Kudla News

ಜು. 27 ಕ್ ಬುಡುಗಡೆ ಆಯರೆ ಉಂಡು “ನೆಂಪು” ತುಳು ಆಲ್ಬಮ್ ಸಾಂಗ್‌

Jul 21, 2022

ದಯಾ ಕ್ರಿಯೇಷನ್ ಅರ್ಪಣೆ ಮಲ್ಪುನ “ನೆಂಪು” ತುಳು ಅಲ್ಬಮ್ ಸಾಂಗ್ ಜುಲೈ 27 ತಾರೀಕ್ ಗ್ ಬುಡುಗಡೆ ಆಯರೆ ಉಂಡು.

ಈ ಆಲ್ಬಮ್ ಸಾಂಗ್ ಗ್ ವನಿತ ಮನೋಜ್ ಸೂರಂಬೈಲ್ ಸಾಹಿತ್ಯ ಬರೆತೆರ್. ಕವಿತಾ ಪೂಜಾರಿ ನೀರೊಲಿಕೆ ಮೇರ್ನ ಸ್ವರಟ್ ಬೊಕ್ಕ ಉತ್ತಮ್, ಸುಪ್ರಿತಾ ಮುಕ್ಲೆನ್ ನಟನೆಡ್ ಬೊಕ್ಕ ಹಿತೇಶ್ ಜೋಗಿ ನಿರ್ದೇಶನಡ್ ಮೂಡ್ ದ್ ಬೈದ್oಡ್. ಈ ಆಲ್ಬಂ ಸಾಂಗ್‌ಗ್ ಸಮಗ್ರ ನಿರ್ವಹಣೆನ್ ದಯಾನಂದ ಅಮೀನ್ ಬಾಯಾರು ಮಲ್ತ್ ದಿತ್ತ್ ದ್ ಛಾಯಾಗ್ರಹಣ ಗೌತಮ್ ಬೊಕ್ಕ ಸಂಕಲನ ಪ್ರವೀಣ್ ಮಲ್ದೆರ್. ಈ ಪದ ಜು.27 ತಾರೀಕ್ ಗ್ ಬುಧಾರ ದಯಾ ಕ್ರಿಯೇಷನ್ ಯೂಟ್ಯೂಬ್ ಚಾನೆಲ್ ಬುಡುಗಡೆ ಆಯರೆ ಉಂಡು.

“Nempu” album song to be released on July 27th

“Nempu” Album song by Daya creations will be released on July 27th.

The lyrics are by Vanitha Manoj Sorambail, singer is Kavita Poojary and the actors are Uttam and Supreetha.Director is Hitesh Jogi.Cinamotographer is Gautam and editor is Praveen. This will released on Daya creations YouTube channel.

ಕುಡ್ಲಡ್ ಕಮ್ಮಿ ಆಂಡ್ ನೀರ್ ದ ಬಿಲೆ; ಫಲ ಕೊರ್ಂಡ್ ಶಾಸಕೆರ್ ವೇದವ್ಯಾಸ ಕಾಮತೆರ್ನ ಪ್ರಯತ್ನ

Jul 19, 2022

ಕುಡ್ಲ: ಶಾಸಕೆರ್ ಡಿ. ವೇದವ್ಯಾಸ ಕಾಮತೆರ್ನ ಪ್ರಯತ್ನದ ಫಲವಾದ್ ಕುಡ್ಲಡ್ ನೀರ್ ದ ಬಿಲೆ ಎಚ್ಚ ಮಲ್ಪುನೆಕ್ಕ್ ತಡೆ ಬೈದ್ಂಡ್. ಅಂಚಾದ್ ಕುಡ್ಲದ ಜನಕುಲು ಕುಷಿಯಾತೆರ್.

ಕುಡ್ಲ ಮಹಾನಗರ ಪಾಲಿಕೆಡ್ ಬಿಜೆಪಿ ಅಧಿಕಾರಗ್ ಬತ್ತಿಬೊಕ್ಕ ನೀರ್ ದ ಬಿಲೆ ಎಚ್ಚ ಆತಿನ ಬಗೆಟ್ ಮಸ್ತ್ ಚರ್ಚೆಲು ನಡತ್ ದಿತ್ತ್ಂಡ್. ಆಂಡ ಪಾಲಿಕೆದ ಸಭೆಟ್ ಗೃಹ ಬಳಕೆದ ನೀರ್ ದ ಬಿಲೆನ್ ಎಚ್ಚ ಮಲ್ತಿಜ್ಜಾಂಡ್. ಬದಲ್ ಗ್ ವಾಣಿಜ್ಯ ಬಳಕೆದ ನೀರ್ ದ ಬಿಲೆನ್ ಎಚ್ಚ ಮಲ್ತಿತ್ತೆರ್. ಗೃಹ ಬಳಕೆಯ 20 ಸಾರ ಲೀಟರ್ ನೀರ್ ಗ್ 100 ರೂಪಾಯಿ ಇತ್ತಿನ ಕಾಸ್ ನ್ ಒರನೇ 174 ರೂ. ಗ್ ಎಚ್ಚ ಮಲ್ತಿತ್ತೆರ್. ಆಡಳಿತಾಧಿಕಾರಿರ್ದ್ ಕಾಸ್ ಎಚ್ಚ ಆತ್oಡ್ ಪನ್ಪಿನ ಬಿಜೆಪಿ ಪ್ರತಿನಿಧಿಲೆನ ಪಾತೆರನ್ ಯೇರ್ಲಾ ಕೇನಿಜೆರ್. 74 ರೂಪಾಯಿ ಎಚ್ಚ ಆತಿನೆಡ್ದ್ ಬಿಜೆಪಿ ಕಾರ್ಪೋರೇಟರ್ ನಕುಲು ಜನಕ್ಲೆನ ಎದುರು ವಿಲನ್ ಆದ್ ತೋಜಿದಿತ್ತೆರ್.

