ಬುಡಲೂರು ಎರೆಹುಳ ಎಗ್ಗೆಡ್ ಕಾಂಪೋಸ್ಟ್ ತಯಾರ್ ಮಲ್ಪುನ ಕಜ್ಜ ಕೊಟ್ಯದ ಉದಿಪನ
ಐಸಿಎಂಆರ್ -ಕೃಷಿ ವಿಜ್ಞಾನ ಕೇಂದ್ರ (ಕೆವಿಕೆ ), ಕುಡ್ಲ ವತಿರ್ದ್ ನಡಪಾವುನ “ಕಾಂಪೋಸ್ಟ್ ತಯಾರಿಕೆಡ್ ಸೂಕ್ಷ್ಮಾಣು ಜೀವಿದ ಸಮೂಹ ಮಿಶ್ರಣದ ಮೌಲ್ಯ ಮಾಪನ” ಗ್ ಸಂಬಂಧಿ ಕ್ಷೇತ್ರ ಪ್ರಯೋಗದ ಅನುಷ್ಠಾನನ್ ಕಡಬ ತಾಲೂಕ್ ದ ಕೊಯಿಲ ಗ್ರಾಮದ ಬುಡಲೂರು ಅಶೋಕ ರೈ ಲೆನ ಎರೆಹುಳ ಎಗ್ಗೆಡ್ ನಡಪಾಯೆರ್.
ಕೃಷಿ ವಿಜ್ಞಾನ ಕೇಂದ್ರದ ವಿಜ್ಞಾನಿ ಡಾ ನವೀನ್ ಮೇರ್ ಸಾವಯವ ಕೃಷಿಟ್ ಕಾಂಪೋಸ್ಟ್ ಗೊಬ್ಬರದ ಮಹತ್ವದ ಬಗ್ಗೆ ಕೊಯಿಲ ಗ್ರಾಮದ ರೈತೆರ್ನ ಒಟ್ಟುಗು ಪಟ್ಟಿಯೆರ್ . ಐರ್ದ್ ಬೊಕ್ಕ ಕಾಂಪೋಸ್ಟ್ದ ಕಲ್ಚರ್ ಬಳಕೆ ಮಲ್ತ್ ಕಾಂಪೋಸ್ಟ್ ಗೊಬ್ಬರ ತಯಾರ್ ಮಲ್ಪುನೆನ್ ಪ್ರಾತ್ಯಕ್ಷಿಕೆ ಮುಖೇನ ತೆರಿಪಾಯೆರ್ . ಈ ಪೊರ್ತುಡು ಲೇಸ್ ಡ್ ಪಾಲ್ ಪಡೆಯಿನ ರೈತೆರೆಗ್ ಕೆ. ವಿ. ಕೆ. ವತಿರ್ದ್ ಕಾಂಪೋಸ್ಟ್ ಕಲ್ಚರ್ ಪಟ್ಟಿಯೆರ್.
ಈ ಪೊರ್ತುಡು ಕೊಯಿಲ ಗ್ರಾಮ ಪಂಚಾಯತ್ ದ ಪಿ.ಡಿ.ಓ. ನಮಿತಾ ಪಾಲ್ ಪಡೆದ್ ಗ್ರಾಮ ಪಂಚಾಯತಿ ಮಟ್ಟಡ್ ರೈತಬಂಧು ಅಭಿಯಾನದಡಿಟ್ ನಡತೊಂದು ಉಪ್ಪುನ ಎರೆಹುಳ ಗೊಬ್ಬರದ ಘಟಕದ ಪ್ರಗತಿದ ಬಗ್ಗೆ ಪಾತೆರ್ದ್ ಸಾವಯವ ಕೃಷಿತ ಅಗತ್ಯತೆದ ಬಗ್ಗೆ ಪಾತೆರಿಯೆರ್ .ಕೊಯಿಲ ಗ್ರಾಮ ಪಂಚಾಯತ್ ಗುರ್ಕಾರ್ಲಾಯಿನ ಹರ್ಷಿತ್ ಬೊಕ್ಕ ಸದಸ್ಯೆರ್ ಚಿದಾನಂದೆರ್ ಲೇಸ್ ಡ್ ಪಾಲ್ ಪಡೆದಿತ್ತೆರ್ .
