Bantara Sangha

ಜೂನ್ 30: ಕುಡ್ಲಡ್ ಜಾಗತಿಕ ಬಂಟರ ಸಂಘದ ಒಕ್ಕೂಟರ್ದ್ ಸಮಾಜ ಕಲ್ಯಾಣ ಲೇಸ್

Jun 22, 2022

ಕುಡ್ಲ: ಜಾಗತಿಕ ಬಂಟರ ಸಂಘದ ಒಕ್ಕೂಟ ಕುಡ್ಲ ಉಂದೆತ್ತ ಮುತಾಲಿಕೆಡ್ ಸಮಾಜ ಕಲ್ಯಾಣ ಯೋಜನೆದ ಲೇಸ್ ಬೊಕ್ಕ ಮಾನಾದಿಗೆ ಮಲ್ಪುನ ಕಜ್ಜ ಜೂನ್ 30 ಗುರುವಾರ ಕಾಂಡೆ 11 ಗಂಟೆಗ್ ಬಂಟ್ಸ್ ಹಾಸ್ಟೆಲ್ ಕೈತಲ್ ದ ಅಮೃತೋಚ್ಚಯ ಕಟ್ವಾಣದ ಚಾವಡಿಡ್ ನಡಪರೆ ಉಂಡು.

ಲೇಸ್ ದ ಗುರ್ಕಾರ್ಮೆನ್ ಜಾಗತಿಕ ಬಂಟರ ಸಂಘ ಒಕ್ಕೂಟದ ಅಧ್ಯಕ್ಷೆರ್ ಐಕಳ ಹರೀಶ ಶೆಟ್ಟಿ ಒಯಿಸೊನುವೆರ್. ಈ ಪೊರ್ತುಡು ಸಮಾಜ ಕಲ್ಯಾಣ ಯೋಜನೆಡ್ ಶಿಕ್ಷಣ, ಮದಿಮೆ, ಇಲ್ಲ್ ಕಟ್ಟರೆ, ಕ್ರೀಡೆ, ವೈದ್ಯಕೀಯ ಇಂಚಿತ್ತಿನ ಫಲಾನುಭವಿಲೆಗ್ ಚೆಕ್ ಪಟ್ಟುನ ಲೇಸ್ ನಡಪರೆ ಉಂಡು.

ಮಲ್ಲ ಬಿನ್ನೆರಾದ್ ಎ.ಜೆ. ಸಮೂಹ ಸಂಸ್ಥೆದ ಅಧ್ಯಕ್ಷೆರ್ ಎ. ಜೆ ಶೆಟ್ಟಿ, ಹುಬ್ಬಳ್ಳಿ-ಧಾರವಾಡ ಬಂಟರ ಸಂಘದ ಅಧ್ಯಕ್ಷೆರ್ ಸುಧಾಕರ ಶೆಟ್ಟಿ (ಸುಗ್ಗಿ), ನ್ಯೂ ಬಾಂಬೆದ ಮಾಜಿ ಕಾರ್ಪೊರೇಟರ್ ಸುರೇಶ್ ಜಿ ಶೆಟ್ಟಿ ,ಎರ್ಮಾಳ್ ಪಾಲ್ ಪಡೆಯರೆ ಉಲ್ಲೆರ್.

ಸವಣೂರು ವಿದ್ಯಾರಶ್ಮಿ ಸಮೂಹ ಶಿಕ್ಷಣ ಸಂಸ್ಥೆದ ಸಂಚಾಲಕೆರ್ ಸವಣೂರು ಸೀತಾರಾಮ‌ ರೈ, ಎಸಿಪಿ ದಿನಕರ ಶೆಟ್ಟಿ , ದ.ಕ.ಜಿಲ್ಲಾ ಹಾಲು ಉತ್ಪಾದಕರ ಒಕ್ಕೂಟದ ಅಧ್ಯಕ್ಷೆರ್ ಕೆ.ಪಿ. ಸುಚರಿತ್ ಶೆಟ್ಟಿ, ವಾರ್ತಾಭಾರತಿ ವರದಿಗಾರೆರ್ ಪುಷ್ಪರಾಜ್ ಬಿ.ಎನ್, ಎಸ್ ಡಿ ಎಂ ಆಯುರ್ವೇದ ಆಸ್ಪತ್ರೆದ ಆಡಳಿತಾಧಿಕಾರಿ ಡಾ. ಪ್ರತಿಭಾ ರೈ, ಜೆಸಿಐ ಸುರತ್ಕಲ್ ಅಧ್ಯಕ್ಷೆರ್ ರಾಜೇಶ್ವರಿ ಡಿ ಶೆಟ್ಟಿ ಮುಕುಲೆಗ್ ಮಾನಾದಿಗೆ ಮಲ್ಪರೆ ಉಂಡು.

