ಕುಡ್ಲಡ್ ಕುಕ್ಕರ್ ಬಾಂಬ್ ಕೇಸ್: ಎಡಿಜಿಪಿ ಅಲೋಕ್ ಕುಮಾರ್ ಮಹತ್ವದ ಮಾಹಿತಿ
ಕುಡ್ಲ: ರಿಕ್ಷಾಡ್ ಕುಕ್ಕರ್ ಬಾಂಬ್ ಪುಡಾದಿನ ಕೇಸ್ ಗ್ ಸಂಬಂಧ ಪಟ್ ದ್ ಮೈಸೂರ್ರ್ದ್ ರಡ್ಡ್ ಜನ, ಕುಡ್ಲರ್ದ್ ಒರಿ, ಊಟಿರ್ದ್ ಒರಿ ಸೇರ್ದ್ 4 ಜನನ್ ಪೊಲೀಸೆರ್ ವಶಕ್ಕ್ ದೆತೊಂದೆರ್ ಪಂದ್ ಎಡಿಜಿಪಿ ಅಲೋಕ್ ಕುಮಾರ್ ತೆರಿಪಾಯೆರ್.
ಕುಡ್ಲದ ಕಮಿಷನರ್ ಕಚೇರಿಡ್ ಸೋಮಾರ ನಡತಿನ ಸುದ್ದಿಗೋಷ್ಠಿಡ್ ಪಾತೆರಿನ ಆರ್, ಕಂಕನಾಡಿ ಪೊಲೀಸ್ ಠಾಣೆ ಕೈತಲ್ ದ ನಾಗುರಿಟ್ಟ್ ಶನಿವಾರ ರಾತ್ರೆ ರಿಕ್ಷಾಡ್ ಬಾಂಬ್ ಪುಡಾದಿನ ಕೇಸ್ ದ ಒರಿ ಆರೋಪಿ ಶಾರೀಕ್, 2020ನೇ ಇಸ್ವಿದ ದ ಕುಡ್ಲದ ಗೋಡೆ ಬರವು ಕೇಸ್ದ ಆರೋಪಿ ಶಾರೀಕ್ ಆದುಲ್ಲೆ. ಆಯೆ ಮೈಸೂರ್ದ ಮೋಹನ್ ಕುಮಾರ್ ಪನ್ಪಿನರೆನ ಬಾಡಿಗೆ ಇಲ್ಲಡ್ ವಾಸ ಇತ್ತೆ. ಆ ಇಲ್ಲಡ್ ಬಾಂಬ್ ದ ಕೆಲವು ಸೊತ್ತುಲು ಪತ್ತೆ ಆತ್ಂಡ್. ಆತೆ ಅತ್ತಾಂದೆ ಅಂಚನೆ ನನೊಂಜಿ ಫೇಕ್ ಐಡಿ ಪತೊಂದ್ ಕೊಯಮತ್ತೂರ್ಡ್ ಇತ್ತೆ ಪಂದ್ ಮಾಹಿತಿ ಕೊರಿಯೆರ್.
ಸೆ.8 ಗ್ ಒಂಜಿ ಸರ್ತಿ ಕುಡ್ಲಗ್ ಬತ್ತಿತ್ತ್ದ್, ಜನಮಂದೆದ ಜಾಗೆ ಸೇರಿನಂಚನೆ ಮಸ್ತ್ ಜಾಗೆಲೆನ್ ತೂದು ಪೋದಿತ್ತೆ. ಈ ಘಟನೆಗ್ ಸಂಬಂಧಿಸಾದ್ ಮೈಸೂರ್ರ್ದ್ ರಡ್ಡ್ ಜನ, ಕುಡ್ಲರ್ದ್ ಒರಿಯನ್, ಊಟಿರ್ದ್ ಒರಿಯನ್ ವಶಕ್ಕ್ ಪಡೆತೊಂದೆರ್ ಪಂದ್ ತೆರಿಯೆರ್.