್ಯಸ್ಥ ಡಾ.ಅಶ್ವಿನಿ ಕುಮಾರ್ ಬೊಕ್ಕ ವಿಭಾಗದ ಪ್ರಾಧ್ಯಾಪಕೆರ್ ,ಸಿಬ್ಬಂದಿಲು ಪಾಲ್ ಪಡೆದಿತ್ತೆರ್.

Manipal: An artefact made for world tobacco day released.

Manipal : World Tobacco Day- 2022 the Community Medicine department KMC Manipal; artist Srinath Manipal had made an artefact to commorate the day; which was released on Tuesday the 31st of May.

The program held at KMC Interact hall the Dean Dr Sharath Rao and Dr Avinash Shetty medical Superintendent of KMC hospital and the medical students had made an artefact to create awareness of tobacco consumption and aptly named it as ” Tambakina Bandana Parisarada Rosana”.

Dr Muralidhar Kulkarni from the medical fraternity and member of the district tobacco
Control department gave an explanation of the artefact.

ಒಡಿಪುಡು ಇ ತ್ಯಾಜ್ಯ ಸಂಗ್ರಹ ಘಟಕ ಉದಿಪನ

Jun 1, 2022

ಒಡಿಪುಡು ಇ ತ್ಯಾಜ್ಯ ಸಂಗ್ರಹ ಘಟಕ ಉದಿಪನ

ಒಡಿಪು : ಪೇಂಟೆಡ್ ಸುರುತ ಸಲ ರೋಟರಿ ಕ್ಲಬ್ ಒಡಿಪು ಮೆಕ್ಲೆನ ಒಟ್ಟು ಸೇರಿಗೆಡ್ ಇಂದ್ರಾಳಿದ ಶ್ರೀಕೃಷ್ಣ ಪೆಟ್ರೋಲಿಯಂದ ಮುತಾಲಿಕೆಡ್ ಬೃಹತ್ ಈ ತ್ಯಾಜ್ಯ ಸಂಗ್ರಹ ಘಟಕನ್ ಸೋಮಾರ ದಾನಿ ಇಂದ್ರಾಳಿಡ್ ರೋಟರಿ ಜಿಲ್ಲೆ ೩೧೮೨ರ ಗವರ್ನರ್ ರಾಮಚಂದ್ರ ಮೂರ್ತಿ ಸಾರ್ವಜನಿಕ ಉಪಯೋಗಗಾದ್ ಲೋಕಾರ್ಪಣೆ ಮಲ್ತೆರ್ .

ರಾಯಲ್‌ದ ಗುರ್ಕಾರ್ಲಾಯಿನ ತೇಜೇಶ್ವರ ರಾವ್ ಲೇಸ್ ದ ಗುರ್ಕಾರ್ಮೆ ವಹಿಸಿಯೆರ್ . ನಗರಸಭಾ ಸದಸ್ಯೆರಾಯಿನ ಭಾರತಿ ಪ್ರಶಾಂತ್, ರಾಜು ಕಸ್ತೂರ್ಬಾ ನಗರ, ಅಶೋಕ್ ನಾಯ್ಕ್, ಮಂಜುನಾಥ್ ಮಣಿಪಾಲ, ವಲಯ ೪ರ ಸಹಾಯಕ ಗವರ್ನರ್ ಡಾ.ಸುರೇಶ ಶೆಣೈ, ವಲಯ ಸೇನಾನಿ ಉಮೇಶ್ ರಾವ್, ನಿಯೋಜಿತ ಸಹಾಯಕ ಗವನರ್ರ್ ರಾಮಚಂದ್ರ ಉಪಾಧ್ಯ, ಕ್ಲಬ್ ನಿರ್ದೇಶಕ ಸುಧಾಕರ್, ಕೀರ್ತಿರಾಜ್, ಮಹಮ್ಮದ್ ಮೌಲಾ ಪಾಲ್ ಪಡೆದಿತ್ತೆರ್.

ಸ್ಥಾಪಕ ಗುರ್ಕಾರ್ಲಾಯಿನ ರತ್ನಾಕರ ಇಂದ್ರಾಳಿ ಲೇಸ್ ನಡಪಾದ್ ಕೊರಿಯೆರ್.

E waste collection centre started in Udupi.