ಲೇಸ್ ಡ್ ಒಕ್ಕೂಟದ ಉಪಾಧ್ಯಕ್ಷೆರ್ ಕರ್ನಿರೆ ವಿಶ್ವನಾಥ ಶೆಟ್ಟಿ, ಪ್ರಧಾನ ಕಾರ್ಯದರ್ಶಿ ಜಯಕರ ಶೆಟ್ಟಿ ಇಂದ್ರಾಳಿ, ಕೋಶಾಧಿಕಾರಿ ಉಳ್ತೂರು ಮೋಹನ್ ದಾಸ ಶೆಟ್ಟಿ, ಜತೆ ಕಾರ್ಯದರ್ಶಿ ಸತೀಶ ಅಡಪ ಸಂಕಬೈಲ್, ವಲಯ ಬಂಟರ ಸಂಘದ ಅಧ್ಯಕ್ಷೆರ್ ಬೊಕ್ಕ ಪದುಕೆರ್, ಸದಸ್ಯೆರ್ ಪಾಲ್ ಪಡೆಯರೆ ಉಲ್ಲೆರ್.

Social welfare programmes by the Global Bunts association, Mangalore

Mangalore: The Global Bunts association Mangalore are organising a social welfare program on Thursday the 30th of June at 11a.m at the Amruthaotsava hall near Bunts hostel, Mangalore.

The program will be presided by the Ilaka Harish Shetty the president of the Global Bunts association.Cheques will be presented to benificiaries of social welfare schemes in the field of education,housing, sports medical aid and marriage expenses aid.

The guest of honour will be A J Shetty of the A J Shetty group of institutions, Sudhakar Shetty president of Hubli Dharwad Bunts Association former corporator from Mumbai Suresh J Shetty Yermal.

Seetharam Rai of Vidyashree group of institutions,ACP Dinakar Shetty, Sucharita Shetty president of DK milk producers union, Dr Prathiba Rai , administrative officer of SDM Ayurvedic hospital Puspharaj reporter at Varthabarathi, Rajeshwari D Shetty president JCI Suratkal will be honoured on the occasion.

ಊರ್ದ ಸುದ್ದಿ Regional News ಕಾರ್ಲದ ಸುದ್ದಿ Karkala News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ಬೊಲ್ತೆರ್ ಸುದ್ದಿ | Belthangady News ರಪಕ್ಕ ಸುದ್ದಿ Flash News

ಜೂನ್ 5 ಕ್ಕ್ ಬೊಲ್ತೇರ್ ದ ಬಂಟರ ಯಾನೆ ನಾಡವರ ಸಂಘದ “ಬಂಟರ ಸಮಾವೇಶ-2022

Jun 3, 2022

ಬೊಲ್ತೇರ್ ತಾಲ್ಲೂಕ್ ದ ಗುರುವಾಯನಕೆರೆ ಬಂಟರ ಯಾನೆ ನಾಡವರ ಸಂಘಡ್ ಜೂನ್ 5 ಐತಾರ ಕಾಂಡೆ 10 ಗಂಟೆಗ್ “ಬಂಟರ ಸಮಾವೇಶ-2022” ಲೇಸ್ ಗುರುವಾಯನಕೆರೆದ ಬಂಟರ ಭವನಡ್ ನಡಪರೆ ಉಂಡು.

ಕುಡ್ಲದ ಸಂಸದೆರ್ ನಳಿನ್ ಕುಮಾರ್ ಕಟೀಲ್ ತುಡರ್ ಆರ್ಲಾದ್ ಲೇಸ್ ಉದಿಪನ ಮಲ್ಪರೆ ಉಲ್ಲೆರ್. ಶ್ರೀ ಕ್ಷೇತ್ರ ಒಡಿಯೂರುದ ಪರಮಪೂಜ್ಯ ಶ್ರೀ ಗುರುದೇವಾನಂದ ಸ್ವಾಮಿಲು ಆಶೀರ್ವಚನ ಮಲ್ಪರೆ ಉಲ್ಲೆರ್. ಬಂಟರ ಯಾನೆ ನಾಡವರ ಸಂಘ ಬೊಲ್ತೇರ್ ದ ಅಧ್ಯಕ್ಷೆರ್ ಪುಷ್ಪರಾಜ್ ಶೆಟ್ಟಿ ಲೇಸ್ ದ ಗುರ್ಕಾರ್ಮೆ ವಹಿಸೊನ್ಯರ ಉಲ್ಲೆರ್.