ರಾಜ್ಯಡ್ ಬಿಜೆಪಿ ಸರ್ಕಾರ ಅಂಚನೆ ಪಾಲಿಕೆಡ್ ಬಿಜೆಪಿ ಆಡಳಿತಡ್ ಇತ್ತ್oಡಲ ನೀರ್ ದ ಬಿಲೆನ್ ಕಮ್ಮಿ ಮಲ್ಪರೆ ಸಾಧ್ಯ ಆಯಿಜಿ. ಪಾಲಿಕೆದ ಪ್ರಸ್ತಾಪಗ್ ರಾಜ್ಯ ಸರ್ಕಾರ ಒವ್ವೆ ರೀತಿದ ಮನ್ನಣೆ ಕೊರ್ತಿಜಿ ಪನ್ಪಿನ ಟೀಕೆಲ ಬತ್ತ್ ದಿತ್ತ್oಡ್. ಈ ಬಗೆಟ್ ಶಾಸಕೆರ್ ವೇದವ್ಯಾಸ್ ಕಾಮತ್ ಮೇರ್ ತಿರಸ್ಕಾರ ಆದಿತ್ತಿನ ಪ್ರಸ್ತಾಪಗ್ ಕುಡ ಜೂವಕಳೆ ಕೊರಿಯೆರ್. ನೀರ್ ದ ಬಿಲೆ ಎಚ್ಚ ಅತಿನೆಡ್ದಾವರ ಆಡಳಿತ ಪಕ್ಷ ಎದುರಿಸಾವುನ ಟೀಕೆ ಬೊಕ್ಕ ಜನಕ್ಲೆಗ್ ಆಪಿನ ಕಷ್ಟದ ಬಗೆಟ್ ಸರಕಾರಗ್ ಸರಿಯಾಯಿನ ವರದಿ ಕೊರಿಯೆರ್. ಆರ್ನ ವರದಿಗ್ ರಾಜ್ಯ ಸರ್ಕಾರ ಉತ್ತರ ಕೊರ್oಡ್. ಅಂಚಾದ್ ನೀರ್ ದ ಬಿಲೆ 174 ಲೆಡ್ದ್ 100 ರೂಪಾಯಿಗ್ ಕಮ್ಮಿಯಾತ್oಡ್. ಆಡಳಿತಾಧಿಕಾರಿ 174 ರೂ.ಗ್ ಎಚ್ಚ ಮಲ್ತ್oಡ ಆಡಳಿತಗಾರೆರ್ ಅವೆನ್ 140 ರೂಪಾಯಿಗ್ ನಿಗದಿ ಮಲ್ತ್ ದಿತ್ತೆರ್. ಆಂಡಲ ಉಂದೆನ್ ಲೆಕ್ಕಗ್ ದೆತೊನಂದಿನ ಸರ್ಕಾರ ಇತ್ತೆ 74 ರೂಪಾಯಿಗ್ ಕಮ್ಮಿ ಮಲ್ತ್ ದ್oಡ್. ಈ ವಿಚಾರೊಡು ಶಾಸಕೆರ್ ವೇದವ್ಯಾಸ ಕಾಮತ್ ಮೇರ್ನ ಹೋರಾಟ ಯಶಸ್ವಿಯಾತ್oಡ್.

MLA Vedavyasa Kamaths’s efforts- water bill to continue at the same rate

Mangalore: The water charges in Mangalore was set to increase,but the untiring efforts by MLA Vedavyasa Kamath has put this on hold and the charges as of now will continue at the same rate.

This has Mangloreans all smiles.When the BJP came to power discussion were made to increase the water charges.But the Mangalore corporation only increased the rate of the commercial water charges. The rate for home consumption charges was recently increased from rupees 100 for 20,000 litres to rupees 174 which drew a lot of flake from the public.

But MLA Vedavyasa Kamath pursued the matter in the state level and sent in a report about the difficulty faced by the consumers and the effect it will have on the government.

Now the charge has been brought back to rupees 100 which was the prevailing rate before.Thus Vedavyasa Kamath’s efforts have been successful.

