ಫೆ.18-23: ಕಜೆಕಾರ್ ಶ್ರೀ ಮಹಾದೇವ ದೇವೇಶ್ವರ ದೇವಸ್ಥಾನಡ್ ಪ್ರತಿಷ್ಠೆ, ಅಷ್ಟಬಂಧ ಬ್ರಹ್ಮಕಲಶ ಉಚ್ಚಯ
ಬಂಟ್ವಾಳ: ಕಜೆಕಾರ್ ಶ್ರೀ ಮಹಾದೇವ ದೇವೇಶ್ವರ ದೇವಸ್ಥಾನಡ್ ಫೆ.18-23 ಮುಟ್ಟ ಪ್ರತಿಷ್ಠೆ, ಅಷ್ಟಬಂಧ ಬ್ರಹ್ಮಕಲಶ ಉಚ್ಚಯ ನಡಪರೆ ಉಂಡು.
ಈ ಲೇಸ್ ಶ್ರೀ ಧರ್ಮಸ್ಥಳದ ಧರ್ಮಾಧಿಕಾರಿ ರಾಜರ್ಶಿ ಡಾ. ವೀರೇಂದ್ರ ಹೆಗ್ಗಡೆ ಆಶಿರ್ವಾದೊಟ್ಟಿಗೆ, ಸೀಮೆದ ತಂತ್ರಿಲಾಯಿನ ನಡ್ವಂತಾಡಿ ಬ್ರಹ್ಮಶ್ರೀ ಶ್ರೀ ಬಾಲಕೃಷ್ಣ ಪಾಂಗಣ್ಣಾಯ ಬೊಕ್ಕ ಬ್ರಹ್ಮಶ್ರೀ ವೇದವ್ಯಾಸ ಪಾಂಗಣ್ಣಾಯ ಮೆರೆನ ಮುತಾಲಿಕೆಡ್ ನಡಪುಂಡು.
ಫೆ.18 ಬುದಾರ ಬೊಲ್ಪುಗು ಮಹಾದ್ವಾರ ಉದಿಪನ, ತೋರಣ ಮೂರ್ತ, ಉಗ್ರಾಣ ಮೂರ್ತ, ಮಹಾಪೂಜೆ, ಬೊಕ್ಕ ಶ್ರೀ ಬ್ರಹ್ಮ ಬೈದೆರೆ ಗರೋಡಿ ಪಾಂಡವರಕಲ್ಲು ವಠಾರರ್ದ್ ಪೊದೆಕಾಣಿಕೆ ಬೊಕ್ಕ ಶ್ರೀ ದುರ್ಗಾಪರಮೇಶ್ವರೀ ದೇವಿ ಮೂರ್ತಿನ ವೈಭವದ ಮೆರವಣಿಗೆ ನಡಪುಂಡು. ಬಯ್ಯಗ್ ವಾಸ್ತುಪೂಜೆ, ವಾಸ್ತುಹೋಮ, ರಾಕ್ಷೋಘ್ನ ಹೋಮ, ಪ್ರಾಕಾರ ಬಲಿ, ಮಹಾಪೂಜೆ, ಭಜನೆ, ಕೈತಲ್ದ ಅಂಗನವಾಡಿ ಜೋಕ್ಲೆರ್ದ್ ಸಾಂಸ್ಕೃತಿಕ ಲೇಸ್, ರಾತ್ರೆ ಶ್ರೀ ಮಹೇಶ್ವರೀ ಮಹಿಳಾ ಮಂಡಳಿ ಸದಸ್ಯೆರೆರ್ದ್ ಆರೇ ಬರೆಯಿನ…!? ಪನ್ಪಿನ ತುಳು ನಾಟಕ ನಡಪರೆ ಉಂಡು.
ಫೆ.19 ಗುರುವಾರ ಬೊಲ್ಪುಗು ಶ್ರೀ ದುರ್ಗಾಪರಮೇಶ್ವರಿ ದೇವಿನ ಬಿಂಬಶುದ್ಧಿ, ನವಗ್ರಹ ಶಾಂತಿ, ದೈವೊಲೆನ ಪ್ರತಿಷ್ಠೆ, ಪರ್ವಸೇವೆ, ಮಹಾಪೂಜೆ, ಧಾರ್ಮಿಕ ಸಭಾ ಲೇಸ್, ಬಯ್ಯಗ್ ಅಧಿವಾಸ ಹೋಮ, ದಿಶಾಹೋಮ, ಮಹಾಪೂಜೆ, ಭಜನೆ, ಕಜೆಕಾರ್ ಶಿವಶಕ್ತಿ ಫ್ರೆಂಡ್ಸ್ ಮೊಕ್ಲೆರ್ದ್ ನಾಗ ಪ್ರತಿಷ್ಠೆ ತುಳು ನಾಟಕ ನಾಟಕ ಬೊಕ್ಕ ಅಂಗನವಾಡಿ ಜೋಕ್ಲೆರ್ದ್ ಸಾಂಸ್ಕೃತಿಕ ಲೇಸ್ ನಡಪರೆ ಉಂಡು.