ಮಲ್ಲ ಬಿನ್ನೆರ್ ಆದ್ ಬೊಂಬಾಯಿ ಹೇರಂಬ ಸಮೂಹ ಸಂಸ್ಥೆದ ಚೇರ್ ಮನ್ ಸದಾಶಿವ ಶೆಟ್ಟಿ ಕನ್ಯಾನ, ತುಳುಕೂಟ ಬರೋಡದ ಅಧ್ಯಕ್ಷೆರ್ ಶಶಿಧರ ಶೆಟ್ಟಿ ನವಶಕ್ತಿ ಗುರುವಾಯನಕೆರೆ, ಗುರ್ಮೆ ಫೌಂಡೇಶನ್ ದ ಅಧ್ಯಕ್ಷೆರ್ ಸುರೇಶ್ ಶೆಟ್ಟಿ ಗುರ್ಮೆ, ಹೆಬ್ರಿ ಬಂಟರ ಯಾನೆ ನಾಡವರ ಸಂಘದ ಅಧ್ಯಕ್ಷೆರ್ ಉದಯ್ ಕುಮಾರ್ ಶೆಟ್ಟಿ ಮುನಿಯಾಲು ಲೇಸ್ ಡ್ ಪಾಲ್ ಪಡೆಯರೆ ಉಲ್ಲೆರ್.

ಬಂಟ ಸಮಾಜದ ಬೇತೆ ಬೇತೆ ಕ್ಷೇತ್ರದ ಸಾಧಕೆರೆಗ್ ಮಾನಾದಿಗೆದ ಲೇಸ್ ನಡಪರೆ ಉಂಡು. ಕಾಂಡೆ 9.30 ಗ್ ಬಂಟ ಪ್ರತಿಭೆಲೆಡ್ದ್ ವೈವಿಧ್ಯಮಯ ಸಾಂಸ್ಕೃತಿಕ ಕಾರ್ಯಕ್ರಮ ಉಂಡು. ಮಧ್ಯಾಹ್ನ 3 ಗಂಟೆಗ್ “ಯಕ್ಷ ಗಾನ ಹಾಸ್ಯ ನಾಟ್ಯ ವೈಭವ” ಕಾರ್ಯಕ್ರಮ ನಡಪರ ಉಂಡು.

ಈ ಲೇಸ್ ಗ್ ಬಂಟರ ಯಾನೆ ನಾಡವರ ಸಂಘ ಬೊಲ್ತೇರ್ ದ ಕಾರ್ಯದರ್ಶಿ ರಾಜು ಶೆಟ್ಟಿ ಬೆಂಗತ್ಯಾಯ, ಕೋಶಾಧಿಕಾರಿ ಪಿ.ಹೆಚ್ ಪ್ರಕಾಶ್ ಶೆಟ್ಟಿ ನೊಚ್ಚ, ಉಪಾಧ್ಯಕ್ಷೆರ್ ರಾಜೇಶ್ ಶೆಟ್ಟಿ ನವಶಕ್ತಿ, ಜತೆ ಕಾರ್ಯದರ್ಶಿ ಸುರೇಶ್ ಶೆಟ್ಟಿ ಲಾಯಿಲ,ಯುವ ವಿಭಾಗದ ಅಧ್ಯಕ್ಷೆರ್ ಕಿರಣ್ ಕುಮಾರ್ ಶೆಟ್ಟಿ, ಪೊಂಜೊವ್ ಲೆನ ವಿಭಾಗದ ಅಧ್ಯಕ್ಷೆರ್ ಸಾರಿಕ ಡಿ. ಶೆಟ್ಟಿ ಬೊಕ್ಕ ಕಾರ್ಯಕಾರಿ ಸಮಿತಿದ ಸದಸ್ಯೆರ್, ಬಂಟರ ಯುವ ವಿಭಾಗ ಬೊಕ್ಕ ಬಂಟರ ಪೊಂಜೊವ್ ಲೆನ ವಿಭಾಗದ ಸರ್ವ ಸದಸ್ಯೆರ್ ಲೇಸ್ ಗ್ ಮಾತೆರೆನ್ಲ ಎದ್ಕೊನೊಂದುಲ್ಲೆರ್.