ಬೈಕಂಪಾಡಿದ ಮೀನಕಳಿಯಡ್ ನನಾತ್ ಜಾಗೆ ದಿಂಗಿನ ಕಡಲ್; ಕಡಲ್ ಕೊರೆಯುನೆಕ್ಕ್ ಕಲ್ಲ್ ಪಾಡುನ‌ ಬದಲ್ ಮರ ನಡ್ಪಿನ ವಿಧಾನಗ್ ಮೀನುಗಾರೆರ್ನ ಬಿನ್ನಾಪು

Jul 15, 2022

ಬೈಕಂಪಾಡಿ : ಕಡಲ್ ಕೊರೆವುನೆನ್ ತಡೆಪರೆ ಬೋಡಾದ್ ಮರ ನಡ್ಪುನ ಮಾದರಿಡ್ ತಡೆಗೋಡೆ ಮಲ್ಪೊಡು ಪಂದ್ ಬೈಕಂಪಾಡಿ ಮೀನಕಳಿಯದ ಜನಕುಲು ಬಿನ್ನಾಪು ಮಲ್ತ್ದೆರ್. ಕಡಲ್‌ಗ್ ಕಲ್ ಪಾಡ್ದ್ ತಡೆಗೋಡೆ ಮಲ್ಪುನೆರ್ದ್ ಕೈತಲ್ದ ಜಾಗೆಲೆಗ್ ಕಡಲ್ ದ ನೀರ್ ದಿಂಜೊಂದುಂಡು. ಅತ್ತಂದೆ ಮೀನ್ ಪತ್ತೆರೆ ವೋಡ ಬೊಕ್ಕ ಬೇತೆ ಬೇತೆ ವಸ್ತ್ ಲೆನ್ ಕಡಲ್‌ಗ್ ಕೊನೊಯೆರೆ ಕಲ್ಲ್‌ದ ತಡೆಗೋಡೆ ಅಡ್ಡ ಆಪುಂಡ್ ಪಂದ್ ಮೀನ್ ಪತ್ತುನಕುಲು ಪನ್ಪೆರ್ .

ಇಂದೆತ ಬಗ್ಗೆ ಕುಡ್ಲ ಮಹಾನಗರ ಪಾಲಿಕೆದ ಪದುಕೆದಿ ಸುಮಿತ್ರಾ ಕೆ. ಮಾಹಿತಿ ಕೊರ್ದು, ಕಡಲ್‌ಗ್ ಕಲ್ಲ್‌ದ ತಡೆಗೋಡೆ ಮಲ್ಪುನ ಬೊರ್ಚಿ. ಮೀನ್ ಪತ್ತೆರೆ ಅನುಕೂಲ ಆಪುನಂಚಿನ ದೃಷ್ಟಿಡ್ ಮರ ನಡ್ಪುನ ಮಾದರಿಡ್ ತಡೆಗೋಡೆಗ್ ಊರುದಕುಲು ಬಿನ್ನಾಪು ದೀತೆರ್ ಪಂದ್ ಪಂಡೆರ್.

Fisherman request for tree planting to prevent sea erosion:

To regulate sea erosion the tree planting method must be adopted requested the fishermen of Bikampady area The previously adopted plan of making a wall with rocks to prevent land being taken up by the sea water does not seem feasible as the water gets over the rocks.Moreover it was difficult for the fisher folk to take their boats and other equipment into the sea.

They have taken a memorandum to Mangalore city corporator Sumitra K ,and requested for trees to be planted as a wall against erosion of the sea.

ಉಡುಪಿದ ಸುದ್ದಿ | Udupi News ಊರ್ದ ಸುದ್ದಿ Regional News ಕರ್ನಾಟಕ ರಾಜ್ಯಡ್ ಸುದ್ದಿಲು | Karnataka News ಕಾರ್ಲದ ಸುದ್ದಿ Karkala News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ರಪಕ್ಕ ಸುದ್ದಿ Flash News ರಾಜ್ಯದ ಸುದ್ದಿ | State News

ಭಾರೀ ಬರ್ಸಗ್ ಜರಿದ್ ಬೂರ್ದುಂಡು ಸರ್ಕಾರಿ ಶಾಲೆದ ಗೋಡೆ : ರಜೆರ್ದಾತ್ರ ಜೋಕುಲು ಬಚಾವ್

Jul 15, 2022

ಮೂಡಿಗೆರೆ: ಬರ್ಸದ ಅಬ್ಬರಗ್ ಸರ್ಕಾರಿ ಶಾಲೆದ ಗೋಡೆ ಜರಿದಿನ ಘಟನೆ ಬಣಕಲ್ ಕೈತಲ್ ದ ಸಬ್ಲಿ ಪನ್ಪಿನಲ್ಪ ನಡತ್ ದ್oಡ್. ಜೋಕುಲೆಗ್ ಶಾಲೆಗ್ ರಜೆ ಕೊರ್ತಿನೆಡ್ದಾವರ ಒವ್ವೆ ರೀತಿದ ಅಪಾಯ ಆತಿಜಿ.