Udupi: The Rotary club of Udupi and Indrali Sri Krishna Petroleum came together to start am E waste centr in Udupi district at Indrali by Rotary district governor Ramachandra Murthy .The program was presided by Tejaswini Rao.Tiwn municipal council members Bharathi Prashant, Raju Kasturba Nagar, Ashok Naik, Manjunath Manipal, Assistant governer Rtn Dr Suresh Shenoy, Rtn Umesh Rao, Rtn Ramachandra Upadhyay Club director Sudhakar and othei participated.

ಉಡುಪಿದ ಸುದ್ದಿ | Udupi News ಊರ್ದ ಸುದ್ದಿ Regional News ಕಾರ್ಲದ ಸುದ್ದಿ Karkala News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ರಪಕ್ಕ ಸುದ್ದಿ Flash News

ಪಾಂಗಳ ಕೈತಲ್ದ ಗರೋಡಿಲೆನ ಮಾಹಿತಿ ಒಟ್ಟು ಮಲ್ಪುನ ಕಜ್ಜ ಸುರು

May 31, 2022

ಪಾಂಗಳ: ಒಡಿಪುದ ಶ್ರೀ ಬ್ರಹ್ಮ ಬೈದರ್ಕಳ ಸಾಂಸ್ಕೃತಿಕ ಅಧ್ಯಯನ ಕೇಂದ್ರ ಆಶ್ರಯೊಡು ಗರೋಡಿಲೆನ ಅಧ್ಯಯನ ಬೊಕ್ಕ ಸಂಶೋಧನಾ ಬೂಕು ಮಲ್ಪರೆಗಾದ್ ಉದ್ಯಾರ ಕೈತಲ್ದ ಪಾಂಗಳ ಪರಿಸರದ ಗರೋಡಿಲೆನ ಮಾಹಿತಿ ಒಟ್ಟಿ ಮಲ್ಪುನ ಕಜ್ಜಗ್ ಮೇ 28 ಕಾಂಡೆ ಸುರುವಾತ್ಂಡ್.

ಈ ಪೊರ್ತುಡು ಮಲ್ಲ ಬಿನ್ನೆರಾದ್ ಪಾಂಗಳ ಗುಡ್ಡೆ ಗರೋಡಿದ ಆಡಳಿತ ಮೊಕ್ತೇಸರೆರ್ ಶೇಖರ ಜಿ ಅಮೀನ್, ನಂದಾ ಗೋಲ್ಡ್ ಒಡಿಪುದ ಧನಿಕುಲು ಸದಾನಂದ ಪೂಜಾರಿ, ಜಯ ಡಿ. ಅಮೀನ್, ಸುಧಾಕರ್ ಡಿ. ಅಮೀನ್, ಘನಶ್ಯಾಮ್ ಮಲ್ಪೆ ಇತ್ತೆರ್.

ಲೇಸ್ ದ ಗುರ್ಕಾರ್ಮೆನ್ ಸಂಸ್ಥೆದ ಅಧ್ಯಕ್ಷೆರಾಯಿನ ದಾಮೋದರ್ ಕಲ್ಮಾಡಿ ಮೇರ್ ವಹಿಸ್ ದಿತ್ತೆರ್. ಉಪಾಧ್ಯಕ್ಷೆರ್ ಶೇಖರ್ ಮಾಸ್ಟರ್ ಕಲ್ಮಾಡಿ ಅಂಚನೆ ವೇದಿಕೆಡ್ ಸುಮಾರ್ 12 ಗರೋಡಿದ ಪ್ರತಿನಿಧಿಲು ಇತ್ತೆರ್.

ಕಾರ್ಯದರ್ಶಿ ಎಮ್ ಮಹೇಶ್ ಕುಮಾರ್ ಬತ್ತಿನ ಬಿನ್ನೆರ್ ನ್ ಎದ್ಕೊನಿಯೆರ್ ಅಂಚನೆ ಕಾರ್ಯಕ್ರಮದ ನಿರೂಪಣೆ ಮಲ್ತೆರ್. ಉಪಾಧ್ಯಕ್ಷೆರ್ ಶೇಖರ್ ಮಾಸ್ಟರ್ ಸೊಲ್ಮೆ ಸಂದೈತ ಮಲ್ತೆರ್. ಈ ಸಂಸ್ಥೆದ ಶೇಖರ್ ಪೂಜಾರಿ, ಚೆಲುವರಾಜ್ ಪೆರಂಪಳ್ಳಿ, ಗಂಗಾಧರ ಕಿದಿಯೂರು, ಮಹೇಶ ಎನ್, ಹರೀಶ್ ಎಂ ಕೆ, ಸೂರ್ಯೋದಯ ಪೆರಂಪಳ್ಳಿ ಲೇಸ್ ಡ್ ಇತ್ತೆರ್.