ಊರ್ದ ಸುದ್ದಿ Regional News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ರಪಕ್ಕ ಸುದ್ದಿ Flash News

ಬಡಪತ್ತ್ ದ ಕುಟುಂಬದಕ್ಲೆಗ್ ಮಾತೆರ್ಲ ಸಕಾಯ ಮಲ್ಪೊಡು : ಕರುಣಾಕರ ಎಂ.ಶೆಟ್ಟಿ ಮಧ್ಯಗುತ್ತು

May 23, 2022

ಅಂಗವೂನದಕ್ಲೆಗ್ ಬಂಟರ ಮಾತೃ ಸಂಘದ ತಾಲೂಕು ಸಮಿತಿರ್ದ್ ಪಣವುದ ಸಕಾಯ

ಕುಡ್ಲ: ಬಡಪತ್ತ್ ದ ಕುಟುಂಬದಕ್ಲೆಗ್ ಮಾತೆರ್ಲ ಸಕಾಯ ಮಲ್ಪೊಡ್ ಪಂದ್ ಬಂಟರ ಯಾನೆ ನಾಡವರ ಮಾತೃ ಸಂಘ(ರಿ) ಕುಡ್ಲ ತಾಲೂಕು ಸಮಿತಿರ್ದ್ ಪಣವುದ ಸಾಕಾಯನ್ ಕೊರೊಂದಿಪ್ಪುನವ್ ವಿದ್ಯಾರ್ಥಿಲೆಗ್ ಪುರಸ್ಕಾರ, ಪ್ರತಿಭಾವಂತೆರೆಗ್ ವಿದ್ಯಾರ್ಥಿ ವೇತನ ಕೊರ್ಪಿನವ್ ಎಡ್ಡೆ ಬೇಲೆಯಾತ್ಂಡ್ ಪಂದ್ ಬೊಂಬೈದ ವಿ.ಕೆ. ಸಮೂಹ ಸಂಸ್ಥೆದ ಅಧ್ಯಕ್ಷೆರ್ ಕರುಣಾಕರ ಎಮ್ ಶೆಟ್ಟಿ ಮಧ್ಯಗುತ್ತು ತೆರಿಪಾಯೆರ್.

ಬಂಟರ ಯಾನೆ ನಾಡವರ ಮಾತೃ ಸಂಘ (ರಿ) ಕುಡ್ಲ ತಾಲೂಕ್ ಸಮಿತಿ ಉಂದೆತ್ತ ಮುತಾಲಿಕೆಡ್ ನಡತಿನ ಬಡಪತ್ತ್ ದ ಕುಟುಂಬದಕ್ಲೆಗ್ ಕೊರ್ಪಿನ ಪಣವುದ ಸಕಾಯಧನ ಯೋಜನೆನ್ ಉದಿಪನ ಮಲ್ತ್ ದ್ ಪಾತೆರಿಯೆರ್.

ಲೇಸ್ ದ ಅಧ್ಯಕ್ಷತೆನ್ ಬಂಟರ ಯಾನೆ ನಾಡವರ ಮಾತೃ ಸಂಘದ ಅಧ್ಯಕ್ಷೆರ್ ಆಯಿನ ಅಜಿತ್ ಕುಮಾರ್ ರೈ ಮಾಲಾಡಿ ಪಾತೆರ್ದ್, ಸಮಾಜಡ್ ಆರ್ಥಿಕವಾದ್ ಮಸ್ತ್ ಜನ ಬಂಗಡ್ ಉಲ್ಲೆರ್. ಸಮಾಜಡ್ ಇತ್ತಿನಕುಲು ಸಮಾಜಕ್ಕಾದ್ ದಾನ ಮಲ್ಪುನಗ ಬಂಗಡ್ ಇಪ್ಪುನಕುಲೆಗ್ ಸಹಾಯ ಆಪುಂಡು. ಇಂಚಿನ ಸಮಾಜಮುಖಿ ಕಾರ್ಯ ಎಪಲ ನಡಪರೆ ದಾನಿಲೆನ ಸಾಕಾರ ಅಗತ್ಯ ಪಂದ್ ಪಂಡೆರ್.