ಫೆ.20 ಸುಕ್ರಾರ ಬೊಲ್ಪುಗು ಶ್ರೀ ದುರ್ಗಾಪರಮೇಶ್ವರಿ ದೇವಿನ ಬಿಂಬ ಪ್ರತಿಷ್ಠೆ, ಕಲಶಾಭಿಷೇಕ, ಮೃತ್ಯುಂಜಯ ಯಾಗ, ಶತರುದ್ರಾಭಿಷೇಕ, ಸಹಸ್ರ ಬಿಲ್ವಾರ್ಚನೆ, ಮಹಾಪೂಜೆ, ಸ್ಯಾಕ್ಷೋಫೋನ್, ವಯಲಿಸ್ ಜುಗಲ್ ವಾದನ, ಬಯ್ಯಗ್ ಗಣಪತಿ ಬೊಕ್ಕ ಶ್ರೀ ದುರ್ಗಾಪರಮೇಶ್ವರೀ ದೇವೆರೆಗ್ ಕಲಶಾಧಿವಾಸ, ಮಹಾಪೂಜೆ, ಭಜನೆ ಕಟೀಲ್ ಶ್ರೀ ದುರ್ಗಾಪರಮೇಶ್ವರಿ ಪ್ರಸಾದಿತ ದಶಾವತಾರ ಯಕ್ಷಗಾನ ಮಂಡಳಿರ್ದ್ ಶ್ರೀ ದೇವಿ ಮಹಾತ್ಮೆ ಆಟ ನಡಪರೆ ಉಂಡು.
ಫೆ.21 ಸನಿಯಾರ ಬೊಲ್ಪುಗು ಗಣಪತಿ ಬೊಕ್ಕ ಶ್ರೀ ದುರ್ಗಾಪರಮೇಶ್ವರೀ ದೇವೆರೆಗ್ ಪರಿಕಲಶ, ಬ್ರಹ್ಮಕಲಶಾಭಿಷೇಕ, ಮಹಾಪೂಜೆ, ಧಾರ್ಮಿಕ ಸಭಾ ಲೇಸ್, ಬಯ್ಯಗ್ ಮಹಾಪೂಜೆ, ಭಜನೆ ಬೊಕ್ಕ ನಿಯತಿ ನೃತ್ಯ ನಿಕೇತನ ಮಡಂತ್ಯಾಯದ ಜೋಕ್ಲೆರ್ದ್ ನೃತ್ಯಾಂಜಲಿ ಭರತನಾಟ್ಯ ಲೇಸ್ ನಡಪರೆ ಉಂಡು.
ಫೆ.22 ಐತಾರ ಬೊಲ್ಪುಗು ಶ್ರೀ ಮಹಾದೇವ ದೇವೇಶ್ವರ ದೇವೆರೆಗ್ ಬ್ರಹ್ಮಕಲಶಾಭಿಷೇಕ, ಚಂಡಿಕಾಯಾಗ, ಮಹಾಪೂಜೆ, ಅನ್ನಸಂತರ್ಪಣೆ, ಧಾರ್ಮಿಕ ಸಭಾ ಲೇಸ್, ಬಯ್ಯಗ್ ದೈವೊಲೆನ ಭಂಡಾರ ಜಪ್ಪೆರೆ ಉಂಡು. ಬೊಕ್ಕ ಮಹಾರಂಗ ಪೂಜೆ, ದೇವೆರೆನ ಬಲಿ ಉಚ್ಚಯ, ದರ್ಶನ ಬಲಿ, ಬಟ್ಟಲ್ ಕಾಣಿಕೆ, ಪರಿವಾರ ದೈವೊಲೆನ ಗಗ್ಗರಸೇವೆ, ದೈವ ದೇವೆರೆನ ಭೇಟಿ, ಕಟ್ಟೆಪೂಜೆ, ಭಜನೆ ನಡಪರೆ ಉಂಡು.
ಫೆ.23 ಸೋಮಾರ ಬೊಲ್ಪುಗು ಕಲಶಾಭಿಷೇಕ, ಮಂತ್ರಾಕ್ಷತೆದೊಟ್ಟಿಗೆ ಮಂಗಳ ಆಪುಂಡು.
ಈ ಮಾತ ಲೇಸ್ ಡ್ ಮಾತೆರ್ಲಾ ಕುಟುಂಬ ಸಮೇತೆರಾದ್ ಪಾಲ್ ಪಡೆದ್, ಶ್ರೀ ದೇವೆರೆನ ಕೃಪೆಗ್ ಪಾತ್ರರಾವೊಡು ಪಂದ್ ಬ್ರಹ್ಮಕಲಶ ಉಚ್ಚಯ ಸಮಿತಿದ ಸರ್ವಸದಸ್ಯೆರ್, ಆಡಳಿತ ಸಮಿತಿದ ಸರ್ವಸದಸ್ಯೆರ್ ಲೆಪ್ಪೋಲೆಡ್ ತೆರಿಪಾದೆರ್.