Collection of data from Garodis in Pangala vicinity started

Pangala: The Udupi Sri Brahmabaidarkalu Samskritika Adyayana Kendra has taken up the task of collection of data from Garodis in the Pangala vicinity ; the program for which was conducted on May 28th.

The chief guest at the program was Shekhar G Amin the managing trustee of Pangala Gudde Garodi, the proprietor of Nanda Gold Udupi Sadanand Pojary.

The program was presided by the president of the Research centre Damodar Kalmadi.About 12 representatives from various Garodis were on the dias. The secretary M Mahesh Kumar welcomed the guests.The vice president Shekhar Master rendered the vote of thanks.

ಕುಡ್ಲದ ರಾಮಕೃಷ್ಣ ಮಠಕ್ 75 ವರ್ಷದ ಗೌಜಿ : ಜೂ.3 ಬೊಕ್ಕ 4ಕ್ಕ್ ಅಮೃತ ಉಚ್ಚಯ

May 31, 2022

ಕುಡ್ಲದ ರಾಮಕೃಷ್ಣ ಮಠಕ್ 75 ವರ್ಷದ ಗೌಜಿ : ಜೂ.3 ಬೊಕ್ಕ 4ಕ್ಕ್ ಅಮೃತ ಉಚ್ಚಯ

ಕುಡ್ಲ : ಕುಡ್ಲದ ರಾಮಕೃಷ್ಣ ಮಠಕ್ ಜೂ.3 ಕ್ಕ್
75 ವರ್ಷ ಆಪಿನ ನೆಲೆಟ್ಟ್ ಜೂ.3 ಬೊಕ್ಕ 4 ಕ್ಕ್ ಪೇಂಟೆದ ರಾಮಕೃಷ್ಣ ಮಠದ ಚಾವಡಿಡ್ ಅಮೃತ ಉಚ್ಚಯ ನಡಪೆರೆ ಉಂಡು ಪಂದ್ ಮಠದ ಗುರ್ಕಾರ್ಲಾಯಿನ ಸ್ವಾಮಿ ಜಿತಕಾಮಾನಂದಜಿ ಪಂಡೆರ್ .

ಮೇರ್ ಸೋಮಾರ ದಾನಿ ಪೇಂಟೆದ ಮಠಟ್ ನಡತಿನ ಸುದ್ದಿಗೋಷ್ಠಿಡ್ ಈ ಬಗ್ಗೆ ಪಾತೆರಿಯೆರ್, ಜೂ.3 ಕ್ಕ್ ಕಾಂಡೆ 6.3೦ರ್ದ್ ರಾಮಕೃಷ್ಣ ಪರಮಹಂಸೆರೆಗ್ ವಿಶೇಷ ಪೂಜೆ ಬೊಕ್ಕ ಹೋಮ ಕಾಂಚೀಪುರಂನ ರಾಮಕೃಷ್ಣ ಮಠದ ಗುರ್ಕಾರ್ಲಾಯಿನ ಸ್ವಾಮಿ ಸತ್ಯ ವಿದಾನಂದಜಿ ಮಹರಾಜ್ ಮೇರ್ ಸ್ವಾಮಿ ವೀರೇಶ್ವರಾನಂದ ಸಾಧು ನಿವಾಸ ಅಮೃತ ಸದನಡ್ ಮಲ್ಪೆರೆ ಉಲ್ಲೆರ್.