ಸಬ್ಲಿದ ಕಿರಿಯ ಪ್ರಾಥಮಿಕ ಶಾಲೆಡ್ 60 ಜೋಕುಲು ಕಲ್ತೊಂದಿತ್ತೆರ್. ಶಾಲೆಡ್ 4 ಕೋಣೆಲು ಇತ್ತ್ ದ್, ಒಂಜಿ ಕೋಣೆ ಸಂಪೂರ್ಣವಾದ್ ಜರಿದ್ ಪೋತುಂಡು.

ಭಾರೀ ಬರ್ಸಗ್ ಜಾರ್ದ್ ಬೂರ್ಂಡ್ ದೇವಲ್ಯದ ತಗಡ್ ಸೀಟ್

Jul 15, 2022

ಬೆಳ್ಮಣ್: ಗುರುವಾರ ಮಧ್ಯಾಹ್ನ ಬತ್ತಿನ ಭಾರೀ ಗಾಳಿಗ್ ಕಾರ್ಲ ತಾಲೂಕ್ ದ ಪಡುಬೆಳ್ಮಣ್ ಶ್ರೀ ಮಹಾಲಿಂಗೇಶ್ವರ ದೇವಲ್ಯದ ತಗಡ್ ಸೀಟ್ ಜಾರ್ದ್ ಬೂರ್ದ್ ಮಸ್ತ್ ನಷ್ಟ ಆತ್oಡ್.

ಸುಮಾರು 12 ಲಕ್ಷ ರೂ. ನಷ್ಟ ಆತ್oಡ್ ಪಂದ್ ತೆರಿದ್ ಬೈದ್oಡ್. ಘಟನೆ ಆಯಿನ ಜಾಗೆಗ್ ಬೆಳ್ಮಣ್ ಗ್ರಾ. ಪಂ ಅಧ್ಯಕ್ಷೆರ್ ಜನಾರ್ದನ ತಂತ್ರಿ, ಗ್ರಾಮ ಕರಣಿಕೆರ್ ಸುದರ್ಶನ್ ಭೇಟಿ ಕೊರ್ದ್ ಪರಿಶೀಲನೆ ಮಲ್ತ್ ದೆರ್.

Heavy rains bring down the top portion sheets of the temple

Belman: The heavy rains that lashed the area brought down the roof asbestos sheets of the Sri Mahalingenwara temple at Belman.

The loss is estimated to be to the tune of 12 lakh rupees. Belman gram panchayat president Janardan Tantri, and gram Karanik Sudarshan visited the spot to assess the damages.

ಬ್ರಹ್ಮಶ್ರೀ ನಾರಾಯಣ ಗುರು ಪಾಠ ಪಿರ ಸೇರ್ಸಾವರೆ ಶಿಕ್ಷಣ ಸಚಿವೆರೆರ್ದ್ ಸೂಚನೆ

Jul 11, 2022

ಕುಡ್ಲ : ಬ್ರಹ್ಮಶ್ರೀ ನಾರಾಯಣ ಗುರುಕುಲೆನ ಪಾಠೊನು 10 ನೇ ಕ್ಲಾಸ್ ದ ಸಮಾಜ ವಿಜ್ಞಾನ ಪುಸ್ತೊಕೊಗು ಪಿರ ಸೇರ್ಸಾವರೆ ಶಿಕ್ಷಣ ಇಲಾಖೆ ಮಹತ್ವದ ತೀರ್ಮಾನ ದೆತೊಂದುಂಡು. ಶಿಕ್ಷಣ ಸಚಿವೆರ್ ಬಿ.ಸಿ.ನಾಗೇಶ್ ಮೇರ್ ಶಿಕ್ಷಣ ಇಲಾಖೆಗ್ ಸೂಚನೆ ಕೊರ್ತೆರ್.

ರಾಜ್ಯ ಸರಕಾರದ ಪಾಠ ಪುಸ್ತಕ ಸಮಿತಿ ಗುರುಕ್ಲೆನ ಪಾಠೊನು ಸಮಾಜ ವಿಜ್ಞಾನೊರ್ದು ದೆತ್ತ್ ದ್ ಐಚ್ಚಿಕವಾದುಪ್ಪುನ ಕನ್ನಡ ಪಾಠ ಪುಸ್ತಕೊಗು ಸೇರ್ಸಾದಿನೆನ್ ಖಂಡಿಸಾದ್ ಬಿಲ್ಲವ ಸಂಘಟನೆಲು ಅಂಚೆನೆ ನಾರಾಯಣ ಗುರುಕ್ಲೆನ ಅಭಿಮಾನಿಲು ಭಾರಿ ಪ್ರತಿಭಟನೆ ಮಲ್ದಿತ್ತೆರ್. ನನಲ ಪ್ರತಿಭಟನೆ ಮಲ್ಪರೆ ನಿರ್ದಾರ ಮಲ್ದಿತ್ತೆರ್. ಅಂಚಾದ್ ಕನ್ನಡ ಬೊಕ್ಕ ಸಂಸ್ಕೃತಿ ಸಚಿವೆರ್ ಸುನಿಲ್ ಕುಮಾರ್ ಬೊಕ್ಕ ಬಿಜೆಪಿ ರಾಜ್ಯಾಧ್ಯಕ್ಷೆರ್ ನಳಿನ್ ಕುಮಾರ್ ಕಟೀಲ್ ಶಿಕ್ಷಣ ಸಚಿವೆರೆಗ್ ಈ ವಿಚಾರೊಡು ಮನವಿ ಮಲ್ತ್ ದಿತ್ತೆರ್.

