Kudla Mangalore Udupi Hejamaadi Mulki

ರಾಜೀನಾಮೆ ಕೊರಿನ ಪಂಜಾಬ್ ಮುಖ್ಯಮಂತ್ರಿ ಅಮರೀಂದರ್ ಸಿಂಗ್

Sep 20, 2021

ಪಂಜಾಬ್ : ಮಹತ್ವದ ಬುಲೆಚ್ಚಿಲ್ ಡ್ ಕಾಂಗ್ರೆಸ್ ಪಕ್ಷದ ಮುಖಂಡೆರ್ ಪಂಜಾಬ್ ಸಿಎಂ ಸ್ಥಾನಗ್ ರಾಜೀನಾಮೆ ಕೊರೊಡು ಪಂದ್ ಮುಖ್ಯಮಂತ್ರಿ ಅಮರಿಂದರ್ ಸಿಂಗ್ ಗ್ ರಾಜೀನಾಮೆ ಕೊರಿಯೆರೆ ಸೂಚನೆ ಕೊರ್ದು ಇತ್ತೆರ್ . ಈ ನೆಲೆಟ್ಟ್ ಕೋಡೆ ರಾಜ್ಯಪಾಲೆರೆನ್ ಭೇಟಿ ಮಲ್ತಿನ ಆರ್ , ತನ್ನ ಮುಖ್ಯಮಂತ್ರಿ ಸ್ಥಾನಗ್ ರಾಜೀನಾಮೆ ಕೊರ್ತೆರ್ .

ಪಂಜಾಬ್ ಡ್ ಕಾಂಗ್ರೆಸ್ ಶಾಸಕಾಂಗ ಪಕ್ಷದ (ಸಿಎಲ್ ಪಿ) ಸಭೆರ್ದ್ ದುಂಬು ಮುಖ್ಯಮಂತ್ರಿ ಕ್ಯಾಪ್ಟನ್ ಅಮರಿಂದರ್ ಸಿಂಗ್ ಮೇರ್ ಶನಿವಾರ ರಾಜ್ಯಪಾಲ ಬನ್ವಾರಿಲಾಲ್ ಪುರೋಹಿತ್ ಮೆರೆಗ್ ರಾಜೀನಾಮೆ ಕೊರಿಯೆರ್.

ಮಣಿಪಾಲ ಮಾಹೆದ ವಾಣಿಜ್ಯ ವಿಭಾಗದ ವತಿರ್ದ್ ಅಂತಾರಾಷ್ಟ್ರೀಯ ಮಟ್ಟದ ಸಮ್ಮೇಳನ

Sep 17, 2021

ಒಡಿಪು : ಮಣಿಪಾಲ ಮಾಹೆದ ವಾಣಿಜ್ಯ ವಿಭಾಗದ ವತಿರ್ದ್ ‘ಸಮರ್ಥನೀಯ ಜಾಗತಿಕ ಕ್ರಿಯಾತ್ಮಕ ವ್ಯವಹಾರದ ಮರುವ್ಯಾಖ್ಯಾನ’ ವಿಷಯಡ್ ಅಂತಾರಾಷ್ಟ್ರೀಯ ಮಟ್ಟದ ಸಮ್ಮೇಳನನ್ ಸೆ.17ಕ್ಕ್ ಬೊಕ್ಕ 18ಕ್ಕ್ ಆನ್‌ಲೈನ್ ಮುಖೇನ ಅಟ್ಟನೆ ಮಲ್ದೆರ್ .

ಸಮ್ಮೇಳನನ್ ಅಮೆರಿಕಾ ಟೆಕ್ಸಾಸ್ ಪಿಡಬ್ಲುಸಿ ಶ್ರೀತಲ್ ಶೆಣೈ ಉದಿಪನ ಮಲ್ಪರೆ ಉಲ್ಲೆರ್ , ಸಂಶೋಧನಾ ವಿಭಾಗದ ನಿರ್ದೇಶಕ ಡಾ.ಸತೀಶ್ ರಾವ್ ಗುರ್ಕಾರ್ಮೆ ವಹಿಸರೆ ಉಲ್ಲೆರ್.

Udupi,: An international conference on the ‘Redevelopment of Sustainable Global Functional Businesses’ has been organized by the Manipal Mahe Commerce Department online on 17th and 18th.

