ಹಿರಿಯ

ಸರಕಾರಿ ಹಿರಿಯ ಪ್ರಾಥಮಿಕ ಶಾಲೆ ಕಲತ್ರಪಾದೆ ಬೂಕು ಪಟ್ಟುನ ಲೇಸ್

ಕಲತ್ರಪಾದೆ : ತಾರೀಖ್ 24/9/21 ಕ್ಕ್ ಸರಕಾರಿ ಹಿರಿಯ ಪ್ರಾಥಮಿಕ ಶಾಲೆ ಕಲತ್ರಪಾದೆಡ್ ದಾನಿಲೆನ ಸಾಕಾರಡ್ ಉಚಿತ ನೋಟ್ ಬೂಕು ಬೊಕ್ಕ ಸರ್ಕಾರದ ವತಿರ್ದ್ ಕೊರಿನ ಬೂಕು ಪಟ್ಟುನ ಲೇಸ್ ಅಟ್ಟನೆ ಮಲ್ತಿತ್ತೆರ್. ಈ ಲೇಸ್ ಡ್ ನಲ್ಲೂರು ಪಂಚಾಯತ್ ಗುರ್ಕಾರ್ಲಾಯಿನ ಶ್ರೀಮತಿ ಕವಿತಾ, ದಾನಿಲಾಯಿನ ಸಮಾಜ ಸೇವಕಿ ಗಾಯತ್ರಿ ಪ್ರಭು ಸ್ಥಳೀಯ ಗ್ರಾಮ ಪಂಚಾಯತ್ ಸದಸ್ಯೆರಾಯಿನ ಪ್ರಶಾಂತ್ ಪೂಜಾರಿ, ಶ್ರೀಮತಿ ಕುಸುಮ ಬೊಕ್ಕ ಕುಮಾರಿ ದೀಪಶ್ರೀ, ಶಾಲಾ ಮುಖ್ಯೋಪಾಧ್ಯಾಯೆರ್ ಸ್ದಮ್ಚ್ ಒತ್ತು ಗುರ್ಕಾರ್ಲು , ಸದಸ್ಯೆರ್ ಶಿಕ್ಷಕವರ್ಗ, ಅಂಗನವಾಡಿ ಕಾರ್ಯಂತೆರ್ , ಬೊಕ್ಕ ಪೋಷಕೆರ್ ಪಾಲ್ ಪಡೆದಿತ್ತೆರ್ .ಶಾಲಾ ಮುಖ್ಯ ಶಿಕ್ಷಕಿ ಶ್ರೀಮತಿ ಜ್ಯೋತಿ.ಎಸ್.ಬೋಗಾರ ಮೆರೆನ ಉಪಸ್ಥಿತಿಡ್ ಗಣ್ಯೆರೆನ್ ಎದುಕೊಂಡೆರ್ , ಪ್ರಾಸ್ತಾವಿಕವಾದ್ ಪಾತೆರಿಯೆರ್ . ಶ್ರೀಮತಿ ಸುಮತಿ ಮೇರ್ ಗಾಯತ್ರಿ ಪ್ರಭು ಮೆರೆನ ಸಮಾಜ ಸೇವೆದ ಬಗ್ಗೆ ಪಾತೆರಿಯೆರ್ . ಈ ಪೊರ್ತುಡು ಗಾಯತ್ರಿ ಪಭು ಮೇರ್ ತಂಕ್ ಸಮಾಜ ಸೇವೆ ಮಲ್ಪರೆ ಪ್ರೋತ್ಸಾಹ ಕೊರಿನ ಶಿಕ್ಷಕೆರೆನ್ ನೆಂಪು ಮಲ್ತೊಂದು “ ಮುಗ್ಧ ಮನಸ್ ದ ಜೋಕ್ಲೆನ ಮೋನೆಡ್ ತೋಜುನ ಹರುಷನೇ ಈ ಸೇವೆ ಮಲ್ಪರೆ ಪ್ರೇರಣೆಯಾoಡ್ ಪಂದ್ ಪಂಡೆರ್ .ಶ್ರೀಮತಿ ಜಯಶ್ರೀ.ಎಲ್ ಬೊಕ್ಕ ಶ್ರೀಮತಿ ನಳಿನಿ.ಸಿ.ಎನ್‌ ಸೊಲ್ಮೆ ಸಂದೈತ ಮಲ್ತೆರ್.

