Kerala Kasaragodu

ಫರಂಗಿಪೇಟೆಡ್ ” ಮೆಡೋಕ್ ವಿಷನ್ ಕೇರ್’ದ ಪೊಸ ಶಾಖೆ ಉದಿಪನ

ಬಂಟ್ವಾಳ : ಕಣ್ಣ್ ದ ಹಾರೈಕೆ ಕ್ಷೇತ್ರಡ್ ಬಾರಿ ವರ್ಷದ ಹಲವು ಅನುಭವ ಬೊಕ್ಕ ಪರಂಪರೆದೊಟ್ಟುಗು ಬೇಲೆ ಮಲ್ತೊಂದು ಉಪ್ಪುನ ದಕ್ಷಿಣ ಕನ್ನಡ ಜಿಲ್ಲೆದ ಮಾಮಲ್ಲ ಒಪ್ಟಿಕಲ್ ಸಂಸ್ಥೆ ‘ಮೆಡೋಕ್ ವಿಷನ್ ಕೇರ್’ದ ಪೊಸ ಶಾಖೆ ಫರಂಗಿಪೇಟೆದ ಬಸ್ ಸ್ಟ್ಯಾಂಡ್ ಕೈತಲ್ ಉದಿಪನ ಆಂಡ್.

ಮಳಿಗೆನ್ ಶಾಸಕ ಯು.ಟಿ.ಖಾದರ್ ಉದಿಪನ ಮಲ್ತೆರ್ . ಫರಂಗಿಪೇಟೆ ಜುಮಾ ಮಸೀದಿ ಖತೀಬ್ ಅಬ್ಬಾಸ್ ದಾರಿಮಿ ದುಅ ನಡಪಾಯೆರ್ .ಈ ಪೊರ್ತುಡು ಪುದು ಪಂಚಾಯತ್ ಗುರ್ಕಾರ್ಲಾಯಿನ ರಮ್ಲಾನ್ ಮಾರಿಪಳ್ಳ, ಆಡಳಿತ ಪಾಲುದಾರೆರಾಯಿನ ಝಿರಾರ್ ಅಬ್ದುಲ್ಲಾ, ಇರ್ಷಾದ್ ಮುಹಮ್ಮದ್ ಫೈಝ್, ನಿಝಾಂ ಪಾಲ್ ಪಡೆದಿತ್ತೆರ್.

ದೇಶ ಭಕ್ತಿ ಗೀತೆ ಪಂಥಗ್ “ಗೋಲ್ಡನ್ ಬುಕ್ ಆಫ್ ವರ್ಲ್ಡ್‌ ರೆಕಾರ್ಡ್”

ಬೊಲ್ತೆರ್ : ಸ್ವಾತಂತ್ರ್ಯದ ಅಮೃತಮಹೋತ್ಸವದ ಪೊರ್ತುಡು ಶಾಸಕ ಹರೀಶ್ ಪೂಂಜ ಮುತಾಲೀಕೇಡ್ ಅಟ್ಟನೆ ಮಲ್ತಿನ ಆನ್‌ಲೈನ್ ದೇಶಭಕ್ತಿ ಗೀತೆ ಪಂಥಗ್ ಗೋಲ್ಡನ್ ಬುಕ್ ಆಫ್ ವರ್ಲ್ಡ್‌ ರೆಕಾರ್ಡ್ ಮಾನದಿಗೆ ಬೈದುಂಡು .

ಗೋಲ್ಡನ್ ಬುಕ್ ಆಫ್ ವರ್ಲ್ಡ್‌ ರೆಕಾರ್ಡ್‌ದ ಏಪ್ಯಾ ಮುಖ್ಯಸ್ಥ ಡಾ.ಮನೀಶ್ ವೈಷ್ಣವಿ ಐತಾರ ಬೆಳ್ತಂಗಡಿ ಶ್ರೀಮಂಜುನಾಥ ಸ್ವಾಮಿ ಕಲಾಭವನಡ್ ನಡತಿನ ಸರಳ ಲೇಸ್ ಡ್ ಶಾಸಕ ಹರೀಶ್ ಪೂಂಜ ಮೆರೆಗ್ ಪ್ರಶಸ್ತಿ ಪತ್ರ, ಪದಕನ್ ಮಾನದಿಗೆ ಮಲ್ತೆರ್.

