ಊರ್ದ ಸುದ್ದಿ Regional News
ಕುಡ್ಲದ ಸುದ್ದಿ | Mangalore News
ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News
ತುಳು ಸುದ್ದಿ
ರಪಕ್ಕ ಸುದ್ದಿ Flash News
‘777 ಚಾರ್ಲಿ’ ಪಿಚ್ಚರ್ ತೂದು ಬುಲ್ತಿನ ಸಿಎಂ ಬೊಮ್ಮಾಯಿ
‘777 ಚಾರ್ಲಿ’ ಪಿಚ್ಚರ್ ತೂದು ಬುಲ್ತಿನ ಸಿಎಂ ಬೊಮ್ಮಾಯಿ
ಬೆಂಗ್ಳೂರು: ಮುಖ್ಯಮಂತ್ರಿ ಬಸವರಾಜ ಬೊಮ್ಮಾಯಿ ಮೇರ್ ‘777 ಚಾರ್ಲಿ’ ಪಿಚ್ಚರ್ ತೂಯಿಬೊಕ್ಕ ಭಾವುಕೇರಾದ್ ಕಣ್ಣ ನೀರ್ ಪಾಡಿನ ಘಟನೆ ನಡತುಂಡು .
ಪಿಚ್ಚರ್ ಡ್ ಉಪ್ಪುನ ಚಾರ್ಲಿನ್ ತೂದು ತನ್ನ ಇಲ್ಲಡ್ ಇತ್ತಿನ ‘ಸನ್ನಿ’ ಪುದರ್ ದ ನಾಯಿನ್ ನೆಂಪು ಮಲ್ತ್ ಕಣ್ಣ ನೀರ್ ಪಾಡ್ದೆರ್.
ನನ ‘777 ಚಾರ್ಲಿ’ ಪಿಚ್ಚರ್ ಡ್ ನಾಯಿ ಬೊಕ್ಕ ನರಮಾನ್ಯನ ನಡುಟು ಉಪ್ಪುನ ಮೋಕೆನ್ ಭಾವನಾತ್ಮಕವಾದ್ ತೋಜಾದೆರ್ , ಶ್ವಾನ ಪ್ರೇಮಿ ಆಯಿನ ಮುಖ್ಯಮಂತ್ರಿ ಬಸವರಾಜ ಬೊಮ್ಮಾಯಿ ಪಿಚ್ಚರ್ ತೂಯೆರ್ .
ಬೆಂಗ್ಳೂರ ಒರಾಯನ್ ಮಾಲ್ಡ್ ಸೋಮಾರ ದಾನಿ ಮುಖ್ಯಮಂತ್ರಿ ಬಸವರಾಜ ಬೊಮ್ಮಾಯಿ ‘777 ಚಾರ್ಲಿ’ ಚಿತ್ರ ತೂತೆರ್ ಆರ್ನ ಒಟ್ಟುಗು , ಒಡಿಪು ಶಾಸಕ ರಘುಪತಿ ಭಟ್, ಸಚಿವೆರಾಯಿನ ಆರ್.ಅಶೋಕ್, ಬಿ.ಸಿ.ನಾಗೇಶ್ ಇತ್ತೆರ್ , ಈ ಪೊರ್ತುಡು ನಿರ್ದೇಶಕ ಕಿರಣ್ ರಾಜ್, ನಟ ರಕ್ಷಿತ್ ಶೆಟ್ಟಿ, ನಟಿ ಸಂಗೀತಾ ಶೃಂಗೇರಿಲ ಒಟ್ಟು ಗಿತ್ತೆರ್.
