#covid19

ಸುಳ್ಯ: ಜಾವನ್ಯಗ್ ಒಂಜೇ ಸರ್ತಿ 2 ಡೋಸ್ ಮರ್ದು

Sep 2, 2021

ಸುಳ್ಯ: ತಾಲೂಕ್ ದ ದುಗಲಡ್ಕ ಪ್ರೌಢಶಾಲೆಡ್ ಅವೊಂದಿತ್ತುನ ಕೊರೋನ ಲಸಿಕೆ ಶಿಬಿರಡು ಜಾವನ್ಯೆಗ್ ಆರೋಗ್ಯ ಮಿತ್ರೆರ್
ಕೆಲವೇ ಕ್ಷಣಟ್ 2 ಡೋಸ್ ಮರ್ದು ಕೊರ್ತಿನ ಘಟನೆ ನಡತುಂಡು.

ಕೂಟೇಲು ಸಿ.ಆರ್.ಸಿ.ಯ ಬಾಲಸುಬ್ರಹ್ಮಣ್ಯಂ ಇಂಬೆರ್ ನ ಮಗೆ ಕೆ.ಬಿ.ಅರುಣ್ ಸುರುತ ಡೋಸ್ ನು ದೆತೊನರ್ ಬತ್ತಿತ್ತೆರ್. ಆರೋಗ್ಯ ಮಿತ್ರೆರ್ ಅರುಣ್‌ ಇಂಬೆರೆಗ್ ಲಸಿಕೆ ಕೊರ್ತೆರ್. ಲಸಿಕೆ ದೆತೊನಿನ ಕಾರಣ ಜ್ವರ ಬರು ಪಂದು ಮಾತ್ರೆ ದೆತೊಂನರ ಅಲ್ಪನೆ ಕುಲ್ದಿತ್ತೆರ್. ಅಪಗ ನಾನೊರ ಆರೋಗ್ಯ ಮಿತ್ರೆರ್ ಕೋವಿಡ್ ಲಸಿಕೆನ್ ಅರುಣ್ ಇಂಬೆರೆಗ್ ಚುಚ್ಚುದೆರ್.

ಕೇರಳ: 5 ದಿನಟ್ 1.5 ಲಕ್ಷ ಕೋವಿಡ್ ಪ್ರಕರಣ

Aug 29, 2021

ಹೊಸದಿಲ್ಲಿ, ಆ.29: ಕೇರಳಡು ಕರೀನ ಐನು ದಿನಟ್ ಸುಮಾರ್ 1.5 ಲಕ್ಷ ಕೋವಿಡ್-19 ಪ್ರಕರಣಲು ವರದಿಯಾತುಂಡು. ಸತತವಾದು ನಾಲನೇ ದಿನ 30 ಸಾವಿರ ಡ್ದು ಜಾಸ್ತಿ ಪೊಸ ಪ್ರಕರಣಲು ಬೊಲ್ಪುಗು ಬತ್ತುದುಂಡು. ಶನಿವಾರ ದೇಶಡು 45 ಸಾವಿರ ಡ್ದು ಜಾಸ್ತಿ ಪ್ರಕರಣಲು ವರದಿಯಾತುಂಡು.

46,783 ಪೊಸ ಪ್ರಕರಣಲು ದಾಖಲಾದ ಮಾರನೇ ದಿನ ಪಂಡ ಶನಿವಾರ ದೇಶಾದ್ಯಂತ 45,056 ಪ್ರಕರಣಲು ವರದಿಯಾತುಂಡು. ಕೇರಳಡು ಒಟ್ಟು 31,265 ಪೊಸ ಪ್ರಕರಣಲು ವರದಿಯಾತುಂಡು. ದೇಶಡ್ ಒಟ್ಟು ಪ್ರಕರಣದ ಪೈಕಿ ಶೇಕಡ 70 ದಾತು (69.5%) ಪ್ರಕರಣಲು ಈ ರಾಜ್ಯೋಡು ಬೋಲ್ಪುಗು ಬತ್ತುದುಂಡು.

