ಹೆದ್ದಾರಿ

ಹೆದ್ದಾರಿ ಯೋಜನೆ ಕಾಮಗಾರಿನ್ ಮುಗಿಪಾಯೆರೆ ಸೂಚನೆ ಕೊರಿನ ಸಂಸದೆರ್

Sep 6, 2021

ಕುಡ್ಲ : ಜಿಲ್ಲೆಡ್ ಆವೊಂದು ಉಪ್ಪುನ ರಾಷ್ಟ್ರೀಯ ಹೆದ್ದಾರಿ ಕಾಮಗಾರಿದ ಯೋಜನೆ ತಡ ಆಯೆರೆ ಆಸ್ಪದ ಇಜ್ಜoದೆ ಮುಗಿಪೆರೆ ಸಂಬಂಧಿಸಾಯಿನ ಅಧಿಕಾರಿಲು ಬೇಲೆ ಮಲ್ಪೋಡು ಪಂದ್ ಸಂಸದೆರಾಯಿನ ನಳೀನ್ ಕುಮಾರ್ ಕಟೀಲ್ ಪಂಡೆರ್ .

ಮೇರ್ ಪೇಂಟೆದ ಜಿಲ್ಲಾಧಿಕಾರಿಲೆನ ಕಚೇರಿ ಸಭಾಂಗಣಡ್ ರಾಷ್ಟ್ರೀಯ ಹೆದ್ದಾರಿ ಯೋಜನೆದ ಅನುಷ್ಠಾನ ಬಗ್ಗೆ ಅಟ್ಟನೆ ಮಲ್ತಿನ ಸಭೆಟ್ ಗುರ್ಕಾರ್ಮೆ ವಹಿಸ್ದ್ ಪಾತೆರಿಯೆರ್.

ಕುಲಶೇಖರ – ಕಣ್ಣೂರು ಸಂಪರ್ಕದ ರಾಷ್ಟ್ರೀಯ ಹೆದ್ದಾರಿ ಕಾಮಗಾರಿದ ಪ್ರಗತಿ ಪರಿಶೀಲನಾ ಸಭೆ

Jun 27, 2021

ಕುಡ್ಲ, ಜೂನ್ 27: ಕುಲಶೇಖರ – ಕಣ್ಣೂರು ಸಂಪರ್ಕದ ರಾಷ್ಟ್ರೀಯ ಹೆದ್ದಾರಿ ಕಾಮಗಾರಿದ ಪ್ರಗತಿ ಪರಿಶೀಲನಾ ಸಭೆ ಶನಿವಾರ ಶಾಸಕ ವೇದವ್ಯಾಸ್ ಕಾಮತ್ ಮೆರ್ನ ಮುತಾಲಿಕೆಡ್ ನಡತುಂಡು.

ಪಾಲಿಕೆ ವ್ಯಾಪ್ತಿದ ಕುಲಶೇಖರರ್ದ್ ಕಣ್ಣೂರು ರಾಷ್ಟ್ರೀಯ ಹೆದ್ದಾರಿನ್ ಒಟ್ಟು ಸೇರುನ ಮಾರ್ಗ ಅಗಲೀರಕರಣದ ಬಗ್ಗೆ ಉಪ್ಪುನ ಸಮಸ್ಯೆಲೆನ್ ಬಗೆಹರಿಸಾವುನ ಸಲುವಾದ್ ಸಭೆ ನಡಪಾದೆರ್ , ಶಾಸಕ ವೇದವ್ಯಾಸ್ ಕಾಮತ್ ಮೇರ್ ಈ ಬಗ್ಗೆ ಅಧಿಕಾರಿಲೆರ್ದ್ ಮಾಹಿತಿ ಪಡೆಯೊಂಡೆರ್ .

