ಸಡಿಲಿಕೆ

ಕುಡ್ಲಡ್ ಲಾಕ್ಡೌನ್ ಸಡಿಲಿಕೆ ಬಗ್ಗೆ ಎಲ್ಲೆ ಅಧಿಕೃತ ಆದೇಶ : ಸಚಿವ ಕೋಟ

ಬೊಲ್ತೆರ್ , ಜೂ.30: ಕುಡ್ಲಡ್ ಕೊರೋನ ಪ್ರಕರಣ ಕಮ್ಮಿ ಆಪಿನ ನೆಲೆಟ್ಟ್ ಲಾಕ್ಡೌನ್ ಸಡಿಲಿಕೆ ಮಲ್ಪೊಡು ಪಂದ್ ಮುಖ್ಯಮಂತ್ರಿಡ ಬಿನ್ನಾಪು ಮಲ್ದೆರ್. ಗುರುವಾರ(ಜು.1) ಈ ಬಗ್ಗೆ ಸರಕಾರದ ಅಧಿಕೃತ ಆದೇಶ ಬರ್ಪಿನ ನಿರೀಕ್ಷೆ ಉಂಡು ಪಂದ್ ಜಿಲ್ಲಾ ಉಸ್ತುವಾರಿ ಸಚಿವ ಕೋಟ ಶ್ರೀನಿವಾಸ ಪೂಜಾರಿ ಪಂಡೆರ್ .

ಕೊಕ್ಕಡಡ್ ಮಾಧ್ಯಮದಕ್ಲೆನೊಟ್ಟುಗು ಪಾತೆರಿನ ಸಚಿವೆರ್ , ಜಿಲ್ಲೆಡ್ ಇತ್ತೇ ಕೊರೋನ ಪಾಸಿಟಿ ವಿಟಿ ರೇಟ್ ಐನೆರ್ದ್ ತಿರ್ತ್ ಬೈದುಂಡು ಈ ನೆಲೆಟ್ಟ್ ಕುಡ್ಲಡ್ ಕಾಂಡೆ ಏಳ್ ಗಂಟೆರ್ದ್ ಬೈಯ್ಯ 5 ಗ‌ಂಟೆ ಮುಟ ಅಂಗಡಿಲೆಡ್ ಬೇರ ಮಲ್ಪರೆ ಅಂಚನೇ ಬಸ್ ಸಂಚಾರ ಮಲ್ಪರೆ ಅವಕಾಶ ಕೊರ್ದು ಲಾಕ್ಡೌನ್ ಸಡಿಲಿಕೆ ಮಲ್ಪುವೆರ್ . ಈ ಬಗ್ಗೆ ಇತ್ತೇ ನಿರ್ಧಾರ ದೆತೊನ್ದೆರ್ ಇನಿ ಬೈಯ್ಯ ಅತ್ತುಂಡ ಗುರುವಾರ ಅಧಿಕೃತ ಆದೇಶ ಕೊರ್ಪಿನ ಸಾಧ್ಯತೆ ಉಂಡು.