ಬಂಟೆರ್ನ ಮಾತೃ ಸಂಘಗ್ 114 ವರ್ಷದ ಪರಪೋಕು ಉಂಡು. ಮಾತ ಗ್ರಾಮಗ್ ಪೋದ್ ಮಾತ ಇಲ್ಲದ ಸದಸ್ಯೆರ್ನ ಸರ್ವೇದ ಬೇಲೆ ಬೇಗಡೇ ನಡಪರೆ ಉಂಡು. ಆ ಮುಖೇನ ಸಮಾಜಡ್ ಇಪ್ಪುನ ಜನಕ್ಲೆನ ಸ್ಥಿತಿಗತಿನ್ ಅರ್ಥ ಮಲ್ತೊಂನ್ಯರ ಸಾಧ್ಯ ಆಪುಂಡು ಪಂದ್ ಮಾಲಾಡಿ ಮೇರ್ ತೆರಿಪಾಯೆರ್.

ಮಾತೆರ್ಲಾ ಸೇರ್ದ್ ಸಮಾಜ ಕಟ್ಟುನ ಬೇಲೆ ಆವೊಡ್ :ಗುರ್ಮೆ
ಕಾರ್ಯಕ್ರಮದ ಮುಖ್ಯ ಅತಿಥಿ ಆಯಿನ ಕಾಪು-ಕಳತ್ತೂರು ಗುರ್ಮೆ ಫೌಂಡೇಶನ್ ದ ಅಧ್ಯಕ್ಷೆರ್ ಗುರ್ಮೆ ಸುರೇಶ್ ಶೆಟ್ಟಿ ಪಾತೆರ್ದ್, ನ್ಯಾಯ ತೀರ್ಮಾನನ್ ಚಾವಡಿಡ್ ಮಲ್ತೊಂದಿತ್ತಿನ ಶ್ರೇಷ್ಠವಾಯಿನ ಜಾತಿ ನಮ್ಮ. ಆಂಡ ಇನಿ ಕೆಲವೊಂಜಿ ಇಚಾರಗ್ ಸಮಾಜ ಬೇತೆ ಬೇತೆ ಆವೊಂದ್ಂಡ್. ವ್ಯಕ್ತಿ ಪೂಜೆರ್ದ್ ಲ ವ್ಯಕ್ತಿತ್ವದ ಪೂಜೆ ಅವೊಡ್. ಸಂಘ ಪನ್ಪಿನವ್ ರಥಲೆಕ್ಕ. ಅವೆನ್ ಅಜಿತಣ್ಣ ಒರಿಯೆರ್ದ್ ಒಯ್ಪರ ಸಾಧ್ಯ ಇಜ್ಜಿ. ಮಾತೆರ್ನಲ ಸಾಕಾಯ ಅಗತ್ಯ. ಬಂಟೆರ್ ಸ್ವಾಭಿಮಾನದ ಸಂಕೇತವಾದ್ ಉಲ್ಲೆರ್. ಮಸ್ತ್ ಕ್ಷೇತ್ರಲೆಡ್ ಸಾಧನೆ ಮಲ್ತ್ ದೆರ್. ಬಂಟರ ಯಾನೆ ನಾಡವರ ಮಾತೃ ಸಂಘ ಮಸ್ತ್ ವರ್ಷರ್ದ್ ಲ ಸಾಮಾಜಿಕ ಚಟುವಟಿಕೆಡ್ ಬೇಲೆ ಮಲ್ತ್ ದ್ಂಡ್. ಕೆಲ ಪ್ರದೇಶಲೆಡ್ ಬಂಟೆರ್ ನನಲ ಆರ್ಥಿಕವಾದ್ ಸಂಕಷ್ಟಡ್ ಉಲ್ಲೆರ್. ಇಂಚಿನ ಕಾರ್ಯಗ್ ಯನ್ನರ್ದ್ ಆಪಿನ ಸಹಾಯನ್ ಯಾನ್ ಮಲ್ಪುವೆ ಪಂದ್ ಪಂಡೆರ್.