ಆರ್.ಪದ್ಮರಾಜ್ ಅಭಿನಂದನೆ

ಪತ್ತನೇ ಕ್ಲಾಸ್ ದ ಸಮಾಜ ವಿಜ್ಞಾನ ಪಾಠ ಪುಸ್ತಕೊಡು ನಾರಾಯಣ ಗುರುಕ್ಲೆನ ಪಾಠ ಪಿರ ಸೇರ್ಸಾವರೆ ಆದೇಶ ಕೊರಿಯರೆ ಪ್ರಯತ್ನ ಮಲ್ದಿನ ಸಚಿವೆರ್ ಸುನಿಲ್ ಕುಮಾರ್ ಬೊಕ್ಕ ನಳಿನ್ ಕುಮಾರ್ ಕಟೀಲ್ ಮೆರೆಗ್ ಕುದ್ರೋಳಿ ಶ್ರೀ ಗೋಕರ್ಣನಾಥ ಕ್ಷೇತ್ರದ ಕೋಶಾಧಿಕಾರಿ ಆರ್.ಪದ್ಮರಾಜ್ ಕೃತಜ್ಞತೆ ಸಂದಾದೆರ್.

ರಾಜ್ಯ ಸರ್ಕಾರ ಈ ವಿಚಾರೊಡು ಬೇಗ ಆದೇಶ ಕಡಪುಡೊಡು. ಅವೆರ್ದ್ ಬೊಕ್ಕ ಬಿಲ್ಲವ ಸಂಘಟನೆಲೆನ ಪ್ರತಿಭಟನೆ ಪಿರ ದೆಪ್ಪುವ ಪಂದ್ ಆರ್ ತೆರಿಪಾದೆರ್. ಅವ್ವತ್ತಾಂದೆ ನೆತ್ತ ಬಗೆಟ್ಟ್ ಹೋರಾಟ ಮಲ್ತಿನ ಮಾತೆರೆಗ್ಲ ಕೃತಜ್ಞತೆನ್ ಪತ್ರಿಕಾ ಹೇಳಿಕೆಡ್ ತೆರಿಪಾದೆರ್.

ಉಡುಪಿದ ಸುದ್ದಿ | Udupi News ಊರ್ದ ಸುದ್ದಿ Regional News ಕಾರ್ಲದ ಸುದ್ದಿ Karkala News ಕಾಸ್ರೋಡ್ ಸುದ್ದಿ | Kasargod News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ರಪಕ್ಕ ಸುದ್ದಿ Flash News

ಬಂಟ್ವಾಳ: ಕಲ್ಲಡ್ಕಡ್ ಫುಲ್ ಟ್ರಾಫಿಕ್ ಜಾಂ

Jul 8, 2022

ಬಂಟ್ವಾಳ: ಕುಡ್ಲ-ಬೆಂಗ್ಳೂರ್ ರಾಷ್ಟ್ರೀಯ ಮಾರ್ಗದ ಕಲ್ಲಡ್ಕಡ್ ಇನಿ ಕಾಂಡೆ ಗಾಡಿಲು ಪೋಯರೆ ಬಂಗ ಆತ್oಡ್.

ಕಾಂಡೆ 8 ಗಂಟೆದ ಪೊರ್ತುಡ್ ಸುರು ಆದ್ 10.30 ಮುಟ್ಟ ಗಾಡಿಲು ಪೋಯರೆ ಆವೊಂದಿಜ್ಜಾಂಡ್. ಕಲ್ಲಡ್ಕ, ಅಮ್ಟೂರು ಕ್ರಾಸ್ ದ ಕೈತಲ್ ಮಾರ್ಗಡ್ ಮಾಮಲ್ಲ ಗುಂಡಿ ಒಂಜಿ ನಿರ್ಮಾಣ ಆದ್ ಮಾರ್ಗಡ್ ಬ್ಲಾಕ್ ಆಯರೆ ಸುರು ಆತ್oಡ್. ಕಾಂಡೆದ ಪೊರ್ತು ಬೇಲೆಗ್ ಪೋಪುನಕ್ಲೆನ ಒಟ್ಟುಗ್ ಅಂಬುಲೆನ್ಸ್ ಗಾಡಿಲ ಗಂಟೆಕಟ್ಲೆ ಮಾರ್ಗಡ್ ಸಾಲ್ ಉಂತುನ ಪರಿಸ್ಥಿತಿ ನಿರ್ಮಾಣ ಆತ್oಡ್.