Government Senior Primary School
Kalatrapady

Distribution of free notebooks and free textbooks given by the government with the help of donors was held on 24/9/2009 at the Government Senior Primary School. Kumari Deepashree, School Headmaster. SDMC Vice-President, Members, Faculty, Anganwadi Workers and Parents were present. Mrs Sumathi spoke about Gayatri Pabhu’s social service. Gayatri Pabhu on this occasion recalled the teachers who encouraged them to do social work and cited that “it was the joy of the innocent minded children.

ಹಿರಿಯ ನಾಗರಿಕೆರೆಗ್ ರಾಜ್ಯ ಪ್ರಶಸ್ತಿ : ಪ್ರಸ್ತಾವನೆಗ್ ಲೆಪ್ಪೋಲೆ

ಒಡಿಪು, ಜುಲೈ 30: ವಿಕಲಚೇತನರ ಬೊಕ್ಕ ಹಿರಿಯ ನಾಗರಿಕರ ಸಬಲೀಕರಣ ಇಲಾಖೆದ ವತಿರ್ದ್ ಅಕ್ಟೋಬರ್ 1ಕ್ಕ್ ವಿಶ್ವ ಹಿರಿಯ ನಾಗರಿಕರ ದಿನಾಚರಣೆನ್ ರಾಜ್ಯ ಮಟ್ಟಡ್ ಆಚರಣೆ ಮಲ್ತೊಂದು ಉಲ್ಲೆರ್ , ಈ ಪೊರ್ತುಡು ಶಿಕ್ಷಣ, ಸಾಹಿತ್ಯ, ಕಲಾಕ್ಷೇತ್ರ, ಕಾನೂನು, ಪ್ರತಿಭೆ, ಕ್ರೀಡೆ ಅಂಚನೇ ಹಿರಿಯ ನಾಗರಿಕರ ಕ್ಷೇತ್ರಡ್ ಸಮಾಜ ಸೇವೆ ಮಲ್ತಿನ ಹಿರಿಯ ನಾಗರಿಕೆರೆಗ್ ಒಟ್ಟು ಆಜಿ ವೈಯಕ್ತಿಕ ಪ್ರಶಸ್ತಿ ಬೊಕ್ಕ ಒಂಜಿ ಸಂಸ್ಥೆಗ್ ಪ್ರಶಸ್ತಿ ಸೇರಿನಂಚ ಒಟ್ಟು ಏಳ್ ರಾಜ್ಯ ಪ್ರಶಸ್ತಿ ಕೊರೊಂದು ಉಲ್ಲೆರ್ ನೆಕ್ಕಾದ್ ಜಿಲ್ಲೆದ ಹಿರಿಯ ನಾಗರಿಕೆರೆರ್ದ್ ಪ್ರಸ್ತಾವನೆ ಲೈದೆರ್ .