ಉಡುಪಿದ ಸುದ್ದಿ | Udupi News ಊರ್ದ ಸುದ್ದಿ Regional News ಕಾರ್ಲದ ಸುದ್ದಿ Karkala News ಕಾಸ್ರೋಡ್ ಸುದ್ದಿ | Kasargod News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ಪುತ್ತೂರ್ದ ಸುದ್ದಿ | Puttur News ಬೊಲ್ತೆರ್ ಸುದ್ದಿ | Belthangady News ರಪಕ್ಕ ಸುದ್ದಿ Flash News

ಕುಡ್ಲದ 627 ವಿದ್ಯಾರ್ಥಿಲೆಗ್ ಕೊರೊನಾ ಸೋಂಕು

Aug 26, 2021

ಕುಡ್ಲ, ಆ.26: ದಕ್ಷಿಣ ಕನ್ನಡ ಜಿಲ್ಲೆದ ಕಾಲೇಜು ವಿದ್ಯಾರ್ಥಿಲೆಡು ಕೋವಿಡ್ ಪಾಸಿಟಿವ್ ಪ್ರಕರಣ ಜಾಸ್ತಿ ಆಯಿನ ತೊಜೊಂದುoಡು. ಇಂಚಾದು ಆರೋಗ್ಯ ಇಲಾಖೆದಕುಲು ಕೊರೊನಾ ನಿಯಮನು ಪಾಲನೆ ಮಲ್ಪಂದಿನ ಕಾಲೇಜುನು ನಾಡ್ ಪತ್ತುದು ನೋಟಿಸ್ ಕೊರ‍್ರ ದುಂಬಾತುoಡು.

ಕರೀನ 15 ದಿನಡ್ದು ದಕ್ಷಿಣ ಕನ್ನಡ ಜಿಲ್ಲೆದ 27 ಕಾಲೇಜುದ 627 ವಿದ್ಯಾರ್ಥಿಲೆಗು ಕೊರೊನಾ ಪಾಸಿಟಿವ್ ಪತ್ತೆಆತುಂಡು. ನೆಟ್ಟು 327 ಜೋಕುಲು ಕೇರಳ ಭಾಗದಕುಲು.

ಊರ್ದ ಸುದ್ದಿ Regional News ಕರ್ನಾಟಕ ರಾಜ್ಯಡ್ ಸುದ್ದಿಲು | Karnataka News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ರಪಕ್ಕ ಸುದ್ದಿ Flash News ರಾಜ್ಯದ ಸುದ್ದಿ | State News

ಮಸೀದಿ, ಚರ್ಚ್ ಡು ಪ್ರಾರ್ಥನೆಗು ಅವಕಾಶ ಕೊರ‍್ಲೆಕನೆ ಗಣೇಶೋತ್ಸವಗುಲ ಅವಕಾಶ ಕೊರ‍್ಲೆ : ಪ್ರತಾಪ್ ಸಿಂಹ

Aug 25, 2021

ಮೈಸೂರು, ಆ.21: ಶುಕ್ರಾರ ಮಸೀದಿಡು ಸಾಮಾಹಿಕ ನಮಾಜ್ ಮನ್ಪೆರ್. ಚರ್ಚ್ ಡು ಐತಾರೆ ಪ್ರಾರ್ಥನೆ ನಡಪುಂಡು. ಅಲ್ಪ ಪೂರ ಅವಕಾಶ ಮಲ್ತು ಕೊರ್ತೆರ್. ಅಂಚನೇ ಗಣೇಶೋತ್ಸವಗುಲ ಅವಕಾಶ ಕೊರ್ಲೆ ಪಂಡುದು ಸಂಸದೆ ಪ್ರತಾಪ್ ಸಿಂಹ ಸ್ವರ ಲಕ್ಕಾಯೆರ್.

ಕೋವಿಡ್ ನಿಯಮಾವಳಿನು ಅನುಷ್ಠಾನ ಮಲ್ತುದು ಗಣೇಶೋತ್ಸವ ಆಚರಣೆ ಮಲ್ಪರೆ ಅವಕಾಶ ಮಲ್ತುಕೊರ್ಲೆ. ಉತ್ಸವ ಪನ್ಪುನವು ನಡಪೊಡು. ಆಂಡ ಗೌಜಿಡು ನಡಪೊಡು ಪಂದು ಪನೊಂದಿಜ್ಜಿ . ಬಸವರಾಜ್ ಬೊಮ್ಮಾಯಿ ಈ ಅಂಶಲೆನ್ ಪೂರ ಗಮನೊಗು ದೆತೊನ್ವೆರ್ ಪನ್ಪುನವು ಯಂಕುಲೆಗ್ ವಿಶ್ವಾಸ ಉಂಡು ಪಂದು ಸಂಸದೆ ಪ್ರತಾಪ್ ಸಿಂಹ ಪಂಡೆರ್.

