Tue. Nov 17th, 2026

kaupmariyammatemple

ಕಾಪು ಪೊಸ ಮಾರಿಗುಡಿಕ್ಕ್ ಕೇಂದ್ರ ಸಚಿವೆರ್ ಎಚ್.ಡಿ ಕುಮಾರಸ್ವಾಮಿ ಕುಟುಂಬ ಭೇಟಿ, ಘಂಟಾನಾದ ಸೇವೆ

ಕಾಪು : ಪೊಸ ಮಾರಿಗುಡಿ ಶ್ರೀ ಮಾರಿಯಮ್ಮ ದೇವಸ್ಥಾನಗ್ ಕೇಂದ್ರ ಭಾರೀ ಕೈಗಾರಿಕೆ ಬೊಕ್ಕ ಉಕ್ಕು ಸಚಿವೆರ್ ಎಚ್. ಡಿ ಕುಮಾರಸ್ವಾಮಿ ಕುಟುಂಬ ಸಮೇತ ಸೋಮವಾರ ಭೇಟಿ ಕೊರ್ದು ಉಚ್ಚಂಗಿ ದೇವಿ ಸಮೇತ ಶ್ರೀ ಮಾರಿಯಮ್ಮ ದೇವಿನ ದರ್ಶನ ಮಲ್ತೆರ್.
ಈ ದೇವಲ್ಯದ ವ್ಯವಸ್ಥಾಪನಾ ಸಮಿತಿ ಬೊಕ್ಕ ಅಭಿವೃದ್ಧಿ ಸಮಿತಿ ವತಿರ್ದ್ ಅಮ್ಮನ ಅನುಗ್ರಹ ಪ್ರಸಾದ ಕೊರ್ದು ಸಚಿವೆರೆನ್ ಗೌರವ ಮಲ್ತೆರ್.

ಈ ಪೊರ್ತುಡು ದೇವಲ್ಯದ ನವ ನಿರ್ಮಾಣದ ಬಗೆಟ್ಟ್ ಬೊಕ್ಕ ನವದುರ್ಗಾ ಲೇಖನ ಯಜ್ಞದ ಬಗೆಟ್ಟ್ ಮಾಹಿತಿ ಕೊರಿಯೆರ್. ಅಂಚೆನೆ ರಡ್ಡನೇ ಹಂತದ ಕಾಮಗಾರಿದ ಸಮಗ್ರ ಚಿತ್ರಣದ ಒಟ್ಟುಗು ಸರಕಾರರ್ದ್ ಅನುದಾನ ಕೊರ್ಪಿನ ಬಗೆಟ್ಟ್ ಅಭಿವೃದ್ಧಿ ಸಮಿತಿ ಅಧ್ಯಕ್ಷೆರ್ ರಾಜರ್ಷಿ ಕೆ. ವಾಸುದೇವ ಶೆಟ್ಟಿ ಮೇರ್ ಬಿನ್ನಾಪುದ ಓಲೆ ಕೊರಿಯೆರ್.

ದೇವಳದ ಪ್ರಧಾನ ತಂತ್ರಿ ವಿದ್ವಾನ್ ಕೆ.ಪಿ ಕುಮಾರಗುರು ತಂತ್ರಿಲು, ಪ್ರಧಾನ ಅರ್ಚಕೆರ್ ಶ್ರೀನಿವಾಸ ತಂತ್ರಿ ಕಲ್ಯ ಪ್ರಾರ್ಥನೆ ಮಲ್ತ್‌ದ್ ಅನುಗ್ರಹ ಪ್ರಸಾದ ಕೊರಿಯೆರ್.