ಕಾಂಡೆ 9 ಗಂಟೆಗ್ ಶ್ರೀ ಮಂಗಳಾದೇವಿ ದೇವಲ್ಯೊಡು ವಿಶೇಷ ಪೂಜೆ ಮಲ್ತಿ ಬೊಕ್ಕ ಶ್ರೀ ಮಠದ ಮಹಾದ್ವಾರ ಮುಟ ಸಾಧುಲು ಬೊಕ್ಕ ಭಕ್ತೆರ್ನ ಮುತಾಲಿಕೆಡ್ ಶೋಭಾಯಾತ್ರೆ ಬೊಕ್ಕ ಪೂರ್ಣಕುಂಭ ಸ್ವಾಗತ ನಡಪೆರೆ ಉಂಡು . ಕಾಂಡೆ 9.15ಕ್ ಬೇಲೂರು ಮಠ ಬೊಕ್ಕ ಪಶ್ಚಿಮ ಬಂಗಾಳದ ರಾಮಕೃಷ್ಣ ಮಠ ಅಂಚನೆ ರಾಮಕೃಷ್ಣ ಮಿಷನ್‌ನ ಉಪಾಧ್ಯಕ್ಷ ಸ್ವಾಮಿ ಗೌತಮಾನಂದಜಿ ಮಹಾರಾಜ್ ಮೇರ್ ಶ್ರೀ ಮಠದ ಪೊಸ ಮಹಾದ್ವಾರದ ಲೋಕಾರ್ಪಣೆ ಮಲ್ಪರೆ ಉಲ್ಲೆರ್ .

ತೊಕ್ಕೊಟ್ಟು ಜಂಕ್ಷನ್ ಡ್ ಜಿಲ್ಲೆಡೇ ಮಾಮಲ್ಲ ಧ್ವಜಸ್ತಂಭ ಸ್ಥಾಪನೆಗ್ ಕೆಸರ್ ಕಲ್ಲ್ ದ ಲೇಸ್

May 31, 2022

ತೊಕ್ಕೊಟ್ಟು ಜಂಕ್ಷನ್ ಡ್ ಜಿಲ್ಲೆಡೇ ಮಾಮಲ್ಲ ಧ್ವಜಸ್ತಂಭ ಸ್ಥಾಪನೆಗ್ ಕೆಸರ್ ಕಲ್ಲ್ ದ ಲೇಸ್

ಉಳ್ಳಾಲ: ಪ್ರವಾಸೋದ್ಯಮ ಬೊಕ್ಕ ಶೈಕ್ಷಣಿಕ ನಗರಿಯಾದ್ ಬುಲೆಯೊಂದು ಇಪ್ಪುನ ಉಳ್ಳಾಲ ತಾಲೂಕು ಒಟ್ಟು ಸೇರುನ ಉಳ್ಳಾಲ ನಗರಸಭಾ ವ್ಯಾಪ್ತಿದ ರಾಷ್ಟ್ರೀಯ ಹೆದ್ದಾರಿ 11ರ ತೊಕ್ಕೊಟ್ಟು ಓವರ್‌ಬ್ರಿಡ್ಜ್ ಕೈತಲ್ ಅಂಚನೆ ಕುಡ್ಲ ವಿವಿ ಸಹಿತ ಉನ್ನತ ಶಿಕ್ಷಣ, ವೈದ್ಯಕೀಯ ಶಿಕ್ಷಣ ಕೇಂದ್ರವಾಯಿನ ದೇರಳಕಟ್ಟೆ ಸೇರುನ ತೊಕ್ಕೊಟ್ಟು ಜಂಕ್ಷನ್‌ದ ಕುಡ್ಲ ಎಎ ಮಾರ್ಗಡ್ 100 ಫೀಟ್ (30.5 ಮೀಟರ್) ಎತ್ತರದ ರಾಷ್ಟ್ರೀಯ ಧ್ವಜ ಸ್ತಂಭ ನಿರ್ಮಾಣಲ್ ಆಯೆರೆ ಉಂಡು ಓವರ್ ಬ್ರಿಡ್ಜ್ ಕೈತಲ್ ರಾಷ್ಟ್ರಧ್ವಜ ಸ್ತಂಭ (ಹೈಮಾಸ್ಟ್ ವ್ಯಾಗ್) ನಿರ್ಮಾಣಗ್ ಮೇ 31ಕ್ಕ್ ಕೆಸರ್ ಕಲ್ಲ್ ಪಾಡುನ ಲೇಸ್ ನಡಪರೆ ಉಂಡು .

