ಸಸಿಹಿತ್ಲ್ ಶ್ರೀ ಭಗವತೀ ದೇವಸ್ಥಾನಡ್ ನಡತಿನ “ಮುಷ್ಟಿ ಕಾಣಿಕೆ ಸಮರ್ಪಣೆ” ಲೇಸ್ ಡ್ ಸಂಸದ ಬ್ರಿಜೇಶ್ ಚೌಟ ಭೇಟಿ
ಮುಲ್ಕಿ: ಸಸಿಹಿತ್ಲ್ ಶ್ರೀ ಭಗವತೀ ದೇವಸ್ಥಾನಡ್ ಮಾರ್ಚ್ 4 ರ್ದ್ 8 ಮುಟ್ಟ ನಡಪರೆ ಇಪ್ಪುನ ಬ್ರಹ್ಮಕಲಶೋತ್ಸವದ ಪೂರ್ವಭಾವಿಯಾದ್ ಐತಾರ ದೇವಸ್ಥಾನಡ್ ನಡತಿನ “ಮುಷ್ಟಿ ಕಾಣಿಕೆ ಸಮರ್ಪಣೆ” ಲೇಸ್ ಡ್ ಸಂಸದ ಬ್ರಿಜೇಶ್ ಚೌಟ ಪಾಲ್ ಪಡೆದ್ ಎಡ್ಡೆಪ್ಪುಲು ಬಯಕಿಯೆರ್.
ಈ ಪೊರ್ತುಡು ದೇವಸ್ಥಾನದ ಅನುವಂಶಿಕ ಮುಕ್ತೇಸೆರೆರ್ ಅಪ್ಪು ಯಾನೆ ಶ್ರೀನಿವಾಸ ಪೂಜಾರಿ,
ಕ್ಷೇತ್ರದ ಆಡಳಿತ ಮುಕ್ತೇಸೆರೆರ್ ಚಂದ್ರಶೇಖರ ಬೆಲ್ಚಡ , ಆಡಳಿತ ಸಮಿತಿದ ಗುರ್ಕಾರ್ಲು ವಾಮನ್ ಇಡ್ಯಾ , ಬ್ರಹ್ಮಕಲಶೋತ್ಸವ ಸಮಿತಿದ ಪ್ರಧಾನ ಕಾರ್ಯಂತೆರ್ ರಮೇಶ್ ಬಂಗೇರ, ಪಣವುದ ಪಾಲವೆರ್ ಸುರೇಶ್ ಬಂಗೇರ ಬೊಕ್ಕ ಕೆಲವೆರ್ ಉಪಸ್ಥಿತರಿತ್ತೆರ್.
ಮುಷ್ಟಿ ಕಾಣಿಕೆ ಸಮರ್ಪಣೆದ ಅವಕಾಶ ನನಲಾ ಉಂಡು ಪಂದ್
ಸಸಿಹಿತ್ಲ್ ಶ್ರೀ ಭಗವತಿ ದೇವಿನ ಪ್ರೇರಣೆಡ್ ಬೊಕ್ಕ
ಭಕ್ತಾದಿಲೆನ ಬಿನ್ನಯ ದ ಮಿತ್ತ್ ಬ್ರಹ್ಮಕಲಶೋತ್ಸವ ಮುಟ್ಟ ಮುಷ್ಟಿ ಕಾಣಿಕೆ ಸಮರ್ಪಣೆದ ಅವಕಾಶನ್ ದುಂಬು ಕೊನೊಪುನು.
ಭಕ್ತಾದಿಲು ತನ್ನ ಶ್ರದ್ಧೆ, ಭಕ್ತಿ ಬೊಕ್ಕ ಸಾಮರ್ಥ್ಯಗ್ ಬೋಡಾಯಿಲೆಕ್ಕ ಮುಷ್ಟಿ ಕಾಣಿಕೆಡ್ ಪಾಲ್ ಪಡೆಯರೆ ಸಮಿತಿ ಪ್ರಕಟಣೆಡ್ ತೆರಿಪಾದೆರ್.