ಸಚಿವೆರ್ ತನ್ನ ಬೊಡೆದಿ ಅನಿತಾ ಕುಮಾರಸ್ವಾಮಿ, ಮಗೆ ನಿಖಿಲ್ ಕುಮಾರಸ್ವಾಮಿ, ಮರ್ಮಲ್ ರೇವತಿ, ಪುಲ್ಲಿ ಅವ್ಯಾನ್ ದೇವ್ ಸೇರ್ದ್ ಘಂಟಾನಾದ ಸೇವೆ ಕೊರಿಯೆರ್. ವಿಧಾನಪರಿಷತ್ ಸದಸ್ಯೆರ್ ಭೋಜೇಗೌಡ ಇತ್ತೆರ್. ಅವೆರ್ದ್ ಬೊಕ್ಕ ದೇವಿಗ್ ಕಾರ್ತಿಕ ತಿಂಗೊಲ್ದ ವಿಶೇಷ ಸೇವೆಯಾದ್ ನೆಯಿತ್ತ ದೀಪ ಬೆಳಗಾಯೆರ್.
ಕಾಪು ಶಾಸಕೆರ್ ಗುರ್ಮೆ ಸುರೇಶ್ ಶೆಟ್ಟಿ, ಮಾಜಿ ಶಾಸಕೆರ್ ಮೋಹಿದ್ದಿನ್ ಬಾವ, ಕಾರವಾರ ಮಾಜಿ ಶಾಸಕೆರ್ ಆನಂದ್ ವಸಂತ್ ಅಸ್ನೋಟಿಕರ್, ಜಾತ್ಯತೀತ ಜನತಾದಳ ರಾಜ್ಯ ಉಪಾಧ್ಯಕ್ಷೆರ್ ಸೂರಜ್ ನಾಯ್ಕ್ ಸೋನಿ, ದೇವಳದ ವ್ಯವಸ್ಥಾಪನಾ ಸಮಿತಿ ಅಧ್ಯಕ್ಷೆರ್ ನಡಿಕೆರೆ ರತ್ನಾಕರ ಶೆಟ್ಟಿ, ಕಾರ್ಯನಿರ್ವಹಣಾಧಿಕಾರಿ ರವಿಕಿರಣ್, ಅಭಿವೃದ್ಧಿ ಸಮಿತಿ ಪ್ರಧಾನ ಕಾರ್ಯದರ್ಶಿ ರಮೇಶ್ ಹೆಗ್ಡೆ ಕಲ್ಯ, ಪ್ರಚಾರ ಸಮಿತಿ ಪ್ರಧಾನ ಸಂಚಾಲಕೆರ್ ಯೋಗೀಶ್ ವಿ. ಶೆಟ್ಟಿ ಬಾಲಾಜಿ, ವ್ಯವಸ್ಥಾಪನಾ ಸಮಿತಿ ಸದಸ್ಯೆರ್ ಮಾಧವ ಆರ್.ಪಾಲನ್, ಶೇಖರ್ ಸಾಲ್ಯಾನ್, ಮನೋಹರ್ ರಾವ್ ಕಲ್ಯ, ರವೀಂದ್ರ ಮಲ್ಲಾರ್, ಜಯಲಕ್ಷ್ಮೀ ಎಸ್.ಶೆಟ್ಟಿ, ಚರಿತಾ ದೇವಾಡಿಗ, ಆರ್ಗಾನಿಕ್ ಇಂಡಸ್ಟ್ರೀಸ್ ನಿರ್ದೇಶಕೆರ್ ಆನಂದ ಎಮ್. ಶೆಟ್ಟಿ, ಅದಾನಿ ಸಮೂಹ ಸಂಸ್ಥೆದ ಕಾರ್ಯನಿರ್ವಾಹಕ ನಿರ್ದೇಶಕೆ ಕಿಶೋರ್ ಆಳ್ವ, ಆಸ್ಪೆನ್ ಎಸ್‌ಇಝೆಡ್‌ ಮಹಾ ಪ್ರಬಂಧಕೆರ್ ಅಶೋಕ್ ಶೆಟ್ಟಿ, ಕೆ. ಭಗವಾನ್ ದಾಸ್, ಜಯರಾಮ್ ಆಚಾರ್ಯ, ಗೀತಾಂಜಲಿ ಸುವರ್ಣ, ಶ್ರೀಕರ ಶೆಟ್ಟಿ ಕಲ್ಯ, ಸಾವಿತ್ರಿ ಗಣೇಶ್, ರವಿಕುಮಾರ್ ಮಂದಾರ, ರಘುರಾಮ್ ಶೆಟ್ಟಿ ಕೊಪ್ಪಲಂಗಡಿ, ರವಿರಾಜ್ ಶೆಟ್ಟಿ ಪಂಜಿತ್ತೂರು, ಉದಯ ಹೆಗ್ಡೆ, ಉದಯ ಶೆಟ್ಟಿ ಕೊಪ್ಪಲಂಗಡಿ ಮೊಕುಲು ಮಾತ ಇತ್ತೆರ್.