ಉಡುಪಿದ ಸುದ್ದಿ | Udupi News ಊರ್ದ ಸುದ್ದಿ Regional News ಕಾರ್ಲದ ಸುದ್ದಿ Karkala News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ಬೊಲ್ತೆರ್ ಸುದ್ದಿ | Belthangady News ರಪಕ್ಕ ಸುದ್ದಿ Flash News

ಬಂಟ್ವಾಳ : ಇಲ್ಲಗ್ ಗುಡ್ಡೆ ಜರಿದ್ ತೀರ್ ಪೋಯೆರ್ ಮೂಜಿ ಜನ ಬೇಲೆದಕುಲು

Jul 7, 2022

ಬಂಟ್ವಾಳ: ಭಾರಿ ಬರ್ಸೊಗು ಗುಡ್ಡೆ ಜರಿದ್ ಇಲ್ಲದ ಮಿತ್ತ್ ಬೂರ್ದು ಕೇರಳರ್ದ್ ಬೈದಿನ ನಾಲ್ ಜನ‌ ರಬ್ಬರ್ ಬೇಲೆದಕುಲು ಅಯಿತ್ತ ಉಲಯಿ ತಿಕೊಂದು ಮೂಜಿ ಜನ ತೀರ್ ಪೋತೆರ್ ಪಂದ್ ಮಾಹಿತಿ ತಿಕ್ಕ್ ದ್oಡ್. ಈ ಘಟನೆ ಪಂಜಿಕಲ್ಲ್ ಗ್ರಾಮದ ನೇಲ್ಯಪಲ್ಕೆ ಕೈತಲ್ದ ಮುಕ್ಕುಡ ಡ್ ಬುಧಾರ ರಾತ್ರೆ 7 ಗಂಟೆದ ಪೊರ್ತುಡು ನಡತ್ ದ್ಂಡ್.

ಕೇರಳ ಮೂಲದ ರಬ್ಬರ್ ಕಾರ್ಮಿಕೆ ಬಿಜು (46) ಜಾಗೆಡೆ ತೀರ್ ಪೋದಿ ತ್ತ್ ದ್, ಮಸ್ತ್ ಪೆಟ್ಟ್ ಆಯಿನ ಕೊಟ್ಟಾಂ ದ ಬಾಬು(46), ಸಂತೋಷ್ ಆಲಪುರ (45) ಕುಡ್ಲದ ಆಸ್ಪತ್ರೆಡ್ ಚಿಕಿತ್ಸೆ ಪಡೆಯೊಂದ್ ಇತ್ತೆರ್. ಆಂಡ ಚಿಕಿತ್ಸೆ ಸಮ ಆವಾಂದೇ ಇತ್ತೆ ತೀರ್ ಪೋತೆರ್. ಇತ್ತೆ ತೀರ್ ಪೋತಿನಕ್ಲೆನ ಸಂಖ್ಯೆ 3 ಕ್ಕ್ ಏರ್ದ್oಡ್. ಕಣ್ಣೂರುದ ಜಾನಿ (44) ಬಂಟ್ವಾಳ ಆಸ್ಪತ್ರೆಡ್ ಚಿಕಿತ್ಸೆ ದೆತೊನೊಂದ್ ಉಲ್ಲೆರ್.

Bantwal: Four labourers caught in the landslide on a house—three dead

Bantwal: Landslide over a house in Bantwal has left three labourers from Kerala who had come to work in rubber plantation dead.

They have been identified as Biju(46) ; Babu(46) from Kottayam, Santosh Alapur(45). Janny(44) from Kannur is being treated at a hospital in Bantwal.

2024ನೇ ಇಸ್ವಿದ ಮಕರ ಸಂಕ್ರಾಂದಿಗ್ ಅಯೋಧ್ಯೆ ರಾಮ ಮಂದಿರ ಪೂರ್ಣ: ಪೇಜಾವರ ಶ್ರೀ

Jul 5, 2022

ಕುಡ್ಲ: ಅಯೋಧ್ಯೆಡ್ ಶ್ರೀ ರಾಮ ಮಂದಿರ ನಿರ್ಮಾಣ ಕಾರ್ಯ 2024 ಇಸವಿದ ಮಕರ ಸಂಕ್ರಾಂದಿಗ್ ಮುಗಿಯರೆ ಉಂಡು ಪಂದ್ ರಾಮಮಂದಿರ ಟ್ರಸ್ಟ್ ದ ಪೇಜಾವರ ಮಠಧೀಶ ಶ್ರೀ ವಿಶ್ವ ಪ್ರಸನ್ನ ತೀರ್ಥ ಸ್ವಾಮಿಲು ತೆರಿಪಾದೆರ್.