‘ಗೋಲ್ಡನ್ ಬುಕ್ ಆಫ್ ವರ್ಲ್ಡ್‌ ರೆಕಾರ್ಡ್‌ದ ಮಾತಾ ಷರತ್ತು, ನಿಯಮಗ್ ಅನುಸಾರ ಲೇಸ್ ನಡಪಾದೆರ್ .

ಆಗಸ್ಟ್ 25 ಕ್ಕ್ ಪಂಥದ ಫಲಿತಾಂಶ ಪ್ರಕಟ ಆಯರೇ ಉಂಡು ,ಸುರುತ , ರಡ್ಡನೇ ಇನಾಮುದ ಒಟ್ಟುಗು ಪಂತಾರ್ತಿಲೆಗ್ ಮಾನದಿಗೆ ನಡಪರೆ ಉಂಡು. ಬೆಳಗಾವಿ, ಬೀದರ್, ಬೆಂಗ್ಳೂರು, ಮೈಸೂರು, ಕಾಸ್ರೋಡು, ಮಹರಾಷ್ಟ್ರ, ದೆಹಲಿ ಬೊಕ್ಕ ವಿದೇಶರ್ದ್ ಲೇಸ್ ಡ್ ಪಾಲ್ ಪಡೆತೆರ್ ಪಂದ್ ಸಂಘಟಕೆರ್ ತೆರಿಪಾದೆರ್..

ಲೇಸ್ ಡ್ ಪ್ರಶಾಂತ್ ಶೆಟ್ಟಿ, ನಿರ್ದೇಶಕ ಸ್ಮಿತೇಶ್ ಬಾರ್ಯ, ಅನೀಶ್ ವೇಣೂರು ಪಾಲ್ ಪಡೆದಿತ್ತೆರ್ .

ಒಡಿಪುದ ಕೊರಗಜ್ಜ ಸಾನದ ಮೂಕಾಂಬಿಕ ಅಪ್ಪೆನ ಗುಂಡದ ತುಲು ಲಿಪಿ ಪುದರ್ ಪಲವೆ ಉದಿಪನ

ಒಡಿಪು : ಒಡಿಪುದ ಎಂ ಜಿ ಎಮ್ ಕಾಲೇಜ್ ಎದುರು ಉಪ್ಪುನ ಕೊರಗಜ್ಜ ಸಾನಡ್ ಉಪ್ಪುನ ಮೂಕಾಂಬಿಕ ಅಪ್ಪೆನ ಗುಂಡದ ತುಲು ಲಿಪಿ ಪುದರ್ ಪಲವೆ ಉದಿಪನ ಜೈ ತುಲುನಾಡ್ (ರಿ) ಒಡಿಪು ಎಗ್ಗೆ ಬೊಕ್ಕ ಸಾನದ ಪದುಕೆರ್ನ ಸೇರಿಗೆಡ್ ನಡತ್ಂಡ್.

ಪುದರ್‌ಪಲವೆ ಉದಿಪನ ತುಲುಲಿಪಿ ಕಲ್ಪಾರ್ತಿ ಶ್ರೀಮತಿ ಪ್ರಮೀಳ ಸಾಲಿಯಾನ್ ಮೇರ್ ಮಲ್ತೆರ್ , ಈ ಸಂದರಪುಡು ಸಾನದ ಮುಖ್ಯ ಪಾತ್ರಿಲಾಯಿನ ನವೀನ್ ಪಾತ್ರಿ, ಸಾನದ ಪದುಕೆರ್, ಜೈ ತುಲುನಾಡ್ (ರಿ) ಲಿಪಿ ಸಮಿತಿ ಮೇಲ್ವಿಚಾರಕೆರ್ ಶರತ್ ಕೊಡವೂರ್, ಜೈ ತುಲುನಾಡ್ (ರಿ) ಒಡಿಪು ಎಗ್ಗೆದ ಸಂಚಾಲಕೆರಾಯಿನ ರಾಜೇಶ್ ತುಲುವೆ, ಸಚಿನ್ ಬಡಗಬೆಟ್ಟು ಪದುಕೆರಾಯಿನ ಕಿನ್ನು ಒಡಿಪು ಬೊಕ್ಕ ಸುರೇಶ್ ಹಾವಂಜೆ ಪಾಲ್ ಪಡೆಯೆರ್.