ಕಾಪು ಪೊಸ ಮಾರಿಗುಡಿಟ್ಟ್ ಮಾರ್ನೆಮಿ ಉಚ್ಚಯ ಉದಿಪನ

ಧಾರ್ಮಿಕ, ಸಾಂಸ್ಕೃತಿಕ ಲೇಸ್‌ಗ್ ಚಾಲನೆ; ಡಾ. ಮೋಹನ್ ಆಳ್ವ ಸಹಿತ 9 ಜನ ಗಣ್ಯೆರೆರ್ದ್ ಅಕ್ಷರ ನಮನ

ಕಾಪು : ಶ್ರೀ ಪೊಸ ಮಾರಿಗುಡಿ ಮಾರಿಯಮ್ಮ ದೇವಸ್ಥಾನಡ್ ಮಾರ್ನೆಮಿ ಉಚ್ಚಯದ ಉದಿಪನ ಬೊಕ್ಕ ಧಾರ್ಮಿಕ ಸಾಂಸ್ಕೃತಿಕ ಕಾರ್ಯಕ್ರಮಗ್ ಆಳ್ವಾಸ್ ಶಿಕ್ಷಣ ಸಂಸ್ಥೆದ ಸಂಸ್ಥಾಪಕೆರ್ ಡಾ. ಎಮ್ ಮೋಹನ್ ಆಳ್ವ ತುಡರ್ ಅರ್ಲಾದ್ ಉದಿಪನ ಮಲ್ತೆರ್.
ಸುರುಕ್ಕು ದೇವಳದ ಪ್ರಧಾನ ತಂತ್ರಿಲಾಯಿನ ವಿದ್ವಾನ್ ಕೆ.ಪಿ ಕುಮಾರಗುರು ತಂತ್ರಿ ಕೊರಂಗ್ರಪಾಡಿ ಬೊಕ್ಕ ವೇದಮೂರ್ತಿ ಶ್ರೀನಿವಾಸ್ ತಂತ್ರಿ ಕಲ್ಯ ಮೊಕುಲು ಉಚ್ಚಂಗಿ ಸಹಿತ ಮಾರಿಯಮ್ಮಗ್ ವಿಶೇಷ ಪ್ರಾರ್ಥನೆ ಮಲ್ತೆರ್. ಅವೆರ್ದ್ ಬೊಕ್ಕ ನವದುರ್ಗಾ ಲೇಖನ ಮಂಟಪಡ್ ಲೇಖನ ಬರೆಪಿನ ಮುಕೇನ ಕಾಪುದ ಅಪ್ಪೆಗ್ ಅಕ್ಷರ ನಮನ ಸಂದಾಯೆರ್.