The conference will be inaugurated by US PWC Shreetal Shenoy and will be chaired by Dr. Satish Rao, Director, Research Division.

ಹೆಜಮಾಡಿ ಶ್ರೀ ಮಹಾಲಿಂಗೇಶ್ವರ ದೇವಸ್ಥಾನ : ವರ್ಷದ ಮಲ್ಲ ಸಭೆ

Aug 13, 2021

ಹೆಜಮಾಡಿ : ಹೆಜಮಾಡಿ ಶ್ರೀ ಮಹಾಲಿಂಗೇಶ್ವರ ದೇವಸ್ಥಾನದ ಜೀರ್ಣೋದ್ಧಾರದ ಒಂಜನೆ ಹಂತದ ಕಾಮಗಾರಿ ಮುಗಿದುಂಡು , ಇತ್ತೆ ರಡ್ಡನೇ ಹಂತದ ಕಾಮಗಾರಿಲು ಬಾರಿ ಬೇಗ ಬೇಗ ಆವೊಂದು ಉಂಡು , ಈ ಬಗ್ಗೆ ಅಗೋಸ್ಟ್ 10 ಕ್ಕ್ ಜೀರ್ಣೋದ್ಧಾರ ಸಮಿತಿದ ಕಾರ್ಯಂತೆರ್ ಆಯಿನ ಶ್ರೀ ಎಚ್.ಎಸ್ ರಘುಪತಿರಾವ್ ಮೆರ್ನ ಗುರ್ಕಾರ್ಮೆಡ್ ಊರ್ದ ಪತ್ತ್ ಸಮಸ್ತೆರ್ನ ಗ್ರಾಮಸಭೆ ನಡತುಂಡು . ಜೀರ್ಣೋದ್ಧಾರ ಸಮಿತಿದ ಕೋಶಾಧಿಕಾರಿ ಶ್ರೀ ರಮೇಶ್ ಭಟ್ ಒಂಜನೆ ಹಂತದ ಕಾಮಗಾರಿದ ಸಂಪೂರ್ಣ ಲೆಕ್ಕಪತ್ರ ತೋಜಾಯೆರ್ .

ದೇವಸ್ಥಾನದ ಆಡಳಿತ ಮೋಕೆಸ್ತರೆರಾಯಿನ ಶ್ರೀ ದಯಾನಂದ ಹೆಜಮಾಡಿ, ದೇವಸ್ಥಾನದ ಜೀರ್ಣೋದ್ಧಾರ ಸಮಿತಿದ ಗುರ್ಕಾರ್ಲಾಯಿನ ಪಠೇಲರ ಮನೆ ಶ್ರೀ ಜಯಂತ ಶೆಟ್ಟಿ ಪೂನ ಮೆರ್ನ ಮುತಾಲಿಕೆಡ್ ಸುರುತ ಹಂತದ ಸುಮಾರ್ 4 ಕೋಟಿರ್ದ್ ಜಾಸ್ತಿ ದ ಕಾಮಗಾರಿ ನಡತುಂಡು ಸುಮಾರ್ 2.50 ಕೋಟಿ ಪನವುಡು ರಡ್ಡನೇ ಹಂತದ ಕಾಮಗಾರಿಗ್ ಇತ್ತೆ ಚಾಲನೆ ಕೊರ್ತೆರ್.

ಈ ಲೇಸ್ ಡ್ ಜೀರ್ಣೋದ್ಧಾರ ಸಮಿತಿದ ಒತ್ತು ಗುರ್ಕಾರ್ಲಾಯಿನ ಶ್ರೀ ಜಿನರಾಜ್ ಬಂಗೇರಾ, ಗುತ್ತಿನಾರ್ ಶ್ರೀ ಅರುಣ್ ಕುಮಾರ್ ಶೆಟ್ಟಿ, ಹಿರಿಯ ಅರ್ಚಕ ಶ್ರೀ ರಾಮಚಂದ್ರ ಭಟ್, ಕೋಶಾಧಿಕಾರಿ ಶ್ರೀ ರಮೇಶ್ ಭಟ್, ಕಾರ್ಯದರ್ಶಿ ಶ್ರೀ ದಿವಾಕರ ಹೆಮ್ಮಾಡಿ ಪಾಲ್ ಪಡೆದಿತ್ತೆರ್. ಜೀರ್ಣೋದ್ಧಾರ ಸಮಿತಿದ ಒತ್ತು ಗುರ್ಕಾರ್ಲಾಯಿನ ಶ್ರೀ ಜಿನರಾಜ್ ಬಂಗೇರಾ ಪಾತೆರಿಯೆರ್.

