ಕೇರಳದ ವೈದ್ಯೆರ್ನ ಈ ಮರ್ದ್ದ ಚೀಟಿ ದಾಯೆ ವೈರಲ್ ತೂಲೆ..!
ಏರ್ ಬರೆತಿನಲ ಓದೊಲಿ ಆಂಡ ಈ ಡಾಕ್ಟರ್ ನಕುಲು ಬರೆಯಿನ ಮಾತ್ರ ಬ್ರಹ್ಮಗ್ಲ ಓದರೆ ಸಾಧ್ಯ ಇಜ್ಜಿ. ಆಯಿಕ್ಕ್ ವೈದ್ಯೆರ್ನ ಮರ್ದ್ದ ಚೀಟಿಗ್ ಬ್ರಹ್ಮಲಿಪಿ ಪಂದ್ ಮಕ್ಕರ್ ಮಲ್ಪೆರ್. ಮಸ್ತ್ ಜನ ಈ ಚೀಟಿನ್ ಓದರೆ ಪೋದು ಸೋತ್ದ್ ಪೋತೆರ್. ಕಡೆಕ್ಕ್ ವೈದ್ಯೆರ್ನ ಲಿಪಿ ಅರ್ಥ ಆಪಿನವ್ ಮರ್ದ್ದ ಅಂಗಡಿದಕ್ಲೆಗ್ ಮಾತ್ರ ಪನ್ಪಿನ ತೀರ್ಮಾನ ದೆತೊಂದು ಮನಿಪಂದೆ ಚೀಟಿ ಮಡ್ಚ್ದ್ ಕಿಸೆಟ್ ದೀಪೆರ್.
ಆಂಡ ಕೇರಳದ ವೈದ್ಯೆರ್ ಒರಿ ಬರೆಪುನ ಔಷಧಿ ಚೀಟಿ ಮಾತ್ರ ವಾ ಗೊಂದಲನ್ಲ ಸೃಷ್ಠಿ ಮಲ್ಪುಜಿ. ಆತ್ ಅಚ್ಚ್ಕಟ್ಟಾದ್ ಅಕ್ಷರನ್ ಬರೆಪೆರ್. ಅಂಚಾದ್ ಇತ್ತೆ ಉಂದು ವೈರಲ್ ಆವೊಂದುಂಡು.
ಡಾ. ನಿತಿನ್ ನಾರಾಯಣನ್ ಕೇರಳದ ಪಾಲಕ್ಕಾಡ್ ಸಮುದಾಯ ಆರೋಗ್ಯ ಕೇಂದ್ರಡ್ ಜೋಕ್ಲೆನ ವೈದ್ಯೆರಾದುಲ್ಲೆರ್. ಆರೆ ಈ ಮರ್ದ್ದ ಚೀಟಿನ್ ಬರೆತಿನಾರ್. ಒಂಜೊಂಜಿ ಅಕ್ಷರನ್ಲ ಬುಡ್ಪಾದ್ ಬರೆದ್ ಕ್ಯಾಪಿಟಲ್ ಲೆಟರ್ಸ್ಡ್ ಬರೆಪುನ ಮೆರೆನ ತಾಳ್ಮೆ ವಾ ವೈದ್ಯೆರ್ದ್ಲ ಬಲ್ಲಿ.
ಇತ್ತೆ ಪೊರ್ಲು ಅಕ್ಷರಡ್ ಬರೆಪುನ ವೈದ್ಯೆರ್ “ಯನ್ನ ಮೆಗ್ದಿ ನಾಲ್ ಗೆರೆತ್ತ ನೋಟ್ಬುಕ್ಡ್ ಅಚ್ಚುಕಟ್ಟಾದ್ ಬರೆಯರೇ ಅಭ್ಯಾಸ ಮಲ್ತಿನವ್ವೇ ಉಂದೆತ್ತ ಪಿರ ಇಪ್ಪುನ ಗುಟ್ಟು” ಪಂದ್ ಪನ್ಪೆರ್.