ವಿದ್ಯಾರ್ಥಿ

ರಷ್ಯಾ ಬಾಂಬ್ ದಾಳಿಡ್ ತೀರ್ ಪೋಯಿನ ಕರ್ನಾಟಕದ ವಿದ್ಯಾರ್ಥಿ

ಉಕ್ರೇನ್ : ರಷ್ಯಾ ದಾಳಿಡ್ ಕರ್ನಾಟಕದ ವಿದ್ಯಾರ್ಥಿ ಒರಿ ದೇವೆರೆ ಪಾದೋ ಸೇರ್ಯೆರ್ . ಇನಿ ಕಾಂಡೆ 10 ಗಂಟೆಗ್ ಉಕ್ರೇನ್‌ದ ಖಾರ್ಕೀವ್‌ಡ್ ರಷ್ಯಾ ನಡಪಾಯಿನ ಶೇಲ್ ದಾಳಿಗ್ ಬೂರ್ದು ವಿದ್ಯಾರ್ಥಿ ತೀರ್ ಪೋಯೆರ್ .

ತೀರ್ ಪೋಯಿನ ಆಣನ್ ಹಾವೇರಿ ಜಿಲ್ಲೆದ ರಾಣೆಬೆನ್ನೂರು ತಾಲೂಕುದ ಚಳಗೇರಿ ಗ್ರಾಮದ ನವೀನ್ ಪಂದ್ ಗುರ್ತಿಸಾದೆರ್.

ಬಂಟರ ಸಂಘ (ರಿ) ಮುಲ್ಕಿ ವತಿರ್ದ್ ವಿದ್ಯಾರ್ಥಿ ವೇತನ, ಸಾಧಕೆರೆಗ್ ತಮ್ಮನ, ಮೂಲ್ಕಿ ಸುಂದರರಾಮ ಶೆಟ್ಟಿ ಪ್ರಶಸ್ತಿ ಪ್ರದಾನ

ಮುಲ್ಕಿ : ಬಂಟರ ಸಂಘ(ರಿ) ಮುಲ್ಕಿ ಆಶ್ರಯೊಡು 2021-22 ನೇ ಸಾಲ್ ದ ವಿದ್ಯಾರ್ಥಿ ವೇತನ ಪಟ್ಟುನ, ಸಾಧಕೆರೆಗ್ ತಮ್ಮನ ಬೊಕ್ಕ ಮುಲ್ಕಿ ಸುಂದರರಾಮ ಶೆಟ್ಟಿ ಪ್ರಶಸ್ತಿ ಪಟ್ಟುನ ಲೇಸ್ ಐತಾರ ಮುಲ್ಕಿ ಬಂಟರ ಸಂಘದ ಚಾವಡಿಡ್ ನಡತ್ಂಡ್.

ಹೆಬ್ರಿ ಬಂಟರ ಸಂಘದ ಅಧ್ಯಕ್ಷೆರ್ , ಉದಯ ಕೃಷ್ಣಯ್ಯ ಶೆಟ್ಟಿ ಚಾರಿಟೇಬಲ್ ಟ್ರಸ್ಟ್ ದ ಅಧ್ಯಕ್ಷೆರ್ ಉದಯ ಶೆಟ್ಟಿ ಮುನಿಯಾಲ್ ಲೇಸ್ ಉದಿಪನ ಮಲ್ತೆರ್.ಬಂಟರ ಸಂಘದ ಅಧ್ಯಕ್ಷೆರ್ ಸಂತೋಷ್ ಕುಮಾರ್ ಹೆಗ್ಡೆ ಲೇಸ್ ದ ಗುರ್ಕಾರ್ಮೆ ಒಯಿಸ್ ದಿತ್ತೆರ್.ಮಲ್ಲ ಬಿನ್ನೆರಾದ್ ಜಾಗತಿಕ ಬಂಟರ ಸಂಘಲೆನ ಒಕ್ಕೂಟದ ಅಧ್ಯಕ್ಷೆರ್ ಐಕಳ ಹರೀಶ್ ಶೆಟ್ಟಿ ಪಾತೆರ್ದ್ ಬಡವೆರೆಗ್ ಸಹಾಯ ಮಲ್ಪುನ ಮುಕೇನ ಅಕ್ಲೆನ ಕಣ್ಣೀರ್ ಒರೆಸುನ ಕೆಲಸ ಮಲ್ಪೊಡು. ಮುಲ್ಕಿ ಬಂಟರ ಸಂಘ ಇಂಚಿನ ಸೇವೆಡ್ ಮಸ್ತ್ ದುಂಬು ಉಂಡು ಪಂಡೆರ್.
ಬಪ್ಪನಾಡ್ ಶ್ರೀ ದುರ್ಗಾಪರಮೇಶ್ವರಿ ದೇವಸ್ಥಾನ ದ ಆಡಳಿತ ಮೊಕ್ತೇಸರೆರ್ ಮನೋಹರ ಶೆಟ್ಟಿ, ಬಂಟರ ಸಂಘದ ಉಪಾಧ್ಯಕ್ಷೆರ್ ಪುರುಷೋತ್ತಮ ಶೆಟ್ಟಿ, ಕೋಶಾಧಿಕಾರಿ ಅಶೋಕ್ ಕುಮಾರ್ ಶೆಟ್ಟಿ, ಯುವ ವಿಭಾಗದ ರಾಜೇಶ್ ಕುಮಾರ್ ಶೆಟ್ಟಿ, ಮಹಿಳಾ ವಿಭಾಗದ ಸಂಚಾಲಕಿ ಗೀತಾ ಜೆ.ಹೆಗ್ಡೆ ಮತ್ತರ್ಮೆಡ್ ಇತ್ತೆರ್.