2 ಸಲ ಕೋವಿಡ್ 19ದ ಲಾಕ್ ಡೌನ್ ನೆಲೆಟ್ಟ್ ದೇವಸ್ಥಾನದ ಕಾಮಗಾರಿ, ಧನಸಂಗ್ರಹ ಅಂಚನೇ ಬೇತೆ ಬೇತೆ ಲೇಸ್ನ್ ಪಾರದರ್ಶಕವಾದ್ ಶಿಸ್ತುಬದ್ಧವಾದ್ , ವಾಸ್ತು ಬದ್ಧವಾದ್ ಸಂಪೂರ್ಣ ಧಾರ್ಮಿಕತೆರ್ದ್ ಅಚ್ಚುಕಟ್ಟಾದ್ ಜೀರ್ಣೋದ್ಧಾರ ಕಾರ್ಯಕ್ರಮನ್ ಮಲ್ತಿನ ಆಡಳಿತ ಮಂಡಳಿ ಬೊಕ್ಕ ಜೀರ್ಣೋದ್ಧಾರ ಸಮಿತಿದ ಕಾರ್ಯವೈಖರಿನ್ ಗ್ರಾಮಸ್ತೆರ್ ಪುಗರಿಯೆರ್.

ಈ ಪೊರ್ತುಡು ನಡತಿನ ಆಡಳಿತ ಮಂಡಳಿದ ವಾರ್ಷಿಕ ಗ್ರಾಮ ಸಭೆಟ್ ಶ್ರೀ ಶೇಷಗಿರಿರಾವ್ ಮೇರ್ ದೇವಸ್ಥಾನದ 2020-21 ಸಾಲ್ ದ ವಾರ್ಷಿಕ ಲೆಕ್ಕಪತ್ರ ಮಂಡನೆ ಮಲ್ತೆರ್ .ಕಡೆಟ್ ಜೀರ್ಣೋದ್ಧಾರ ಸಮಿತಿದ ಕಾರ್ಯಂತೆರ್ ಆಯಿನ ಶ್ರೀ ದಿವಾಕರ ಹೆಲ್ಮಾಡಿ ಸೊಲ್ಮೆ ಸಂದೈತ ಮಲ್ತೆರ್ .

ತಿಂಗಳಾಡಿ ರೋಟಾರ್ಯಕ್ಟ್ ಕ್ಲಬ್‌ದ ಪೊಸ ಪದಾಧಿಕಾರಿಲೆನ ಪದಪ್ರಧಾನ ಲೇಸ್

Aug 13, 2021

ಒಡಿಪು : ತಿಂಗಳಾಡಿ ರೋಟಾರ್ಯಕ್ಟ್ ಕ್ಲಬ್‌ದ 21-22ರ ಸಾಲ್ದ ಪೊಸ ಪದುಕೆರ್ನ ಪದಪ್ರಧಾನ ಸಮಾರಂಭ ತಾರೀಖ್ 10-8-2021 ಅಂಗಾರೆ ದಾನಿ ಮಹಾಗಣಪತಿ ಸಭಾಭವನ ದೇವಗಿರಿ ತಿಂಗಳಾಡಿಡ್ ನಡತುಂಡು.ಅಕ್ಷಯ ಮೆರ್ಮ ಪ್ರಾರ್ಥನೆದ ಮುಖೇನ ಸುರು ಆದ್ ಕ್ಲಬ್ ಗುರ್ಕಾರಲಾಯಿನ Rtr ಹರೀಶ್ ರೃ ಮಾತೆರೆನ್ಲ ಎದುಕೊಂಡೆರ್.

