ರೂಪೇಶ್ ಶೆಟ್ಟಿ ನಿರ್ದೇಶನದ ‘ಸರ್ಕಸ್’ ತುಳು ಸಿನಿಮಾ ನವಂಬರ್ ಡ್ ಬುಡುಗಡೆ
ತುಳು ಸಿನಿಮಾರಂಗದ ರಾಕ್ ಸ್ಟಾರ್ ರೂಪೇಶ್ ಶೆಟ್ಟಿ ನಿರ್ದೇಶನ ಬೊಕ್ಕ ಅಭಿನಯದ ಸರ್ಕಸ್ ತುಳು ಸಿನಿಮಾ ನವಂಬರ್ ಡ್ ರಾಜ್ಯಾದ್ಯಂತ ಬುಡುಗಡೆ ಆವರೆ ಉಂಡು.
ಈ ಪಿಚ್ಚರ್ ನ್ ಒಂಜೇ ಪೊರ್ತುಡು ಪಿದಯಿ ಊರುಡುಲ ಬುಡುಗಡೆ ಮಲ್ಪರೆ ಅಟ್ಟಣೆ ಮಲ್ದೆರ್.
ಕೋಸ್ಟಲ್ ವುಡ್ ಡ್ ಗಿರಿಗಿಟ್ ಸಿನಿಮಾ ಭರ್ಜರಿ ಯಶಸ್ಸ್ ದ ಬೊಕ್ಕ ರೂಪೇಶ್ ಶೆಟ್ಟಿ ತುಳು ಚಿತ್ರರಂಗಡ್ ಮಸ್ತ್ ಡಿಮಾಂಡ್ ದ ಸ್ಟಾರ್ ನಟೆ ಆತೆರ್. ಅಯಿತ ನಡುಟ್ಟು ಕನ್ನಡದ ‘ಗೋವಿಂದಾ ಗೋವಿಂದಾ’ ಸೇರ್ದ್ 2-3 ಪಿಚರ್ಡ್ ಆ್ಯಕ್ಟ್ ಮಲ್ದೆರ್.
ಲಾಕ್ ಡೌನ್ ದ ಪೊರ್ತುಡು ಉಂದುವೇ ಕೂಟದಕ್ಲೆನ ಗಮ್ಜಾಲ್ ಪಿಚ್ಚರ್ ಲ ಪ್ರೇಕ್ಷಕೆರೆನ್ ಮೆಚ್ಚಾದ್ಂಡ್.ಇತ್ತೆ ರೂಪೇಶ್ ಶೆಟ್ಟಿ ಸರ್ಕಸ್ ಸಿನಿಮಾ ನಿರ್ದೇಶನ ಮಲ್ತ್ ದ್ ಬುಡುಗಡೆ ಗ್ ತಯಾರಾತೆರ್.
ಪ್ರತೀ ಪಿಚ್ಚರ್ ಡ್ ಲ ಪೊಸತ್ತೆನ್ ಬಯಕುನ ರೂಪೇಶ್ ಶೆಟ್ಟಿ ಈ ಸರ್ತಿಲ ಒಂಜಿ ಎಡ್ಡೆ ಕಥೆನ್ ಆಯ್ಕೆ ಮಲ್ದೆರ್. ಗಿರಿಗಿಟ್, ಗಮ್ಜಾಲ್ ಗೆ ಸಂಭಾಷಣೆ ಬರೆತಿನ ಪ್ರಸನ್ನ ಶೆಟ್ಟಿ ಬೈಲೂರು ಈ ಸಿನಿಮಾಗ್ ಲ ಸಂಭಾಷಣೆ ಬರೆತೆರ್.
ರೂಪೇಶ್ ಈ ಸರ್ತಿ ತುಳುಕ್ಕು ಯಶ್ ಶೆಟ್ಟಿ ಪನ್ಪಿನ ಪೊಸ ವಿಲನ್ ಪರಿಚಯ ಮಲ್ತೊಂದುಲ್ಲೆರ್.