ಕಾರ್ಕಳ: ನಿಟ್ಟೆ ಕಲಂಬಾಡಿ ಪದವು ಸರಕಾರಿ ಹಿರಿಯ ಪ್ರಾಥಮಿಕ ಶಾಲೆಡ್ ನೆತ್ತೆರ್ ದಾನ ಶಿಬಿರ

ಕಾರ್ಕಳ, ಜುಲೈ 27: ಪೇಂಟೆಡ್ ಮಸ್ತ್ ನೆತ್ತೆರ್ ದಾನ ಶಿಬಿರದ ಮುಖೇನ ಮಸ್ತ್ ಜನ ನೆತ್ತೆರ್ ದಾನಿಲು ನೆತ್ತೆರ್ ದಾನ ಮಲ್ತೊಂದು ಇತ್ತುಂಡಲ, ನೆತ್ತೆರ್ ದ ಅಗತ್ಯ ಉಪ್ಪುನಗ ಜಿಲ್ಲಾ ಪ್ರಮುಖ ಕೇಂದ್ರಗ್ ಪೋಪಿನ ಪರಿಸ್ಥಿತಿ ಉಂಡು. ಈ ನೆಲೆಟ್ಟ್ ಕಾರ್ಕಳ ತಾಲೂಕು ಕೇಂದ್ರಡ್ ಸೂಕ್ತವಾಯಿನ ನೆತ್ತೆರ್ ಸಂಗ್ರಹಣಾ ಕೇಂದ್ರ ಅಗತ್ಯ ಉಂಡು . ಅಂಚಾದ್ ತಾಲೂಕು ರೆಡ್ ಕ್ರಾಸ್ ಸಂಶ್ಥೆ ಪೂರ್ತಿ ಸಾಕಾರ ಕೊರ್ಪುಂಡು ಐತ ವ್ಯವಸ್ಥೆಗ್ ಸೂಕ್ತ ದಾನಿಲು ಕಾರ್ಕಳಡ್ ಉಲ್ಲೆರ್ ಪಂದ್ ಕಾರ್ಕಳ ತಾಲೂಕು ರೆಡ್ ಕ್ರಾಸ್ ಸೊಸೈಟಿ ಸಭಾಪತಿ ಡಾ. ಕೆ.ಆರ್. ಜೋಶಿ ಪಂಡೆರ್ .

ನಿಟ್ಟೆ ಕಲಂಬಾಡಿ ಪದವು ಸರಕಾರಿ ಹಿರಿಯ ಪ್ರಾಥಮಿಕ ಶಾಲೆಡ್ ಬೇತೆ ಬೇತೆ ಸಂಘ ಸಂಸ್ಥೆದ ಆಶ್ರಯಡ್ ನಡತಿನ ಬೃಹತ್ ನೆತ್ತೆರ್ ದಾನ ಶಿರಬಿರನ್ ಉದಿಪನ ಮಲ್ತ್ ಆರ್ ಪಾತೆರಿಯೆರ್.

ಜಿಲ್ಲಾ ರಕ್ತ ನಿಧಿ ಕೇಂದ್ರದ ಡಾ. ವೀಣಾ, ಬೇತೆ ಬೇತೆ ಸಂಘದ ಸಂಸ್ಥೆದ ಮುಖಂಡೆರಾಯಿನ ಸಂತೋಷ್ ಕುಮಾರ್ ಜೈನ್, ಸುರೇಶ್ ನಾಯಕ್, ಬಾಲಕೃಷ್ಣ ಮೂಲ್ಯ, ಶ್ರೀಧರ್ ಸುವರ್ಣ, ಸಂತೋಷ್ ಕುಲಾಲ್, ರಮಾನಂದ ಪೂಜಾರಿ,ರಮಣಿ ಕುಲಾಲ್ ಪಾಲ್ ಪಡೆದಿತ್ತೆರ್.