ಸಭೆಟ್ ಕುಡ್ಲ ಮಹಾನಗರ ಪಾಲಿಕೆದ ಮೇಯರ್ ಪ್ರೇಮಾನಂದ ಶೆಟ್ಟಿ, ಕೈತಲ್ ದ ಮನಪಾ ಸದಸ್ಯೆ ರೂಪಶ್ರೀ ಪೂಜಾರಿ,ತಹಶಿಲ್ದಾರೆರ್ , ಪಾಲಿಕೆದ ಅಧಿಕಾರಿಲು , ಲೋಕೋಪಯೋಗಿ ಇಲಾಖೆದ ಅಧಿಕಾರಿಲು , ರಾಷ್ಟ್ರೀಯ ಹೆದ್ದಾರಿ ಪ್ರಾಧಿಕಾರದ ಅಧಿಕಾರಿಲು ಕಂದಾಯ ಇಲಾಖೆ ಅಧಿಕಾರಿಲು ಪಾಲ್ ಪಡೆದಿತ್ತೆರ್.

ಹೆದ್ದಾರಿ ಅಭಿವೃದ್ಧಿಗ್ 369 ಕೋ. ಮಂಜೂರು

Jun 2, 2021

ಒಡಿಪು, ಜೂನ್ 2: ಒಡಿಪು – ಚಿಕ್ಕಮಗಳೂರು ಲೋಕಸಭಾ ಕ್ಷೇತ್ರದ ರಾಷ್ಟ್ರೀಯ ಹೆದ್ದಾರಿ ಸರ್ವತೋಮುಖ ಅಭಿವೃದ್ಧಿಗ್ ಪ್ರಸಕ್ತ ಆರ್ಥಿಕ ಸಾಲ್ ಡ್ 369 ಕೋ. ರೂ. ಕೇಂದ್ರ ಸರ್ಕಾರ ಮಂಜೂರು ಮಲ್ದುಂಡು ಪಂದ್ ಸಂಸದೆ ಶೋಭಾ ಕರಂದ್ಲಾಜೆ ಪಂಡೆರ್ .

2021- 22ನೇ ಆರ್ಥಿಕ ವರ್ಷಡ್ ಓಡಿಪು – ಚಿಕ್ಕಮಗಳೂರು ಕ್ಷೇತ್ರದ ರಾ.ಹೆ. 169ಎ ಹೆಬ್ರಿ- ಪರ್ಕಳ ರಸ್ತೆ, ಕರಾವಳಿ ಜಂಕ್ಷನ್- ಮಲ್ಪೆ ಒಟ್ಟು ಸೇರುನ ಮಾರ್ಗ ಚತುಷ್ಪಥ ಕಾಮಗಾರಿ ಭೂಸ್ವಾಧೀನ ಪ್ರಕ್ರಿಯೆ ಬೊಕ್ಕ ಒಟ್ಟು 29.1 ಕಿ.ಮೀ. ಉದ್ದದ ಕಾಮಗಾರಿಗ್ ಕೇಂದ್ರ ಭೂ ಸಾರಿಗೆ ಸಚಿವಾಲಯ 350 ಕೋ. ರೂ. ಅನುದಾನ ಮಂಜೂರು ಮಲ್ದುಂಡು .

ರಾ.ಹೆ. 169ಎ ಸೀತಾನದಿಗ್ ತಡೆಗೋಡೆ ಕಟ್ಟರೆ , ಮಾರ್ಗ ಎತ್ತರ ಮಲ್ಪರೆ ಅಂಚನೇ ರಾ.ಹೆ. 169ತ್ತ ನೆಮ್ಮಾರು ಕೈತಲ್ ಮಾರ್ಗ ಎತ್ತರ ಮಲ್ತ್ ತಡೆಗೋಡೆ ನಿರ್ಮಾಣ ಕಾಮಗಾರಿಗ್ 19 ಕೋ. ರೂ. ಅನುದಾನ ಮಂಜೂರು ಮಲ್ದೆರ್ ಪಂದ್ ಪಂಡೆರ್.