ಒಡಿಪುದ ಕೊರಗಜ್ಜನ ಗುಂಡದ ತುಲು ಲಿಪಿ ಪುದರ್ ಪಲವೆ ಉದಿಪನ

ಒಡಿಪು : ಒಡಿಪುದ ಎಂ ಜಿ ಎಮ್ ಕಾಲೇಜ್ ಎದುರು ಉಪ್ಪುನ ಕೊರಗಜ್ಜ ಸಾನಡ್ ಕೊರಗಜ್ಜನ ಗುಂಡದ ತುಲು ಲಿಪಿ ಪುದರ್‌ ಪಲವೆದ ಉದಿಪನ ಜೈ ತುಲುನಾಡ್ (ರಿ) ಒಡಿಪು ಎಗ್ಗೆ ಬೊಕ್ಕ ಸಾನದ ಪದುಕೆರೆನ ಸೇರಿಗೆಡ್ ನಡತ್ಂಡ್.

ಪುದರ್ ಪಲವೆ ಉದಿಪನ ಸಾನದ ಮುಖ್ಯ ಪಾತ್ರಿ ನವೀನ್ ಮೇರ್ ಮಲ್ತೆರ್ . ಈ ಪೊರ್ತುಡು ಸಾನದ ಪದುಕೆರ್, ಜೈ ತುಲುನಾಡ್ (ರಿ) ಲಿಪಿ ಸಮಿತಿ ಮೇಲ್ವಿಚಾರಕೆರ್ ಶರತ್ ಕೊಡವೂರ್, ತುಲುಲಿಪಿ ಕಲ್ಪಾರ್ತಿ ಶ್ರೀಮತಿ ಪ್ರಮೀಳ -ಸಾಲಿಯಾನ್, ಜೈ ತುಲುನಾಡ್ (ರಿ) ಒಡಿಪು ಎಗ್ಗೆದ ಸಂಚಾಲಕೆರಾಯಿನ ರಾಜೇಶ್ ತುಲುವೆ, ಸಚಿನ್ ಬಡಗಬೆಟ್ಟು, ಪದುಕೆರಾಯಿನ ಕಿನ್ನು ಒಡಿಪು ಬೊಕ್ಕ ಸುರೇಶ್ ಹಾವಂಜೆ ಪಾಲ್ ಪಡೆಯೆರ್.

ಟ್ಯಾಲೆಂಟ್ ರಿಸರ್ಚ್ ಫೌಂಡೇಶನ್ ವತಿರ್ದ್ ದೈ ಪಟ್ಟುನ ಲೇಸ್

ಕುಡ್ಲ : ಸ್ವಾತಂತ್ರ್ಯದ ಅಮೃತ ಮಹೋತ್ಸವದ ನೆಂಪುಗಾದ್ 75 ಧಾರ್ಮಿಕ ಕೇಂದ್ರಗ್ ದೈ ಪಟ್ಟುನ ಮಹತ್ತರವಾಯಿನ ಯೋಜನೆನ್ ಟ್ಯಾಲೆಂಟ್ ರಿಸರ್ಚ್ ಫೌಂಡೇಶನ್ ಅಟ್ಟನೆ ಮಲ್ದೆರ್ .

ಆ.15ಕ್ಕ್ ಭಾರತಗ್ ಸ್ವಾತಂತ್ರ್ಯೋತ್ಸವದದ ಸಂಭ್ರಮ ಆಂಡ . ಕೋವಿಡ್-19 ನಿಯಂತ್ರಣದ ನೆಲೆಟ್ಟ್ ಅವ್ವೆತೋ ಜನಕುಲು ಒಂಜೇ ಕಡೆ ಸೇರಂದಿಲಕ ಸರಕಾರ ಸೂಚನೆ ಕೊರ್ತುಂಡು . ಈ ನೆಲೆಟ್ಟ್ ಟಿಆರ್‌ಎಫ್ ಪರಿಸರಗ್ ಆದ್ಯತೆ ಕೊರ್ಪಿನ ಪೊಸ ಯೋಜನೆನ್ ಈ ಸಲ ದೆತೊಂದೆರ್.