ಯಶ್ ಶೆಟ್ಟಿ ಸಲಗ ಸಿನಿಮಾದ ಮುಕೇನ ಬೊಲ್ಲಿಪರದೆಗ್ ಬೈದಿನಾರ್. ಅಂಚೆನೆ
ರಚನಾ ರೈ ಪನ್ಪಿನ ಪೊಸ ನಟಿನ್ಲ ಪರಿಚಯ ಮಲ್ತೊಂದುಲ್ಲೆರ್.
‘ಸರ್ಕಸ್’ ಟೈಟಲ್ ಕನ್ನಡಡ್ ಯಶಸ್ವಿಯಾತಿನ ಪಿಚ್ಚರ್ದ ಪುದರ್. ಹಿಂದಿಡ್ಲ ಉಂದುವೇ ಪುದರ್ ದ ಪಿಚ್ಚರ್ ಬರ್ರೆ ಉಂಡು. ರಾಕೇಶ್ ಕದ್ರಿ ಕ್ರಿಯೆಟಿವ್ ಹೆಡ್ ಆದ್ ಕೆಲಸ ಮಲ್ದೆರ್ . ತುಳು ಚಿತ್ರರಂಗದ ದಿಗ್ಗಜೆರಾಯಿನ ನವೀನ್ ಡಿ. ಪಡೀಲ್, ಭೋಜರಾಜ ವಾಮಂಜೂರು, ಅರವಿಂದ ಬೋಳಾರ್, ಸಾಯಿಕೃಷ್ಣ ಕುಡ್ಲ, ಪ್ರಸನ್ನ ಶೆಟ್ಟಿ ಬೈಲೂರು, ಸಂದೀಪ್ ಶೆಟ್ಟಿ ಮಾಣಿಬೆಟ್ಟು, ಉಮೇಶ್ ಮಿಜಾರ್, ಚಂದ್ರಹಾಸ ಉಳ್ಳಾಲ್, ನಿತೇಶ್ ಶೆಟ್ಟಿ ಎಕ್ಕಾರ್, ರೂಪಾ ವರ್ಕಾಡಿ, ಪಂಚಮಿ ಭೋಜರಾಜ್ ಮೊಕುಲು ಮಾತಾ ಉಲ್ಲೆರ್.
25 ದಿನತ್ತ ಶೂಟಿಂಗ್ ಆತ್ಂಡ್. ಆರ್ ಎಸ್ ಸಿನಿಮಾ ಮತ್ತು ಶೂಲಿನ್ ಫಿಲ್ಮ್ ಲಾಂಛನಡ್ ಸರ್ಕಸ್ ಸಿನಿಮಾ ತಯಾರಾತ್ಂಡ್. ಅನಿಲ್ ಶೆಟ್ಟಿ, ಸುಧಾಕರ ಶೆಟ್ಟಿ, ಮಂಜುನಾಥ ಅತ್ತಾವರ ಈ ಪಿಚ್ಚರ್ ನ್ ನಿರ್ಮಾಣ ಮಲ್ದೆರ್.
ಸಂಭಾಷಣೆ ಪ್ರಸನ್ನ ಶೆಟ್ಟಿ ಬೈಲೂರು, ನವೀನ್ ಶೆಟ್ಟಿ ನೃತ್ಯ ನಿರ್ದೇಶನ, ನಿರಂಜನ ದಾಸ್ ಕ್ಯಾಮರಾ, ರಾಹುಲ್ ವಶಿಷ್ಠ ಸಂಕಲನ ಮಲ್ದೆರ್. ಗಿರಿಗಿಟ್ ರ್ದ್ ಬೊಕ್ಕ ರೂಪೇಶ್ ನಿರ್ದೇಶನದ ರಡ್ಡನೇ ಸಿನಿಮಾ ಉಂದು.
” Circus” Tulu movie directed by Roopesh Shetty to be released in November.
Rock Star of Tulu cinema Roopesh Shetty‘s Tulu movie