ಉಳ್ಳಾಲಗ್ ಪೊಗ್ಗುನ ಜಾಗೆಡೆ ಧ್ವಜಸ್ತಂಭ ನಿರ್ಮಾಣ ಕಾರ್ಯಗ್ ದುಂಬೇ ರಾಜ್ಯ ಸರಕಾರಗ್ ಪ್ರಸ್ತಾವನೆ ಕೊರ್ತೆರ್ ಇತ್ತೇ ರಾಜ್ಯ ಹಣಕಾಸು ಆಯೋಗದ ಇಸೇಸ ಅನುದಾನದಡಿಟ್ (ಎಸ್‌ಎಫ್‌ಸಿ) ಸುಮಾರ್ 35 ಲಕ್ಷ ರೂ. ಪಣವುಡು ಧ್ವಜಸ್ತಂಭ ನಿರ್ಮಾಣ ಆಯೆರೆ ಉಂಡು , ಒಂಜಿ ತಿಂಗೊಲ್ ದ ಉಲಯಿ ತೊಕ್ಕೊಟ್ಟು ಓವರ್ ಬ್ರಿಡ್ಜ್ ದ ಕೈತಲ್ ಧ್ವಜಸ್ತಂಭ ನಿರ್ಮಾಣ ಕಾರ್ಯ ಪೂರ್ಣ ಆಯೆರೆ ಉಂಡು..

ಜಿಲ್ಲೆದ ಸುರುತ ಮಾಮಲ್ಲ ಧ್ವಜಸ್ತಂಭ

ಇತ್ತೆ ದೇಶಡ್ ಸುಮಾರ್ 275 ಏ ಕ್ಲಾಸ್ ರೈಲ್ವೇ ನಿಲ್ದಾಣ ಬೊಕ್ಕ ಮಾತಾ ಏರ್ ಪೋರ್ಟ್‌ಡ್ ಮಲ್ಲ ಗಾತ್ರದ ಧ್ವಜಸ್ತಂಭ ಉಂಡು. ಕುಡ್ಲದ ರೈಲ್ವೆ ನಿಲ್ದಾಣ ಬೊಕ್ಕ ಏರ್ ಪೋಟ್೯ಡ್ ಇತ್ತೆ ನಿರ್ಮಾಣ ಆತುಂಡು . ಆಂಡ ನಗರಸಭಾ ವ್ಯಾಪ್ತಿಡ್ ನಗರಸಭೆರ್ದ್ ಆವೊಂದು ಉಪ್ಪುನ ಜಿಲ್ಲೆದ ಏಕೈಕ ಧ್ವಜಸ್ತಂಭ ಪನ್ಪಿನ ಪುಗಾರ್ತೆ ಪಡೆಯೆರೆ ಉಂಡು . ಸಾಗರ ನಗರಪಾಲಿಕೆರ್ದ್ ಇತ್ತೆ 50 ಮೀಟರ್ ಎತ್ತರದ ಧ್ವಜಸ್ತಂಭ ಉಂಡು , 15 ಮೀಟರ್ ಎತ್ತರದ ಧ್ವಜಸ್ತಂಭ ಬೆಳಗಾಂಡ್ ಉಂಡು .

ರಾತ್ರಿ ಪಗೆಲ್ ರಾವರೆ ಉಂಡು ರಾಷ್ಟ್ರೀಯ ಧ್ವಜ

ಪ್ಲಾಗ್ ಕೋಡ್ ಆಫ್ ಇಂಡಿಯಾದ ನಿರ್ಣಯದ ಪ್ರಕಾರ 100 ಫೀಟ್ ಎತ್ತರದ ಧ್ವಜಸ್ತಂಭ ಇತ್ತುಂಡ ರಾಷ್ಟ್ರೀಯ ಧ್ವಜನ್ ರಾತ್ರಿ ಪಗೆಲ್ ರಾಪಾವೊಲಿ ಪನ್ಪಿನ ನಿಯಮ ಉಂಡು. 100 ಫೀಟ್ ಎತ್ತರದ ಧ್ವಜಸ್ತಂಭಡ್ ರಾಪುನ ರಾಷ್ಟ್ರ ಧ್ವಜ 20 ಫೀಟ್ ಎತ್ತರ ಬೊಕ್ಕ 310 ಫೀಟ್ ಅಗಲ ಉಂಡು , ಸ್ಯಾಟಿನ್ ಬೇಸ್ಟ್‌ ಕುಂಟುಡು ಧ್ವಜನ್ ಬ್ಯಾಗ್ ಇಂಡಿಯಾ ಸಂಸ್ಥೆ ಮಲ್ದ್ಂಡ್.