ಈ ಪೊರ್ತುಡು ಪಾತೆರ್ನ ಡಾ. ಎಂ ಮೋಹನ್ ಆಳ್ವ, ಭಾರಿ ಪಿರಾಕ್‌ದ ಇತಿಹಾಸ, ಪುರಾತನ ಸಂಸ್ಕೃತಿ ಉಪ್ಪುನಂಚಿನ ಕಾಪು ದೇವಸ್ಥಾನ ದೇಶಗ್, ರಾಜ್ಯಗ್ ಮಾದರಿ ಆತ್ಂಡ್. ನವದುರ್ಗಾ ಲೇಖನ ಬರೆಪಿನ ವಿಶೇಷ ಧಾರ್ಮಿಕ ಕಾರ್ಯಕ್ರಮಡ್ ನಾಡ್‌ದ ಮಾತಾ ಭಕ್ತೆರ್ ಪಾಲ್ ಪಡೆವೊಡು ಪಂದ್ ಪಂಡೆರ್.
ಮಲ್ಲ ಬಿನ್ನೆರಾದ್ ಆನಂದ್ ಎಮ್. ಶೆಟ್ಟಿ, ಕಾಪು ಶಾಸಕೆರ್ ಗುರ್ಮೆ ಸುರೇಶ್ ಶೆಟ್ಟಿ, ಮಾಜಿ ಸಚಿವ ವಿನಯ್ ಕುಮಾರ್ ಸೊರಕೆ, ಉಡುಪಿ ಜಿಲ್ಲಾ ಪಂಚಾಯತ್ ಮುಖ್ಯ ಕಾರ್ಯನಿರ್ವಹಣಾಧಿಕಾರಿ ಪ್ರತೀಕ್ ಬಾಯಲ್ IAS, ಉಡುಪಿ ಜಿಲ್ಲಾ ಪೊಲೀಸ್ ವರಿಷ್ಠಾಧಿಕಾರಿ ಹರಿರಾಮ್ ಶಂಕರ್ IPS, ಆರ್ಗ್ಯಾನಿಕ್ ಇಂಡಸ್ಟ್ರೀಸ್ ಪ್ರೈ.ಲಿ. ಮುಂಬೈ ಆಡಳಿತ ನಿರ್ದೇಶಕ ಆನಂದ್ ಎಂ ಶೆಟ್ಟಿ ತೋನ್ಸೆ, ವಿಕೆ ಗ್ರೂಪ್ ಆಫ್ ಕಂಪನೀಸ್ ಪ್ರೈ. ಲಿ. ಮುಂಬೈ ಆಡಳಿತ ನಿರ್ದೇಶಕ ಕೆ. ಎಂ ಶೆಟ್ಟಿ, ಮಾಹೆ ಉಪಕುಲಪತಿ ಡಾ. ಎಚ್ ಎಸ್ ಬಳ್ಳಾಲ್, ವ್ಯವಸ್ಥಾಪನ ಸಮಿತಿ ಅಧ್ಯಕ್ಷೆರ್ ರತ್ನಾಕರ ಶೆಟ್ಟಿ ನಡಿಕೆರೆ, ಕಾರ್ಯನಿರ್ವಹಣಾಧಿಕಾರಿ ರವಿಕಿರಣ್, ನವದುರ್ಗಾ ಲೇಖನ ಯಜ್ಞ ಸಮಿತಿ ಅಧ್ಯಕ್ಷೆರ್ ಡಾ . ದೇವಿಪ್ರಸಾದ್ ಶೆಟ್ಟಿ ಬೆಳಪು, ಗೌರವ ಸಲಹೆಗಾರ ಉದಯ ಕುಮಾರ್ ಶೆಟ್ಟಿ ಮುನಿಯಾಲ್, ಕೆ. ವಿಶ್ವನಾಥ್, ಕಾಪು