ಊರ್ದ ಸುದ್ದಿ Regional News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ರಪಕ್ಕ ಸುದ್ದಿ Flash News

ಕುಡ್ಲ ವಿವಿ ದ ಪರೀಕ್ಷೆ ಆನ್‌ಲೈನ್ ಡು ನಡಪಾಯೆರ ತೀರ್ಮಾನ

Aug 23, 2021

ಕುಡ್ಲ ಆ,23: ಕುಡ್ಲ ವಿಶ್ವವಿದ್ಯಾಲಯದ ವ್ಯಾಪ್ತಿಡು ಸುರುತ ಬಾರೀ ಆಜನೇ ಸೆಮಿಸ್ಟರ್ ಬೊಕ್ಕ ಸ್ನಾತಕೋತ್ತರದ ನಾಲನೇ ಸೆಮಿಸ್ಟರ್ ಪರೀಕ್ಷೆನು ಆನ್‌ಲೈನ್ ಡು ನಡೆಪಾವೊಡುಂದು ಕುಡ್ಲದ ವಿ.ವಿ ಚಿಂತನೆ ಮಲ್ತೊಂದುoಡು.

ಸಪ್ಟೆಂಬರ್ ದ ಉಲಾಯಿ ಪರೀಕ್ಷೆ ನಡೆಸಾದು ಶೀಘ್ರನೆ ಫಲಿತಾಂಶೊನು ಕೊರುಡು ಪನ್ಪಿನ ಉದ್ದೇಶ.

ಕೋವಿಡ್ ಹಿನ್ನಲೆಡು ತರಗತಿಲು ಆನ್‌ಲೈನ್ ಡು ನಡತೊಂಡು ಉಂಡು. ಈ ಕಾರಣೊಡ್ದಾವರ ಪರೀಕ್ಷೆಲೆನು ಆನ್‌ಲೈನ್ ಮಲ್ಪುನ ಸುಲಭ. ಈ ಬಗ್ಗೆ ಕಡೀರ್ ದ ತೀರ್ಮಾನನು ದೆತೊನರ ಉಂಡು ಪಂದು ಕುಲಪತಿ ಪ್ರೊ. ಪಿ. ಎಸ್ ಯಡಪಡಿತ್ತಾಯ ತೆರಿಪಾಯೆರ್.

ಸೋಮಾರದಾನಿ ಬ್ರಹ್ಮಶ್ರೀ ನಾರಾಯಣಗುರು ಜಯಂತಿ ಆಚರಣೆ

Aug 21, 2021

ಕುಡ್ಲ, ಆ.21: ದಕ್ಷಿಣ ಕನ್ನಡ ಜಿಲ್ಲಾಡಳಿತ, ಜಿಲ್ಲಾ ಪಂಚಾಯತ್, ಕನ್ನಡ ಬೊಕ್ಕ ಸಂಸ್ಕೃತಿ ಇಲಾಖೆ ದಕ್ಷಿಣ ಕನ್ನಡ ಜಿಲ್ಲೆ ನೆತ್ತ ಆಶ್ರಯೊಡು ಇoದೇ ಬರ‍್ಪಿನ 23 ಸೋಮಾರದಾನಿ ಬೊಳ್ಪಗು 10.30 ಗು ಜಿಲ್ಲಾಧಿಕಾರಿ ಕಛೇರಿ ಸಭಾಂಗಣೊಡು ಕೋವಿಡ್ 19 ಹಿನ್ನಲೆಡು ಬ್ರಹಶ್ರೀ ನಾರಾಯಣಗುರು ಜಯಂತಿ ನು ಸರಳವಾದು ಆಚರಿಸಾವೊಡು ಪಂದು ಪ್ರಕಟನೆ ತೆರಿಪಾದೆರ್.

Uncategorized ಕರ್ನಾಟಕ ರಾಜ್ಯಡ್ ಸುದ್ದಿಲು | Karnataka News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ರಾಜ್ಯದ ಸುದ್ದಿ | State News

ಸೆಪ್ಟೆಂಬರ್ ದಿಂಚಿ ಜೋಕುಲೆಗ್ ಲಾ ಕೋವಿಡ್ ಲಸಿಕೆ

Aug 20, 2021

ದೆಲ್ಲಿ : ಸಪ್ಟೆಂಬರ್ ದಿಂಚಿ ಜೋಕುಲೆಗ್ಲಾ ಕೋವಿಡ್ ಲಸಿಕೆ ತಿಕ್ಕುನ ಅವಕಾಶ ಉಂಡು ಪಂದು ಭಾರತೀಯ ವೈದ್ಯಕೀಯ ಸಂಶೋಧನಾ ಮಂಡಳಿ ರಾಷ್ಟ್ರೀಯ ವೈರಾಲಜಿ ಸಂಸ್ಥೆದ ನಿರ್ದೇಶಕಿ ಆಯಿನಂಚಿನ ಪ್ರಿಯಾ ಅಬ್ರಹಂ ಪಂಡೆರ್.