ಲೇಸ್ ಡ್ ಬೆದ್ರ ನಗರಾಭಿವೃದ್ದಿ ಪ್ರಾಧಿಕಾರದ ಅಧ್ಯಕ್ಷೆರ್ ಮೇಘನಾಥ ಶೆಟ್ಟಿ, ಕರ್ನಾಟಕ ಮಾಧ್ಯಮ ಅಕಾಡೆಮಿದ ಸದಸ್ಯೆರ್ ಬಾಳ ಜಗನ್ನಾಥ ಶೆಟ್ಟಿ, ದ.ಕ.ಜಿಲ್ಲಾ ಬಸ್ಸ್ ಮಾಲಕೆರ್ನ ಸಂಘದ ಅಧ್ಯಕ್ಷೆರ್ ಜಯಶೀಲ ಅಡ್ಯಂತಾಯ ಮುಕುಲೆನ್ ಮಾನಾದಿಗೆ ಮಲ್ತೆರ್.

ಲೇಸ್ ಡ್ 50 ಮಂದಿ ಫಲಾನುಭವಿಲೆಗ್ ತಲಾ 6 ಸಾರದಲೆಕ್ಕ ಒಟ್ಟು 3 ಲಕ್ಷ ರೂ. ಪಣವುದ ಚೆಕ್ ನ್ ಕೊರಿಯೆರ್.

ಲೇಸ್ ಡ್ ಬಿನ್ನೆರಾದ್ ಜಗದೀಶ್ ಟಿ ಶೆಟ್ಟಿ ಬೊಳ್ಳೊಳ್ಳಿಮಾರುಗುತ್ತು, ಕೋಶಾಧಿಕಾರಿ ಕೃಷ್ಣಪ್ರಸಾದ್ ರೈ ಇತ್ತೆರ್. ಕುಡ್ಲ ತಾಲೂಕು ಸಮಿತಿದ ಸಂಚಾಲಕೆರ್ ಉಲ್ಲಾಸ್ ಆರ್ ಶೆಟ್ಟಿ ಪೆರ್ಮುದೆ ಪ್ರಾಸ್ತಾವಿಕ ಭಾಷಣನ್ ಮಲ್ತೆರ್. ದಿವಾಕರ ಶೆಟ್ಟಿ ಚೇಳ್ಯಾರು ಪ್ರಾರ್ಥನೆನ್ ಮಲ್ತೆರ್. ಸಹಾಯನಿಧಿ ಕಾರ್ಯಕ್ರಮದ ಸಂಚಾಲಕೆರ್ ರವೀಂದ್ರನಾಥ ಎಸ್. ಶೆಟ್ಟಿ ಬತ್ತಿನ ಬಿನ್ನೆರೆನ್ ಎದ್ಕೊನಿಯೆರ್. ಸಹಸಂಚಾಲಕ ಎನ್. ಮುರಳೀಧರ ಶೆಟ್ಟಿ ಸೊಲ್ಮೆ ಸಂದೈತ ಮಲ್ತೆರ್. ಸುಖೇಶ್ ಚೌಟ ಲೇಸ್ ದ ನಿರೂಪಣೆನ್ ಮಲ್ತೆರ್.

Help the downtrodden in society: – Karunakar M Shetty Madyaguttu

Mangalore: Help the downtrodden in the society said Karunakar M Shetty Madyaguttu president of the VK group of institutions at a programme organised by the Bunts alys Nadavara Sangha to distribute monetary aid to needy students , distribute scholarship and honour the talented of the community.

The Bantara Sangha Mangalore had organised this programme.

The program was presided by Ajit Kumar Rai Maladi who is the president of the Bunts Sangha Mangalore who stressed that it was the duty of the well off in the community to help their less previleged counterparts .

The Bantara Sangha with an 114 years history ,has been conducting survey all over the taluk and identifying persons requiring help and interacting with them to know their problems.

All the community come together to build better society: Gurmay.

The chief guest at the function,Gurmay Suresh Shetty of the Kaup Kalatoor Gurmay foundation said that the bunt community was known to pass judgements in the bygone times and was a strong community known for its strong character and righteousness.Persons should be respected not for their personal outlook but for their character. A association is like a charriot which can go forward with the unified efforts from all persons in the community. Bunt community is a proud and strong community, and the Bunts Sangha is doing yomens service for the upliftment of the community.

Meganand Shetty from Moodbidri president of Moodbidri town authority ,Bala
Jagannath Shetty member Karnataka journalists academy and Jaisheel Adyantaya president DK bus owners association were honoured at the program.

About 50 deserving persons were given an aid of 6000 rupees each and an amout of three lakh rupees was distributed.