e-kyc

ಕಾರ್ಡ್‌ದ ಅರಿತ್ತಕ್ಲೆಗ್ ಗುಡ್ ನ್ಯೂಸ್

ನ.30 ಮುಟ್ಟಲ ಇ-ಕೆವೈಸಿ ಮಲ್ಪಾವೊಲಿ

ಬೆಂಗಳೂರು : ಕಾರ್ಡ್‌ದ ಅರಿತ್ತಕ್ಲೆಗ್ (ಪಡಿತರ ಚೀಟಿದಾರೆರೆಗ್) ರಾಜ್ಯ ಸರ್ಕಾರ ಗುಡ್‌ ನ್ಯೂಸ್‌ ಕೊರ್ತುಂಡು. ಅವು ದಾದ ಪಂಡ ರೇಷನ್ ಕಾರ್ಡ್‌ದ ಇ-ಕೆವೈಸಿಗ್ (e-KYC) ಮಲ್ಪರೆ ಕಡೇತ್ತ ಗಡುನು ದುಂಬು ದೀತ್ಂಡ್.

ಸಾರ್ವಜನಿಕೆರ್‌ನ ಹಿತದೃಷ್ಟಿಡ್ ನವೆಂಬರ್ 30 ತಾರೀಕ್ ಮುಟ್ಟ ಇ-ಕೆವೈಸಿಗ್ ಅವಧಿ ವಿಸ್ತರಣೆ ಮಲ್ದ್ಂಡ್. ನ.30ರ್ದು ಬೊಕ್ಕ ಒವ್ವೇ ಕಾರಣಗ್‌ಲ ದಿನ ದುಂಬು ಕೊನೊಪುಜ ಪಂಡ್‌ದ್ ಆಹಾರ ಇಲಾಖೆ ತೆರಿಪಾದ್ಂಡ್.

ನೆಟ್‌ರ್ದ್ ದುಂಬು ಸರಕಾರ ನ.10 ಮುಟ್ಟ ಇ-ಕೆವೈಸಿಗೆ ಅವಕಾಶ ಕೊರ್ದಿತ್ತ್ಂಡ್. 2.67 ಕೋಟಿ ಫಲಾನುಭವಿಲೆನ ಪೈಕಿ 2.27 ಲಕ್ಷ ಜನ ಮಾತ್ರ ಇ-ಕೆವೈಸಿ ‌ಮಲ್ದೆರ್. ನನಲ 39 ಲಕ್ಷ ಫಲಾನುಭವಿಲು ಇ-ಕೆವೈಸಿ ಮಲ್ದ್‌ಜೆರ್. ಅಕ್ಲೆಗ್‌ಲ ಅನುಕೂಲ ಆವಡ್ ಪಂದ್ ಇಲಾಖೆ ಅವಧಿ ವಿಸ್ತರಣೆ ಮಲ್ದ್ಂಡ್.