ಕುಡ್ಲದ ಕದ್ರಿದ ಮಂಜು ಪ್ರಸಾದಡ್ ಪೇಜಾವರ ಮಠತ್ತ ಪಟ್ಟದ ದೇವೆರ್ನ ತುಲಾಭಾರ ಬೊಕ್ಕ ಗುರುವಂದನಾ ಕಾರ್ಯಕ್ರಮಡ್ ಪಾತೆರ್ನ ಆರ್, ಅಯೋಧ್ಯೆಡ್ ರಾಮಮಂದಿರ ಕಟ್ಟುನ ಬೇಲೆ ಭಾರೀ ಬೇಗಡ್ ಸಾಗೊಂದ್ ಉಂಡು. 2024 ತ್ತ ಮಕರ ಸಂಕ್ರಾಂತಿದ ಉತ್ತರಾಯಣದ ಪರ್ವಕಾಲಡ್ ಶ್ರೀ ರಾಮ ಪ್ರತಿಷ್ಠೆ ಆಯರೆ ಉಂಡು ಪಂದ್ ತೆರಿಪಾಯೆರ್.

Ayodhya Rama Mandir construction to be completed by 2024 Makara Sankranti: Pejawar Shree

Mangalore: Sri Pejawar Mutt Sri Vishwa Prassanna Thirtha Swamiji who is a member of Rama Mandir Trust said that the construction of the temple at Ayodhya will be completed by 2024 Makara Sankranti.

He was speaking at a programme at Kadri Manju Prasad in Mangalore and said that the work at the temple site is moving fast and they hoped that the consecration of Sri Ram may be held around Makara Sankranti 2024

ಜೂ.30 : ಪೆರಿಯ ಪತ್ರಕರ್ತೆರ್ ಕೆ. ಎಲ್. ಕುಂಡಂತಾಯೆರೆಗ್ ಪತ್ರಿಕಾ ದಿನದ ಮಾನಾದಿಗೆ

Jun 28, 2022

ಒಡಿಪು: ಬೆಂಗಳೂರುದ ಪತ್ರಕರ್ತರ ವೇದಿಕೆ ರಾಜ್ಯ ಪತ್ರಿಕಾ ದಿನಾಚರಿಪುದ ಲೆಕ್ಕಡ್ ಮಲ್ಪುನ ಮಾನಾದಿಗೆನ್ ಪೆರಿಯ ಪತ್ರಕರ್ತೆ, ಯಕ್ಷಪ್ರಭಾದ ಅಜುಕೆರಾಯಿನ ಕೆ.ಎಲ್ ಕುಂಡಂತಾಯೆರೆಗ್ ಜೂನ್ 30ಗ್ ಹಿರಿಯರೆಡೆಗೆ ನಮ್ಮ ನಡಿಗೆ ಲೇಸ್‌ಡ್ ಕುಂಜೂರುಡು ಕುಂಡಂತಾಯೆರ್ನ ಇಲ್ಲಡ್ ಪೆರಿಯ ಪತ್ರಕರ್ತ ಪ್ರತಿನಿಧಿ ಸಂಪಾದಕೆರ್ ಡಾ ಉದಯ ರವಿಕ್ಲೆನ ಗುರ್ಕಾರ್ಮೆಡ್ ಡಾ. ಹರಿಕೃಷ್ಣ ಪುನರೂರು ಮಾನಾದಿಗೆ ಮಲ್ಪುವೆರ್ ಪಂದ್ ವೇದಿಕೆದ ಜಿಲ್ಲಾಧ್ಯಕ್ಷೆರಾಯಿನ ಡಾ ಶೇಖರ ಅಜೆಕಾರ್ ತೆರಿಪಾಯೆರ್.

70 ಒರ್ಸೊದ ಬಚ್ಚೆಲ್ ತೆರಿಯಂದಿ ಕುಂಡಂತಾಯೆರ್ 20 ಒರ್ಸೊಲು ಉದಯವಾಣಿಡ್ ಒತ್ತು ಅಜುಕೆರಾದ್ ಸೇವೆ ಮಲ್ತ್ ಇತ್ತೆ ಕಟೀಲ್ ದೇವಾಲ್ಯೊಡ್ದ್ ಅಚ್ಚಾಪಿನ ಯಕ್ಷಪ್ರಭಾ ಪತ್ರಿಕೆದ ಅಜುಕೆರ್ ಆದ್ ಕಜ್ಜೊ ಬೆನೊಂದುಲ್ಲೆರ್.

ವಿಶ್ವನಾಥ ಶೆಣೈ, ಕರುಣಾ ಸುರೇಶ್ ಪೈ, ಎಸ್.ಆರ್.ಬಂಡಿಮಾರ್, ಪುನೀತ್ ಎಂ, ಪ್ರಶಾಂತ್ ಕಾಮತ್ ಕುಕ್ಕಿಕಟ್ಟೆ, ಜನಾರ್ದನ ಕೊಡವೂರು, ರಾಖೇಶ್ ಕುಂಜೂರು ಸೇರಿನಂಚಿ ಬಿನ್ನೆರ್ ಲೇಸ್‌ಡ್ ಪಾಲ್ ಪಡೆಪೆರ್.