ಲಕ್ಷ್ಮಿ ಜನಾರ್ದನ ದೇವಸ್ಥಾನದ ವ್ಯವಸ್ಥಾಪನಾ ಸಮಿತಿ ಅಧ್ಯಕ್ಷೆರ್ ಮನೋಹರ ಎಸ್. ಶೆಟ್ಟಿ, ಅಭಿವೃದ್ಧಿ ಸಮಿತಿ ಉಪಾಧ್ಯಕ್ಷೆರ್ ಕಾಪು ದಿವಾಕರ ಶೆಟ್ಟಿ, ಮಾಧವ ಆರ್. ಪಾಲನ್, ಪ್ರಧಾನ ಕಾರ್ಯದರ್ಶಿ ರಮೇಶ್ ಹೆಗ್ಡೆ ಕಲ್ಯ, ಧಾರ್ಮಿಕ ಸಮಿತಿದ ಪ್ರಧಾನ ಸಂಚಾಲಕೆ ಕೆ. ಭಗವಾನ್ ದಾಸ್, ನವದುರ್ಗಾ ಲೇಖನ ಯಜ್ಞ ಸಮಿತಿದ ಕಾರ್ಯಾಧ್ಯಕ್ಷೆರ್ ಯೋಗೀಶ್ ವಿ ಶೆಟ್ಟಿ, ಸಾವಿತ್ರಿ ಗಣೇಶ್, ಪ್ರಧಾನ ಕಾರ್ಯದರ್ಶಿ ಗೀತಾಂಜಲಿ ಎಂ ಸುವರ್ಣ, ಕೋಶಾಧಿಕಾರಿ ಸುನಿಲ್ ಎಸ್. ಪೂಜಾರಿ, ವ್ಯವಸ್ಥಾಪನ ಸಮಿತಿ ಸದಸ್ಯ ಶೇಖರ ಸಾಲ್ಯಾನ್, ಮನೋಹರ್ ರಾವ್, ರವೀಂದ್ರ ಮಲ್ಲಾರ್, ಜಯಲಕ್ಷ್ಮಿ ಎಸ್. ಶೆಟ್ಟಿ, ಚರಿತ ದೇವಾಡಿಗ, ಕೊಡವೂರು ಸಾಯಿಬಾಬಾ ಮಂದಿರದ ಟ್ರಸ್ಟಿ ದಿವಾಕರ ಶೆಟ್ಟಿ ಕೊಡವೂರು, ಸುಧಾಕರ ಶೆಟ್ಟಿ ಮಕರ, ಡಾ. ಪ್ರಶಾಂತ್ ಶೆಟ್ಟಿ ಕಾಪು, ಬೀನಾ ವಿ.ಶೆಟ್ಟಿ, ಶಿಲ್ಪಾ ಜಿ. ಸುವರ್ಣ, ಅನುರಾಧ ಮನೋಹರ್ ಶೆಟ್ಟಿ, ಕಾಪು ಜಯರಾಮ್ ಆಚಾರ್ಯ ಇತ್ತೆರ್.
ನಿರ್ಮಲ್ ಕುಮಾರ್ ಹೆಗ್ಡೆ ಬೊಕ್ಕ ಸತೀಶ್ ಶೆಟ್ಟಿ ಗುಡ್ಡೆಚ್ಚಿ ಕಾರ್ಯಕ್ರಮ ನಿರೂಪಣೆ ಮಲ್ತೆರ್, ಅಭಿವೃದ್ಧಿ ಸಮಿತಿ ಅಧ್ಯಕ್ಷೆರ್ ರಾಜರ್ಷಿ ಕೆ.ವಾಸುದೇವ ಶೆಟ್ಟಿ ಸ್ವಾಗತ ಮಲ್ತ್‌ದ್ ಅಕೇರಿಗ್ ಸೊಲ್ಮೆ ಸಂದಾಯೆರ್.

