ಸರಳತ್ತಾಯ

ಒಡಿಪುದ ಶಿರೂರು ಮಠದ ಉತ್ತರಾಧಿಕಾರಿಯಾದ್ ಅನಿರುದ್ಧ ಸರಳತ್ತಾಯ

ಒಡಿಪು , ಎ.22: ಒಡಿಪುದ 16 ವರ್ಷ ಪ್ರಾಯದ ಆಣ್ ಅನಿರುದ್ಧ ಸರಳತ್ತಾಯ, ಶ್ರೀಲಕ್ಷ್ಮೀವರತೀರ್ಥೆರ್ನ ನಿಧನದ ತೆರವಾದಿಪ್ಪುನ ಒಡಿಪುದ ಅಷ್ಟಮಠಟ್ ಒಂಜಾಯಿನ ಶಿರೂರು ಮಠದ ಉತ್ತರಾಧಿಕಾರಿಯಾದ್ ಘೋಷಣೆ ಮಲ್ದೆರ್ .

ಹಿರಿಯಡ್ಕಡ್ ಉಪ್ಪುನ ಶಿರೂರು ಮೂಲಮಠಟ್ ಶ್ರೀರಾಮ ನವಮಿ ಸಂಬಂಧ ಬುಧವಾರ ನಡತಿನ ಲೇಸ್ ದ ಕಡೆಕ್ ಶಿರೂರು ಮಠದ ದ್ವಂದ್ವ ಮಠವಾಯಿನ ಸೋದೆ ವಾದಿರಾಜ ಮಠದ ಶ್ರೀವಿಶ್ವವಲ್ಲಭ ತೀರ್ಥೆರ್ ಈ ಘೋಷಣೆ ಮಲ್ತೆರ್ .

ಶ್ರೀಮಧ್ವಾಚಾರ್ಯೆರ್ 800 ವರ್ಷದ ಪಿರವು ಸ್ಥಾಪನೆ ಮಲ್ದಿನ ಒಡಿಪು ಶ್ರೀಕೃಷ್ಣ ಮಠದ ಅಷ್ಟಮಠದ ಪೈಕಿ ಒಂಜಾಯಿನ ಶಿರೂರು ಮಠದ 30ನೇ ಯತಿಲಾಯಿನ ಶ್ರೀಲಕ್ಷ್ಮೀವರ ತೀರ್ಥೆರ್ 2018ರ ಜು.31 ತಾರೀಖ್ ಗ್ ಅಸೌಖ್ಯರ್ದ್ ತೀರ್ ಪೋದಿತ್ತೆರ್. ಐರ್ದ್ ಬೊಕ್ಕ ಈ ಪೀಠ ಖಾಲಿಯಾದಿತ್ತುಂಡು .ದ್ವಂದ್ವ ಮಠದ ಸೋದೆ ಮಠದ ಶ್ರೀಲು ನೆತ್ತ ಮುತಾಲಿಕೆ ವಯಿಸ್ದಿತ್ತೆರ್.