ಅಗತ್ಯ ವಸ್ತುಲೆನ ಬಿಲೆ ಎಚ್ಚ ಮಲ್ದಿನೆಕ್ಕ್ ಹೈಕೋರ್ಟ್ ಅಸಮಾಧಾನ
ಬೆಂಗಳೂರು : ಸರ್ಕಾರ ಒಂಜಿ ಕಡೆಟ್ ಉಚಿತ ಯೋಜನೆಲೆನ್ ಕೊರ್ದು ಬೊಕ್ಕೊಂಜಿ ಕಡೆಟ್ಟ್ ಅಗತ್ಯ ವಸ್ತುದ ಬಿಲೆ ಎಚ್ಚ ಮಲ್ತೊಂದುಂಡು. ನೆಟ್ಟ್ ರ್ದ್ ಸಾಮಾನ್ಯ ಜನಕುಲು ಜೀವನ ದೆಪ್ಪುನನೇ ಕಷ್ಟ ಪಂಡ್‌ದ್ ಹೈಕೋರ್ಟ್ ಅಸಮಾಧಾನ ತೊಜಪಾದ್ಂಡ್.
ಒಂಜಿ ಅರ್ಜಿ ವಿಚಾರಣೆದ ಪೊರ್ತುಡು ದಿನಬಳಕೆ ವಸ್ತುಲೆನ ಬಿಲೆ ಏರಿಕೆ ಮಲ್ದಿನ ಬಗೆಟ್ಟ್ ನ್ಯಾಯಮೂರ್ತಿ ಶ್ರೀಶಾನಂದ ಮೇರ್ ಇತ್ತಿನ ಪೀಠ ಮಸ್ತ್ ಬೇಜಾರ್ ಮಲ್ದ್ಂಡ್. ಯೋಜನೆ ಉಚಿತ, ಆಂಡ ಬೆಲೆ ಏರಿಕೆ ಖಚಿತ ಪಂದ್ ವ್ಯಂಗ್ಯ ಮಲ್ತಿನ ನ್ಯಾಯಪೀಠ, ಸರ್ಕಾರದ ಮಾತ ಯೋಜನೆಲ ಇಂಚೆನೆನಾ ಪಂಡ್‌ದ್ ಪ್ರಶ್ನೆ ಮಲ್ದ್ಂಡ್.
“ಕರಿನ ತಿಂಗೊಲು ಒಂಜಿ ಕೆಜಿ ನೆಯಿ ಖರೀದಿ ಮಲ್ಪರೆ ಪೋನಗ 650 ರೂ. ಇತ್ತ್ಂಡ್. ಇತ್ತೆ 850 ರೂ. ಆತ್ಂಡ್. ದೀಪಾವಳಿಗ್ ತುಪ್ಪದ ಯಮದೀಪ ಪೊತ್ತಾವೊಡು. ಈತ್ ರೇಟ್ ಜಾಸ್ತಿ ಆಂಡ ಜನಕುಲು ಯಮದೀಪ ಪೊತ್ತಾವುನು ಎಂಚ ಪಂಡಿನ ಆರ್, ಇಂಚ ಆಂಡ ಸಾಮಾನ್ಯ ಜನಕುಲು ಜೀವನ ಮಲ್ಪುನು ಎಂಚ” ಪಂಡ್ ದ್ ನ್ಯಾಯಪೀಠ ಪ್ರಶ್ನೆ ಮಲ್ದ್ಂಡ್.