ಹಿರೇಬೈಲ್ಡ್ ಇಡಕಿಣಿ ಗ್ರಾಮ ಪಂಚಾಯಿತಿ ಬೊಕ್ಕ ಆಟೋ ಚಾಲಕ ಮಾಲಕರ ಸಂಘಡ್ದು ನಾಗರಿಕ ಮಾನದಿಗೆ

ಹಿರೇಬೈಲ್ : ಬಾರತ ದೇಶದ 75 ನೇ ಸ್ವಾತಂತ್ರೋತ್ಸವದ ಆಚರಣೆಡ್ ಹಿರೇಬೈಲ್ ಡ್ ನಾಗರಿಕ ತಮ್ಮನ ಇಡಕಿಣಿ ಗ್ರಾಮ ಪಂಚಾಯಿತಿ ಬೊಕ್ಕ ಆಟೋ ಚಾಲಕ ಮಾಲಕರ ಸಂಘ ಹಿರೇಬೈಲ್ ಮಲ್ತೆರ್.

ತಮ್ಮನ ಪಡೆಯಿನಕುಲು,
1, ಚಂದ್ರಕಾಂತ್ ಮಾಸ್ಟರ್ ಪ್ರೌಢಶಾಲೆ ಹಿರೇಬೈಲ್.
2, ಡಿ. ಕೃಷ್ಣ ಟೈಲರ್ ಹಿರೇಬೈಲ್
3,ಕಿರಣ್ ಶೇಟ್ಟಿ ಎಡೂರ್.
4, ಆಲೇಕ್ಸ ಡಿಸೋಜ, ಆಟೋ ಬುಡ್ಪಿನಾರ್.
5, ಶರೀಫ್,
ಆಂಬುಲೆನ್ಸ್ ಬುಡ್ಪಿನಾರ್.
6, ಮಹಮ್ಮದ್,
ತೋಟದ ಬೇಲೆದಾರ್,
ಬೂದಿಗುಂಡಿ.

ಕುಕ್ಕುಂದೂರು ದುರ್ಗಾನಗರಡ್ ತುಲು ಬರವು ಪುದರ್ ಪಲವೆ

ಒಡಿಪು : ಕಾರ್ಲ ತಾಲೂಕು ಕುಕ್ಕುಂದೂರು ಗ್ರಾಮ ದುರ್ಗಾನಗರ ರಾಜ್ಯಪೆರ್ಯಾದಿದ ಕೈತಲ್‌ಡ್ ಜೈ ತುಲುನಾಡ್ (ರಿ) ಸಂಘಟನೆ ಬೊಕ್ಕ ಗೆಳೆಯರ ಬಳಗ ದುರ್ಗಾನಗರದ ಲೆಕ್ಕೊಡು ತುಲು ಲಿಪಿ ಪುದರ್‌ ಪಲವೆ ಪಾಡಿಯೆರ್.

ಪುದರ್‌ಪಲವೆದ ಉದಿಪನೊನು ಗ್ರಾಮದ ಪೆರಿಯೆರಾಯಿನ ಶ್ರೀ ಸುಂದರ್ ಶೆಟ್ಟಿ ಮರ್, ಈ ಸಂದರಪ್ಪುಡು ಪಂಚಾಯತ್ ಪದುಕೆರಾಯಿನ ಶ್ರೀ ಉದಯ್.ವಿ ಶೆಟ್ಟಿ ರಾಜೇಶ್ ಶೆಟ್ಟಿ, ಜೈ ತುಲುನಾಡ್ ಸಂಘಟನೆದ ಕೇಂದ್ರ ಸಂಘಟನಾ ಕಾಯಂ೯ತೆರಾಯಿನ ಶ್ರೀ ರವಿಚಂದ್ರ ಆಚಾರ್ಯ, ಪ್ರಮುಖರಾಯಿನ ವಿಶು ಶ್ರೀಕೇರ ಶೇಖರ್ ಶ್ರೀಗಂಗೆ, ವಿನಯ್ ಈದು ಬಟ್ಟೆಣಿ, ಪ್ರಶಾಂತ್, ಸಂದೇಶ್, ಬೊಕ್ಕ ತುಲುಲಿಪಿ ಕಲ್ಪಾದಿ ಕುಮಾರಿ ಸೌಮ್ಯ ಬೊಕ್ಕ ಗೆಳೆಯರ ಬಳಗದ ಪ್ರಮುಖೆರ್ ಪಾಲ್ ಪಡೆದಿತ್ತೆರ್.