ಮಾತೃ ಸಂಸ್ಥೆಯಾಯಿನ ರೋಟರಿ ಕ್ಲಬ್ ಪುತ್ತೂರು ಈಸ್ಟ್ ನ ಗುರ್ಕಾರ್ಲಾಯಿನ ಪದಪ್ರಧಾನ ಅಧಿಕಾರಿ ಆರ್.ಟಿ.ಎನ್ PHF ಪುರಂದರ ರೈಕುಲು ಲೇಸ್ ನಡಪಾದ್ ಕೊರಿಯೆರ್ . ಈ ಕುಟೋಗೂ ಚಾಲನೆ ಕೊರಿನ ಪೊಸ ಗುರ್ಕಾರ್ಲಾಯಿನ ಅನೀಶ್ ಶೆಟ್ಟಿರ್ದ್ ಸಭೆಟ್ ಸ್ಥಾಪಕ ಪಾತೆರ ಪಾತೆರ್ರೆ ಇತ್ತುಂಡು. ಗುರ್ಕಾರ್ಲಾಯಿನ ಪ್ರಸ್ತುತ ರೋಟರಿ ಜಿಲ್ಲಾ ಸಾಂಸ್ಕೃತಿಕ ಸಭಾಪತಿ RI Dist 3181 ರೋಟಿರಿನ್ MPHF ರತ್ನಾಕರ ರೈ ಜಿ ,ಕೆನರಾ ವಲಯ ಪ್ರತಿನಿಧಿ ಆರ್.ಟಿ.ಆರ್ ರಾಹುಲ್‌ ಆಚಾರ್ಯ ನಿರ್ಗಮನ ಸಭಾಪತಿ ಆರ್.ಟಿ.ಎನ್ ಶರತ್. ಜಿ, ನೂತನ ಗುರ್ಕಾರ್ಲಾಯಿನ ಆರ್.ಟಿ.ಆರ್ ಅನೀಶ್ ಶೆಟ್ಟಿ, ಕಾರ್ಯಂತೆರ್ ಆರ್.ಟಿ.ಆರ್.ರೋಹಿತ್ ರೈ ಜಿ,ನೂತನ ಸಭಾಪತಿ ಆರ್.ಟಿ.ಎನ್ ಪಿ.ಹೆಚ್. ಎಫ್ ರವಿಕುಮಾರ್ ರೈ ,ನಿಕಟ ಪೂರ್ವ ಗುರ್ಕಾರ್ಲಾಯಿನ ಆರ್.ಟಿ.ಆರ್ ಹರೀಶ್ ರೈ ಮಿತ್ತೋಡಿ ,ಕೋಶಾಧಿಕಾರಿ ಆರ್.ಟಿ.ಆರ್ ಸನತ್ ಕುಮಾರ್ ರೈ ,ದಂಡಾಧಿಕಾರಿ ಆರ್.ಟಿ.ಆರ್ ನಿತೇಶ್ ರೈ ಕೊರಂಗ ,ನಿರ್ದೇಶಕಕೆರಾದ್ ಸಂಘ ಸೇವಾ ವಿಭಾಗ ಆರ್.ಟಿ.ಆರ್ ವರುಣು ಕುಮಾರ್, ಸಮುದಾಯ ಸೇವಾ ವಿಭಾಗ ಸಚಿನ್ ರೈ ಪಿ,ವೃತ್ತಿ ಸೇವಾ ವಿಭಾಗ ಪ್ರೀತಮ್ ಶೆಟ್ಟಿ ,ಅಂತಾರಾಷ್ಟ್ರೀಯ ವಿಭಾಗ ಪ್ರದ್ವಿನ್ ರೈ ಕೆ ,ಕ್ರೀಡಾ ಕಾರ್ಯಂತೆರ್ ಸ್ವರೂಪ್ ರೈ ,ಸಾಂಸ್ಕೃತಿಕ ಕಾರ್ಯಂತೆರ್ ದಿವಿನ್ ಶೆಟ್ಟಿ ಮೆಕ್ಲೆಗ್ ಜಬದಾರಿ ಕೊರಿಯೆರ್.

ಕ್ಲಬ್‌ಗ್ ಪೊಸ ಸದಸ್ಯೆರಾಯಿನ ಸೃಜನ್ ರೈ ಬಿ,ಶೇಖರ, ಸುನಿಲ್ ಮೆಕ್ಲೆನ್ ಸೇರ್ಪಡೆ ಮಲ್ತೆರ್ . ಕೆದಂಬಾಡಿ ಗ್ರಾಮದ ಆಶಾಕಾರ್ಯಂತೆರೆಗ್ ಸಹಾಯ , ಸ್ಮರಣೆನಿಕೆ ,ಫಲಪುಷ್ಪ ಕೊರ್ದು ಮಾನದಿಗೆ ಮಲ್ತೆರ್.