ಉಂದುವೇ ಪೊರ್ತುಡು ರಾಜ್ಯ ಪ್ರಶಸ್ತಿ ಪಡೆಯಿನ ಹಿರಿಯ ಯಕ್ಷಗಾನ ಕಲಾವಿದೆರ್ ಅರುವ ಕೊರಗಪ್ಪ ಶೆಟ್ರೆಗ್ ಮುಲ್ಕಿ ಸುಂದರ ರಾಮ ಶೆಟ್ಟಿ ಪ್ರಶಸ್ತಿ ಪ್ರದಾನ ಮಲ್ತೆರ್.
ಅವ್ವತ್ತಾಂದೆ ಐನ್ ವಿದ್ಯಾರ್ಥಿ ಲೆಗ್ ಪಣವುದ ಸಹಾಯ,ಪ್ರತಿಭಾವಂತ ವಿದ್ಯಾರ್ಥಿ ಲೆಗ್ ಮೂಲ್ಕಿ ಸುಂದರರಾಮ್ ಶೆಟ್ಟಿ ವಿದ್ಯಾರ್ಥಿ ಪ್ರತಿಭಾ ಪುರಸ್ಕಾರ, ವಾಗ್ದೇವಿ ದಾಸಪ್ಪ ಚಾರಿಟೇಬಲ್ ಟ್ರಸ್ಟ್ ಬೊಕ್ಕ ಸಂಜೀವ ಶಾಂತ ಭಂಡಾರಿ ಕುಬೆವೂರು ವಿದ್ಯಾರ್ಥಿ ವೇತನ ಪ್ರದಾನ ನಡತ್ಂಡ್.ಅಂಚೆನೆ ಬೆನ್ನಿದ ಸಾಧಕೆರ್ ಜಯರಾಮ ಶೆಟ್ಟಿ ಮೂಡುಮನೆ, ಹರೀಶ್ ಶೆಟ್ಟಿ ಪಂಜಿನಡ್ಕ, ಸಹಕಾರ ಕ್ಷೇತ್ರದ ರಂಗನಾಥ ಶೆಟ್ಟಿ, ಸಿಎ ಸಾಧಕೆ ಕಿರಣ್ ಶೆಟ್ಟಿ ಪಂಜ, ಕ್ರೀಡಾ ಸಾಧಕೆ ಅಭಿಷೇಕ್ ಶೆಟ್ಟಿ,ಶಿಮಂತೂರು ಶಾಸ್ತ್ರೀಯ ನೃತ್ಯ ಕ್ಷೇತ್ರದ ಸಾಧಕಿ ಮೋಕ್ಷಾ ಶೆಟ್ಟಿ ಮೊಕ್ಲೆಗ್ ತಮ್ಮನ ನಡತ್ಂಡ್.ಬೊಕ್ಕ ನಗರಸಭೆ ಬೊಕ್ಕ ಪಂಚಾಯಿತಿ ಸದಸ್ಯೆರಾದ್ ಗೆಂದ್ ದಿನಕ್ಲೆಗ್ ಲ ಮಾನಾದಿಗೆ ನಡತ್ಂಡ್.ಮಮತಾ ಶೆಟ್ಟಿ ಪಂಜ ಬೊಕ್ಕ ಶೈಲಜ ಶೆಟ್ಟಿ ಪಂಜ ದೇವೆರೆನ್ ಸುಗಿತೆರ್ . ಸಂಘದ ಕಾರ್ಯದರ್ಶಿ ಕೆ. ರವಿರಾಜ್ ಶೆಟ್ಟಿ ಸ್ವಾಗತ ಮಲ್ತೆರ್. ವಿದ್ಯಾರ್ಥಿ ಸಹಾಯಧನ ವಿತರಣೆದ ಪಟ್ಟಿ ನ್ ಗೀತಾ ಜೆ.ಹೆಗ್ಡೆ ಓದುಪಂಡೆರ್. ಪ್ರತಿಭಾ ಪುರಸ್ಕಾರದ ಪಟ್ಟಿ ನ್ ಪತ್ರಿಕಾ ಬೊಕ್ಕ ಪ್ರಚಾರ ವಿಭಾಗದ ಸಂಚಾಲಕೆರ್ ನಿಶಾಂತ್ ಶೆಟ್ಟಿ ಕಿಲೆಂಜೂರು ಬೊಕ್ಕ ರಾಜೇಶ್ ಕುಮಾರ್ ಶೆಟ್ಟಿ ಮಾನಂಪಾಡಿ ಓದು ಪಂಡೆರ್.ಶರತ್ ಶೆಟ್ಟಿ ಮುಂಡ್ಕೂರು ಮೇರ್ ಅರುವ ಕೊರಗಪ್ಪೆರ್ನ ಅಭಿನಂದನಾ ನುಡಿ ಪಂಡೆರ್. ಪುರುಷೋತ್ತಮ ಶೆಟ್ಟಿ ಸೊಲ್ಮೆ ಸಂದಾಯೆರ್. ಸಾಯಿನಾಥ್ ಶೆಟ್ಟಿ ಲೇಸ್ ನಡಪಾದ್ ಕೊರಿಯೆರ್.