ವೆನ್ಲಾಕ್

ವೆನ್ಲಾಕ್ ಆಸ್ಪತ್ರೆದ ವೈದ್ಯರೆಗ್ ಬೊಕ್ಕ ಸಿಬ್ಬಂದಿಲೆಗ್ ಬಿಜೆಪಿ ವತಿರ್ದ್ ಮಾನದಿಗೆ

ಕುಡ್ಲ, ಮೇ 7: ಇಡೀ ದೇಶ ಕೋವಿಡ್ ಮಹಾಮಾರಿದ ವಿರುದ್ಧ ಸಂಘಟಿತವಾದ್ ಹೋರಾಟ ಮಲ್ತೊಂದು ಉಲ್ಲೆರ್ . ವೈದ್ಯೆರ್ ದಾದಿನಕುಲು ,ಡಿ ಗ್ರೂಪ್ ನೌಕರೆರ್ , ಪೌರ ಕಾರ್ಮಿಕೆರ್ , ಪ್ಯಾರಾ ಮೆಡಿಕಲ್, ಆಶಾ ಕಾರ್ಯಕರ್ತೆನಕುಲು ವಿಜ್ಞಾನಿಲು , ಪೋಲಿಸ್ ಇಲಾಖೆ ಬೊಕ್ಕ ಸರಕಾರಿ ಇಲಾಖೆದ ವಿಭಾಡ್ ಕೋವಿಡ್ ಮಣಿಸುನ ನೆಲೆಟ್ಟ್ ಬೆನೊಂದು ಉಲ್ಲೆರ್. ಈ ನೆಲೆಟ್ಟ್ ಕೋಡೆ ವೆನ್ಲಾಕ್ ಆಸ್ಪತ್ರೆದ ವೈದ್ಯೆರೆಗ್ , ದಾದಿನಕ್ಲೆಗ್ , ಪ್ಯಾರ ಮೆಡಿಕಲ್ ಸೇರಿನಂಚ ಬೇತೆ ವರ್ಗದ ನೌಕರೆರೆಗ್ ಬಿಜೆಪಿ ಕುಡ್ಲ ನಗರ ದಕ್ಷಿಣ ವತಿರ್ದ್ ಮಾನದಿಗೆ ಮಲ್ತೆರ್.

ಈ ಪೊರ್ತುಡು ಬಿಜೆಪಿ ನಗರ ದಕ್ಷಿಣ ಮಂಡಲ ಗುರ್ಕಾರ್ಲಾಯಿನ ವಿಜಯ್ ಕುಮಾರ್ ಶೆಟ್ಟಿ, ಬಿಜೆಪಿ ಜಿಲ್ಲಾ ಪ್ರಧಾನ ಕಾರ್ಯದರ್ಶಿ ಸುಧೀರ್ ಶೆಟ್ಟಿ ಕಣ್ಣೂರು, ಪಾಲಿಕೆ ನಾಮನಿರ್ದೇಶಿತ ಸದಸ್ಯೆರಾಯಿನ ಭಾಸ್ಕರ್ ಚಂದ್ರ ಶೆಟ್ಟಿ, ರಮೇಶ್ ಕಂಡೆಟ್ಟು, ಮುಖಂಡೆರಾಯಿನ ರಮೇಶ್ ಹೆಗ್ಡೆ, ಲಲ್ಲೇಶ್ ಕುಮಾರ್ ಅತ್ತಾವರ,ಅಶ್ವಿತ್ ಕೊಟ್ಟಾರಿ,ವಸಂತ್ ಜೆ ಪೂಜಾರಿ, ವೆಸ್ಲಾಕ್ ಆಸ್ಪತ್ರೆದ ಅಧಿಕಾರಿಲು ಪಾಲ್ ಪಡೆದಿತ್ತೆರ್.