ಪರಪ್ಪಾಡಿ ನಲ್ಲೂರು ಸರಕಾರಿ ಶಾಲೆಗ್ ತುಲು ಬರವು ಪುದರ್ ಪಲವೆ

ನಲ್ಲೂರು : ಸರಕಾರಿ ಕಿರಿಯ ಪ್ರಾಥಮಿಕ ಶಾಲೆ ಪರಪ್ಪಾಡಿ ನಲ್ಲೂರುಡು ತುಲುನಾಡ್‌ ಪರತಿರಿಟ್ ರಡ್ಡನೇ ಸರ್ತಿ ಶಾಲೆಗ್ ತುಲುಲಿಪಿ ಪುದರ್‌ಪಲವೆನ್ ಜೈ ತುಲುನಾಡ್ (ರಿ) ಸಂಘಟನೆದ ಸಹಕಾರೊಡು ಪಾಡಿಯೆರ್.

ಪುದರ್‌ಪಲವೆದ ಉದಿಪನೊನು ಶಾಲಾ ಮುಖ್ಯೋಪಾಧ್ಯಾಯೆರಾಯಿನ ಶ್ರೀಮತಿ ಪೂರ್ಣಿಮಾ ಶೆಣೈ ನೆರವೇರಾಯೆರ್. ಈ ಪೊರ್ತುಡು ನಲ್ಲೂರು ಗ್ರಾಮ ಪಂಚಾಯಿತಿ ಗುರ್ಕಾರೆರಾಯಿನ ಶ್ರೀಮತಿ ಕವಿತಾ, ಯುವಚೇತನ ಯುವಕಸಂಘದ ಗುರ್ಕಾರ‌ ಪ್ರಮೋದ್ ಶೆಟ್ಟಿ, ಜೈ ತುಲುನಾಡ್ (ರಿ) ಸಂಘಟನೆದ ಕೇಂದ್ರ ಸಂಘಟನಾ ಕಾರ್ಯಂತೆರಾಯಿನ ಶ್ರೀ ರವಿಚಂದ್ರ ಆಚಾರ್ಯ ದುರ್ಗಾನಗರ, ತುಳುನಾಡ್ ಒಕ್ಕೂಟ (ರಿ) ಸಂಘಟನೆದ ಗುರ್ಕಾಲ್ರಾಯಿನ ವಿನಯ್ ಈದು ಬಟ್ಟೇಣಿ, ಜೈ ತುಲುನಾಡ್ ಕಾರ್ಲಯುನಿಟ್ ಪ್ರಮುಖರಾಯಿನ ವಿಶು ಶ್ರೀಕೇರ ಶೇಖರ್ ಶ್ರೀಗಂಗೆ, ದಿನೇಶ್ ಶೆಟ್ಟಿ ಮುಂಡ್ಲಿ, ತುಲುಲಿಪಿ ಕಲ್ಪಾದಿ ಕು.ಸೌಮ್ಯ, ಬೊಕ್ಕ ಪದುಕರ್ ಬೊಕ್ಕ ತುಲುಚಿತ್ರ ನಟ ಪ್ರಸಾದ್ ಈದು ಬಟ್ಟೆಣಿ, ಒತ್ತು ಕಲ್ಪಾದಿ ಶ್ರೀಮತಿ ವಿದ್ಯಾ SDMC ಪದುಕೆರ್ ಬೊಕ್ಕ ಊರುದ ಪ್ರಮುಖೆರ್ ಪಾಲ್‌ಪಡೆಯೆರ್.

ಬಂಟ್ವಾಳ ಅಗ್ನಿ ಶಾಮಕ ಠಾಣೆದ ಮೀರ್ ಮುಹಮ್ಮದ್ ಗೌಸ್ ಗ್ ರಾಷ್ಟ್ರಪತಿ ಪದಕ

ಬಂಟ್ವಾಳ : ಬಂಟ್ವಾಳ ಅಗ್ನಿಶಾಮಕ ಠಾಣೆದ ಮೀರ್ ಮುಹಮ್ಮದ್ ಗೌಸ್ ಮೇರ್ ರಾಷ್ಟ್ರಪತಿ ಪದಕಗ್ ಆಯ್ಕೆಯಾತೆರ್.

ಬಂಟ್ವಾಳ ಅಗ್ನಿಶಾಮಕ ಠಾಣೆದ ಪ್ರಮುಖ ಸಿಬ್ಬಂದಿಯಾಯಿನ ಮೇರ್ ದ.ಕ. ಜಿಲ್ಲೆರ್ದ್ ಈ ಸಲ ಪ್ರಶಸ್ತಿಗ್ ಆಯ್ಕೆಯಾತೆರ್.