ಹುಷಾರ್ ದಾಂತೆ

ಹುಷಾರ್ ದಾಂತೆ ತೀರ್ ಪೋಯಿನ ಪೆರಿಯ ಪತ್ರಕರ್ತೆ ರಂಗಭೂಮಿ ಕಲಾವಿದ ನವೀನ್ ಚಂದ್ರ ಪಾಲ್

ಕುಡ್ಲ , ಜೂ. 7: ಪೆರಿಯ ಪತ್ರಕರ್ತ, ರಂಗಭೂಮಿ ಕಲಾವಿದ ನವೀನ್ ಚಂದ್ರ ಪಾಲ್ (93) ಶನಿವಾರ ಪೇಂಟೆದ ಬಲ್ಮಠದ ವಾಸ್‌ಲೇನ್‌ಡ್ ಉಪ್ಪುನ ತನ್ನ ಸ್ವಗೃಹಟ್ ಅಸೌಖ್ಯರ್ದ್ ತೀರ್ ಪೋಯೆರ್ .

ಮೆರೆಗ್ ಒರಿ ಮಗೆ ಮಗಲ್ ಬೊಕ್ಕ ಇಷ್ಟ ಮಿತ್ರೆರ್ ಉಲ್ಲೆರ್.ಪತ್ರಿಕೋದ್ಯಮ ಡಿಪ್ಲೊಮಾದ ಸಾಧನೆಗಾದ್ ಬಂಗಾರ್ದ ಪದಕ ಪಡೆಯಿನ ಆರ್ ಸಮಾಜವಾದಿ ಚಿಂತನೆದ ಪ್ರತಿಪಾದಕೇರಾದ್ ಇತ್ತೆರ್.1948ಟ್ಟ್ ಸಂಗಾತಿ ಪಾಕ್ಷಿಕ ಪತ್ರಿಕೆನ್ ಸುರು ಮಲ್ತ್ ಐರ್ದ್ ಬೊಕ್ಕ 1950ಟ್ಟ್ ಅವೆನ್ ವಾರಪತ್ರಿಕೆಯಾದ್ ಮಲ್ತೆರ್ . ಅರುಣೋದಯ ಪತ್ರಿಕೆದ ಸಂಪಾದಕೆರಾಯಿನ ಮೇರ್ ಮುಂಬೈಡ್ ಇಂಡಿಯನ್ ಎಕ್ಸೃಪ್ರೆಸ್ ದೈನಿಕದ ಸಂಪರ್ಕಾಧಿಕಾರಿ, ಸೀನಿಯರ್ ಎಕ್ಸಿಕ್ಯೂಟಿವ್, ಎನ್ಲೈಟ್ ವಾರಪತ್ರಿಕೆಡ್ ಅಸಿಸ್ಟೆಂಟ್ ಎಡಿಟರ್, ಕಾಮರ್ಸ್ ವಾರಪತ್ರಿಕೆದ ಅಸಿಸ್ಟೆಂಟ್ ಎಡಿಟರ್ ಆದ್ ಬೇಲೆ ಮಲ್ದೆರ್.