ಉಡುಪಿದ ಸುದ್ದಿ | Udupi News ಊರ್ದ ಸುದ್ದಿ Regional News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ರಪಕ್ಕ ಸುದ್ದಿ Flash News

UPSC ಪರೀಕ್ಷೆದ ರಿಸಲ್ಟ್: ಶ್ರುತಿ ಶರ್ಮಾ ಟಾಪರ್, ರಾಜ್ಯಡ್ 25 ಜನ ಆಯ್ಕೆಯಾತೆರ್

May 31, 2022

ಡೆಲ್ಲಿ: ಕೇಂದ್ರ ಲೋಕಸೇವಾ ಆಯೋಗ (ಯುಪಿಎಸ್) ದ 2021ನೇ ಸಾಲುದ ನಾಗರಿಕ ಸೇವೆದ ನೇಮಕಾತಿ ಪರೀಕ್ಷೆದ ರಿಸಲ್ಟ್ ಪ್ರಕಟ ಆತ್ಂಡ್.

ಶ್ರುತಿ ಶರ್ಮಾ ಸುರುತ್ತ ರ್ಯಾಂಕ್ ನ್ ಪಡೆತ್ತೆರ್. ಅಂಕಿತಾ ಅಗರ್ ವಾಲ್, ಗಾಮಿನಿ ಸಿಂಗ್ಲಾ ಕ್ರಮವಾದ್ ರಡ್ಡ್ ಬೊಕ್ಕ ಮೂಜನೇ ರ್ಯಾಂಕ್ ನ್ ಪಡೆತ್ತೆರ್ ಪಂದ್ ಯುಪಿಎಸ್ ಸಿ ಪ್ರಕಟಣೆಡ್ ತೆರಿಪಾದೆರ್.

ಒಟ್ಟುಗ್ 685 ಅಭ್ಯರ್ಥಿಲು ಪರೀಕ್ಷೆಡ್ ಉತ್ತೀರ್ಣ ಆದಿತ್ತ್ ದ್, ಬೇತೆ ಬೇತೆ ನಾಗರಿಕೆ ಸೇವೆಗ್ ಸೇರ್ಪಡೆ ಆಯರೇ ಉಲ್ಲೆರ್. ಕರ್ನಾಟಕರ್ದ್ 25 ಅಭ್ಯರ್ಥಿಲು ಆಯ್ಕೆಯಾತೆರ್. ಉಂದೆಟ್ಟ್ ಅವಿನಾಶ್ ಬಿ 31ನೇ ರ್ಯಾಂಕ್ ನ್ ಪಡೆತ್ತೆರ್.

ಇಂಡಿಯಾ ಫಾರ್ ಐಎಎಸ್ ಅಕಾಡೆಮಿರ್ದ್ ಕ್ಲಾಸ್ ನ್ ಪಡೆಯಿನ 17 ಮಂದಿ ಅಭ್ಯರ್ಥಿಲು ಪರೀಕ್ಷೆಡ್ ಯಶಸ್ಸ್ ನ್ ಪಡೆತ್ತೆರ್ ಪಂದ್ ಅಕಾಡೆಮಿ ಪ್ರಕಟಣೆಡ್ ತೆರಿಪಾದೆರ್.

UPSC exams results: Sruthi Sharma tops,25 from the state selected

Delhi: The Union Public Service Commission exam results for 2021 have been declared. Sruthi Sharma has topped the exams and Ankita Aggarwal and Gamini Singhal are second and third respectively.

A total of 685 candidates have cleared the exams and are to join various public service commission. 25 candidates from Karnataka are selected and Avinash B has bagged the 31st rank

ನೆಟ್‌ಫ್ಲಿಕ್ಸ್ ಗಲಸುನೆನ್ ಉಂತಾಯಿನ ರಷ್ಯಾ

May 31, 2022

ನೆಟ್‌ಫ್ಲಿಕ್ಸ್ ಗಲಸುನೆನ್ ಉಂತಾಯಿನ ರಷ್ಯಾ

ರಷ್ಯಾ : ಉಕ್ರೇನ್ ವಿರುದ್ಧ ರಷ್ಯಾದ ಆಕ್ರಮಣದ ನೆಲೆಟ್ಟ್ ನೆಟ್‌ಫ್ಲಿಕ್ಸ್(Netflix )ರಷ್ಯಾರ್ದ್ ಪಿರ ದೆತೊoಡೆರ್.

“ರಷ್ಯಾದ ಚಂದಾದಾರೆರ್ ನನ ನೆಟ್‌ಫ್ಲಿಕ್ಸ್ ತೂಯೆರೆ ಆಪುಜಿ ಪಂದ್ ” ನೆಟ್‌ಫ್ಲಿಕ್ಸ್ ಅಧಿಕೃತವಾದ್ ಪಂತುಂಡು.

