ಜೈ ತುಲುನಾಡ್ ಬೆಂಗಳೂರು(ರಿ.) ಮುತಾಲಿಕೆಡ್ ತುಳು ಲಿಪಿ ಪರೀಕ್ಷೆ
ಬೆಂಗಳೂರು : ಜೈ ತುಲುನಾಡ್ ಬೆಂಗಳೂರು(ರಿ.) ಮುತಾಲಿಕೆಡ್ ಗೋಲ್ಡನ್ ಫ್ರೆಂಡ್ಸ್ ಹೊಸೂರು ರೋಡ್ ಮೊಕ್ಲೆನ ಸಹಕಾರೊಡು ಶ್ರೀ ಚೆನ್ನ ಕೇಶವ ಪಬ್ಲಿಕ್ ಸ್ಕೂಲ್‌ಡ್ ತೇದಿ 1 ನವೆಂಬರ್ 2026 ನೇ ಐತಾರದಾನಿ ತುಳು ಲಿಪಿ ಪರೀಕ್ಷೆ ನಡತ್ಂಡ್.
ಒಂಜಿ 15 ಜನತಾತ್ ಕಲ್ಪಾರ್ತಿಲು ಪರೀಕ್ಷೆ ಬರೆದಿತ್ತೆರ್. ತುಲು ಲಿಪಿತ ಗೇನ ಲಪ್ಪುನ ಈ ಕಜ್ಜೊಡು ತೆರಿನ ಬರವುನು ತುಳುವೆರೆಗ್ ಮಾತೆರೆಗ್ಲ ಕಲ್ಪಾವುನ ಬೇಲೆ ಪರೀಕ್ಷೆ ಬರೆಯಿನ ಕಲ್ಪಾರ್ತಿಲು ಮಲ್ಪಡ್ ಪನ್ಪಿನ ಅಂಗಲಾಪು ಜೈ ತುಲುನಾಡ್ ಕೂಟದ. ಬೆಂಗಳೂರುದಂಚಿನ ಮಲ್ಲ ಪೇಂಟೆಡ್ ಲಿಪಿತ ಬೇಲೆ ಅಂಚೆನೆ ಬಾಸೆದ ಬೇಲೆಗಾದ್ ತುಲುವೆರ್ ಒಂಜಾಪಿನೇ ಒಂಜಿ ಮಲ್ಲ ಸಂಗತಿ ಆದುಂಡು.
ಈ ಕಜ್ಜೊಡು ಜೈ ತುಲುನಾಡ್ ಬೆಂಗಳೂರು (ರಿ.) ಕೂಟ ನೆತ್ತ ತುಲು ಲಿಪಿ ನಿದಯಂತೆರಾಯಿನ ಅನುದೀಪ್ ಎಲ್ಲೂರು ಪರೀಕ್ಷೆದ ನಿದಯಂತೆರಾದಿತ್ತೆರ್. ಅಂಚೆನೆ ತುಲು ಲಿಪಿ ಕಲ್ಪಾದಿ ಶುಭಕರ್ ನಾಯ್ಕ್ ಒಟ್ಟುಗಿತ್ತೆರ್.
ಈ ಪೊರ್ತುಡು ಜೈ ತುಲುನಾಡ್ ಬೆಂಗಳೂರು (ರಿ.) ನೆತ್ತ ಕಾರ್ಯಂತೆರಾಯಿನ ಅಕ್ಷಯ್ ಆಚಾರ್ಯ, ಒತ್ತು ಕಾರ್ಯಂತೆರಾಯಿನ ಪ್ರದೀಪ್ ಶೆಟ್ಟಿ, ಒತ್ತು ಸಂಘಟನಾ ಕಾರ್ಯಂತೆರಾಯಿನ ನಿತೇಶ್ ಬಂಗೇರ, ಸ್ಥಾಪಕ ಸದಸ್ಯೆರಾಯಿನ ಯತೀಶ್ ಕುಮಾರ್ ಮುಂಡೋಡಿ ಪಾಲ್ ಪಡೆದಿತ್ತೆರ್. ಪರೀಕ್ಷೆ ಬರೆಯಿನ ಕಲ್ಪಾರ್ತಿಲೆನ ಮೋನೆಡ್ ಒಂಜಿ ಸಾಧನೆ ಮಲ್ತಿನ ಐಸ್ರದ ಕಲೆ ದಿಂಜಿದಿತ್ತ್ಂಡ್.