ಸೆ.24 : ಕಾಪುದಪ್ಪೆಗ್ ಅಕ್ಷರ ನಮನ, ಮಾತೃಕಾ ಶಕ್ತಿ ಪೂಜೆ, ಕಾಪು ಚಾರಿಟೇಬಲ್ ಟ್ರಸ್ಟ್ (ರಿ.) ಉದಿಪನ

ಕಾಪು : ಶಕ್ತಿ ಸ್ವರೂಪಿಣಿ ಕಾಪುದ ಮಾರಿಯಮ್ಮನ ನಡೆಟ್ಟ್ ಲೋಕದ ಎಡ್ಡೆಪ್ಪುಗಾದ್ ಬೊಕ್ಕ ಮಾತಾ ಭಕ್ತೆರ್‌ನ ಉದ್ಧಾರೊಗಾದ್ ಸೆ.24 ಗುರುವಾರ ಮದ್ಯಾನ 3 ಗಂಟೆಗ್‌ “ಮಾತೃಕಾ ಶಕ್ತಿ ಪೂಜೆ” ನಡಪರೆ ಉಂಡು.
ದೇವಸ್ಥಾನದ ಪ್ರಧಾನ ತಂತ್ರಿಲಾಯಿನ ವಿದ್ವಾನ್ ಕೆ.ಪಿ. ಕುಮಾರಗುರು ತಂತ್ರಿಲೆನ ಮಾರ್ಗ ದರ್ಶನಡ್, ಪ್ರಧಾನ ಅರ್ಚಕೆರಾಯಿನ ವೇದಮೂರ್ತಿ ಶ್ರೀನಿವಾಸ ತಂತ್ರಿ ಕಲ್ಯ ಮೆರೆನ ಸಹಯೋಗಡ್ ಈ ಪೂಜಾ ವಿಧಿ ನಡಪರೆ ಉಂಡು. 3.30 ಗಂಟೆಗ್ ಸಾಮೂಹಿಕ ಪ್ರಾರ್ಥನೆ, 4 ಗಂಟೆಗ್ ದೀಪ ಉದಿಪನ, 4.30ಕ್ಕ್ ಸಭಾ ಕಾರ್ಯಕ್ರಮ, 5.30ಕ್ಕ್ ಮಹಾ ಮಂಗಳಾರತಿ ಆವರೆ ಉಂಡು.
ಸಭಾ ಕಾರ್ಯಕ್ರಮರ್ದ್ ದುಂಬು ಮಲ್ಲ ಬಿನ್ನೆರಾದ್ ಎಂ.ಆರ್.ಜಿ ಗ್ರೂಪ್ ಚೇರ್‌ಮ್ಯಾನ್ ಡಾ. ಕೆ ಪ್ರಕಾಶ್ ಶೆಟ್ಟಿ ಮೇರ್ ಕಾಪು ಕ್ಷೇತ್ರದ ಧಾರ್ಮಿಕ, ಶೈಕ್ಷಣಿಕ, ಸಾಂಸ್ಕೃತಿಕ ಬೊಕ್ಕ ಸಾಮಾಜಿಕ ಸೇವೆಗಾದ್ ಸ್ಥಾಪಿತ ಆಪಿನ ಕಾಪು ಚಾರಿಟೇಬಲ್ ಟ್ರಸ್ಟ್ ಸಂಸ್ಥೆನ್ ಉದಿಪನ ಮಲ್ಪುವೆರ್ ಪಂದ್ ದೇವಸ್ಥಾನದ ಪ್ರಕಟಣೆಡ್ ತೆರಿಪಾದೆರ್.
Box
“ಕಾಪುದಪ್ಪೆಗ್ ಅಕ್ಷರ ನಮನ”
ನವದುರ್ಗಾ ಲೇಖನ ಯಜ್ಞ ಸಮಿತಿ ವತಿರ್ದ್ 9 ಜನ ಗಣ್ಯೆರ್‌ನ ಎದುರು “ಕಾಪುದಪ್ಪೆಗ್ ಅಕ್ಷರ ನಮನ” ಮಹಾ ಅಭಿಯಾನಗ್ ಚಾಲನೆ ಕೊರಿಯರೆ ಉಂಡು.
ನವದುರ್ಗಾ ಲೇಖನ ಪುಸ್ತಕಡ್ ನವ ದುರ್ಗೆಯೆರ್‌ನ ಪುದರ್‌ನ್ 9 ದಿನ ಬರೆದ್ ಶಾಶ್ವತ ಸೇವೆ ಮಲ್ಪುನ ಭಕ್ತೆರೆಗ್ ಅನುಗ್ರಹ ಪ್ರಸಾದದ ಒಟ್ಟುಗು “ಅದೃಷ್ಟದ ಚೀಟಿ” ತಿಕ್ಕುಂಡು.

ಬಂಗಾರ್‌ದ ಪದಕ :


ನವದುರ್ಗೆನ ಪುದರ್ ಬರೆದ್ ಭಕ್ತಿಡ್ ಸಮರ್ಪಣೆ ಮಲ್ಪುನ 9 ಭಕ್ತೆರೆಗ್ ಕಾಪು ಚಾರಿಟೇಬಲ್ ಟ್ರಸ್ಟ್ (ರಿ.) ವತಿರ್ದ್ ಅಮ್ಮನ ಪ್ರಸಾದ ರೂಪಡ್ ಅದೃಷ್ಟ ಚೀಟಿಡ್ ತಲಾ 9 ಗ್ರಾಂ ತೂಕದ ಬಂಗಾರ್‌ದ ಪದಕ ತಿಕ್ಕರೆ ಉಂಡು. ಎಚ್ಚದ ಮಾಹಿತಿಗಾದ್ ಸಂಪರ್ಕ ಮಲ್ಪೊಲಿ (9481550999) ಪಂದ್ ಪ್ರಕಟಣೆಡ್ ತೆರಿಪಾದೆರ್.

You Missed