5 ಲಕ್ಷ ರೂ ಪರಿಹಾರ

ಕ್ಷಯ ರೋಗ ನಿರ್ಮೂಲನೆಗ್ ಸರಕಾರರ್ದ್ 5 ಲಕ್ಷ ರೂ ಪರಿಹಾರ

ಕಂಕನಾಡಿ, ಮಾರ್ಚ್ 26: ಕ್ಷಯ ರೋಗನ್ 2030 ಆನಗ ನಿರ್ಮೂಲನ ಮಲ್ಪುನ ರಾಷ್ಟ್ರೀಯ ಕಾರ್ಯಕ್ರಮನ್ ಅಟ್ಟನೆ ಮಲ್ದ , ಈ ನಿಲೆಟ್ಟ್ ಉಚಿತ ಚಿಕಿತ್ಸೆ ಕೊರಿಯರೆ ಸರಕಾರ ಒಂಜೊಂಜಿ ರೋಗಿಗ್ ತಲಾ 5 ಲಕ್ಷ ರೂ. ಖರ್ಚ್ ಮಲ್ತೊಂದು ಉಂಡು . ಐರ್ದಾವರ ರೋಗಿಲು , ವೈದ್ಯೆರ್ ಬೊಕ್ಕ ವೈದ್ಯಕೀಯ ಸಿಬಂದಿ ಸೇರೊಂದು ಈ ಲೇಸ್ ನ್ ಯಶಸ್ವಿ ಮಲ್ಪರೆ ಸಾಕಾರ ಕೊರೊಡು ಪಂದ್ ದ.ಕ. ಜಿಲ್ಲಾಧಿಕಾರಿ ಡಾ| ರಾಜೇಂದ್ರ ಕೆ.ವಿ. ಪಂಡೆರ್ .

ಮೇರ್ ಬುಧವಾರ ಕಂಕನಾಡಿ ಫಾದರ್‌ ಮುಲ್ಲರ್‌ ಮೆಡಿಕಲ್‌ ಕಾಲೇಜು ಸಭಾಂಗಣಡ್ ದಕ್ಷಿಣ ಕನ್ನಡ ಜಿಲ್ಲಾಡಳಿತ, ದ.ಕ. ಜಿಲ್ಲಾ ಪಂಚಾಯತ್‌, ಜಿಲ್ಲಾ ಆರೋಗ್ಯ ಬೊಕ್ಕ ಕುಟುಂಬ ಕಲ್ಯಾಣ ಇಲಾಖೆ, ಜಿಲ್ಲಾ ಕ್ಷಯ ರೋಗ ನಿಯಂತ್ರಣ ಅಧಿಕಾರಿಲೆನ ಕಚೇರಿ ಬೊಕ್ಕ ಫಾದರ್‌ ಮುಲ್ಲರ್‌ ಮೆಡಿಕಲ್‌ ಕಾಲೇಜ್ದ ಒಟ್ಟು ಸೇರಿಗೆಡ್ ನಡತಿನ ವಿಶ್ವ ಕ್ಷಯ ರೋಗ ದಿನಾಚರಣೆ ಲೇಸ್ ನ್ ಉದಿಪನ ಮಲ್ತ್ ಪಾತೆರಿಯೆರ್.