ವಿಜ್ಞಾನ ಬೊಕ್ಕ ತಂತ್ರಜ್ಞಾನ ವಿಭಾಗೋದ ಒಟಿಟಿ ವೇದಿಕೆದ ಇಂಡಿಯನ್ ಸೈನ್ಸ್ ಗು ಕೊರ‍್ತಿನ ಸಂದರ್ಶನೊಡು ಪ್ರಿಯಾ ಇಂಬೆರು ಪಾತೆರ್ದು, 2 ಬೊಕ್ಕ 18 ವರ್ಷ ಪ್ರಾಯದಕುಲೆಗು ಕೋವಿಡ್-19 ಲಸಿಕೆ ಕೊರ‍್ಪಿನ ವಿಷಯಡ್, ಇತ್ತೆ 2 ಬೊಕ್ಕ 3 ನೇ ಹಂತೊದ ಕ್ಲಿನಿಕಲ್ ಪ್ರಯೊಗೊಲು ನಡತೊಂದುoಡು. ಅವ್ ಪೂರ್ಣ ಆಯಿ ಬೊಕ್ಕ ಸಪ್ಟೆಂಬರ್ ದಿಂಚಿ ಜೋಕುಲೆಗ್ಲಾ ಲಸಿಕೆ ಕೊರಿಯರ ಉಂಡು ಪಂದು ಪಂಡೆರ್.

#covid19

ಸುಳ್ಯ: ಜಾವನ್ಯಗ್ ಒಂಜೇ ಸರ್ತಿ 2 ಡೋಸ್ ಮರ್ದು

ಕೇರಳ: 5 ದಿನಟ್ 1.5 ಲಕ್ಷ ಕೋವಿಡ್ ಪ್ರಕರಣ

ಕುಡ್ಲದ 627 ವಿದ್ಯಾರ್ಥಿಲೆಗ್ ಕೊರೊನಾ ಸೋಂಕು

ಮಸೀದಿ, ಚರ್ಚ್ ಡು ಪ್ರಾರ್ಥನೆಗು ಅವಕಾಶ ಕೊರ‍್ಲೆಕನೆ ಗಣೇಶೋತ್ಸವಗುಲ ಅವಕಾಶ ಕೊರ‍್ಲೆ : ಪ್ರತಾಪ್ ಸಿಂಹ

ಕುಡ್ಲ ವಿವಿ ದ ಪರೀಕ್ಷೆ ಆನ್‌ಲೈನ್ ಡು ನಡಪಾಯೆರ ತೀರ್ಮಾನ

ಸೋಮಾರದಾನಿ ಬ್ರಹ್ಮಶ್ರೀ ನಾರಾಯಣಗುರು ಜಯಂತಿ ಆಚರಣೆ

ಸೆಪ್ಟೆಂಬರ್ ದಿಂಚಿ ಜೋಕುಲೆಗ್ ಲಾ ಕೋವಿಡ್ ಲಸಿಕೆ

You Missed

ತುಳು ವಿಕಿಪೀಡಿಯಾಗ್ 10 ವರ್ಸೊದ ಗೌಜಿ:

ಕಾಸ್ರೋಡು ಜಿಲ್ಲಾ ಕುಲಾಲ ಸಂಘರ್ದ್ ಕುಲಾಲ ಆಸರೆ; ಚಿಕಿತ್ಸೆಗ್ ಪನವುದ ಸಕಾಯ

ಪೆಜಮಾಡಿ ಮಹಿಳಾ ಮಂಡಳಿರ್ದ್ ಗೌಜಿದ ‘ಅಟಿಡೊಂಜಿ ದಿನ’ ಆಚರಣೆ

ಮೊಳವಳ್ಳಿ ಶಿವರಾಯೆರ್ ಸಹಕಾರಿ ಸಂಘದ ದಿಗ್ಗಜೆರ್ : ವಸಂತ ಬೆರ್ನಾಡ್