ನೆಟ್‌ಫ್ಲಿಕ್ಸ್ ಮಾರ್ಚ್ ಸುರುತ ವಾರಡ್ ರಷ್ಯಾಡ್ ಸೇವೆ ಉಂತಾವುನ ಘೋಷಣೆ ಮಲ್ದುಂಡು.

kudla

ದೇವೆರೆ ಪಾದೋ ಸೇರ್ಯೆರ್ ಕರ್ನಾಟಕ ತುಳು ಸಾಹಿತ್ಯ ಅಕಾಡೆಮಿ ಸದಸ್ಯೆರಾಯಿನ ನಿಟ್ಟೆ ಶಶಿಧರ ಶೆಟ್ರ್

ಕೆಬಿಸಿ ಇನಾಮುದ ಪುದರ್ ಡ್ 100ರ್ದ್ ಜಾಸ್ತಿ ಜನಕ್ ಡೋಂಗಿ: ರಡ್ಡ್ ಜನನ್ ಪತ್ತಿನ ಪೋಲಿಸೆರ್

ಅಂತಾರಾಷ್ಟ್ರೀಯ ಮಟ್ಟದ ಮಾಸ್ಟರ್ಸ್ ಅಥ್ಲೆಟಿಕ್ ಗ್ ಆಯ್ಕೆ ಆಯಿನ ಒಡಿಪುದ ಸುರೇಶ್

ಮಣಿಪಾಲ : ವಿಶ್ವ ತಂಬಾಕು ರಹಿತ ದಿನದ ಕಲಾಕೃತಿ ಬುಡುಗಡೆ

ಒಡಿಪುಡು ಇ ತ್ಯಾಜ್ಯ ಸಂಗ್ರಹ ಘಟಕ ಉದಿಪನ

ಪಾಂಗಳ ಕೈತಲ್ದ ಗರೋಡಿಲೆನ ಮಾಹಿತಿ ಒಟ್ಟು ಮಲ್ಪುನ ಕಜ್ಜ ಸುರು

ಕುಡ್ಲದ ರಾಮಕೃಷ್ಣ ಮಠಕ್ 75 ವರ್ಷದ ಗೌಜಿ : ಜೂ.3 ಬೊಕ್ಕ 4ಕ್ಕ್ ಅಮೃತ ಉಚ್ಚಯ

ತೊಕ್ಕೊಟ್ಟು ಜಂಕ್ಷನ್ ಡ್ ಜಿಲ್ಲೆಡೇ ಮಾಮಲ್ಲ ಧ್ವಜಸ್ತಂಭ ಸ್ಥಾಪನೆಗ್ ಕೆಸರ್ ಕಲ್ಲ್ ದ ಲೇಸ್

UPSC ಪರೀಕ್ಷೆದ ರಿಸಲ್ಟ್: ಶ್ರುತಿ ಶರ್ಮಾ ಟಾಪರ್, ರಾಜ್ಯಡ್ 25 ಜನ ಆಯ್ಕೆಯಾತೆರ್

ನೆಟ್‌ಫ್ಲಿಕ್ಸ್ ಗಲಸುನೆನ್ ಉಂತಾಯಿನ ರಷ್ಯಾ

You Missed

ಯುಕೆ ತುಳು ಕಮ್ಯುನಿಟಿಗ್ ಪೊಸ ಪದಾಧಿಕಾರಿಲೆನ ಆಯ್ಕೆ

ಕಟೀಲ್ ದೇಲಂತಡೆಡ್ ಭಕ್ತೆರೆಗ್ ಆ್ಯಪಲ್ ಪಟ್ಟಿಯೆರ್

ಅ.11-19: ಶ್ರೀ ಕ್ಷೇತ್ರ ಧರ್ಮಸ್ಥಳಡ್ ನವರಾತ್ರಿ ವೈಭವ

ತುಳುವೆರೆ ಆಯನೊ ಕೂಟೊಗು 20ನೇ ವರ್ಷೊದ ಸಂಬ್ರಮ: ಜನವರಿ 30, 31ಕ್ಕ್ ಮಲ್ಲ ಲೇಸ್‌ದ ಅಟ್ಟಣೆದ ಸಭೆ