ಅಂಬಾತನಯ ಮುದ್ರಾಡಿ, ಎ.ಎಸ್.ಎನ್.ಹೆಬ್ಬಾರ್, ವಿದ್ವಾನ್ ಬಿ.ಚಂದ್ರಯ್ಯ, ಬಿ.ಎ.ಸನದಿ, ಮಲಾರ್ ಜಯರಾಮ ರೈ, ಎಂ.ವಿ.ಕಾಮತ್, ಸತೀಶ್ ಪೈ ಮಣಿಪಾಲ, ಕು.ಗೋ ಉಡುಪಿ, ಶ್ರೀನಿವಾಸ ರಾವ್ ಎಕ್ಕಾರು, ಕು.ಗೋ ಉಡುಪಿ, ಬಿ.ಸಿ.ರಾವ್ ಶಿವಪುರ, ನಾದವೈಭವಂ ಉಡುಪಿ ವಾಸುದೇವ ಭಟ್ ಈ ಮಾನಾದಿಗೆ ಪಡೆತೆರ್.

K L Kundantaya to be honoured on Journalists day

Udupi: The Bangalore journalists association on the occasion of journalists day will honour senior journalist K L Kundantaya and editor of Yakshaprabha at his house in Kunjoor.

The program will be presided by Dr Uday Ravi senior journalist representative and Dr Harikrishna Punaroor will do the honours said Dr Shekhar Ajakar the district president of journalists forum.

He was the co editor and udayavani for 20 years and is now the editor of Yakshaprabha magazine brought out by Kateel temple.

Kudla News

ಜು. 27 ಕ್ ಬುಡುಗಡೆ ಆಯರೆ ಉಂಡು “ನೆಂಪು” ತುಳು ಆಲ್ಬಮ್ ಸಾಂಗ್‌

ಕುಡ್ಲಡ್ ಕಮ್ಮಿ ಆಂಡ್ ನೀರ್ ದ ಬಿಲೆ; ಫಲ ಕೊರ್ಂಡ್ ಶಾಸಕೆರ್ ವೇದವ್ಯಾಸ ಕಾಮತೆರ್ನ ಪ್ರಯತ್ನ

ಭಾರೀ ಬರ್ಸಗ್ ಜರಿದ್ ಬೂರ್ದುಂಡು ಸರ್ಕಾರಿ ಶಾಲೆದ ಗೋಡೆ : ರಜೆರ್ದಾತ್ರ ಜೋಕುಲು ಬಚಾವ್

ಭಾರೀ ಬರ್ಸಗ್ ಜಾರ್ದ್ ಬೂರ್ಂಡ್ ದೇವಲ್ಯದ ತಗಡ್ ಸೀಟ್

ಬ್ರಹ್ಮಶ್ರೀ ನಾರಾಯಣ ಗುರು ಪಾಠ ಪಿರ ಸೇರ್ಸಾವರೆ ಶಿಕ್ಷಣ ಸಚಿವೆರೆರ್ದ್ ಸೂಚನೆ

ಬಂಟ್ವಾಳ: ಕಲ್ಲಡ್ಕಡ್ ಫುಲ್ ಟ್ರಾಫಿಕ್ ಜಾಂ

ಬಂಟ್ವಾಳ : ಇಲ್ಲಗ್ ಗುಡ್ಡೆ ಜರಿದ್ ತೀರ್ ಪೋಯೆರ್ ಮೂಜಿ ಜನ ಬೇಲೆದಕುಲು

2024ನೇ ಇಸ್ವಿದ ಮಕರ ಸಂಕ್ರಾಂದಿಗ್ ಅಯೋಧ್ಯೆ ರಾಮ ಮಂದಿರ ಪೂರ್ಣ: ಪೇಜಾವರ ಶ್ರೀ

ಜೂ.30 : ಪೆರಿಯ ಪತ್ರಕರ್ತೆರ್ ಕೆ. ಎಲ್. ಕುಂಡಂತಾಯೆರೆಗ್ ಪತ್ರಿಕಾ ದಿನದ ಮಾನಾದಿಗೆ

You Missed

ಗುರುವಾಯನಕೆರೆ : ಬೈಕ್‌ ಬೊಕ್ಕ ರಡ್ಡ್ ಕಾರ್ ಗುದ್ದುದು ಬೈಕ್‌ದಾರೆಗ್ ಪೆಟ್ಟ್

ಕಾರ್ಲ : ಮಾರ್ಗದ ಬರಿಟ್ಟ್ ಕಜವು ದಕಿನ 2 ಜನಕ್ಲೆಗ್ ದಂಡ

ಪ್ರಿಯದರ್ಶಿನಿ ಕೋ ಆಪರೇಟಿವ್ ಸೊಸೈಟಿರ್ದ್ ಪ್ರತಿಭಾ ಗೌರವ : ಎಚ್. ವಸಂತ್ ಬೆರ್ನಾರ್ಡ್

ಥಾಮಸ್ ಕಪ್ ಗೆಂದಿನ ಬ್ಯಾಡ್ಮಿಂಟನ್ ಪಟು ಆಯುಷ್ ಶೆಟ್ಟಿ ಧರ್ಮಸ್ಥಳ ಭೇಟಿ