ಬಡಗಬೆಳ್ಳೂರು ಹಿರಿಯ ಪ್ರಾಥಮಿಕ ಶಾಲೆಗ್ ರೋಟರಿ ಕ್ಲಬ್ ಬಂಟ್ವಾಳ ವತಿರ್ದ್ ಪೀಠೋಪಕರಣ ಹಸ್ತಾಂತರ

ಬಂಟ್ವಾಳ, ಜುಲೈ :2: ಬಡಗಬೆಳ್ಳೂರು ಅನುದಾನಿತ ಹಿರಿಯ ಪ್ರಾಥಮಿಕ ಶಾಲೆದ ಶತಮಾನೋತ್ಸವದ ಪರವಾದ್ ಕಟ್ಟಿನ ಕಟ್ಟಡಗ್ ಶಾಲಾ ಸಂಚಾಲಕರ ಕೋರಿಕೆದ ಮೇರೆಗ್ ಬಂಟ್ವಾಳ ರೋಟರಿ ಕ್ಲಬ್‌ದ ಗುರ್ಕಾರ್ಲಾಯಿನ ಕೆ. ನಾರಾಯಣ ಹೆಗ್ಡೆ ಮೆರ್ನ ಮುತಾಲಿಕೆಡ್ ರೋಟರಿ ಕ್ಲಬ್ ಬಂಟ್ವಾಳ ವತಿರ್ದ್ ಡೆಸ್ಕ್, ಬೆಂಚ್, ಟೇಬಲ್, ಚೆಯರ್ ಪೀಠೋಪಕರಣನ್ ಕೊರ್ಪಿನ ಲೇಸ್ ಬುಧವಾರ ಬಡಗಬೆಳ್ಳೂರು ಶಾಲೆಡ್ ನಡತೊಂದು .

ಈ ಲೇಸ್ ಡ್ ಬಂಟ್ವಾಳ ರೋಟರಿ ಕ್ಲಬ್‌ದ ಮಾಜಿ ಗುರ್ಕಾರ್ಲಾಯಿನ ಬೊಕ್ಕ ರೋಟರಿ ಕ್ಲಬ್‌ದ ನಿಯೋಜಿತ ಜಿಲ್ಲಾ ಗವರ್ನರ್‌ ಪ್ರಕಾಶ್ ಕಾರಂತ್ ನರಿಕೊಂಬು, ರೋಟರಿ ಕ್ಲಬ್ ಬಂಟ್ವಾಳ ನೆತ್ತ ಕಾರ್ಯದರ್ಶಿ ವಾಣಿ ಪ್ರಕಾಶ್ ಕಾರಂತ್, ಶಾಲಾ ಶತಮಾನೋತ್ಸವ ಕಟ್ಟಡ ನಿರ್ಮಾಣ ಸಮಿತಿದ ಗುರ್ಕಾರ್ಲಾಯಿನ ರಮೇಶ್ವಂದ್ರ ಭಂಡಾರಿ, ಶಾಲಾ ಸಂಚಾಲಕಕೆರಾಯಿನ ಕೆ.ನರೇಂದ್ರನಾಥ್ ಭಂಡಾರಿ ಬೊಕ್ಕ ಶಾಲಾ ಮುಖ್ಯೋಪಾಧ್ಯಾಯೆರಾಯಿನ ಕೇಶವ ನಾಯ್ಕ್ ಮೇರ್ ವೇದಿಕೆಡ್ ಪಾಲ್ ಪಡೆದಿತ್ತೆರ್ .

ಲೇಸ್ ಡ್ ಶಾಲೆದ ನಿವೃತ್ತ ಶಿಕ್ಷಕೆರಾಯಿನ ಗಂಗಾಧರ್ ರೈ, ಸಂಕಪ್ಪ ಶೆಟ್ಟಿ, ಕಟ್ಟಡ ಸಮಿತಿದ ಉಪಾಧ್ಯಕ್ಷ ದಯಾನಂದ ಮೂಡುಬೆಟ್ಟು, ಹಳೆ ವಿದ್ಯಾರ್ಥಿ ಸಂಘದ ಗುರ್ಕಾರ್ಲಾಯಿನ ಸಚೀಂದ್ರನಾಥ ರೈ, ಶಾಲಾ ಮೇಲುಸ್ತುವಾರಿ ಸಮಿತಿ/ಎಸ್.ಡಿ.ಎಮ್.ಸಿ.ಯ ಗುರ್ಕಾರ್ಲಾಯಿನ ಗುಣವತಿ, ಶಾಲಾ ಗೌರವ ಶಿಕ್ಷಕಿಯೆರ್ ಹಳೆ ವಿದ್ಯಾರ್ಥಿಲು ಪಾಲ್ ಪಡೆದಿತ್ತೆರ್.